news

జేసి దివాకర్ రెడ్డి, చాలా రోజుల తరువాత మీడియా ముందుకు వచ్చారు. ఈ మది జేసి ప్రభాకర్ రెడ్డి పై వరుస కేసులు పెట్టి అరెస్ట్ చేసిన తరువాత, జేసీ చాలా రోజులు తరువాత మీడియా ముందుకు వచ్చి సంచలన వ్యాఖ్యలు చేసారు. జేసి దివాకర్ రెడ్డికి తాడిపత్రి సమీపంలో గనులు ఉన్నాయి. అయితే మైనింగ్ అధికారులు ఆ గనుల వద్దకు వెళ్లి, జేసీ దివాకర్ రెడ్డి గనులు సోదాలు చేసారు. అయితే పక్కన ఉన్న అధికార పార్టీ గనులు సోదాలు చేయలేదని జేసీచెప్తున్నారు. గనులు క్లోజ్ చేసేందుకు, అధికార పార్టీ నేతలు స్కెచ్ వేస్తున్నారని, ఇందులో వచ్చే ఆదాయంతోనే తాము బతుకున్నామని, ఇది లేకుండా చేసి ఆర్ధికంగా దెబ్బ తీయాలని ప్లాన్ చేసారని జేసీ అన్నారు. ఇప్పటికే అనేక ఇబ్బందులు పెట్టారని జేసి అన్నారు. అధికారం శాశ్వతం కాదని, అందరికీ తిరిగి చెల్లిస్తామని, తగిన సత్కారం చేస్తామని అన్నారు. మైన్స్ పై జరుగుతున్న దాన్ని ప్రశ్నించటానికి వస్తే, నేను వస్తున్నా అని తెలిసి ఏడీ వెళ్లిపోయాడని, నా భార్యతో వచ్చి ఇక్కడ ధర్నా చేసే పరిస్థితి ఉందని జేసి అన్నారు.. ఆయన మాటల్లో, " నా మైన్స్ లో సోదాలు చేసారు. ఇది నక్స-లైట్ ల కోసం వచ్చి సాధించేది కాదు. పర్సనల్ గా నా కుటుంబం పై కక్ష సాధించేందుకు చేసింది. ఇప్పటికే ఎన్ని రకాల బాధలు పెట్టాలో, అన్ని రకాల బాధలు పెట్టారు. పక్కగా ఉన్న సరే, ఏది లేకపోతే, ఎస్సీ ఆక్ట్ పైన పెట్టి, లోపల వేయటానికి ప్రయత్నాలు మొదలు పెట్టారు. తిట్టాడు, తిట్టలేదో వాళ్ళకి అవసరం లేదు. దొరికితే ఎస్సీ ఆక్ట్ పెట్టి లోపల వేస్తున్నారు. ఇంకోటి ఎదో లారీలు, బస్సుల దాంట్లో సంబంధం ఉందని, దాంట్లో ఇరికించారు. కక్ష సాధింపులో భాగంగా. అయితే ఇప్పటి వరకు దివాకర్ రెడ్డిని టచ్ చేయలేక పోయారు. "

"మావాడు మావాడు అంటూ ఉంటాను కదా, అందకే నా పైన లవ్ అనుకుంటా, ఆ సంబంధం ఏమైనా గుర్తుకు వచ్చిందో ఏమో కానీ, ఇంత కాలం నా మీదకు రాలేదు. నా తమ్ముడు మీదకు వెళ్ళారు. ఇప్పుడు నా మీదకు వస్తున్నారు. వాళ్ళు నాకు చెప్పకపోయినా, వాళ్ళ వ్యవహారం నాకు తెలుసు కాబట్టి, నా గనులు క్లోస్ చేసే దానికి, స్కెచ్ వేసి తయారు చేసి రెడీ అయ్యారు. ఒకటి నా భార్య పేరిట ఉంది. నాకు , నా భార్యకు అది తప్ప ఏమి లేదు. దాంట్లో ఏమైనా వస్తే నాకు బ్రతుకు, లేకపోతే లేదు. ఇప్పుడు ఇది కొత్త స్టైల్ లో, నా పొట్ట కొట్టి, బ్రతుకు మీద కొట్టి, చంపేయటానికి చేస్తున్న ప్రయత్నాలు. ఏదో ఒకటి చేసి, ఆ మైన్ నడవకుండా చెయ్యాలని, ఒక సంకల్పంతో వచ్చారు. అది అడగటానికి ఇక్కడ వస్తే అధికారి లేడు. ఇలాగే చేస్తే ఇక నేను, నా భార్య ఇక్కడకు వచ్చి ధర్నా చెయ్యాలి. ఆఫ్ట్రాల్ ఒక ట్రాన్స్ఫర్ కి భయపడి, ఈ అధికారులు నన్ను ఇబ్బంది పెడుతున్నారు. వాళ్ళకు రూల్స్ ఏమి లేవు, ఈ ప్రభుత్వంలోనే లేవు. ఒక నియంత చెప్పింది, చేయటమే వాళ్ళకి తెలుసు. ఆ నియంత ఎంత కాలం ఉంటాడో లేదో వీళ్ళకు తెలుసా. " అని జేసి అన్నారు.

జగన్ అక్రమ ఆస్తుల కేసుకి సంబంధించి, ఈ రోజు సిబిఐ కోర్టులో విచారణ జరగనుంది. అయితే గత ఆరు నెలలుగా కో-వి-డ్ నిబంధనలు కారణంగా, కోర్టులు పని చేయకపోవటంతో , ఈ కేసుల విచారణ నెమ్మదించింది. ప్రధానంగా దీంట్లో చూసినట్టు అయితే, సిబిఐ దాఖలు చేసిన 11 చార్జ్ షీట్లు, ఈడీకి సంబంధించి 5 చార్జ్ షీట్ల పై విచారణ కొనసాగుతుంది. ప్రధానంగా అరాబిందో కంపెనీకి, జగతి కంపెనీ, హెటోరీ, భారతీ సిమెంట్స్, ఇలా ఈ కంపెనీల అన్నిటి పై విచారణ కొనసాగుతుంది. అయితే తనకు కోర్టు విచారణ నుంచి మినహాయింపు ఇవ్వాలని, తమది పెద్ద రాష్ట్రం అని , వచ్చి వెళ్ళటానికి 60 లక్షలు ఖర్చు అవుతుందని కోర్టుకు తెలిపారు. అయినా కోర్టు మాత్రం, జగన్ విచారణకు రావాల్సిందే అని చెప్పింది. అయినా ఒకటి రెండు సార్లు మినిహా, జగన్ మోహన్ రెడ్డి ప్రతి శుక్రవారం కోర్టుకు హాజరు కాలేదు. కోర్టు పర్మిషన్ తీసుకున్నారు. అయితే ఈ రోజు విచారణలో కూడా కేసుకి సంబంధించి, ఎవరూ కోర్టుకు విచారణకు వచ్చే అవకాసం కనిపించటం లేదు. న్యాయవాదులు మాత్రమే కోర్టుకు వచ్చే అవకాసం ఉంది. కో-వి-డ్ కారణంగా, నిందితులు కోర్టుకు హాజరుకావటం లేదని, కోర్టు నుంచి పర్మిషన్ కోరే అవకాసం ఉంది. దీంతో ఈ కేసు విచారణ వచ్చే వారానికి వాయిదా పడే అవకాశం ఉంది.

ఇక మరో పక్క, ప్రజాప్రతినిధుల పై ఉన్న కేసులు ఏడాది లోగా ముగించాలని, సుప్రీం కోర్టు ఇచ్చిన ఆదేశాల ప్రకారం, తెలంగాణా హైకోర్టు ఇచ్చిన ఆదేశాల మేరకు, నిన్న ఈడీ ప్రత్యెక న్యాయస్థానంలో విచారణ జరిగింది. అయితే ఈ నెల 13న ఈ కేసు విచారణకు రావాల్సి ఉన్నా, కేసులు తొందరగా ముగించాలని సుప్రీం కోర్టు చెప్పటంతో, విచారణ ముందుకు జరిపారు. ఈ కేసు నిన్న ఈడీ న్యాయస్థానం ముందుకు వచ్చింది. అయితే తాము హెటోరీ కేసుని బదిలీ చెయ్యాలి అంటూ, హైకోర్టులో పిటీషన్ దాఖలు చేసామని, ఈ కేసు విచారణ ఈ నెల 20న హైకోర్టు ముందుకు వస్తుందని, ఈడీ కోర్టుకు చెప్పారు. దీంతో ఈ కేసుని 20వ తేదీకి వాయిదా వేసింది ఈడీ ప్రత్యెక కోర్టు. మొత్తానికి ఇన్నాళ్ళు క-రో-నా కారణంగా వాయిదా పడుతూ వస్తున్న విచారణ మళ్ళీ ఊపుఅందుకోనుంది. అంతే కాకుండా, సుప్రీం కోర్టు ఇచ్చిన ఆదేశాల ప్రకారం, ఈ కేసుల విచారణ ఏడాది లోపు అవ్వాలి అంటే, ఈ కేసుల పై రోజు వారీ విచారణ కూడా ప్రారంభం అవుతుంది.

ఆంధ్రప్రదేశ్ రాస్త్రంలో స్థానిక సంస్థల ఎన్నికల నిర్వహణ పై హైకోర్టులో విచారణ జరిగింది. అయితే ఈ రెండు పిటీషన్లు , గత ఏడాది హైకోర్టులో నమోదు అయిన పిటీషన్లు. ఈ పిటీషన్ల ఆధారంగా, ఎన్నికలు నిర్వహించాలని గతంలో హైకోర్ట్ రాష్ట్ర ప్రభుత్వాన్ని ఆదేశించింది. కోర్టు ఆదేశాల ప్రకారం ఎన్నికల సంఘం కూడా ఎన్నికలకు సిద్ధం అయ్యింది. ఎన్నికల షడ్యులు కూడా విడుదల అయ్యి, నామినేషన్ల దాకా వెళ్ళింది. అయితే క-రో-నా అప్పుడే దేశంలో పెరుగుతూ ఉండటం, కేంద్రం ప్రభుత్వం అనేక జాగ్రత్తలు చెప్పటం, ప్రజలను, ప్రభుత్వాల్ని అప్రమత్తం చెయ్యటంతో, రాష్ట్ర ఎన్నికల సంఘం, ఎన్నికలను వాయిదా వేసింది. ఆ తరువాత కేంద్రం జనతా కర్ఫ్యూ, లాక్ డౌన్ లాంటి కార్యక్రమాలు లాంటివి పెట్టటంతో, ఎన్నికల కమిషన్ మంచి నిర్ణయం తీసుకుందని, ప్రజల ప్రాణాలు కాపాడిందని అందరూ అనుకున్నారు. అయితే ఎన్నికల సంఘం తీసుకున్న నిర్ణయం పై అప్పట్లో ప్రభుత్వం ఆగహ్రం వ్యక్తం చేసింది. ఎప్పుడూ ప్రెస్ ముందుకు రాని జగన్, ప్రెస్ మీటి పెట్టి, కరోనా చాలా చిన్నది, ప్యారాసిటమాల్ వేసుకుంటే తగ్గిపోతుంది, బ్లీచింగ్ చల్లితే వైరస్ పోతుంది, సియం నువ్వా నేనా అంటూ, రాష్ట్ర ఎన్నికల సంఘం అధికారి పై విరుచుకు పడ్డారు. ఏకంగా మంత్రులు కూడా, కులం పేరుతొ ఆయన్ను దూషించారు.

తరువాత జరిగిన పరిణామాలతో, నిమ్మగడ్డ పదవి పోవటం, ఆయన న్యాయ పోరాటం చెయ్యటం, హైకోర్టు, సుప్రీం కోర్టులో ఫైట్ చేసి మరీ, మళ్ళీ తన పదవిలో తాను కూర్చున్నారు. అయితే అప్పటి నుంచి ప్రభుత్వం, ఎన్నికల కమిషనర్ కు మధ్య వచ్చిన గ్యాప్ నేపధ్యంలో, తరువాత ఎన్నికలు ఎప్పుడు జరుగుతాయి అనేది క్లారిటీ లేదు. ఇప్పుడు క-రో-నా పై పూర్తి అవగాహన ఉండటంతో, అసెంబ్లీ ఎన్నికలు కూడా జరుగుతున్నాయి. దీంతో మొన్నటి దాకా ఎన్నికల నిర్వహణ పై ఉత్సాహంగా ఉన్న ఏపి ప్రభుత్వం స్థానిక సంస్థల ఎన్నికలు జరుపుతాయని అందరూ భావించారు. అయితే ఈ రోజు హైకోర్టు విచారణ సందర్భంగా, ఏపి ప్రభుత్వం క-రో-నా కారణంగా ఎన్నికలు జరపలేం అని కోర్టుకు చెప్పింది. అయితే గతంలో ఎన్నికల కమీషనర్ ఇదే మాట చెప్తే విరుచు పడిన ప్రభుత్వం, ఇప్పుడు అదే మాట చెప్పటం గమనార్హం. అయితే వివిధ రాష్ట్రాల్లో అసెంబ్లీ ఎన్నికలే జరుగుతున్నాయి కదా అంటూ, ఈ మాట ప్రభుత్వం కాదని, ఎన్నికల సంఘం చెప్పాలని, ఎన్నికల కమిషన్ కు హైకోర్టు నోటీసులు జారీ చేసింది. తదుపరి విచారణ నవంబర్ 2 కు కోర్టు వాయిదా వేసింది.