ఈ రోజు రాష్ట్ర ఎన్నికల సంఘం సంచలన ఆదేశాలు జారీ చేసింది. కొద్ది సేపటి క్రితం జారీ చేసిన ఈ ఆదేశాల్లో, నగర పాలక సంస్థలు, మునిసిపాలిటీలు, పురపాలక సంఘాలు, ఈ మూడిటలో ఎవరైతే నామినేషన్ వేసి బలవంతంగా, ఉపసంహారనికి రంగం సిద్ధం చేసుకున్నారో, అటువంటి వారు మళ్ళీ రిటర్నింగ్ అధికారికి కానీ, అసిస్టెంట్ రిటర్నింగ్ అధికారికి కానీ, జిల్లా ఎన్నికల అధికారికి కానీ, వీళ్ళ ముగ్గిరిలో ఎవరికైనా వచ్చి, తాము తిరిగి రంగంలో ఉంటామని చెప్పి, ధరకాస్తు చేసుకుంటే, వారి దరఖాస్తు పరిశీలించాలని, మళ్ళీ పోలింగ్ లో అభ్యర్దులుగా ప్రకటించాలని కూడా, రాష్ట్ర ఎన్నికల కమిషన్ ఆదేశాలు జారీ చేసింది. ఇటీవల రాష్ట్ర హైకోర్టు ఇచ్చిన ఆదేశాల మేరకు, సర్కులర్ జారీ చేసినట్టు ఎన్నికల కమిషన్ పేర్కొంది. 75 పురపాలక సంఘాలు, 12 నగరపాలక సంస్థలకు, రాష్ట్ర ఎన్నికల కమిషన్ జారీ చేసింది. ఈ నోటిఫికేషన్ జారీ చేసిన తరువాత రాష్ట్రంలో వివిధ జిల్లాల్లో, తమని బెదిరించి నామినేషన్లు విత్ డ్రా చేసారని చెప్పి, పలు రాజకీయ పక్షాలతో పాటు, ఆయా అభ్యర్ధుల తరుపున పోటీ చేసిన వారు కూడా, రాష్ట్ర ఎన్నికల కమిషన్ కు ఈ రోజు ఉదయం వరకు కూడా, అనేక ఫిర్యాదులు చేసారు. ఈ ఫిర్యాదుల నేపధ్యంలోనే, రాష్ట్ర ఎన్నికల కమిషన్ ఈ చర్యలు తీసుకున్నట్టు స్పష్టం చేసింది.
ఇటీవల రాష్ట్ర హైకోర్టు ఇచ్చిన తీర్పులో కూడా, ఒక అంశాన్ని కూడా అందులో స్పష్టంగా పేర్కొంది. రాజ్యాంగంలోని ఆర్టికల్ 324 ప్రకారం ఎన్నికలు స్వేచ్చగా జరగాలి అంటే, ఓటర్ కానీ, అభ్యర్ధి కాని భయం లేకుండా పోటీ చేసి, ఓటు వేయాలని, ఇలా జరిగితేనే ప్రజాస్వామ్యం గొప్పగా ఉంటుందని, హైకోర్టు ఇచ్చిన తీర్పుని ఉదాహరించారు. ఈ తీర్పులో రాజ్యంగం ఇచ్చిన విచాక్షాదికారులు రాష్ట్ర ఎన్నికల కమిషన్ నిర్వహించాల్సి ఉందని, ఓటు వేసే ఓటర్ కానీ, పోటీ చేసే అభ్యర్దులు కానీ భయం లేకుండా పోటీ చేయాలని, రాష్ట్ర హైకోర్టు ఇచ్చిన ఆదేశాల ప్రాకారం, ఎలక్షన్ కమిషన్ స్పందించింది. నగర పాలక సంస్థలు, మునిసిపాలిటీలు, పురపాలక సంఘాల్లో పోటీ చేసే అభ్యర్ధులు ఎవరైనా, తమను బెదిరించారని, బలవంతపు ఏకాగ్రీవాలు చేసి ఉంటే, వాటిని పరిశీలించాలని ఆదేశాలు జారీ చేసింది ఎలక్షన్ కమిషన్. చిత్తూరు జిల్లా తంబళపల్లి, పుంగనూరు, గుంటూరు జిల్లా మాచర్ల, తిరుపతి నుంచి అనేక ఫిర్యాదులు ఇప్పటికే ఎలక్షన్ కమిషన్ కు ఇచ్చిన సంగతి తెలిసిందే.
