news

పంచాయతీ ఎన్నికల కౌంటింగ్ కు సంబంధించి రాష్ట్ర ఎన్నికల కమిషన్ కొద్ది సేపటి క్రితం, తాజా ఆదేశాలు జారీ చేసింది. ఎన్నికల కౌంటింగ్ ప్రక్రియ మొత్తం వీడియో షూటింగ్ చేయలని స్పష్టం చేసింది. ఇటీవల హైకోర్టు ఇచ్చిన తీర్పు మేరకు, ఈ ఆదేశాలు జారీ చేస్తున్నామని స్పష్టం చేసింది. దీంతో పాటు సమస్యాత్మక, అత్యంత సమస్యాత్మక గ్రామాలతో పాటుగా, సున్నితమైన గ్రామాల్లో కూడా పోలింగ్ ని వెబ్ క్యాస్టింగ్ తో పాటుగా, కౌంటింగ్ ని కూడా వీడియో షూటింగ్ చేయాలని చెప్పి, ఆదేశాలు ఇచ్చింది. ఎవరైతే పర్యవేక్షణ అధికారులు ఉన్నారో, వారు ఈ గ్రామాల్లో అందుబాటులో ఉండాలని కూడా స్పష్టం చేసింది. దీంతో పాటుగా కౌంటింగ్ సందర్భంగా ఏదైతే ఓట్ల తేడా తక్కువగా ఉన్న సమయంలో, అతి తక్కువగా మెజారిటీ వచ్చినప్పుడు మాత్రమే రీకౌంటింగ్ కు అనుమతించాలని, ఆ రీకౌంటింగ్ కూడా కేవలం ఒక్కసారి మాత్రమే జరగాలని చెప్పి, ఎన్నికల కమిషన్ తాజా ఆదేశాల్లో పేర్కొంది. అలాగే కౌంటింగ్ సమయంలో, కరెంటు పోతుందని, ఆ సమయంలో అవకతవకలు జరుగుతున్నాయని ప్రతిపక్షాలు ఆరోపిస్తున్న నేపధ్యంలో, కరెంటు పోకుండా చూసుకోవాలని, అవసరం అయితే జెనరేటర్లు, ఇన్వర్టర్ లు పెట్టుకోవాలని ఎన్నికల కమిషన్ తమ అదేసలలో తెలిపింది.

ఇటీవల రాష్ట్ర హైకోర్టులో ఎన్నికల ప్రక్రియకు సంబంధించి ఈ ఆదేశాలు ఇచ్చిన సంగతి తెలిసిందే. ముఖ్యంగా పోలింగ్ వెబ్ కాస్టింగ్, కౌంటింగ్ వీడియో షూట్ చేయాలని పిటీషన్ దాఖలు చేయటంతో, దీని పై రాష్ట్ర హైకోర్టు, స్పష్టమైన ఆదేశాలు జారీ చేసింది. రాష్ట్ర హైకోర్టు ఇచ్చిన తీర్పు మేరకు ఈ ఆదేశాలు జారీ చేసిన ఎన్నికల కమిషన్, ఎవరైనా పోటీలో ఉన్న అభ్యర్ధి, కౌంటింగ్ ని వీడియో షూట్ చేయాలని సూచిస్తే వెంటనే ఆ బాధ్యత రిటర్నింగ్ అధికారులు తీసుకోవాలని చెప్పి, ప్రభుత్వం తగిన ఏర్పాట్లు చేయాలని కూడా ఆదేశాలు జారీ చేసిన సంగతి తెలిసిందే. అయితే ఎన్నికల కౌంటింగ్ లో అవకతవకల పై మాజీ ముఖ్యమంత్రి, ప్రతిపక్ష నేత చంద్రబాబు నాయుడు, రెండు రోజుల క్రితం తీవ్ర అసంతృప్తి వ్యక్తం చేసిన సంగతి తెలిసిందే. ముఖ్యంగా కౌంటింగ్ సమయంలో, డబుల్ డిజిట్ మెజారిటీ ఉన్నా రీకౌంటింగ్ చేస్తున్నారని, ఒకటి రెండు మూడు సార్లు రీకౌంటింగ్ పేరుతో, వైసీపీ మద్దతు దారులు గెలిచేలా చూస్తున్నారని, అలాగే కరెంటు తీసేసి కౌంటింగ్ లో అవకతవకలు చేస్తున్నారని, హైకోర్టు చెప్పినా ఎందుకు వీడియో షూట్ చేయటం లేదని ప్రశ్నించటంతో, ఎన్నికల కమిషన్ దిద్దుబాటు చర్యలు చేసిందనే చెప్పాలి.

మంగళగిరి తెలుగుదేశం పార్టీ రాష్ట్ర కార్యాలయంలో ప్రకాశం జిల్లా సంతమాగులూరు మండలం కుందుర్తి గ్రామంలో పంచాయతీ ఎన్నికల్లో జరిగిన అవకతవకలపై నారా.చంద్రబాబు గారిని కలసి గొట్టిపాటి.రవికుమార్, కుందుర్తి గ్రామ ప్రజలు చర్చించారు. ఈ సందర్భంగా, కుందుర్తి గ్రామ ప్రజలతో చంద్రబాబునాయుడు మాట్లాడుతూ, కుప్పంలో జరిగిన అరాచకం పై వివరించారు. "గతంలో మనం బలవంతపు ఏకగ్రీవాలపై హైకోర్ట్ నుండి అర్డర్ తీసుకొని రావడం జరిగింది. ఎలక్షన్ కమిషన్ కు రాజ్యాంగం అధికారం ఇచ్చింది. అధికార యంత్రాగం సక్రమంగా పని చేయాలని సుప్రీం కోర్టు ఆదేశాలు ఇవ్వడం జరిగింది. సాధారణంగా పంచాయితీ ఎన్నికలకు రాత్రి 7నుంచి 9 గంటల వరకు లెక్కిస్తారు. కానీ వైపీపీ ప్రభుత్వం కావాలని రాత్రి 12గంటలు చేయడం ఆ టైమ్ లో ప్రశ్నించిన వారిపై బెదిరించడం లేదా దా-డి చేయడం జరిగింది. పోలింగ్ బూత్ లో ఉదయం నుంచి అర్ధరాత్రి వరకు టీడీపీ ఎజెంట్లకు నీళ్లు కూడా ఇవ్వకుండా ఇబ్బంది పెట్టారు. వైసీపీ నాయకులు దుర్మార్గులు. సొంత బాబాయ్ ను చం-పి ఎవరు చం-పారని అంటున్నారు. ఆయన కుమార్తె సీబీఐ విచారణ కోరితే నీకు తెలియదని గమ్మునుండమని చెప్పారు. తరువాత ఆమె కోర్టుకు వెళ్లి సీబీఐ ఎంక్వైరీ వేయిస్తే ఆ కేసు నుండి తప్పించుకోవడానికి ప్రయత్నం చేస్తున్నారు. కుప్పంలో గెలుపు కోసం దాదాపు రూ.20కోట్లు ఖర్చు పెట్టారు. ప్రజల మనోభావాలతో వైసీపీ నాయకులకు అవసరం లేదు. ప్రజలను బెదిరిస్తే జరిగిపోతుందని వైసీపీ నాయకులు బావిస్తున్నారు. మీకు జరిగిన అన్యాయం పై ఎలక్షన్ కమిషన్ ను కలిసి ఫిర్యాదు చేయండి. ఆయన ఏ నిర్ణయం తీసుకుంటారో చూద్దాం. ఆ తరువాత కోర్టులకు వెళ్దాం. మీకు న్యాయం జరిగే విధంగా పోరాటం చేద్దామన్నారు. ప్రజాస్వామ్యం కోసం, మన గ్రామం కోసం పోరాటం చేస్తే మన మనోభావాలు దెబ్బతీసే విధంగా వైసీపీ నాయకులు వ్యవహరిస్తున్నారు. ప్రజలు మనకు మెజార్టీ ఇచ్చారు..దానిని వైసీపీ నాయకులు రివర్స్ చేశారు. ఈ రోజు మీకు, మీ గ్రామానికి జరిగిన అన్యాయం భవిష్యత్తు లో వడ్డీతో సహా తిరిగి చెల్లించే బాధ్యత నాదన్నారు. పార్టీ కోసం సర్వశక్తుల వడ్డి పోరాటం చేసిన వ్యక్తులకు మంచి గుర్తింపు ఇచ్చే విధంగా చర్యలు తీసుకుంటామన్నారు."

చంద్రబాబునాయుడుతో ప్రకాశం జిల్లా కుందుర్తి పంచాయతీ ప్రజలు: "అద్దంకి నియోజకవర్గం, సంతమాగులూరు మండలం, కుందుర్తి గ్రామ పంచాయితీలో 12వార్డులకు గాను టీడీపీ 8వార్డులు గెలవడం జరిగింది. 8వార్డుల మీద టీడీపీ కి 272 ఓట్ల మోజార్టీ రావడం జరిగింది. చివరి రౌండ్ వరకు టీడీపీ 103 ఓట్ల మోజార్టీతో కొనసాగింది. సర్పంచ్ ఓట్ల లెక్కింపులోను తెదేపా అభ్యర్థి చావల. ముందంజలో ఉండటంతో అధికారపార్టీ విద్యుత్ సరఫరా నిలిపివేయించి అక్రమాలకు పాల్పడింది. ఎన్నికల అధికారుల(ఆర్వో)పై ఒత్తిడి తెచ్చి,109 చెల్లని ఓట్లుగా చెప్పి ఏకపక్షంగా వైసీపీ అభ్యర్థి గెలిచినట్లుగా ప్రకటించారు. వాటిని ఎందుకు లెక్కించరని అడిగినందకు రాత్రి ఒంటిగంట వరకు మంచీనీళ్ళు ఇవ్వకుండా గదిలో బంధించి బెదిరించారు. మాకు అన్యాయం జరిగిందని రోడ్డుకెక్కినందుకు మహిళాలని చూడకుండా 200మంది పోలీసులు కొట్టారని వాపోయారు. గడచిన 20 మాసాలలో వైసీపీ ప్రభుత్వంపై ప్రజలలో వ్యతిరేకత మొదలైందన్నారు. గ్రామ పంచాయతీ ఎన్నికల్లో జరిగిన దాడులు, అరాచకాలపై డీజీపీ సమాదానం చెప్పాలని ఆయన డిమాండ్ చేశారు. "

రాష్ట్రంలో జడ్పీటీసీ, ఎంపీటీసీ ఎన్నికలకు సంబంధించి, రాష్ట్ర ఎన్నికల కమిషన్ ఈ రోజు సంచలన ఆదేశాలు జారీ చేసింది. గత ఏడాది మార్చి 15వ తేదీన వాయిదా పడిన జడ్పీటీసీ, ఎంపీటీసీ ఎన్నికల్లో అప్పట్లో పెద్ద ఎత్తున ఏకాగ్రీవాలు జరిగాయని ఫిర్యాదులు వచ్చాయి. ఈ ఫిర్యాదులు నేపధ్యంలోనే ఎన్నికల కమిషన్, మళ్ళీ ఈ ప్రక్రియను ప్రారంభించే ముందు, కొన్ని వెసులుబాట్లు కల్పించింది. అప్పట్లో ఎవరైతే ప్రలోభాలు, బెదిరింపుల కారణంగా నామినేషన్ వేయలేకపోయారో అటువంటి వాళ్ళు, మళ్ళీ నామినేషన్ వేయటానికి అవకాసం కల్పిస్తున్నట్టు ఎన్నికల కమిషన్ పేర్కొంది. ఈ నేపధ్యంలోనే అప్పుడు నామినేషన్ వేయలేని వారు, రిటర్నింగ్ అధికారికి కానీ, జిల్లా ఎన్నికల అధికారికి కానీ, పోలీసులకు చేసిన ఫిర్యాదులు కానీ, లేదా నామినేషన్ వేయకుండా అడ్డుకున్న సంఘటనలు గురించి, మీడియాలో వచ్చిన ఫోటోలు, ఎలక్ట్రానిక్ మీడియాలో వచ్చిన ఆధారాలు కానీ జిల్లా ఎన్నికల అధికారికి తీసుకుని వచ్చి అందిస్తే, వారిని మళ్ళీ అభ్యర్ధిగాను, మళ్ళీ నామినేషన్ వేసే విధంగా కూడా ఎన్నికల కమిషన్ చర్యలు తీసుకుంటుందని, ఈ రోజు విడుదల చేసిన ఉత్తర్వుల్లో రాష్ట్ర ఎన్నికల కమిషన్ పేర్కొంది. రెండు రోజుల క్రితం కూడా పురపాలక సంఘాల ఎన్నికల విషయంలో కూడా, ఇటువంటి అవకాశాన్ని అభ్యర్ధులకు రాష్ట్ర ఎన్నికల కమిషన్ ఇచ్చింది.

మార్చ్ 14 వ తేదీతో పురపాలక సంఘాల కౌంటింగ్ పూర్తవుతుంది. ఆ వెంటనే జడ్పీటీసీ, ఎంపీటీసీ ఎన్నికల ప్రక్రియను కూడా ప్రారంభించాలని భావిస్తున్న తరుణంలోనే ఈ ఆదేశాలు ఇవ్వటంతో, మార్చి 14వ తేదీ లోపే జడ్పీటీసీ, ఎంపీటీసీ ఎన్నికలకు సంబందించిన రీ నోటిఫికేషన్ వచ్చే అవకాసం ఉందనే విషయాన్ని ఎన్నికల కమిషన్ పరోక్షంగా చెప్పినట్టు అయ్యింది. ఈ రోజు నుంచి 20వ తేదీ లోపు కలెక్టర్ లు అందరూ కూడా దీనికి సంబంధించిన నివేదికను రాష్ట్ర ఎన్నికల సంఘానికి పంపించాలని, ఈ లోపు అభ్యర్దులు రిటర్నింగ్ అధికారికి కానీ, జిల్లా ఎన్నికల అధికారికి కానీ, తమ వద్ద ఉన్న ఆధారాలతో, ఆధారాలు అందిస్తే, నామినేషన్ ను పరిగణలోకి తీసుకుంటామని ఎన్నికల కమిషన్ కొద్ది సేపటి క్రితం విడుదల చేసిన ఉత్తర్వుల్లో పేర్కొంది.