news

ఆంధ్రప్రదేశ్ లో ప్రభుత్వ ఉద్యోగులు, ఈ రోజు పెద్ద ఎత్తున చలో విజయవాడ కార్యక్రమం చేపట్టారు. అయితే ఈ కార్యక్రమాన్ని అణిచి వేయటానికి, ప్రభుత్వం వారం రోజుల ముందు నుంచి ప్లాన్ చేస్తూ వస్తుంది. ఉద్యోగులను అణిచివేయటం చాలా తేలికగా ప్రభుత్వం భావించింది. అందుకే వారితో ఎక్కడా ఈ చలో విజయవాడ కార్యక్రమం చేయకుండా ఆపే ప్రయత్నం చేయలేదు. ముఖ్యంగా తమ పోలీస్ ఫోర్సు తో వారిని ఆపి వేయొచ్చు అని అనుకున్నారు. అలాగే ఉద్యోగులను ప్రజల్లో దోషులుగా చూపించ వచ్చని ప్లాన్ చేసారు. అయితే సరిగ్గా ఇక్కడే ప్రభుత్వ అంచనా తప్పింది. ఒకేసారి వేల మంది, లక్షల మంది విజయవాడ రోడ్ల పైకి వచ్చేసారు. ఇంత నిర్బంధం చేసినా ఎలా వచ్చారో ప్రభుత్వానికి అర్ధం కాలేదు. నిన్నటి నుంచి మొత్తం నిర్బంధం చేసినట్టు వార్తలు వచ్చాయి. ఉదయం 9 గంటల వరకు కూడా అందరూ అదే అనుకున్నారు. కానీ ఒకేసారి ఒక సునామీ లాగా వచ్చేసారు. దీంతో పోలీసులు పూర్తిగా వదిలేసారు. ఎక్కడా పోలీసులు ఉద్యోగులను ఆపినట్టు కూడా వీడియోలు లేవు. ఉద్యోగులు పెద్ద ఎత్తున పాల్గున్నారు. వేలు, లక్షలు అయ్యాయి. విజయవాడ సందులు అన్నీ నిండి పోయాయి. దీంతో ప్రభుత్వానికి షాక్ తగిలింది. వెంటనే మీటింగ్ కు పిలిచారు.

జగన్ మోహన్ రెడ్డి, ముఖ్యమైన నాయకులను పిలిపించారు. అయితే ఆ మీటింగ్ లో, ప్రభుత్వ పెద్దలు ఆలోచనలో పడినట్టు వార్తలు వస్తున్నాయి. కేవలం పోలీసుల వైఖరి వల్లే, ఉద్యోగులు ఇంత పెద్ద ఎత్తున వచ్చారని, పోలీసులు ఎక్కడా నిలువరించే ప్రయత్నం చేయలేదని, చూసి చూడనట్టు వదిలేసారని, ప్రభుత్వ పెద్దలు ఒక అంచనాకు వచ్చారు. మరీ ముఖ్యంగా పోలీసుల జీతాలు కూడా తగ్గి పోయాయి. పోలీసులు బయటకు వచ్చి ఆందోళన చేసే అవకాసం వారికి ఉండదు, అందుకే ఉద్యోగుల ఉద్యమానికి కింద స్థాయి పోలీసులు మద్దతు తెలపబట్టే, ఇది సాధ్యం అయ్యిందని ప్రభుత్వ పెద్దలు భావిస్తున్నారు. అదీ కాక అనధికారికంగా పోలీస్ శాఖ, సజ్జల ఆధీనంలో ఉంటుంది. సజ్జల పైన పోలీసులకు ముందు నుంచి అసహనం ఉందని, అది ఈ సందర్భంలో బయట పెట్టి ఉంటారనే ప్రచారం జరుగుతుంది. ఇప్పుడు పోలీసులు కూడా ప్రభుత్వానికి వ్యతిరేకం అయితే, రాజకీయంగా కూడా ఇబ్బంది అని ప్రభుత్వ పెద్దలు భావిస్తున్నారు.

ఉద్యోగులు, టీచర్లు, కాంట్రాక్ట్, అవుట్ సోర్సింగ్ ఉద్యోగులు చేస్తున్న చలో విజయవాడ ఉద్యమాన్ని, నిన్నటి నుంచి ప్రభుత్వం, పోలీసులు అణిచివేసే ప్రయత్నం చేసారు. ఎక్కడికక్కడ నిర్బందించారు. అయితే ఈ రోజు 9.30 వరకు అంతా పోలీసులు కంట్రోల్ లో , ప్రభుత్వం కంట్రోల్ లో ఉందని అందరూ భావించారు. అయితే ఉన్నట్టు ఉండి, అక్కడ నుంచి వచ్చారో కానీ, ఉద్యోగులు ఒకేసారి వేల మంది రోడ్డుల పైకి వచ్చేసారు. ఈ పరిణామంతో పోలీసులు షాక్ తిన్నారు. ఉద్యోగులను అడ్డుకోవాలని పోలీసులు చూసినా, ఎక్కడా వారి వల్ల కాలేదు. దీంతో పోలీసులు కూడా చేతులు ఎత్తేసారు. చేసేది ఏమి లేక చేతులు ఎత్తేయటంతో, ఉద్యోగులు తాము అనుకున్న విధంగా BRTS రోడ్డు వైపు, వేలాది మంది వెళ్తున్నారు. ఈ పరిణామంతో, పోలీసులు అవాక్కయారు. ప్రభుత్వం షాక్ తింది.

ఈ రోజు ఉద్యోగులు, ఉపాధ్యాయులు, అవుట్ సోర్సింగ్ ఉద్యోగులు, కాంట్రాక్టు ఉద్యోగులు చేసిన చలో విజయవాడ కార్యక్రమం, సూపర్ సక్సెస్ అయ్యింది. ఆంధ్రప్రదేశ్ రాష్ట్ర ప్రభుత్వం, కొత్త పీఆర్సి విషయంలో కోత పెట్టటంతో, ఉద్యోగులు ఆందోళన బాట పట్టారు. ఎక్కడైనా పీఆర్సి పెరుగుతుంది కానీ ఇక్కడ తగ్గించారు. చంద్రబాబు 43 శాతం పీఆర్సి ఇచ్చారు. తరువాత పీఆర్సి ఇవ్వాల్సి ఉండగా, ఐఆర్ 27 శాతం ఇచ్చారు. అయితే కొత్త పీఆర్సి ఈ ఐఆర్ కంటే తక్కువగా 23 శాతం మాత్రమే ఇచ్చారు. దీంతో ఉద్యోగులకు దిమ్మ తిరిగింది. అలాగే హెచ్ఆర్ఏ కూడా 20 శాతం నుంచి 8 శాతానికి తగ్గించారు. ఎక్కడైనా జీతాలు పెరుగుతాయి కానీ, ఇక్కడ తగ్గాయి. అలాగే రిటైర్డ్ ఉద్యోగులకు కూడా నష్టం జరిగింది. దీంతో ఉద్యోగులు ఆందోళన బాట పట్టారు. ఈ ఉద్యమ కార్యాచరణలో భగంగా ఈ రోజు చలో విజయవాడ పిలుపు ఇచ్చారు. అయితే నిన్నతే నుంచే ప్రభుత్వం, నిర్బందిస్తూ వచ్చింది. ఎక్కడికక్కడ ఉద్యోగులను , టీచర్లను అరెస్ట్ చేస్తూ వచ్చారు. 13 జిల్లాల నుంచి అరెస్ట్ లు జరిగాయి. రైల్వే స్టేషన్ లో, బస్ స్టేషన్ లో, ఎక్కడికక్కడ ఆపేశారు. చివరకు బస్సులు, టాక్సీ డ్రైవర్ లకు కూడా వార్నింగ్ ఇచ్చారు. దీంతో ఈ కార్యక్రమం ఫ్లాప్ అవుతుందని, అందరూ భావించారు.

అయితే ఏమైందో ఏమో కానీ, ఉదయం 9 వరకు మొత్తం తమ కంట్రోల్ లో ఉందని, పోలీసులు భావించారు. అయితే ఉన్నట్టు ఉండి, పరిస్థితి మారిపోయింది. ఒక్కసారిగా ఉద్యోగులు వేలాదిగా రోడ్డుల పైకి వచ్చారు. దీంతో పోలీసులు కూడా వారిని కంట్రోల్ చేయలేక పోయారు. చేతులు ఎత్తేసారు. ఉద్యోగులు అనుకున్న విధంగా బీఆర్టీఎస్ రోడ్డుకు వచ్చి, ర్యాలీ చేసి, మీటింగ్ పెట్టారు. ఇక్కడ వరకు అంతా బాగానే ఉన్నా, అసలు ఉద్యోగులు వ్యూహం ఏంటో పోలీసులు తెలుసుకోలేక పోయారు. తిరుపతి ఉప ఎన్నికల్లో పెద్దిరెడ్డి పన్నిన వ్యూహమే ఇక్కడ ఉద్యోగులు పన్నారు. పెళ్లి బస్సులు పేరుతో, బ్యానర్ లు కట్టుకుని, బస్సులు వేసుకుని ఉద్యోగులు వచ్చేసారు. అలాగే మారు వేషాల్లో, రైతులు, పూజారుల వేషాల్లో ఉద్యోగులు వచ్చారు. ఒకేసారి అందరూ వ్యూహం ప్రకారం రావటంతో, ఇంత మంది ఎక్కడ నుంచి వచ్చారో పోలీసులకు అర్ధం కాలేదు. మొత్తానికి పెద్దిరెడ్డి తిరుపతిలో ఉపయోగించిన ఫార్ములాతో, ఉద్యోగులు ఇక్కడ కూడా సక్సెస్ అయ్యారు.