news

ఒక పక్క చంద్రబాబు భద్రత పై తెలుగుదేశం పార్టీ ఆందోళన చెందుతుంది. భద్రత తగ్గించారని, జెడ్ ప్లస్ భద్రత ఉన్న చంద్రబాబుని కావాలని టార్గెట్ చేస్తుందని ఆరోపిస్తుంది. మరో పక్క, ఇదే విషయం పై చంద్రబాబు కూడా, ఇదే విషయం పై కోర్ట్ లో కూడా కేసు వేసారు. 2014కి ముందు తనకు ఏ భద్రత ఉందో, అదే భద్రత ఇవ్వాలని పిటీషన్ లో కోరారు. దీని పై వాదనలు నడుస్తున్నాయి. ఈ క్రమంలో, నిన్న అనంతపురం పర్యటనలో చంద్రబాబు కాన్వాయ్ లని ఎస్కార్ట్ వాహనం బోల్తా పడి ప్రమాదానికి గురవ్వటంతో, అందరూ ఒక్కసారి ఉలిక్కి పడ్డారు. అయితే ఎవరికీ ఏ ప్రమాదం జరగకపోవటంతో అందరూ ఊపిరి పీల్చుకున్నారు. ఈ వార్త తెలిసిన వెంటనే, ఒక్కసారిగా షాక్ అయ్యి, అది ఎస్కార్ట్ వాహనం అని తెలియటంతో, ఊపిరి పీల్చుకున్నారు. వివరాలు ఇలా ఉన్నాయి.

రెండు రోజుల పాటు చంద్రబాబు అనంతపురం జిల్లా పర్యటనలో ఉన్నారు. పర్యటన ముగించుకుని బెంగళూరుకు వెళ్తుండగా , చంద్రబాబు కాన్వాయ్ లోని ఎస్కార్ట్ వాహనానికి, పెనుకొండ వద్ద ఈ ప్రమాదం జరిగింది. పోలీసుల వివరాల ప్రకారం, మాజీ ముఖ్యమంత్రి చంద్రబాబు నాయుడు రెండు రోజుల పాటు అనంతపురం జిల్లాలో పర్యటించటానికి మంగళవారం జిల్లాకు చేరుకున్నారు. రెండు రోజుల పాటు పర్యటన ముగించుకున్న చంద్రబాబు, బుధవారం ఉదయం బెంగుళూరుకు బయళ్దేరారు. అక్కడ నుంచి విజయవాడ వచ్చారు. అయితే చంద్రబాబు బెంగుళూరు వెళ్తున్న సమయంలో, పెనుగొండ వద్ద, చంద్రబాబు కాన్వాయ్‌లోని ఎస్కార్ట్‌గా ఉన్న పోలీసు వాహనం పెనుకొండ అదుపు తప్పి బోల్తా పడింది. ఈ ప్రమాదంలో రిజర్వు ఎఎస్‌ఐ రామాంజినేయులు, ఎఆర్‌ హెడ్‌కానిస్టేబుల్‌ విజయ్‌కుమార్‌లకు గాయాలు కావటంతో, వారిని అనంతపురం ప్రభుత్వ ఆసుపత్రికి తరలించారు.

రాష్ట్రంలో గత 5 సంవత్సరాల్లో ఎప్పుడూ వినపడని మాట, విత్తన కష్టాలు.. 2014కి ముందు, కాంగ్రెస్ ప్రభుత్వం ఉన్న సమయంలో, ప్రతి ఏడాది విత్తనాల కోసం రైతులు పోరాటం చెయ్యాల్సి వచ్చేది. లాఠీ దెబ్బలు తినేవారు. చివరకు పోలీస్ స్టేషన్ లో విత్తనాలు ఇచ్చిన పరిస్థితి కూడా ఉండేది. చంద్రబాబు ప్రభుత్వం వచ్చిన తరువాత, అసలు అలాంటి కష్టమే లేదు. రైతులకు టైంకి విత్తనాలు అందేవి. తొలకరికి రెడీ అయ్యి, చక్కగా పొలం పనులు చేసుకునే వారు. అయితే ఇప్పుడు ప్రభుత్వం మారటంతో, రైతులకు మళ్ళీ విత్తన కష్టాలు మొదలయ్యాయి. ఒక పక్క వర్షాలు లేక ఇబ్బంది పడుతుంటే, మరో పక్క విత్తనాలు లేక అల్లాడుతున్నారు. రైతులు ఆందోళనలు చేస్తున్నా, ఎవరికీ పట్టటం లేదు. తాజాగా జరిగిన ఘటన అందరినీ కలిచి వేసింది. అనంతపురం జిల్లా, రాయదుర్గం మండలం వేపరాళ్ల గ్రామానికి చెందిన రైతు ఈశ్వరప్ప, విత్తనాల కోసం, తిరిగి తిరిగీ, చివరకు అదే విత్తనాల కోసం లైన్ లో నుంచుని, నుంచుని, గుండె పోటు వచ్చి చనిపోయారు.

ఈశ్వరప్ప ఉదయాన్నే విత్తన కేంద్రానికి వచ్చి లైన్ లో నిలబడ్డారు. అయితే ఎంత సేపటికీ విత్తనాలు ఇవ్వకపోవటం, చాలా ఆలస్యం కావటంతో, ఎక్కువ సేపు లైన్ లో నుంచున్నారు. మధ్యాహ్న సమయంలో గొండెల్లో నొప్పి వచ్చి, ఉన్నఫలంగా క్యూలో కుప్పకూలిపోయాడు. వెంటనే అక్కడ ఉన్న తోటి రైతులు చికిత్స నిమిత్తం ఓ ప్రయివేటు ఆస్పత్రికి తరలించారు. అయితే అప్పటికే ఈశ్వరరావు మృతి చెందినట్లు వైద్యులు నిర్ధారించారు. దీంతో వేపరాళ్లలో విషాదం చోటుచేసుకుంది. మరో పక్క, ఇతర ఘటనల్లో కూడా, రైతులు స్పృహ తప్పి పడిపోయారు. శెట్టూరు మండల కేంద్రంలోని విత్తనాల పంపిణీ కేంద్రం వద్ద, మహిళా రైతు రత్నమ్మ స్పృహ తప్పి పడిపోయింది. వజ్రకరూరులోని విత్తన పంపిణీ కేంద్రం లైన్ లో ఉన్న మహిళా రైతు కళ్లు తిరిగి కింద పడిపోయింది. ప్రభుత్వం ఇప్పటికైనా స్పందించి విత్తనాల కొరత నివారించాలని రైతులు కోరుతున్నారు.

రాష్ట్రంలో అన్ని ప్రాజెక్ట్ లు తిరోగమనం వైపు వెళ్తున్నాయి. అమరావతి, పోలవరం, బందర్ పోర్ట్, తిరుపతి గరుడ వారధి, ఇలా కీలక ప్రాజెక్ట్ లు అన్నీ ఆగిపోయాయి. దీనికి ప్రస్తుత ప్రభుత్వం చెప్తున్న మాట, చంద్రబాబు అవినీతి చేసారు, అందుకే పనులు ఆపెసాం, ఆ అవినీతి అంతా బయటకు తీసి, అప్పుడు కాని పనులు మొదలు పెట్టం అని. దీని వెనుక ఎవరి రాజకీయం వారికి ఉన్నా, నష్టపోతుంది మాత్ర, ఆంధ్ర రాష్ట్ర ప్రజలు. అటు చంద్రబాబుకి ఏమి కాదు, ఇటు జగన్ కు ఏమి కాదు. ఎవరికి వారు బాగానే ఉంటారు. కాని ఆంధ్రులకు అద్భుతమైన రాజధాని ఉండాలి అనే కల, కలగానే ఉండి పోతుంది. మొన్నటి దాక పోలవరం పూర్తవుతుంది, 70 శాతం పనులు పూర్తి చేసారు, 70 ఏళ్ళ కల త్వరలోనే నిజం అవుతుంది అనే ఆలోచన ఉండేది, కాని ఇప్పుడు మళ్ళీ పోలవరం మొదటికి వచ్చింది. ఇలా అనేక ప్రాజెక్ట్ లు. చివరకు, గుళ్ళు, గోపురాల పై కూడా, ప్రభుత్వం ఆంక్షలు విధిస్తుంది. చంద్రబాబు మొదలు పెడితే ఏంటి, జగన్ అది పూర్తి చేస్తే ఏంటి ? ప్రజలకు ఉపయోగ పడితే చాలు అని మాత్రం ప్రస్తుత పాలకులు అనుకోవటం లేదు.

తాజగా అమరావతి పరిధిలో నిర్మించ తలపెట్టిన, తిరుమల తిరుపతి దేవస్థానం నిర్మాణ పనులు ఆపేయాలని ప్రభుత్వం కీలక ఆదేశాలు ఇచ్చింది. దేవస్థానంకు సంబంధించి గర్భగుడి నిర్మాణం మినహా, మిగతా పనులు చేయొద్దని ఆదేశాలు వెళ్ళాయి. దీంతో కాంట్రాక్టు సంస్థ ప్రభుత్వ ఆదేశాలు ప్రకారం పనులు నిలిపేసి అక్కడ పని చేస్తున్న సిబ్బందిని వేరే ప్రాంతాలకు తరలించారు. ఇంజనీర్ స్థాయి సిబ్బంది కూడా వేరే చోటకు వెళ్లిపోయారు. అమరావతిలోని, వెంకటపాలెం సమీపంలో 25 ఎకరాల పరిధిలో తిరుమల తిరుపతి దేవస్థానం నిర్మాణానికి చంద్రబాబు ప్రభుత్వం గతంలో శంకుస్థాపన చేసింది. వాటి పనులు కూడా మొదలుపెట్టారు. ఈ లోపు ప్రభుత్వం మారింది. కొద్ది రోజుల క్రిందట, టిటిడి ఛైర్మన్‌గా నియమితులైన, జగన్ బాబాయ్ వై.వి.సుబ్బారెడ్డి నిర్మాణ పనులను పరిశీలించారు. వెంటనే ప్రభుత్వం పనులు నిలిపేయాలని, గర్బగుడి పనులు మినహా ఇతర పనులు ఏమీ చేయొద్దని కాంట్రాక్టర్ కు మౌఖికంగా ఆదేశించింది. దీంతో కాంట్రాక్టర్ అయిన నటరాజన్‌ కంపెనీ ఎక్కడ పనులు అక్కడ ఆపేసి, సిబ్బందిని అక్కడ నుంచి తరలించింది.