news

ఉమ్మడి రాష్ట్రాల గవర్నర్ నరసింహన్ ఉన్నట్టు ఉండి, విజయవాడ రావటం, జగన్ ను పిలిపించుకుని, దాదపుగా గంట సేపు మాట్లాడటం అందరినీ ఆశ్చర్యానికి గురి చేసింది. గవర్నర్ నరసింహన్ ఏదన్నా అధికారిక కార్యక్రమం ఉంటే తప్ప విజయవాడ రారు. ఎక్కువగా హైదరాబాద్ లోనే ఉంటారు. ఆంధ్రప్రదేశ్ రాష్ట్రంలో ప్రభుత్వానికి కాని, ప్రతిపక్షానికి కాని, అధికారులకు కాని ఏదన్నా పని ఉన్నా, హైదరాబాద్ వెళ్లి గవర్నర్ ను కలవాల్సిందే. మరి అలాంటిది గవర్నర్ పని గట్టుకుని, ఏ అధికారిక కార్యక్రమం లేకపోయినా, విజయవాడ వచ్చి, జగన్ ను పిలిపించుకుని గంటన్నర పైగా మాట్లాడటం చూస్తుంటే, ఎదో సీరియస్ విషయమే నడుస్తుందని, రాజకీయ వర్గాలు అంటున్నాయి. అయితే బయటకు మాత్రం, ఈ నెల 11 నుంచి జరిగే బడ్జెట్ శాసనసభా సమావేశాల పై మాట్లాడటానికి గవర్నర్ వచ్చారని చెప్తున్నారు. బడ్జెట్ లో కేటాయింపులు, అధిక ప్రాధాన్యత ఇచ్చే విషయాల పై చర్చలు జరిగినట్టు చెప్తున్నారు.

అయితే గతంలో గవర్నర్ ఇలా చేసింది ఎప్పుడూ లేదని, అయినా ఇప్పటికే గవర్నర్ ఉమ్మడి సభలను ఉద్దేశించి ప్రభుత్వ విధానాలు, ప్రాధాన్యతలు చెప్పిన విషయాన్ని గుర్తు చేస్తున్నారు. అలాంటప్పుడు ఇంకా ప్రత్యేకంగా బడ్జెట్ సమావేశాల పై చర్చించేందుకు గవర్నర్ వచ్చారు అని చెప్పటం, నమ్మసక్యంగా లేదని విశ్లేషకులు అంటున్నారు. తెలుగు రాష్ట్రాలకు కొత్త గవర్నర్లు వస్తున్నారనే ప్రచారం నేపధ్యంలో గవర్నర్ ఎమన్నా ముందే జగన్ ను కలిసారా ? లేక తెలంగాణాలో కేసీఆర్ ప్రభుత్వం పై బీజేపీ చేస్తున్న రాజకీయ దాడి, కేసీఆర్ కోటరీ పై ఐటి దాడుల నేపధ్యంలో, జగన్ కు కూడా ముందస్తుగా ఏదన్నా జాగ్రత్తలు చెప్పటానికి కలిసారా అనే వాదన వినిపిస్తుంది. లేకపోతే కేంద్రం నుంచి ఏదయినా సందేశం వచ్చిందా అనే కోణంలో కూడా చర్చ జరుగుతుంది. నిజానికి నరసింహన్ వ్యక్తిగత పని మీద చెన్నై వెళ్లారు. అయితే ఆదివారం రాత్రికి రాత్రి హైదరాబాద్ వచ్చి, సోమవారం ఉదయమే విజయవాడ వచ్చారు. కేవలం జగన్ తో చర్చలు జరిపి మళ్ళీ హైదరాబాద్ వెళ్ళిపోయారు.

ఎన్నికల ముందు వరకు చంద్రబాబుని అన్ని విధాలుగా ఇబ్బంది పెట్టి, సోషల్ ఇంజనీరింగ్లో చంద్రబాబుని ఓడించటంలో, సూపర్ సక్సస్ అయిన ముద్రగడ, మళ్ళీ ఆక్టివ్ అయ్యారు. మొన్నటి వరకు చంద్రబాబుకి ఉత్తరాలు రాసిన ముద్రగడ, ఇప్పుడు జగన్ కు ఉత్తరాలు మొదలు పెట్టారు. ఈ రోజు జగన్ మోహన్ రెడ్డికి ఉత్తరం రాసారు ముద్రగడ. ఈ లేఖలో పవన్ కళ్యాణ్ జనసేన పార్టీ గురించి ప్రస్తావించారు. 2019 ఎన్నికల్లో మా కాపు కులానికి చెందిన పార్టీని కూడా కాదనుకుని, తమ కాపు కులం ఓటర్లు అందరూ, మీకే ఓటేశారని ముద్రగడ, జగన్ కు గుర్తు చేసారు. పవన్ కల్యాణ్ నేతృత్వంలోని జనసేన పార్టీని ఆయన ఇక్కడ పరోక్షంగా ప్రస్తావించారు. మా కాపు జాతికి మీ ప్రభుత్వం న్యాయం చేస్తుందని నమ్ముతున్నామని ముద్రగడ అన్నారు. కాపు కులానికి న్యాయం చేయాలని ముద్రగడ జగన్ కు రాసిన లేఖలో కోరారు. కాపు రిజర్వేషన్ ప్రక్రియను వెంటనే పూర్తి చేయాలని ఆయన విజ్ఞప్తి చేశారు.

ఆంధ్రపదేశ్ లో కాపులు అందరూ మీకే ఓటు వేసారని అన్నారు. ఇది గుర్తించి, కాపులకు న్యాయం చెయ్యాల్సిన బాధ్యత మీపై ఉందని ముద్రగడ అన్నారు. గత ప్రభుత్వం కాపులకు 5 శాతం రిజర్వేషన్ల ఇస్తూ ప్రక్రియ ప్రారంభించిందని, ఆ ప్రక్రియను పూర్తి చేయాలని జగన్ కు విజ్ఞప్తి చేశారు. ఉన్నత కులల్లలోని పేదలకు కేంద్రం ప్రభుత్వం 10 శాతం రిజర్వేషన్ కల్పించిన విషయాన్ని ప్రస్తావిస్తూ, అందులో 5 శాతం కాపులకు రిజర్వేషన్లు ఇవ్వాలని, తన లేఖలో జగన్‌ ను ముద్రగడ పద్మనాభం కోరారు. అయితే ఈ లేఖలో, పరోక్షంగా జనసేన పార్టీని కాపు పార్టీ అని చెప్పటం పట్ల, జనసేన పార్టీ ఎలా స్పందిస్తుందో చూడాలి. మరో పక్క కాపులకు రిజర్వేషన్ లు కుదరదు అని చెప్పిన జగన్, ముద్రగడ లేఖ పై ఎలా స్పందిస్తారో మరి.

గన్నవరం శాసనసభ్యుడు వల్లభనేని వంశీ, జగన్ మోహన్ రెడ్డికి లేఖ రాసారు. పట్టిసీమ నీళ్ళు వదిలిన నేపధ్యంలో, పోలవరం రైట్ మెయిన్ కెనాల్ కోసం, తన నియోజకవర్గంలో భూములు ఇచ్చిన రైతులను ఆదుకోవాలని కోరారు. గత మూడేళ్ళుగా చంద్రబాబు ప్రభుత్వం వారిని ఆదుకున్న విషయాన్ని ప్రస్తావించారు. పట్టిసీమ మొదలైన నేపధ్యంలో, వారి పోలాలకు పట్టిసీమ నీళ్ళ కోసం 500 మోటార్లు ఏర్పాటు చేసామని, ప్రతి సారి చేస్తున్నామని చెప్పారు. దీని కోసం, ప్రతి సారి ప్రభుత్వం మోటార్లకు ఉచిత విద్యుత్ ఇస్తూ వచ్చిందని, ఇప్పుడు కూడా ఉచిత విద్యుత్ ఇవ్వాలని కోరారు. 500 మోటార్లు వల్లభనేని వంశీ తన సొంత ఖర్చుతో ఏర్పాటు చేసిన విషయం తెలిసిందే.

అయితే ప్రస్తుతం అధికారులు అక్కడ కరెంట్ ఇవ్వటానికి సిద్ధంగా లేరు అని తెలియటంతో, వంశీ, జగన్ కు లేఖ రాసారు. ఉచిత విద్యుత్‌ ఇవ్వాలని విద్యుత్‌ అధికారులను ఆదేశించాలన్నారు. 2014కి ముందు వరకు, అక్కడ రైతుల భూమి ఇవ్వకపోవటంతో, రైట్‌ మెయిన్‌ కెనాల్‌ పనులు నిలిచిపోయాయన విషయాన్ని గుర్తు చేసారు. అయితే పట్టిసీమ ప్రాజెక్ట్ కోసమని, చంద్రబాబు సుచనతో, రైతులు పెట్టిన కేసులు వెనక్కు తీసుకోవటంతో, పట్టిసీమ ప్రవాహం కృష్ణా నదికి చేరిందని, కృష్ణా డెల్టాను కాపాడామని వల్లభనేని వంశీ చెప్పారు. మరి ఈ విషయం పై జగన్ ఎలా స్పందిస్తారో చూడాలి. ఇప్పటికే పట్టిసీమ లేట్ అవ్వటంతో, డెల్టా రైతులు అల్లాడిపోతున్నారు. రెండు రోజుల క్రితం, పట్టిసీమ ప్రవాహం ప్రారంభమయ్యింది.