news

ఆంధ్రప్రదేశ్ రాష్ట్రంలో స్థానిక సంస్థల ఎన్నికలు ఎందుకు జరపటం లేదు అంటూ, గత ఏడాది దాఖలు అయిన పిటీషన్ పై, గతంలోనే హైకోర్టు ఆదేశాలు ఇచ్చి ఎన్నికలు జరపమని ఆదేశాలు ఇచ్చింది. హైకోర్టు ఆదేశాల ప్రకారం, రాష్ట్ర ఎన్నికల కమిషన్ కూడా ఎన్నికల నోటిఫికేషన్ విడుదల చేసి, నామినేషన్ల వరకు వెళ్ళింది. అయితే సరిగ్గా ఇదే సమయంలో ప్రపంచం మొత్తానికి క-రో-నా వచ్చి ఇబ్బంది పెట్టటంతో, మన దేశంలో కేంద్ర ప్రభుత్వం చర్యలు తీసుకోవటం ప్రారంభించింది. దీంతో రోజు రోజుకీ ముప్పు ఎక్కువ అవ్వటంతో, రాష్ట్ర ఎన్నికల సంఘం ఎన్నికలు వాయిదా వేసింది. అయితే ఈ కేసు మరో సారి మొన్న హైకోర్టు విచారణకు వచ్చింది. ఈ సందర్బంగా విచారణ చేసిన హైకోర్టు ఎందుకు ఎన్నికలు జరపటం లేదు అని అడగగా, ప్రభుత్వం తరుపు న్యాయవాది క-రో-నా ఎక్కువగా ఉందని, ఈ పరిస్థితిలో ఎన్నికలు జరపలేమని తేల్చి చెప్పారు. అయితే దీని పై హైకోర్టు అసంతృప్తి వ్యక్తం చేసింది. బీహార్ లో అసెంబ్లీ ఎన్నికలకు కూడా సిద్ధం అవుతున్నారు కదా, ఇక్కడ స్థానిక సంస్థల ఎన్నికలే కదా అంటూ, రాష్ట్ర ఎన్నికల సంఘానికి నోటీసులు ఇచ్చి, వారి అభిప్రాయం కోరింది. ఎన్నికల నిర్వహణ పై తమ అభిప్రాయం చెప్పాలి అంటూ, రాష్ట్ర ఎన్నికల సంఘాన్ని హైకోర్టు ఆదేశించింది.

దీంతో ఇప్పుడు రాష్ట్ర ఎన్నికల సంఘం కమీషనర్ నిమ్మగడ్డ ఏమి చెప్తారు అనే దాని పై ఆసక్తి నెలకొంది. ఆయన మేము ఎన్నికలు ఈ సమయంలో జరపలేం అంటే ఇబ్బందే ఉండదు. అదే ఎన్నికలు జరపే అవకాసం ఉందని చెప్తే మాత్రం, మళ్ళీ ప్రభుత్వం వ్యతిరేకించే అవకాశాలు ఉన్నాయి. దీంతో ఈ మొత్తం వ్యవహారం ఇప్పుడు మళ్ళీ ఆసక్తిగా మారింది. మరో పక్క రాష్ట్ర ఎన్నికల సంఘం కోర్టుకు తమ అభిప్రాయం చెప్పే సమయంలో, రాష్ట్ర ప్రభుత్వాన్ని సంప్రదిస్తుందా అనే ప్రశ్నలు కూడా వస్తున్నాయి. గతంలో అంటే వాయిదా కాబట్టి ప్రభుత్వ సహకారం అవసరం లేదు, ఇప్పుడు ఒక వేళ ఎన్నికలు జరపాలి అంటే మాత్రం, రాష్ట్ర ఎన్నికల సంఘానికి ప్రభుత్వ సహకారం అవసరం అవుతుంది. దీంతో రాష్ట్ర ఎన్నికల సంఘం ప్రభుత్వాన్ని సంప్రదిస్తుందా, లేకపోతే పరిస్థితి అంచనా వేసి, పక్క రాష్ట్రాల్లో ఎన్నికల సన్నద్ధత ఎలా ఉందో చూసి నిర్ణయం తీసుకుంటుందా అనేది చూడాల్సి ఉంది. చూద్దాం ఇది ఏమి అవుతుందో.

తెలుగుదేశం నేత అయ్యన్న పాత్రుడుగారు ఇదివరకు గుమ్మనూరువారి ఈఎస్ఐ స్కామ్ కు సంబంధించి బెంజ్ కారు ఆధారాలు చూపించారు. ఇప్పుడు గుమ్మనూరు భూస్కామ్ గురించి ఆధారాలు చూపించారు. కర్నూలు జిల్లా ఆస్పరి మండలంలో, ఇట్టిన ప్లాంటేషన్ అనే సంస్థకు చెందిన 203 ఎకరాలను, దొంగ సంతకాలతో మంత్రి జయరాం కైవసం చేసుకున్నారని, తెలుగుదేశం పార్టీ ఆరోపిస్తుంది. 2005లో కర్నూలు జిల్లాలో, ఇట్టిన కంపెనీ కోసం మహాబలేశ్వరప్ప, మంజునాథ్ అనే వ్యక్తులు, 450 ఎకరాలు కొన్నారని, మహాబలేశ్వరప్ప 2008లో మరణించటంతో ఆయన కొడుకులు కంపెనీ డైరెక్టర్లుగా చేరారరాణి, 2009 మార్చి 31న ఇట్టినా డైరెక్టర్ పదవి నుంచి మంజునాథ్ తప్పుకున్నారని, అయితే, 10 ఏళ్ళ తరువాత మంజునాథ్ ని ముందుకు తీసుకోవచ్చి, కంపెనీ భూములు అమ్మెందుకు పవర్ ఆఫ్ అటార్నీ ఉందని, ఫోర్జరీ పత్రాలతో, 203 ఎకరాలు మంత్రి జయరాం కొనుగోలు చేసారని తెలుగుదేశం పార్టీ ఆరోపణ. తన భార్య పేరిట 30.83 ఎకరాలు, తమ్ముడు భార్య పేరిట 30.53 ఎకరాలు, మరో తమ్ముడు పేరిట 31.58 ఎకరాలు, మరో నలుగురు బినామీ పేరున రాయించారని తెలుగుదేశం పార్టీ ఆరోపిస్తుంది.

ఇట్టినా సంస్థ ఆ భూములను రైతుల నుంచి కొనేటప్పుడు స్థానిక యువతకు ఉద్యోగాలు ఇస్తామని హామీ ఇచ్చారని, ఇప్పుడు ఆ భూములన్నీ మంత్రి గుమ్మనూరు వారి సొంతమైపోయాయని, దీని పై కేసులు ఉన్నా పట్టించుకోలేదని, తెలుగుదేశం పార్టీ ఆరోపించింది క్షేత్రస్థాయిలో పర్యటన కూడా చేసి, ఇవి వాస్తవాలు అంటూ ప్రజల ముందు పెట్టే ప్రయత్నం చేసింది తెలుగుదేశం పార్టీ. దీని పై పూర్తి ఆధారాలు, డాక్యుమెంట్ ఎవిడెన్స్ లు, అన్నీ తీసుకుని, హైకోర్ట్ లో కేసు వెయ్యటానికి కూడా తెలుగుదేశం పార్టీ రెడీ అయ్యింది. అయితే సరిగ్గా ఇక్కడే ఇప్పుడు మరో ట్విస్ట్ చోటు చేసుకుంది. ఈ వ్యవహారం అనేక మలుపులు తిరుగుతుంది. ఈ భూములు వ్యవహారం పై మంత్రి భార్య పోలీస్ స్టేషన్ లో ఫిర్యాదు చేసారు. కంపెనీ ఎండీ మను, మాజీ డైరెక్టర్ మంజునాథ్ సహా, మరికొంత మంది పై కేసు పెట్టారు. మంజునాథ్‍ అనే వ్యక్తికి భూములు అమ్మే హక్కు ఇస్తూ కంపెనీ బోర్డ్ తీర్మానం చేసి, ఇప్పుడు కంపెనీ మాట మార్చింది అంటూ, మంత్రి గారి భార్య పోలీసులకు ఫిర్యాదు చేసారు. ఈ వ్యవహారం ఇంకా ఎన్ని మలుపులు తిరుగుతుందో చూడాలి.

అమరావతి విషయంలో కేసులు రోజు వారీ విచారణకు వచ్చిన సంగతి తెలిసిందే. ఈ నేపధ్యంలోనే, అమరావతిలోని సెక్రటేరియట్, రాజ్ భవన్, అసెంబ్లీ, సియం కార్యాలయం, ఇతర డిపార్టుమెంటులు, కార్పొరేషన్ భవనాలు, విశాఖకు తరలించకుండా, ఇక్కడే ఉంచాలి అంటూ హైకోర్టులో పిటీషన్ దాఖలు అయ్యింది. అయితే మిగతా భవనాలు ఇప్పుడు తరలించే ఉద్దేశం మాకు లేదని ప్రభుత్వం తెలిపింది. అయితే సియం క్యాంప్ కార్యాలయం ఎక్కడైనా పెట్టుకునే హక్కు మాకు ఉందని, అలాగే వివిధ కార్పొరేషన్ ఆఫీస్ లు ఇప్పటికే రాష్ట్రంలో వివిధ ప్రాంతాల్లో ఉన్నాయని కోర్టుకు తెలిపింది. పలానా చోటు మాత్రమే క్యాంపు కార్యాలయం ఉండాలని ఎక్కడా లేదని, కోర్టుకు తెలపటంతో, దీనికి సంబంధించిన మొత్తం వివరాలు తమకు సమర్పించాలని, కోర్టు ఆదేశించటంతో, రాష్ట్ర ప్రభుత్వం కౌంటర్ దాఖలు చేసింది. రాష్ట్ర ప్రభుత్వం తరఫున పురపాలకశాఖ కార్యదర్శి జె.శ్యామలరావు నిన్న హైకోర్టులో కౌంటర్ దాఖలు చేసారు. రాష్ట్ర ప్రభుత్వానికి ఎన్ని సియం క్యాంప్ ఆఫీస్ లు అయినా పెట్టుకునే హక్కు ఉందని అన్నారు. జిల్లాకి ఒకటి అయినా పెట్టుకోవచ్చని ఆయన తన కౌంటర్ లో తెలిపారు. క్యాంప్ కార్యాలయం అమరావతిలోనే ఉండాలి, మరెక్కడా ఉండకూడదు అనే హక్కు పిటీషనర్ కు లేదని ఆయన కౌంటర్ లో తెలిపారు.

క్యాంప్ ఆఫీస్ ఒక్క చోటే ఉండాలనే చట్టం ఎక్కడా లేదని, సిఆర్డీఏ చట్టంలో కూడా, ఈ నిర్వచనం ఎక్కడా లేదని తెలిపారు. ఇప్పుడు ఉన్న చోటు నుంచే ముఖ్యమంత్రి ఉండాలని, అక్కడ నుంచి వేరే చోట పెట్టకూడదు అనే హక్కు ఎవరికీ లేదని తెలిపారు. అందుకే ఈ పిటీషన్ ను కొట్టేయాలని తమ కౌంటర్ లో రాష్ట్ర ప్రభుత్వం హైకోర్టుని కోరింది. ఈ పిటీషన్ పై రేపు విచారణ జరగనుంది. ఇక మరో పక్క కార్పొరేషన్ల విషయంలో కూడా ప్రభుత్వం క్లారిటీ ఇచ్చింది. హైకోర్టు స్టేటస్ కో ఇచ్చింది కాబట్టి, మిగతా కార్యాలయాలు తరలించటం లేదని, కార్పొరేషన్ల విషయంలో, ఇప్పటికే అనేక చోట్ల ఇవి ఉన్నాయి కాబట్టి, వాటికి ఇవి వర్తించదని, గుంటూరు, కృష్ణాలో ఉన్న కార్పొరేషన్ ఆఫీస్ లకే, ఈ ఉత్తర్వులు వర్తిస్తాయి అంటూ, ఆ కార్పొరేషన్ ల లిస్టు ని, హైకోర్టుకు సమర్పించారు. అమరావతి రాజధాని తరలింపు పిటీషన్ల పై రేపు, మరోసారి విచారణ జరగనుంది.