news

రాష్ట్ర మంత్రి కొడాలి నాని, ఎన్నికల కమిషన్ తన పై ఇచ్చిన ఆదేశాల పై, హైకోర్టులో వేసిన హౌస్ మోషన్ పిటీషన్ పై, నిన్న విచారణ జరిగింది. వీడియో టేప్ లు పరిశీలించేందుకు, ఈ రోజు హైకోర్టు కేసుని వాయిదా వేసింది. ఈ రోజు దీని పై మళ్ళీ హైకోర్టులో విచారణ జరిగింది. అయితే ఈ కేసు విచారణకు సంబంధించి, అటు ఎన్నికల కమిషన్ నుంచి, ఇటు కొడాలి నాని వైపు నుంచి న్యాయవాదులు వీడియోలు టేప్ లు అందించారు. ఈ వీడియో టేప్ లు పరిశీలించిన హైకోర్టు అసంతృప్తి వ్యక్తం చేసింది. ఈ వీడియో టేప్ లు ఎవరికి అనుకూలంగా వారు అందించారన్న భావనలోకి హైకోర్టు వచ్చింది. అంతే కాకుండా, రాజ్యాంగ న్యాయసూత్రాలను విశదీకరించడంలో విఫలం అయ్యారని, హైకోర్టు వ్యాఖ్యానించింది. ఇటువంటి కేసుల్లో లోతైన విచారణ జరపాలని తాము భావిస్తున్నట్టు హైకోర్టు స్పష్టం చేసింది. సరైన వీడియో టేప్ లు అందించాలని ఇటు ఎన్నికల కమిషన్ నుంచి, ఇటు కొడాలి నాని వైపు న్యాయవాదులును కూడా రాష్ట్ర హైకోర్టు ఆదేశించింది. అంతే కాకుండా, ఈ కేసులో, హైకోర్టుకు సహాయపాడేందుకు, సీనియర్ న్యాయవాదిని అమికస్ క్యూరీగా నియమిస్తామని హైకోర్టు స్పష్టం చేసింది. ఈ రోజు సాయంత్రం లోగా, సీనియర్ న్యాయవాదిని అమికస్ క్యూరీగా నియమించే అవకాసం ఉంది.

బుధవారానికి ఈ కేసుని హైకోర్టు వాయిదా వేసింది. గతంలో కొడాలి నాని ఎన్నికల కమిషన్ ను కించపరిచే విధంగా, ఎన్నికల ప్రక్రియకు విఘాతం కలిగించేలా వ్యాఖ్యలు చేసారని, ఈ నెల 21వ తేదీ వరకు మీడియాతో మాట్లాడ కూడదు అని రాష్ట్ర ఎన్నికల కమిషన్ ఆదేశించింది. అదే విధంగా, గ్రూపు సమవేసల్లోనూ, బహిరంగ సమావేశాల్లో ఆయన మాట్లాడకూడదు అని ఆంక్షలు విధించింది. దీంతో పాటు, ఎన్నికల కమిషన్ ను కించ పరిచే విధంగా, మాట్లాడినందుకు, ఆయన పై క్రిమినల్ కేసులు కూడా నమోదు చేయాలని కూడా ఎన్నికల కమిషన్ ఆదేశించింది. ఎన్నికల ప్రవర్తన నియమావళిని ఉల్లంఘించినందుకు, ఆ సెక్షన్ ల కింద కూడా కేసులు నమోదు చేయాలని, ఎన్నికల కమిషన్, కృష్ణా జిల్లా ఎస్పీని ఆదేశించింది. ఈ ఆదేశాలు సవాల్ చేస్తూ, కొడాలి నాని శనివారం హైకోర్టు లో హౌస్ మోషన్ పిటీషన్ దాఖలు చేయగా, ఆదివారం నిన్న సాయంత్రం విచారణకు వచ్చింది. ఈ రోజు వాయిదా పడిన కేసు పై, హైకోర్టు వీడియో టేప్ లు పరిశీలించి అసంతృప్తి చెంది, సరైన వీడియో టేప్ లు ఇవ్వాలని ఆదేశాలు జారీ చేసింది.

ఆంధ్రప్రదేశ్ రాష్ట్రంలో రాజకీయం మరింత రంజుగా మార బోతుందా అంటే, అవును అనే సమాధానం వస్తుంది. జగన్ పార్టీలో నెంబర్ 2 అయిన, విజయసాయి రెడ్డి లీలలు తొందర్లోనే బయట పెడతాను అంటూ, ఆంధ్రజ్యోతి అధినేత రాధాకృష్ణ చేసిన వ్యాఖ్యలు ఇప్పుడు తీవ్ర చర్చకు దారితీసాయి. నెల రోజుల క్రితం, ఏబీఎన్ ఛానల్ లో వచ్చే, వీకెండ్ కామెంట్ బై ఆర్కేలో, రాధాకృష్ణ తనకు తెలిసిన ఒక వార్త చెప్పుకొచ్చారు. జగన్ మోహన్ రెడ్డి చెల్లి, షర్మిల తొందర్లోనే పార్టీ పెట్టబోతున్నారని చెప్పారు. అంతే కాదు, షర్మిలకు, జగన్ కు మధ్య గ్యాప్ వచ్చింది, వైఎస్ విజయమ్మ ఎంత ప్రయత్నం చేసినా వర్క్ అవుట్ అవ్వలేదని, వైఎస్ ని తిట్టినవాళ్ళకు కూడా మంత్రి పదవులు ఇచ్చి, చివరకు పార్టీ కోసం కష్టపడిన తనకు ఎలాంటి అవకాసం ఇవ్వటం లేదనే ఆలోచనలో షర్మిల ఉన్నారని, అందుకే పార్టీ పెడుతున్నారు అంటూ ఆర్కే చెప్పుకొచ్చారు. అయితే అప్పట్లో రాధాకృష్ణ పై అందరూ విరుచుకు పడ్డారు. రాధాకృష్ణ ఇలాగే చెప్తారు అంటూ, వైఎస్ఆర్ కాంగ్రెస్ పార్టీ శ్రేణులు తీసి పడేశాయి. షర్మిల నుంచి ఒక ఖండన అయితే ఇప్పించారు కానీ, ఎక్కడా ఆవిడ పార్టీ పెట్టటం లేదు అని మాత్రం చెప్పలేదు. అయితే రాధాకృష్ణ చెప్పినట్టే డేట్ తో సహా, అదే రోజు షర్మిల పార్టీ పెట్టటం పై కసరత్తు ప్రారంభించారు. అంతే కాదు, ఆమె స్వయంగా ప్రెస్ తో కూడా ఈ విషయం చెప్పారు.

దీంతో ఉన్నట్టు ఉండి రాధాకృష్ణ క్రెడిబిలిటీ తారా స్థాయికి చేరుకుంది. రాధాకృష్ణ మాట తీసిపారేసిన వారందరూ ఇప్పుడు నమ్ముతున్నారు. అయితే ఇదే విషయం పై విజయసాయి రెడ్డిని మీడియా ప్రశ్నించగా, రాధాకృష్ణకు రాత్రి కలలో ఏవో వస్తూ ఉంటాయని, ఆ వచ్చిన కలను ఉదయం తన పేపర్ లో రాసుకుని, మనకు వినిపిస్తారు అంటూ, విజయసాయి ఎద్దేవా చేసారు. అయితే, విజయసాయి ఎగతాళికి అదే స్థాయిలో కౌంటర్ ఇచ్చారు రాధాకృష్ణ. నిన్న జరిగిన వీకెండ్ కామెంట్ బై ఆర్కే లో, విజయసాయికి కౌంటర్ ఇచ్చారు. అవును నాకు, షర్మిల పార్టీ పెడుతున్నట్టు కల వచ్చింది, అయితే ఇప్పుడు ఆ కల నిమైంది కదా. అలాగే విజయసాయి రెడ్డి లీలలు గురించి కూడా నాకు కొన్ని కలలు వచ్చాయి. తొందర్లోనే ఆ లీలలు అందరికీ తెలుస్తాయి. ఆ లీలలు తెలుసుకోవటానికి విజయసాయి రెడ్డి కూడా సిద్ధంగా ఉండాలి అంటూ, రాధాకృష్ణ కౌంటర్ ఇచ్చారు. అయితే ఇప్పుడు విజయసాయి లీలలు ఏమిటి ? అసలు ఆర్కే ఏమి చెప్తారు అనేది సస్పెన్స్ గా మారింది. అయితే ఇప్పటి వరకు విజయసాయి రెడ్డి, ఆర్కే చేసిన కామెంట్ పై స్పందించలేదు.

రమణ దీక్షితులు, విజయసాయి రెడ్డికి షాకింగ్ న్యూస్ వినిపించింది కోర్టు. 2018లో పింక్ డైమెండ్ తిరుమల నుంచి మిస్ అయ్యిందని, దానికి సంబంధించి విదేశాల్లో దాన్ని విక్రయించారని రమణ దీక్షితులు చెప్పగా, అది చంద్రబాబు ఇంట్లో నేల మాలిగల్లో దాచారని విజయసాయి రెడ్డి ఆరోపించిన విషయం తెలిసిందే. చెన్నైలో ప్రెస్ మీట్ పెట్టి, రమణ దీక్షితులు ఈ వ్యాఖ్యలు చేసారు. తన రిటైర్మెంట్ కు ముందు, ఈ రచ్చ చేయగా, పదవీ విరమణ అయిపోయిన వెంటనే, ఆయన్ను పదవి నుంచి తొలగించారు. అప్పటి నుంచి రమణ దీక్షితులు పింక్ డైమెండ్ పై మరిన్ని విమర్శలు చేసారు. దానికి విజయసాయి రెడ్డి వంత పాడారు. అయితే రికార్డ్స్ లో మాత్రం, అసలు పింక్ డైమెండ్ అనేది లేదని, కొన్ని కమిటీలు తేల్చి చెప్పాయి. సుప్రీం కోర్టులో కూడా ఈ వ్యవహారం నడించింది. అయితే లేని పింక్ డైమెండ్ పై, రమణదీక్షితులు, విజయసాయి రెడ్డి చేసిన రచ్చ పై, అప్పట్లోనే టిటిడి పాలకమండలి, ఇరువురి పై పరువు నష్టం దావా వేసారు. రామణ దీక్షితులు పై వంద కోట్లు, విజయసాయి రెడ్డి పై వంద కోట్లకు, టిటిడి పరువు నష్టం దావా వేసింది. దీని కోసం రెండు కోట్ల రూపాయులు స్టాంప్ డ్యూటీ చెల్లించి, తిరుపతి పదవ అదనపు జిల్లా కోర్టులో, పరువు నష్టం కేసు దాఖలు చేయటం జరిగింది. అయితే వైసిపీ అధికారంలోకి వచ్చిన తరువాత, ఈ కేసుని వెనక్కు తీసుకోవాలని, టిటిడి పాలకమండలిలో నిర్ణయం తీసుకున్నారు.

అయితే ఈ నిర్ణయం పై, కోర్టులో మరో పిటీషన్ దాఖలు అయ్యింది. ఎవరికీ తెలియకుండా ఈ విత్ డ్రా చేయటం పై, పలువురి నుంచి అభ్యంతరాలు వచ్చాయి. హిందూ జనశక్తి అనే సంఘం దీని పై అభ్యంతరం చెప్పింది. రమణ దీక్షితులు చేసిన వ్యాఖ్యలు, భక్తుల మనోభావాలు దెబ్బ తీసాయని, పరువు నష్టం కేసు విత్ డ్రా చేయటానికి వీలు లేదు, టిటిడి తప్పుకుంటే, తాము పార్టీగా చేరుతామని, పరువు నష్టం వసూలు చేయాలని కోర్టులో కేసు వేసారు. దీంతో ఈ కేసు పై, అందరికీ నోటీసులు ఇచ్చిన కోర్టు, అందరి అభిప్రాయం తీసుకుంది. అయితే హిందూ జనశక్తిని ఇందులో పార్టీని చేయకూడదు అని టిటిడి, దీక్షితులు, విజయసాయి కోర్టుకు తెలిపారు. అయితే కోర్టు మాత్రం, వీరి వాదన పరిగణలోకి తీసుకోలేదు. హిందూ జనశక్తిని పార్టీని చేయటానికి కోర్టు ఒప్పుకుంది. పరువు నష్టం కేసు కొనసాగాబోతుంది. ఈ కేసు తదుపరి విచారణ వచ్చే నెల ఒకటికి వాయిదా పడింది. పరువు నష్టం కేసు నుంచి తప్పించుకోవాలని చూసిన దీక్షితులు, విజయసాయి రెడ్డికి షాక్ తగిలింది.