ఇటీవ‌లే టిడిపి యువ‌నేత లోకేష్ జ‌గ‌న్ రెడ్డిని ఉద్దేశిస్తూ ఓ ట్వీట్ వేశారు. ``జ‌గ‌న్ ప‌ని అయిపోయింది. లండ‌న్ వెళ్లేందుకు ల‌గేజీ స‌ర్దుకో`` అని దాని సారాంశం. ఈ లండ‌న్ క‌థేంటి? అని అంద‌రూ ఆశ్చ‌ర్య‌పోయారు. అయితే జ‌గ‌న్ కి లండ‌న్‌కి ఏదో సంబంధం ఉండే ఉంటుంద‌ని చాలా మంది అనుమానిస్తున్నారు. నాలుగు ఎమ్మెల్సీలు ఓడిపోయి వైసీపీ తొలిసారిగా డిఫెన్స్‌లో ప‌డిన కీల‌క స‌మ‌యంలో హ‌ఠాత్తుగా జ‌గ‌న్ రెడ్డి లండ‌న్ ప‌య‌నం అవుతుండ‌డం స‌ర్వ‌త్రా చ‌ర్చ‌నీయాంశం అవుతోంది. గ‌డ‌ప గ‌డ‌ప‌కీ మ‌న ప్ర‌భుత్వం, జ‌గ‌న్ మా భ‌విష్య‌త్తు కార్య‌క్ర‌మాలు ఊపిరి స‌ల‌ప‌కుండా రాష్ట్రంలో జ‌రుగుతున్నాయి. ఏడాదిలో ఎన్నిక‌లు రానున్నాయి. చుట్టూ ఇంత ఒత్తిడితో కూడిన స‌మ‌స్య‌లుంటే హ‌ఠాత్తుగా సీఎం లండ‌న్ బ‌య‌లుదేరుతార‌ని వార్త‌లు వ‌చ్చాయి. వైఎస్ జగన్ విదేశీ పర్యటన పూర్తిగా వ్య‌క్తిగ‌త‌మైన‌ద‌ని ప్ర‌క‌ట‌న విడుద‌ల చేశారు. భార్య వైఎస్ భారతి, కుమార్తెలు హర్షా రెడ్డి, వర్షా రెడ్డితో కలిసి ఈ నెల 21వ తేదీన విదేశీ పర్యటనకు వెళ్లి వారం రోజులు అక్క‌డే ఉంటారు. జ‌గ‌న్ రెడ్డి సీఎం అయ్యాక ఆయ‌న వెళ్లింది ఎక్కువ‌సార్లు లండ‌నే. త‌న కుమార్తె అక్క‌డ ఉన్నా, ప్ర‌తీసారీ లండ‌న్ వెళ్ల‌డం వెనుక ఏదో పెద్ద మ‌త‌ల‌బే ఉంద‌ని ప్ర‌చారం జ‌రుగుతోంది. వైసీపీకి ప్ర‌జ‌ల్లో తీవ్ర వ్య‌తిరేక‌త ఉంద‌ని, అధికారంలో ఉన్న‌ప్పుడు తాను వ్య‌వ‌హ‌రిస్తున్న నియంతృత్వ వైఖ‌రికి ప‌ద‌విపోతే మూల్యం చెల్లించుకోవాల్సి వ‌స్తుంద‌ని, అందుకే విదేశాల‌లో సెటిల‌య్యేందుకు ఇప్ప‌టి నుంచే ఏర్పాట్లు చేసుకుంటున్నార‌ని టిడిపి నేత‌లు సైటైర్లు వేస్తున్నారు. ఈ నేప‌థ్యంలోనే లోకేష్ వేసిన లండ‌న్ ట్వీటు, ఇప్పుడు జ‌గ‌న్ లండ‌న్ టూరు మ్యాచ్ అవుతున్నాయి.

వైఎస్ జ‌గ‌న్మోహ‌న్ రెడ్డి తీరు చాలా భిన్నం. త‌న‌పై దా-డి జ‌రిగింద‌ని కేసు పెట్టాడు. ఆ కేసులో విచార‌ణ‌కి కోర్టు పిలిస్తే ట్రాఫిక్ స‌మ‌స్య అంటాడు. పాల‌న‌లో బిజీగా ఉన్నానని చెబుతాడు. ఈయ‌న చేస్తున్న పాల‌న అంద‌రికీ తెలుసు. చావులకి , పెళ్లిళ్ల‌కు వెళ్ల‌డం త‌ప్పించి ఆయ‌న చేసిన పాల‌న ఏమీ లేద‌ని ప్ర‌జ‌ల‌కి తెలుసు. కోర్టుల‌కి ప‌త్రాలే ఆధారం కాబ‌ట్టి ఆ మేర‌కు ప‌త్రాలు స‌మ‌ర్పించి త‌ప్పించుకుంటున్నాడు. నిందితుడిగా ఉన్న కేసుల్లోనూ కోర్టుకి రాడు. బాధితుడిగా ఉన్న కేసుల్లోనూ కోర్టుకి వెళ్ల‌డు. చిన్న‌పిల్ల‌లు బ‌డికి వెళ్ల‌న‌ని మారాం చేస్తే బడిదొంగ అని గేలి చేసేవారు. జ‌గ‌న్ కోర్టు విచార‌ణ‌కి పిలిస్తే, వెళ్ల‌కుండా ర‌క‌ర‌కాల సాకుల‌తో ఎగ్గొడుతుంటే కోర్టు దొంగ అని విప‌క్షాలు విమ‌ర్శిస్తున్నాయి. నాలుగేళ్ల త‌రువాత‌ విశాఖపట్నం విమానాశ్రయంలో సీఎం జగన్ మోహన్ రెడ్డిపై జరిగిన కోడికత్తి దా-డి కేసుపై విజయవాడ ఎన్ఐఏ కోర్టులో విచార‌ణ ఆరంభ‌మైంది. ఈ కేసులో సాక్షి, బాధితుడిగా ఉన్న సీఎం జగన్ రెడ్డి కోర్టుకు హాజరు కావాలని గత వాయిదాకి జ‌డ్జి ఆదేశాలిచ్చారు. అయితే ముఖ్యమంత్రి జగన్ మోహన్ రెడ్డి బ‌దులు ఆయ‌న పీఏ కె నాగేశ్వ‌ర్ రెడ్డి కోర్టుకు హాజరయ్యారు. రాష్ట్రానికి సీఎంగా బాధ్యతల నిర్వహణ ఉందని, పేదలకు సంక్షేమ పథకాలు అందించే కార్యక్రమాల సమీక్షలు ఉన్నాయని, తాను కోర్టుకు హాజరైతే భద్రత కోసం వచ్చే వాహనాలతో ట్రాఫిక్ ఇబ్బందులు తలెత్తుతాయని పేర్కొంట‌గూట జ‌గ‌న్ రెడ్డి పిటిషన్ దాఖ‌లు చేశారు. అడ్వకేట్ కమిషనర్‍ సమక్షంలో, వీడియో కాన్ఫరెన్స్ ద్వారా త‌న సాక్ష్యం న‌మోదుకి అవ‌కాశం క‌ల్పించాల‌ని జ‌గ‌న్ రెడ్డి వేసిన పిటిషన్ ను పరిశీలించిన న్యాయమూర్తి విచారణ షెడ్యూల్‍ను రద్దు చేసి ఈనెల 13కు వాయిదా వేశారు.

టిడిపి అధినేత చంద్ర‌బాబు అస‌లు సిస‌లు రాజ‌కీయ నేత అవ‌తారంలో ప్ర‌త్య‌క్ష‌మ‌య్యారు. సాంప్ర‌దాయ రాజ‌కీయాల‌ని న‌మ్ముకుని ఇన్నాళ్లూ జ‌గ‌న్ రెడ్డితో పోరాడారు. అరాచ‌క‌, నియంతృత్వ‌, ఫ్యాక్ష‌న్ పోక‌డ‌ల‌తో జ‌గ‌న్ రెడ్డి అన్ని ప్ర‌జాస్వామ్య ప‌ద్ధ‌తుల‌ని కాల‌రాశాడు. ఈ నేప‌థ్యంలో త‌న సాంప్ర‌దాయ రాజ‌కీయ పోరాట పంథాని ప‌క్క‌న‌బెట్టి దూకుడు రాజ‌కీయ వ్యూహాల‌కి దిగారు. ప‌ట్ట‌భ‌ద్రుల ఎమ్మెల్సీ ఎన్నిక‌లు చాప‌కింద నీరులా ప‌ని ఉంటే, ఎమ్మెల్యే కోటా ఎన్నిక‌ల్లో పంచుమ‌ర్తి అనూరాధ‌ని దింపి త‌న సీటు తానే గెలుచుకుని కూడా వైసీపీని చావుదెబ్బ కొట్టారు.
జ‌గ‌న్ రెడ్డి ప్ర‌వ‌ర్త‌న‌, తీసుకునే నిర్ణ‌యాలు, చేస్తున్న విధ్వంసం ప్ర‌జ‌ల ముందుంచి `` సైకో పోవాలి- సైకిల్ రావాలి`` అనే నినాదాన్ని జ‌నంలోకి బాగా తీసుకెళ్ల‌డంలో చంద్ర‌బాబు స‌క్సెస్ అయ్యారు. ఇప్పుడు టిడిపి శ్రేణులంతా జ‌గ‌న్ రెడ్డిని సైకో అనే పిలుస్తున్నారు. టిడిపి సోష‌ల్ మీడియా అంతా జ‌గ‌న్ రెడ్డిని సైకో అనే సంబోధిస్తున్నాయి. ఇప్పుడు మ‌రో స్లోగ‌న్ ని జ‌గ‌న్ పైకి ఎక్కుపెట్టారు చంద్ర‌బాబు. జ‌గ‌న్ రెడ్డి ప్ర‌తీ స‌భ‌లోనూ నేను మీ బిడ్డ‌నంటూ ప్రాధేయ‌ప‌డుతున్న విష‌యాన్నే లైనుగా తీసుకుంది తెలుగుదేశం. చంద్ర‌బాబు జ‌గ‌న్ రెడ్డి మీ బిడ్డ కాదు..రాష్ట్రానికి ప‌ట్టిన‌ క్యాన్సర్ గడ్డ అంటూ కొత్త నినాదంతో మ‌రో క్యాంపెయిన్ తీసుకున్నారు. ఇది కూడా జ‌నంలోకి బాగా వెళుతోంది.

వైఎస్ వివేకానంద‌రెడ్డి హ‌-త్య‌కేసులో సీబీఐ అనుమానితుడుగా ఉన్న వైఎస్ అవినాశ్ రెడ్డి తండ్రి భాస్క‌ర్ రెడ్డి లాయ‌ర్లు కొత్త స్టోరీతో మ‌ళ్లీ తెలుగు ప్ర‌జ‌ల ముందుకొచ్చారు. వివేకానంద‌రెడ్డిని అత్యంత దారుణంగా చంపేసిన త‌రువాత పులివెందుల ఎదుగూరి సంధింటి క్రియేటివ్ రైటింగ్స్ నుంచి వ‌చ్చిన‌ తొలి క‌థ గుండెపోటు. సాయంత్రానికే పీకే క్రియేటివ్స్ ఐప్యాక్ సూచ‌న‌తో దీనిని గొడ్డ‌లిపోటుగా మార్పు చేశారు. ఆ త‌రువాత రోజే అబ్బాయ్ సొంత మీడియా సంస్థ‌లో `నారాసుర ర‌క్త‌చ‌రిత్ర‌` అని అచ్చేయించారు. కేసు విచార‌ణ సీబీఐ స్పీడ్ చేశాక‌..ఈ ర‌క‌ర‌కాల క‌థ‌లు వినిపిస్తున్న వారి చుట్టూనే అనుమానాలు పెరిగాయి. ఆధారాలు అక్క‌డికే వెళ్లి ఆగుతున్నాయి. ఈ నేప‌థ్యంలో అబ్బాయ్ జ‌గ‌న్ రెడ్డి రెండుసార్లు ఢిల్లీ ప‌ర్య‌ట‌న‌, అవినాష్ రెడ్డి అరెస్టు ఆగిపోవ‌డం వంటి ప‌రిణామాలు చ‌క‌చ‌కా సాగిపోయాయి. అవినాష్ రెడ్డి అరెస్ట్ అవుతున్నాడ‌నే ద‌శ‌లోనే వివేకానంద‌రెడ్డిది ల‌వ్ జి-హా-ద్ హ‌-త్య అని ఇదే గ్యాంగ్ ప్ర‌చారం చేసింది. అది వ‌ర్క‌వుట్ కాక‌పోయేస‌రికి వివేకా కూతురు, అల్లుడే ఆస్తి కోసం చేసి ఉంటార‌ని అబ్బాయ్ మీడియా సీరియ‌ల్ వేసింది. సుప్రీంకోర్టు ఆదేశాల‌తో సీబీఐ విచార‌ణ ఈ నెలాఖ‌రుకి పూర్తి కావాల్సి ఉంది. కేసులో ఆరోప‌ణ‌లు ఎదుర్కొంటోన్న అవినాష్ రెడ్డి తండ్రి భాస్క‌ర్ రెడ్డి లాయ‌ర్ నిరంజన్ రెడ్డి మ‌రో కొత్త స్క్రీన్ ప్లేతో రంగ ప్ర‌వేశం చేశారు. సునీల్ యాదవ్ తల్లిని వివేకానంద‌రెడ్డి లైంగికంగా వేదించాడని అందుకే వివేకాపై కక్షతో ఈ హ-త్య-కు కుట్ర పన్నాడ‌ని కోర్టుకి తెలియ‌జేశారు. దస్తగిరిని అప్రూవర్ గా ప్రకటించడాన్ని, దస్తగిరి బెయిల్ రద్దు చేయాలని అవినాష్ రెడ్డి తండ్రి వేసిన పిటిష‌న్ పై ఆయ‌న వాద‌న‌లు వినిపించారు. వివేకా రెండవ భార్య కుమారుడిని వారసుడుగా ప్రకటించడంతో వారి కుటుంబంలో తీవ్ర విభేదాలు వచ్చాయ‌ని చెప్పారు లాయ‌ర్. టీడీపీ సునితతో కలిసి అవినాష్ రెడ్డి,భాస్కర్ రెడ్డిలపై కుట్ర పన్నార‌ని చెప్పుకొచ్చారు. సిబిఐ సైతం తమ వాదనతో సంబంధం లేకుండా దస్తగిరి వాగ్మూలంపై ఆధారపడి విచారిస్తుంద‌ని కోర్టుకి భాస్క‌ర్ రెడ్డి వాద‌న‌గా తెలిపారు. ఈ కేసు విచారణని గురవారానికి తెలంగాణ‌ హైకోర్టు వాయిదా వేసింది.

Advertisements

Latest Articles

Most Read