news

నిన్న అసెంబ్లీలో జగన్ చెప్పిన సత్య దూరం అయిన వ్యాఖ్యల పై, తెలుగుదేశం పార్టీ, జగన్ పై సభా హక్కుల ఉల్లంఘన నోటీసు ఇచ్చింది. రైతులకు ఇచ్చే సున్నా వడ్డీ రుణాల విషయంలో సభను జగన్ తప్పుదోవ పట్టించారని తెలుగుదేశం పార్టీ చెప్పింది. నిన్న అసెంబ్లీలో కరవు పై జరిగిన చర్చ సందర్భంగా అసెంబ్లీని జగన్ తప్పుదోవ పట్టించారని తెలుగుదేశం పార్టీ ఎమ్మెల్యే నిమ్మల రామానాయుడు ఆరోపించారు. ఈ రోజు అసెంబ్లీ ప్రారంభమైన తర్వాత క్వషన్ హవర్ సమయంలో నిమ్మల మాట్లాడారు. ఎంతో రాజకీయ చరిత్ర ఉన్న చంద్రబాబుని హేళన చేస్తూ జగన్ సభలో మాట్లాడారని అన్నారు. అసెంబ్లీలో ఛాలెంజ్ ఛాలెంజ్ అంటూ, మీరు రాజీనామా చేస్తారా అని సవాల్‌ చేశారని జగన అన్నారని చెప్పారు. వడ్డీలేని రుణాలు ఎంతమొత్తం ఇచ్చామన్నది రికార్డులతో సహా మీకు ఇస్తున్నాం అని స్పెకర్ కు తెలిపారు. రైతులకు వడ్డీ లేని రుణాలు రద్దు చేశారని అసత్యాలు మాట్లాడటం మంచిది కాదని అన్నారు.

చంద్రబాబు ప్రభుత్వం వడ్డీలేని రుణాల కింద 2013-14లో రూ.349 కోట్లు చెల్లించారని, 2014-15లో రూ.44 కోట్లు చెల్లించారని, 2017-18 ఆర్థిక సంవత్సరంలో రూ.570 కోట్లు పెండింగ్‌లో ఉందని అన్నారు. ఇటీవల జరిగిన ఎస్‌ఎల్‌బీసీ సమావేశంలో ఈ నిధులను విడుదల చేయాలని జగన్‌ను కోరితే ఆయన నిరాకరించిన విషయం నిజమా కాదా అని ప్రశ్నించారు. వడ్డీలేని రుణాల పథకం రద్దుచేశారని, రూపాయి కూడా ఇవ్వలేదని జగన్ అసత్యాలు మాట్లాడారని టిడిల్పీ నేత అచ్చెన్నాయుడు ఆరోపించారు. ఐదేళ్ల పాలనలో రూపాయి ఇవ్వలేదని, ఎంత మొత్తం ఇచ్చామో లెక్కలతో సహా చూపిస్తామన్నామని అచ్చెం నాయుడు అన్నారు. మరి ఈ ఆధారాలు అన్నీ ఇచ్చిన దాని పై స్పీకెర్ ఏ నిర్ణయం తీసుకుంటారో చూడాలి.

జగన్ మోహన్ రెడ్డితో తెలుగుదేశం పార్టీ గన్నవరం ఎమ్మెల్యే వల్లభనేని వంశీ భేటీ అయ్యారు. నిన్న పట్టిసీమ నీటిని వాడుకునే మోటార్లకు ఉచిత విద్యుత్ ఇవ్వాలని కోరుతూ జగన్ కు లేఖ రాసిన వంశీ, ఈ రోజు జగన్ ను వచ్చి మరీ పర్సనల్ గా కలిసారు. పట్టిసీమ నుంచి నీరు వదలటంతో, పోలవరం కుడి కాలువ నుంచి నీటి మళ్లింపునకు 500 మోటార్లు పెట్టుకున్నామని, వాటికి ఉచిత విద్యుత్‌ సరఫరా చేయాలని జగన్ ను వంశీ కోరారు. ఇప్పటికే ఈ విష్యం పై జగన్ కు లేఖ రాసిన వంశీ, తాజాగా ఆయనతో భేటీ అయ్యారు. పోలవరం కుడి కాలువ నుంచి గోదావరి నీటిని గన్నవరం నియోజకవర్గంలోని మెట్ట గ్రామాలకు తరలించేందుకు సహకరించాలని జగన్ కు విజ్ఞప్తి చేశారు. గత నాలుగేళ్లుగా తన సొంత ఖర్చుతో, రైతుల కోసం 500 మోటార్లు ఏర్పాటు చేసి నీటిని తోడుకున్నామని, అప్పట్లో చంద్రబాబు గారు, దీనికి అవసరమయ్యే విద్యుత్తును ప్రభుత్వం తరుపున ఉచితంగా ఇచ్చారని చెప్పారు.

గతంలో ఇచ్చినట్టే, ఈ సంవత్సరం కూడా ఉచిత విద్యుత్తు సరఫరా ఇచ్చేలా ఏపీఎస్పీడీసీఎల్‌ అధికారులకు ఆదేశాలు జారీ చేయాలని వంశీ కోరారు. మరి వంశీ విజ్ఞప్తికి జగన్ ఎలా స్పందిస్తారో చూడాలి. ఈ విషయం పై, విద్యుత్, ఇరిగేషన్ శాఖలకు సంబంధించిన మంత్రులకు కూడా లేఖల్ని పంపానని వంశీ చెప్పారు. పోలవరం కుడి కాల్వ కోసం, అక్కడి రైతులు తమ భూమిని త్యాగం చేసారని, పట్టిసీమ కోసం ఆ భూములు తామే తీసుకుని, పోలవరం కుడి కాలువ పూర్తి చేసామని, ఈ రోజు కృష్ణా డెల్టాకు నీరు వస్తుంది అంటే, ఆ రైతుల త్యాగమే అని, అందుకే వారిని ఆదుకోవాలని వంశీ కోరారు. అయితే, తెలుగుదేశం ఎమ్మెల్యే ఇలా జగన్ ను కలవటం పై రకరకాల వార్తలు వస్తున్నా, వంశీ మాత్రం, తన నియోజకవర్గ రైతుల కోసమే కలిసానని, ఎవరు ఏమి ప్రచారం చేసినా నష్టం లేదని అన్నారు.

నిన్న జగన్ మోహన్ రెడ్డి అసెంబ్లీలో మాట్లాడుతూ, చంద్రబాబు గాడిదలు కాస్తున్నాడా అంటూ సభ సాక్షిగా చేసిన వ్యాఖ్యల పై లోకేష్ స్పందించారు. సోషల్ మీడియాలో స్పందిస్తూ, ఆ రోజు చంద్రబాబు కాళేశ్వరం ప్రాజెక్ట్ ని అడ్డుకోవటానికి ఎలాంటి పోరాటం చేసారు అని ప్రస్తావిస్తూ, ఆ రోజు ఏకంగా సాక్షి తెలంగాణ ఎడిషన్ లో, చంద్రబాబు కాళేశ్వరం ప్రాజెక్ట్ కు అడ్డు పడుతున్నారు అంటూ అక్కడ తెలంగాణా ప్రజలను రెచ్చగొట్టే విధంగా రాసిన పేపర్ క్లిప్పింగ్ తో పాటు, ఇతర పేపర్ లో వచ్చిన వార్తలు కూడా జగన్ చేసి ట్విట్టర్ లో పోస్ట్ చేసారు. ‘‘కాళేశ్వరం కడుతుంటే ప్రతిపక్ష నేత చంద్రబాబు గాడిదలు కాస్తున్నారా అంటూ, జగన్‌ గారు సంస్కారవంతమైన భాషలో అసెంబ్లీలో అడిగారు. కాళేశ్వరం పై చంద్రబాబు ప్రభుత్వం, కేంద్రానికి ఫిర్యాదు చేసిన విషయం అన్ని పత్రికల్లో వచ్చింది."

"ఇలాంటివి చూసే సమయం మీకు ఉండి ఉండదు. ఎందు కంటే.. ఆ టైంలో తమరు గుడ్డి గుర్రానికి పళ్లు తోముతున్నారేమో అని లోకేష్‌ అన్నారు. నిన్న కాళేశ్వరం పై చర్చలో జగన మాట్లాడుతూ, కేసీఆర్ ఎంతో దయా హృదయంతో, మనకు నీళ్ళు ఇస్తున్నారని, అందుకే ఆ ప్రాజెక్ట్ తెలంగాణా భూభాగంలో కట్టటానికి ఒప్పుకున్నామని జగన అన్నారు. కాళేశ్వరం ప్రాజెక్ట్ ప్రారంభోత్సవానికి నేను వెళ్ళినా, వెళ్ళకపోయినా అక్కడ ఓపెనింగ్ ఏమి ఆగేది కాదని, అందుకే వెళ్లానని జగన్ అన్నారు. ఇదే సందర్భంలో జగన మాట్లాడుతూ, కాళేశ్వరం కడుతుంటే, అప్పుడు చంద్రబాబు సియంగా ఉన్నారని, అప్పుడు ఆపకుండా, గాడిదలు కాసరా అని జగన్ అన్నారు. దీని పై తెలుగుదేశం పార్టీ తీవ్ర అభ్యంతరం చెప్పింది. చంద్రబాబు లాంటి సీనియర్ నేతను, జగన్ లాంటి వ్యక్తి, గాడిదలు కాస్తున్నాడా అని అంటారా అని, తీవ్ర అభ్యంతరం చెప్పారు.