news

రాష్ట్రంలో రెండో అతిపెద్ద ఆలయమైన దుర్గగుడిలో ఏసీబీ తనిఖీలు రాజకీయ రంగు పులుముకుంటు న్నాయి. తెదేపా, జనసేన నేతలు మంత్రి వెల్లంపల్లి శ్రీనివాస్ లక్ష్యంగా ఆరోపణ లు సంధిస్తుండగా..వెల్లంపల్లి మాత్రం ఆయా నేతలకు సమాధానం చెప్పాల్సి న అవసరం లేదని కొట్టిపారేస్తున్నారు. మాజీ ఎమ్మెల్యే జలీల్‌ఖాన్ ఒకడుగు ముందు కేసి అవినీతికి పాల్పడలేదంటూ మంత్రి వెల్లంపల్లి ప్రమాణం చేయాలని సవాల్ విసిరడమేకాకతాను ముస్లింను అయినా అమ్మవారి ఆలయంలో ప్రమాణం చేసేందుకు సిద్ధమని ప్రకటించారు. నగరపాలక సంస్థ ఎన్నికలు దగ్గరపడుతున్న తరుణంలో విపక్షాలు దుర్గ గుడిలో ఏసీబీ తనిఖీలను అస్త్రంగా చేసుకొని ప్రచారం నిర్వహిస్తు న్నాయి. గత కొంతకాలంగా వివిధ వర్గాలు, రాజకీయ పక్షాలనుంచి దుర్గగుడి అవినీతిపై పెద్ద ఎత్తున ఆరోపణలు వస్తున్న నేపధ్యంలో గత మూడు రోజులుగా ఏసీబీ అధికారులు దుర్గగుడిలో తనిఖీలు చేపట్టారు. స్టోర్సు, ప్రసాదం తయారీ, చీరల విభాగంతో పాటు రూ.300 దర్శనం టిక్కెట్ల వ్యవహారంపై ఏసీబీ అధి కారులు తనిఖీలు జరిపారు. కొనుగోలు చేసిన సరుకుల నాణ్యత, రేట్లకు సంబంధించి సిబ్బంది నుంచి వివరాలు సేకరించారు. డిపాజిట్లు, ఉద్యోగుల బదిలీలు సహా అన్ని అంశాలపై ఏసీబీ అధికారులు సమగ్ర దర్యాప్తు చేస్తున్నారు. 25 మంది ఏసీబీ అధికారులు ఐదు బృందాలుగా విడిపోయి వివిధ అంశాలపై తనిఖీలు నిర్వ హిస్తున్నారు.

తొలుత రెండు రోజుల పాటు తనిఖీలకు అధికారులు నిర్ణయించుకున్నప్పటికీ.. ఎంతకూ లెక్కలు తేలకపోవడంతో మూడో రోజైన శనివారం కూడా తనిఖీలు జరిగాయి. అర్ధరాత్రి వరకు తనిఖీలు జరిగే అవకాశం ఉన్నట్లు పేర్కొన్న ఏసీబీ అధికారులు, అవసరమైతే ఆదివారం సైతం తనిఖీలు నిర్వహించేందుకు నిర్ణయించినట్లు తెలుస్తోంది. మూడో రోజు ఇంద్ర కీలాద్రీలో ఆలయ అభివృద్ధి పనుల నిమిత్తం కేటాయించిన నిధులు వాటికి చెల్లించిన బిల్లులకు సంబంధించిన రికార్డులను వెరిఫై చేశారు. వీటిలో కూడా కొన్ని లోపాలను గుర్తించినట్లు తెలుస్తోంది. పలు విభాగాల్లో కీలక రికార్డులను స్వాధీనం చేసుకుని వాటిని పరిశీలిస్తున్నారు. రాష్ట్ర దేవదాయశాఖ మంత్రిగా వెల్లంపల్లి శ్రీనివాస్ బాధ్యతలు చేపట్టినప్పటి నుంచే ప్రతిపక్షాలు ఆరోపణలు చేసాయి. ఈ క్రమంలోనే దుర్గగుడి ఈవోగా ఎంవీ సురేష్ బాబు రాకతో ఆరోపణలు తీవ్రం చేశారు. అవినీతికి పాల్పడే క్రమంలోనే అర్హుడు కాకున్నా సురేష్ బాబుకు ఈవో బాధ్యతలు అప్పగించారనేది ప్రతిపక్షాల అభిప్రాయం. దుర్గగుడి వెండి రథం మూడు సింహాలు మాయం సహా అన్ని అంశాలపై ఆరోపణలు చేస్తూనే ఉన్నారు. ఈ క్రమంలోనే చోటు చేసుకున్న ఏసీబీ తనిఖీలు మరింత ఆజ్యం పోశాయి. వెల్లంపల్లి టార్గెట్ గానే అధికార పక్షమే, ఈ దాడులు చేపించిందని, లేకపోతే ప్రతిపక్షాల ఆరోపణలు బలం చేకూర్చేలా, ఎన్నికల సమయంలో ఏసీబీ దాడులు చేపించటం వెనుక మర్మం ఏమిటో ఎవరికీ అర్ధం కావటం లేదు.

చంద్రగిరి మండలంలోని తొండవాడగ్రామంలో పవిత్రమైన తిరుమల శ్రీవారి లడ్డూప్రసాదాన్ని ఓటర్లకు స్లిప్పులతో పాటు పంచడం, దైవానికి నైవేద్యంగా పెట్టే స్వామివారి ప్రసాదాన్ని ఆ విధంగా అపవిత్రం చేయడంపై తిరుమలతిరుపతి దేవస్థానం వారు, ప్రభుత్వ పెద్దలు ఎందుకు మాట్లాడరని టీడీపీ రాష్ట్ర కార్యనిర్వాహక కార్యదర్శి బుచ్చిరామ్ ప్రసాద్ నిలదీశారు. శుక్రవారం ఆయన మంగళగిరిలోని పార్టీజాతీయ కార్యాలయంలో విలేకరులతో మాట్లాడారు. ప్రసన్నమైన, నిర్మలమైన స్వామివారికి ప్రతిరూపమే ప్రసాదమని, అటువంటి ప్రసాదాన్ని తినుబండారాల మాదిరి, బహిరంగంగా అపవిత్రంగా పంచడం ఎంతమాత్రం క్షమార్హం కాద న్నారు. తిరుమలలో ప్రసాదం తయారీ కేంద్రాన్ని పోటు అంటారని, ఆ ప్రసాదం తయారయ్యే విధానాన్ని వేంకటేశ్వరస్వామివారి తల్లి గారైన వకుళమాత పరిశీలిస్తుంటారని ప్రతి హిందువు విశ్వసిస్తుం టారన్నారు. అటువంటి ప్రాశస్త్యమైన ప్రసాదం లక్షలకొద్దీ లడ్డూల రూపంలో బయటకు ఎలా వస్తుందో ప్రభుత్వం సమాధానం చెప్పాల న్నారు. తిరుమల ప్రసాదాన్ని కూడా రాజకీయంగా వాడుకుంటూ, ఈ ప్రభుత్వం ఒకరకంగా హిందూమతంపైదాడికి పాల్పడిందన్నా రు. తిరుమలకొండపై గతంలో అన్యమతప్రచారం చేసినవారు, శ్రీవారికి చెందిన నగలనుతాకట్టు పెట్టాలని చూశారని, తిరుమల కొండపై ఉన్నఆస్తులను కూడా విక్రయించాలని చూశారన్నారు.

అన్యమతస్తుడైనవ్యక్తికి ఎస్వీబీసీఛైర్మన్ బాధ్యతలు అప్పగిస్తే, అతనేంచేశాడో అందరికీ తెలిసిందేనన్నారు. శ్రీవారి ప్రసాదంపై భక్తులకు, హిందూమతం వారికి ఉండే పవిత్రభావాన్ని మంట గలపాలనే ఇటువంటి దుశ్చర్యలకు పాలకులు పాల్పడు తున్నారన్నారు. ఒకపక్కదేవాలయాలపై దాడులు జరుగుతుంటే, మరోపక్కనేనే నిజమైన హిందువునంటూ ముఖ్యమంత్రి అంతర్వేది లో రథాన్నిప్రారంభించాడన్నారు. తిరుమల శ్రీవారి ప్రసాదమైన లడ్డూల పంపిణీపై ప్రభుత్వం తక్షణమే విచారణకకు ఆదేశించాలని బుచ్చిరామ్ ప్రసాద్ డిమాండ్ చేశారు. రాష్ట్ర ఎన్నికల కమిషన్ కూడా ఈవ్యవహారంపై దృష్టిసారించి, బాధ్యులైన వారిపై కఠిన చర్యలు తీసుకోవాలన్నారు. కోట్ల మంది మనోభావాలు దెబ్బ తీసి 24 గంటలు అయినా, ప్రభుత్వం నుంచి ఆక్షన్ ఎందుకు లేదని ప్రశ్నించారు. ప్రభుత్వం స్పందించిక పొతే, కనీసం ఎలక్షన్ కమిషన్ అయినా, ఈ విషయం పై సీరియస్ గా స్పందించాలని కోరారు.

ఆంధ్రప్రదేశ్ రాష్ట్రం అంటే చాలు ప్రతి ఒక్కరికీ ఒక ప్రయోగసాల అయిపొయింది. ఒక జోక్ అయిపొయింది. ఎవరి ఇష్టం వచ్చినట్టు వాళ్ళు ఆడుకునే గ్రౌండ్ అయిపొయింది. కేంద్రంలో ఉన్న వాళ్ళు ఒకలా ఆడుకుంటే, సొంత రాష్ట్రంలో ఉన్న వాళ్ళు మరొకలా వాడుకుంటున్నారు. విభజన జరిగిన దగ్గర నుంచి, ఆంధ్రప్రదేశ్ అంటే మరీ జోక్ అయిపొయింది. బహుసా ఇందులో ప్రజల గురించి కూడా చెప్పుకోవాలి. ప్రజలు కూడా సొంత లాభాలు కోసం కాకుండా, రాష్ట్రం గురించి, రాష్ట్ర హక్కుల గురించి ఆలోచించటం మొదలు పెడితే, ఇలాంటి వారి ఆటలు సాగేవి కాదేమో. సరే ఏది ఏమైనా, మనతో ఆడుకుంటున్న వారి గురించి ప్రజలకు అవాగాహన కలిగించటం తప్ప మనం చేయగలిగేది ఏమి ఉండదు అనే చెప్పాలి. ఇక విషయానికి వస్తే నిన్న ఏబీఎన్ ఛానల్ లో వచ్చే వీకెండ్ కామెంట్ బై ఆర్కే లో, రాధాకృష్ణ ఒక విషయం గురించి ప్రశ్నించారు. అదేమిటి అంటే, కేసీఆర్ పుట్టిన రోజు వేడుకులకు, మొక్కలు నాటండి అంటే ఎగబడి నాటిన తెలుగు సినిమా పెద్దలు, హీరోలు, నటీమణులు, ఆంధ్రప్రదేశ్ రాష్ట్రంలో జరుగుతున్న విశాఖ ఉక్క ప్రైవేటీకరణ గురించి ఎందుకు మాట్లాడటం లేదు ? ఆ ఉద్యమానికి ఎందుకు మద్దత తెలపటం లేదు ? అని నిన్న వీకెండ్ కామెంట్ లో ఆర్కే ప్రశ్నించారు.

నిజానికి ఇది మంచి ప్రశ్న. రాజకీయాలు అతీతంగా ఆలోచించాల్సిన ప్రశ్న. సినీ పరిశ్రమ ఇలా చేయటం మొదటి సారి కాదు, చివరి సారి కూడా కాదేమో. తెలుగు సినీ పరిశ్రమకు అధిక శాతం వసూళ్ళు వచ్చేది ఆంధ్రప్రదేశ్ రాష్ట్రం నుంచే. గతంలో ఆంధ్రప్రదేశ్ రాష్ట్రానికి ఏమైనా ఇబ్బంది వస్తే, తెలుగు సినీ పరిశ్రమ మొత్తం ఏకం అయ్యేది. ఇప్పుడు తెలంగాణా ప్రభుత్వం ఏమి అనుకుంటుందో అనో, లేకపోతే మరేదైనా కారణమో కానీ, తెలుగు సినీ పరిశ్రమ అసలు ఏపి సమస్యల పై స్పందించటం లేదు. చిన్న చిన్నవి కాకపోయినా, విభజన లాంటి పెద్ద విషయాలు, కేంద్రంతో పోరాటం, తెలుగు వారి ఆత్మగౌరవ ప్రతీక అయిన విశాఖ ఉక్కు, ఇలా ఏ విషయంలో కూడా సినీ పరిశ్రమ మద్దతు లేదు. వాళ్ళు మద్దతు తెలిపితే, పోరాటం నెక్స్ట్ లెవెల్ లో ఉంటుంది అనటంలో సందేహం లేదు. తమిళనాడులో జల్లి కట్టు విషయాలో, రజినీకాంత్ నుంచి చిన్న హీరో వరకు, పరిశ్రమ మొత్తం కేంద్రం పై నిరసన తెలిపింది. మరి మన తెలుగు సినీ పరిశ్రమ పుట్టిన రోజు కార్యక్రమాలు కాకుండా, తెలుగు వారి హక్కుల పై కూడా పోరాడటానికి ముందుకు వస్తే అందరికీ మంచిది.