news

తెలుగుదేశం పార్టీ ఎమ్మెల్యేలను, వైసీపీ నేతలు వెంటాడుతున్నారు. ఒకసారి కొత్త వ్యూహంతో రోజుకి ఒక తెలుగుదేశం ఎమ్మెల్యే పై కోర్ట్ ల్లో కేసులు వేస్తూ, ఏవో సాకులు చూపించి, వారి ఎన్నిక చెల్లదు అంటూ, కేసులు పెడుతున్నారు. మొన్నటి ఎన్నికల్లో తెలుగుదేశం పార్టీకి 23 ఎమ్మెల్యే సీట్లు వచ్చాయి. అయితే వారిలో కొంత మందిని లాగేసి, తెలుగుదేశం పార్టీకి ప్రతిపక్ష హోదా లేకండా చూడాలని ప్లాన్ చేసారు. అయితే, జగన్ మాత్రం, నేను అలా తీసుకోను అంటూ నీతులు చెప్పి, వేరే మార్గంలో తెలుగుదేశం ఎమ్మెల్యేల పై ఒక వ్యూహం ప్రకారం టార్గెట్ చేసి, వారిలో కొంత మందిని అనర్హులుగా ప్రకటించే గేమ్ ప్లాన్ అమలు చేస్తున్నారు. గత వారం రోజులుగా రోజుకి ఒక ఎమ్మెల్యే పై, ఇలా అఫిడవిట్ లో సాంకేతిక అంశాలు చూపించి కోర్ట్ లో అనర్హత పిటీషన్ వేస్తున్నారు. ఇప్పటికే, నిమ్మకాయల చినరాజప్ప, కరణం బలరామ కృష్ణమూర్తి, మద్దాలి గిరిధర్‌రావు, అచ్చెంనాయడు , అనగాని సత్య ప్రసాద్ పై, ఈ విధంగా కోర్ట్ కు వెళ్లారు.

ఇప్పుడు తాజగా గన్నవరం ఎమ్మెల్యే వల్లభనేని వంశీ పై కోర్ట్ కు వెళ్లారు. వంశీ పై ఓడిపోయినా గన్నవరం వైసీపీ అభ్యర్ధి, యార్లగడ్డ వెంకటరావు, వంశీ ఎన్నిక చెల్లదు అంటూ కోర్ట్ మెట్లు ఎక్కారు. ఎమ్మెల్యేగా గెలుపొందిన వల్లభనేని వంశీ ఎన్నికను రద్దుచేయాలని కోరుతూ హైకోర్టులో మంగళవారం పిటీషన్ ధాఖలు చేసారు. ఎన్నికల ప్రచారం సమయంలో, ప్రజాప్రాతినిధ్య చట్ట నిబంధనలను వంశీ ఉల్లంఘించారని, ఓటర్లను ప్రలోభాలకు గురి చేసారని, ఆ పిటీషన్ లో చెప్పారు. అలాగే పోస్టల్ బ్యాలెట్ విషయం పై కూడా అనుమానాలు ఉన్నాయని, అవి మరోసారి లేక్కించాలని, వెంకటరావు కోరారు. ఎన్నికల్లో గెలుపు ఓటములు సహజం., అలాగే ఇలా అనర్హత వేటు వెయ్యమని ప్రత్యర్ధులు, ఏదైనా బలమైన కారణం ఉంటేనే కోరతారు. కాని ఇక్కడ వైసీపీ, ఎదో ప్లాన్ ప్రకారం చేస్తుంది. మరి దీన్ని తెలుగుదేశం పార్టీ ఎలా ఎదుర్కుంటుందో...

నిన్న చంద్రబాబు నాయుడు, అనంతపురం జిల్లా పర్యటనకు వెళ్లారు. తాడిపత్రిలో వైసీపీ నేతల చేతులో హత్యకు గురైన కార్యకర్త కుటుంబాన్ని పరామర్శించారు. ఈ సందర్భంగా, ధర్మవరం నియోజకవర్గంలో బహిరంగ సభలో మాట్లాడుతూ, ధర్మవరం నియోజకవర్గం పై కీలక ప్రకటన చేసారు. కొద్ది రోజుల క్రితం, ధర్మవరం నియోజకవర్గం టిడిపి బాధ్యతలు చూసే వరదాపురం సూరి, పార్టీ మారి, బీజేపీలో చేరిన సంగతి తెలిసిందే. దీంతో కొత్త ఇంచార్జ్ కోసం, కొన్ని రోజులుగా కసరత్తు జరుగుతుంది. ఈ నేపధ్యంలో ధర్మవరం నియోజకవర్గంలో పర్యటించిన చంద్రబాబు, ధర్మవరం నియోజకవర్గం బాధ్యతలు, పరిటాల కుటుంబానికి అప్పచేప్తున్నాం అని, వేలాది మంది తెలుగుదేశం పార్టీ కార్యకర్తల మధ్య ప్రకటించారు. చంద్రబాబు అక్కడ బహిరంగ సభలో మాట్లాడుతూ, రాప్తాడు, ధర్మవరం రెండు నియోజకవర్గాల బాధ్యతలు పరిటాల కుటుంబానికే ఇస్తున్నట్టు ప్రకటించారు.

ఈ నియోజకవర్గ బాధ్యతలు పరిటాల సునీత చుసుకుంటుందో, పరిటాల శ్రీరామ్‌ తీసుకుంటారో, వారి నిర్ణయానికే వదిలేస్తున్నట్లు చంద్రబాబు చెప్పారు. పరిటాల కుటుంబ సభ్యులతో చర్చించి నిర్ణయం ప్రకటిస్తామని చంద్రబాబు అన్నారు. ఈ సందర్భంగా, చంద్రబాబు సమక్షంలోనే, పరిటాల సునీత బహిరంగ సభను ఉద్దేశించి మాట్లాడారు. మొన్నటి దాక ఇక్కడ ఉన్న ఒక నాయకుడు, ఇదే ధర్మవరంలో తమను రావటానికి, మాట్లాడటానికి కూడా అవకాశమివ్వలేదని, ఇప్పుడే అదే మనిషి పార్టీని విడిచిపెట్టి వెళ్లాడన్నారు. ఎవరూ ఉన్నా లేకపోయినా, పరవాలేదని, కొందరు వస్తుంటారు, పోతుంటారని, వారి గురించి పట్టించుకోనవసరం లేదని, పార్టీ ముఖ్యమని అన్నారు. చంద్రబాబు గారి మాటే మాకు వేదం అని, చంద్రబాబు గారు చెప్పినట్టు, మేము చర్చించుకుని, ధర్మవరంలో ఎవరు ఇంచార్జ్ గా ఉండాలో, అధినేత ద్రుష్టికి తీసుకువచ్చి, ఆయన నిర్ణయం ప్రకారం, ఇక్కడ పార్టీని బలోపేతం చేస్తామని అన్నారు.

తాడేపల్లి జగన్ నివాసం దగ్గర, రోజు రోజుకీ ఆందోళనలు పెరిగిపోతున్నాయి. అది ఒక ధర్నా చౌక్ లాగా మారిపోయింది. అన్ని వర్గాల ప్రజలు, వివిధ అవుట్ సోర్సింగ్ ఉద్యోగులు జగన్ మీద ఆశ పెట్టుకుని, ఎదో చేస్తారని ఆశించి, ఏమి చెయ్యకపోవటంతో, జగన్ నివాసం దగ్గరకు వచ్చి, న్యాయం చెయ్యాలంటూ ఆందోళనలు చేస్తున్నారు. ఒక రోజు కాదు, ప్రతి రోజు ఇదే తంతు కొనసాగుతుంది. ఈ రోజు మాత్రం మరింత టెన్షన్ వాతావరణం నెలకొంది. దీంతో జగన్ నివాసం వద్ద పోలీసులను భారీగా మొహరించారు. రేషన్ డీలర్లు, జగన్ నివాసాన్ని ముట్టడిస్తాం అని చెప్పటంతో, పోలీసులు సెక్షన్ 30 అమలు చేసి, భద్రత కలిపిస్తున్నారు. ఒక పక్క రేషన్ డీలర్ల టెన్షన్ ఉంటూ ఉండగానే, ఔట్ సోర్సింగ్ ఉద్యోగులు కూడా తమకు ఉద్యోగ భద్రత కల్పించాలని పెద్ద ఎత్తున నిరసన చేపట్టారు. ఈ నేపధ్యంలో, గతంలో ఎప్పుడూ లేనంత టెన్షన్ జగన్ నివాసం వద్ద ఉండటంతో భారీ బందోబస్తు ఏర్పాటు చేశారు.

రాష్ట్రంలో దాదపుగా 29 వేల మంది రేషన్ డీలర్లు, తమ బ్రతుకు ఏమైపోతుందో అని ఆందోళన చెందుతున్నారు. వాలంటీర్ల వ్యవస్థ రావటంతో, రేషన్ డీలర్ల పై ప్రభుత్వం క్లారిటీ ఇవ్వటం లేదు. దీంతో రేషన్ డీలర్లును తీసేస్తారు అనే అనుమానాలు వస్తున్నాయి. అందుకే మా గురించి క్లారిటీ ఇవ్వండి అని రేషన్ డీలర్లు ఎన్ని సార్లు అడిగినా, ఎవరూ స్పందించటం లేదు. దీంతో వారు ఆందోళన బాట పట్టారు. వారధి వైపు నుంచి పెద్ద ఎత్తున రేషన్ డీలర్లు వస్తూ ఉండటంతో, పోలీసులు వారిని అక్కడే అడ్డుకుంటున్నారు. అక్కడ నుంచి వారిని వెనక్కు పంపిస్తున్నారు. మరో పక్క డ్వాక్రా మహిళలు, మాకు పసుపు కుంకుమ చెక్కులు రాలేదని , మా మోర ఆలకించాలని వస్తే, వారిని కూడా పోలీసులు అడ్డుకున్నారు. మరో పక్క, కంప్యూటర్ ఆపరేట్ ఉద్యోగులు కూడా జగన్ నివాసం వద్ద ఆందోళన చేసారు. అయితే పోలీసులు ఎవరినీ లోపలకి పంపించటం లేదు.