news

కుట్ర కోణంలో భాగంగానే మత్స్యకార వర్గానికి చెందిన కొల్లు రవీంద్రపేరును జగన్మోహన్ రెడ్డి ప్రభుత్వం హత్యకేసులో చేర్చిందని టీడీపీ సీనియర్ నేత, మాజీ మంత్రి దేవినేని ఉమామహేశ్వరరావు ఆరోపించారు. సోమవారం ఆయన మంగళగిరిలోని పార్టీ జాతీయ కార్యాయలంలో విలేకరులతో మాట్లాడారు. జూన్ 29న ఉదయం 11 గంటలకు మచిలిపట్నంలో హత్య జరిగితే, 1.15నిమిషాలకు ఎఫ్ ఐఆర్ సిద్ధం చేశారని, కేవలం రెండుగంటల 15 నిమిషాల్లోనే ఏ4 గా రవీంద్ర పేరును చేర్చడం కుట్రకాక, మరేమవుతుందో సమాధానం చెప్పాలన్నారు. ఏ విధమైన ఆధారాలు లేకుండా, తగురీతిలో విచారణ జరపకుండా, కేవలం కుట్ర కోణంతోనే మాజీ మంత్రి పేరును ప్రభుత్వం ఏ4గా చేర్చిందన్నారు. రెండుకుటుంబాల మధ్య ఆధిపత్య పోరు కారణంగా జరిగిన హత్యకేసులో కావాలనే రవీంద్ర పేరు చేర్చారని, ఎఫ్ ఐ ఆర్ లో పేరు చేర్చిన ప్రభుత్వం దాన్ని దాచిపెట్టి ఎందుకు రాజకీయాలు చేసిందని దేవినేని నిగ్గదీశారు. మత్స్యకార వర్గం నుంచి బలమైన వ్యక్తిగా ఎదిగిన కొల్లు రవీంద్ర గత ప్రభుత్వంలో చంద్రబాబు గారి కేబినెట్ లో 4 శాఖలను సమర్థవంతంగా, నిజాయితీతో నిర్వర్తించి, వివాద రహితుడిగా మంచిపేరు సంపాదించాడన్నారు.

ప్రతిపక్షంలో ఉండి కూడా, తన సమర్థతను చాటుకుంటూ, జగన్ ప్రభుత్వ అవినీతిని, అసమర్థతను ప్రశ్నిస్తున్నాడన్న అక్కసుతోనే రవీంద్రపై ప్రభుత్వం తప్పుడు కేసు నమోదు చేసిందన్నారు. తెలుగుదేశం పాలనలో మచిలీపట్నంలో ఏనాడు హత్యలు జరగలేదని, వైసీపీ ప్రభుత్వం వచ్చాకే, రెండు కుటుంబాల మధ్య ఆధిపత్య పోరు కారణంగా హత్య జరిగిందన్నారు. ఏ విధమైన ఆధారాలు లేకుండా, విచారణ జరపకుండా మాజీమంత్రి పేరుని హత్యకేసులో ఎలా చేర్చారో, జగన్మోహన్ రెడ్డి, సజ్జల రామకృష్ణారెడ్డి, అనిల్ కుమార్ యాదవ్ సమాధానం చెప్పాలని దేవినేని డిమాండ్ చేశారు. ‍హత్యకేసులో రవీంద్ర పేరును చేరుస్తున్నారన్న వార్తలు కొన్ని ఛానళ్లలో వచ్చాయని, దానిపై తాను, కొనకళ్ల నారాయణ పోలీస్ అధికారులను అడగటం జరిగిందన్నారు. దానికి స్పందించిన పోలీసులు, ఆ వార్తలన్నీ అవాస్తవాలని, ఇంకావిచారణలో ఏమివెల్లడి కాలేదని సమాధానమిచ్చా రన్నారు. ఆనాడు పోలీసులు అలా చెప్తే, తరువాత ఏ4గా రవీంద్ర పేరును ఎలా చేర్చారో ప్రభుత్వం సమాధానం చెప్పాలన్నారు.

జూన్ – 29న హత్య జరిగితే, జూలై -02న డిఎస్పీ విలేకరుల సమావేశంలో మాట్లాడారని, ఆనాడు రవీంద్ర ప్రమేయం ఉందా అని విలేకరులు అడిగిన ప్రశ్నకు, రవీంద్ర ప్రమేయం లేదని, తగిన ఆధారాలు లేవని డీఎస్పీ సమాధానం చెప్పాడని దేవినేని పేర్కొన్నారు. జూన్ 29న ఎఫ్ ఐ ఆర్ నమోదుచేసి, జూలై 2 నాటి డీఎస్పీ సమావేశంలో రవీంద్ర పేరు లేదని చెప్పడమేంటన్నారు. హత్యకేసు నిందితులకు సంబంధించిన సీసీ.టీవీ పుటేజ్ సోషల్ మీడియాలో వచ్చిందని, దాని కారణంగా అక్కడ పనిచేసిన పోలీసులను వీ.ఆర్ కు పంపారని, ముందేమో సస్పెండ్ అని చెప్పారని, తరువాత వీ.ఆర్ కు పంపారని, ఇవన్నీ ఎందుకు చేశారో ప్రభుత్వం సమాధానం చెప్పాలన్నారు. బడుగు, బలహీన వర్గాలను కుట్రపూరితంగా కేసులో ఇరికించి వారిని ఎందుకు అణగదొక్కాలని చూస్తున్నారో, ఢిఫ్యాక్టో హోం మినిస్టర్ సజ్జల రామకృష్ణారెడ్డి సమాధానం చెప్పాలని దేవినేని డిమాండ్ చేశారు. రవీంద్ర పేరులేదని చెప్పిన తరువాత విశాఖ వెళుతున్న వ్యక్తిని బలవంతంగా ఎందుకు అరెస్ట్ చేయాల్సి వచ్చిందని దేవినేని ప్రశ్నించారు. హత్య జరిగిన నాలుగురోజుల తర్వాత రవీంద్రను అరెస్ట్ చేసి, పారిపోతుంటే పట్టుకున్నామని చెప్పడం సిగ్గుచేటు కాదా అని దేవినేని మండిపడ్డారు. రవీంద్ర బలమైన నాయకుడిగా ఎదుగుతున్నాడనే ఆయన్ని జగన్, సజ్జల అరెస్ట్ చేయించారని, ఇవేవీ పట్టించుకోకుండా ఒకమంత్రి మీడియా ముందుకొచ్చి ప్రభుత్వం తరుపున సన్నాయి నొక్కులు నొక్కుతున్నాడని దేవినేని ఎద్దేవాచేశారు.

రాష్ట్రంలో క-రో-నా కట్టులు తెంచు కుంటోంది. ప్రజలను తీవ్ర భయాందోళనకు గురిచేస్తుంది. ఈ రోజు అందిన సమాచారాన్ని అనుసరించి క-రో-నా పాజిటివ్ కేసులు ఏపిలో 1,322 ఒక్క రోజు వ్యవధిలో నమోదయ్యాయి. అమ్మో క-రో-నా అనే రీతిలో వైరస్ పాజిటివ్ కేసుల సంఖ్యగా రోజుకో రికార్డు అన్నట్లుగా పెరిగిపోతుంది. ఇదే రీతిలో రాష్ట్రంలో క-రో-నా పాజిటివ్ మరణాలు సంఖ్య రోజురోజుకు పెరిగిపోతున్నాయి. గడిచిన 24 గంటల వ్యవధిలో రాష్ట్రం లో కరోనా ప్రభావంతో మృతి చెందిన వారి సంఖ్య మొత్తంగా 239 కి చేరుకుంది. ఈ రోజు ఉదయానికి రాష్ట్రంలో కొత్తగా స్థానికంగా ఉన్నవారిలోను, పొరుగు రాష్ట్రాలు, విదేశాల నుంచి వచ్చిన వారితో కలిపి 1,322 మంది కొత్తగా పాజిటివ్ లక్షణాలు గుర్తించారు. వైద్య ఆరోగ్య శాఖ విడుదల చేసిన హెల్త్ బులిటినను అనుసరించి రాష్ట్రంలో ఇప్పటివరకు 20 వేల 19 మందిలో వైరస్ పాజిటివ్ కేసులు గుర్తించారు. గడిచిన 24 గంటల్లో కొత్తగా 1,322 క-రో-నా పాజిటివ్ కేసులను గుర్తించారు.

వాటిలో రాష్ట్రంలో స్థానికంగా ఉండే వారిలో 1263 మందిలో పాజిటివ్ కేసులు గుర్తించారు. పొరుగు రాష్ట్రాల నుంచి వచ్చిన వారిలో 56 మందిలో, విదేశాల నుంచి వచ్చిన వారిలో ఒకరిలో కొత్తగా కరోనా పాజిటివ్ కేసులు 3 గుర్తించారు. రాష్ట్రంలో నివాసముంటున్న వారిలో కొత్తగా గుర్తించిన పాజిటివ్ కేసుల్లో అనంతపురంలో 142, చిత్తూరులో 120, తూర్పు గోదావరి జిల్లాలో 171, గుంటూరులో 197, కడపలో 96, కృష్ణాలో 55, కర్నూలులో 136, నెల్లూరులో 41, ప్రకాశంలో 38, శ్రీకాకుళంలో 36, విశాఖపట్టణంలో 101, విజయనగరంలో 24, పశ్చిమ గోదావరిలో 106 కేసులు నమోదయ్యాయి. రాష్ట్రంలోని స్థానికుల్లో మొత్తంగా 17,365 మందిలో పాజిటివ్ కేసులు గుర్తించారు.

టిడిపి ప్రభుత్వ హయాంలో నిర్మాణం పూర్తయిన ఇళ్లను 13నెలలైనా పేదలకు స్వాధీనం చేయకుండా వైసిపి వేధించడం గర్హనీయం. నిర్మాణంలో ఉన్న ఇళ్లకు పెండింగ్ బిల్లులు చెల్లించకుండా మోకాలడ్డడాన్ని ఖండిస్తున్నాం. ఈ రోజు రాష్ట్రవ్యాప్తంగా జరిగిన వర్ట్యువల్ యాజిటేషన్స్ తో అయినా వైసిపి ప్రభుత్వం కళ్లు తెరవాలి. వెంటనే లబ్దిదారులకు ఇళ్లు స్వాధీనం చేయాలి, పెండింగ్ బిల్లులను తక్షణమే చెల్లించాలి. టిడిపి 5ఏళ్ల పాలనలో రూ50వేల కోట్లతో 25.57లక్షల ఇళ్ల నిర్మాణం చేపట్టింది. కేంద్ర ప్రభుత్వ ‘‘హవుసింగ్ ఫర్ ఆల్’’ పథకాన్ని సద్వినియోగం చేసింది. పట్టణాల్లో 6లక్షల ఇళ్లు, గ్రామాల్లో 19.57లక్షల ఇళ్ల నిర్మాణం చేపట్టడం జరిగింది. కట్టిన ఇళ్ళ జియో ట్యాగింగ్ లో, ఆధార్ సీడింగ్ ద్వారా చెల్లింపుల్లో, దేశంలోనే మన రాష్ట్రం నెంబర్ వన్ గా నిలిచింది. గ్రామాల్లో రూ 12,145కోట్లతో 9,94,222 ఇళ్ళ నిర్మాణం పూర్తి చేశాం. లక్షలాది ఇళ్లకు ‘‘సామూహిక గృహ ప్రవేశాలు’’ జరపడం దేశానికే నమూనా అయ్యింది. దసరా పండుగ సందర్భంగా 2లక్షల ఇళ్లు, సంక్రాంతికి 4లక్షల ఇళ్లకు సామూహిక గృహ ప్రవేశాలు జరిపారు. ‘‘పేదల పండుగ’’లాగా ఇళ్ళ నిర్మాణం టిడిపి హయాంలో చేపట్టాం. 101 పట్టణాలు, నగరాల్లో అఫర్డబుల్ హవుసింగ్ ప్రోగ్రామ్(ఎహెచ్ పి) కింద 5.24లక్షల ఇళ్లు, బెనిఫిసియరీ లెడ్ కనస్ట్రక్షన్(బిఎల్ సి) కింద 2లక్షల ఇళ్ల నిర్మాణం చేపట్టాం.

గ్రామీణప్రాంతాల్లో 4రెట్లు, పట్టణాల్లో 7రెట్లు యూనిట్ కాస్ట్ పెంచాం. గ్రామాల్లో యూనిట్ కాస్ట్ రూ70వేల నుంచి రూ 2,90,000కు పెంచాం. 2017-18లో 3లక్షల ఇళ్లు, 2018-19లో 3,30,000 ఇళ్లు నిర్మించాం. రూ1,174కోట్లతో 9,10,000 మరుగుదొడ్ల నిర్మాణం పూర్తిచేశాం. 13నెలల వైసిపి పాలనలో 13జిల్లాలలో హవుసింగ్ కార్యక్రమాలన్నీ నిలిపేయడం బాధాకరం. టిడిపి నిర్మించిన ఇళ్లను క్వారంటైన్ కేంద్రాలకు ఇవ్వడంపై ఆ కేంద్రాల్లో ఉన్నవాళ్లే, టిడిపి ఇంతబాగా ఇళ్లు నిర్మించిందంటూ సెల్ఫీ వీడియోలు తీసి మీడియాకు పంపడం తెలిసిందే. వైసిపి మేనిఫెస్టోలో 5ఏళ్లలో 25లక్షల ఇళ్లు నిర్మిస్తామని చెప్పారు. ఏడాదికి 5లక్షల ఇళ్లు నిర్మించాల్సి వుండగా అందులో పదోవంతు కూడా కట్టలేదు. తొలి ఏడాది హవుసింగ్ బడ్జెట్ రూ3,617కోట్లలో ఖర్చు చేసింది అతి స్వల్పం. రెండవ ఏడాది బడ్జెట్ రూ 3,691 కోట్లలో పదో వంతు కూడా ఖర్చు చేస్తారన్న నమ్మకం లేదు. ఉచితంగా ఇళ్లు అందజేస్తామని జగన్మోహన్ రెడ్డి పాదయాత్రలో ఇచ్చిన హామీని గాలికి వదిలేశారు. ఈ 13నెలల్లో ఎంతమందికి ఉచితంగా ఇళ్లు అందజేశారు..? పట్టణాల్లో ఉచిత ఇళ్లు ఇస్తామన్న హామీలో భాగంగా ఎంతమంది టిడ్కో లబ్దిదారుల డిపాజిట్లు వెనక్కి ఇచ్చారు..?

ఇళ్ల నిర్మాణం గాలికి వదిలేశారు, ఇళ్లస్థలాల్లో భారీ స్కామ్ లకు పాల్పడ్డారు. ప్రతి నియోజకవర్గంలో రూ వందల కోట్ల కుంభకోణాలు చేశారు. ఎకరం రూ5లక్షలు పలికే భూమిని రూ 50లక్షలకు ప్రభుత్వంతో కొనిపించి, ఆ మొత్తాన్ని వైసిపి నాయకులే జేబుల్లో వేసుకున్నారు. వరద ముంపు ప్రాంతాల్లో, పల్లపు భూముల్లో, స్మశానంలో, అడవుల్లో ఇళ్లస్థలాలు ఇవ్వడమేంటని ప్రజలే నిలదీస్తున్నారు. ఊరికి దూరంగా స్థలాల్లో ఇళ్లు ఎలా కట్టుకుంటామని నిగ్గదీస్తున్నారు. మడ అడవుల్లో ఎవరైనా ఇళ్లు కట్టుకుంటారా..? 16అడుగుల పల్లపు ప్రాంతం ఆవభూముల్లో ఇళ్లు ఎవరైనా కడతారా..? తూర్పు గోదావరి జిల్లా ఆవభూముల్లోనే రూ400కోట్ల స్కామ్ చేశారు. ఎకరం రూ7లక్షల విలువైన భూమిని రూ70లక్షలకు కొనిపించారు. పల్లపు భూములు మెరకపేరుతో మళ్లీ ప్రజాధనం దుర్వినియోగం చేశారు. మెరకలోనే రూ1,560కోట్ల కుంభకోణం చేశారు. ఇంటి పట్టా కావాలంటే రూ 30వేలు, రూ60వేలు, రూ లక్షా 10వేలు ఇవ్వాలంటూ, దూరాన్ని బట్టి బలవంతపు వసూళ్లకు వైసిపి నాయకులు తెగబడ్డారు. ఇళ్ల స్థలాల కొనుగోళ్లకు విడుదల చేసిన రూ8వేల కోట్లలో రూ5వేల కోట్లు స్వాహా చేశారు. టిడిపి హయాంలో కట్టిన ఇళ్లు పేదలకు స్వాధీనం చేయకుండా, పెండింగ్ బిల్లులు లబ్దిదారులకు చెల్లించకుండా, వైసిపి నాయకుల జేబులు నింపేందుకే ‘‘సెంటు పట్టాల’’ పేరుతో ఇళ్లస్థలాల అవినీతి కుంభకోణాలకు తెరదీశారు. ఇప్పటికైనా రాష్ట్ర ప్రభుత్వం తక్షణమే స్పందించి నిర్మాణం పూర్తయిన ఇళ్లను పేదల స్వాధీనం చేయాలి. పెండింగ్ బిల్లులను వెంటనే చెల్లించి, మిగిలిన ఇళ్లు కూడా శరవేగంగా పూర్తయ్యేలా చొరవ తీసుకోవాలి. నారా చంద్రబాబు నాయుడు, శాసన సభ ప్రధాన ప్రతిపక్ష నేత