news

మంగళవారం తెలుగుదేశం పార్టీ అధినేత చంద్రబాబు నాయుడు, అనంతపురం జిల్లా, తాడిపత్రిలో పర్యటించారు. గత 40 రోజులుగా వైసీపీ నేతల దాడిలో మరణించిన, తెలుగుదేశం పార్టీ కుటుంబ సభ్యులకు ధైర్యం చెప్పి, భరోసా ఇవ్వటానికి, ఈ పర్యటన చేసారు. తాడిపత్రిలో కిరాతకంగా హత్యకు గురైన తెలుగుదేశం పార్టీ సభ్యుడు కుటుంబాన్ని కలిసి భరోసా ఇచ్చారు. ఈ సందర్భంగా చంద్రబాబు కార్యకర్తలను ఉద్దేశించి మాట్లాడారు. కార్యకర్తలపై దాడులను ఎట్టిపరిస్థితుల్లోనూ సచించమని చెప్పారు. అధికారం ఉంది కదా అని ఇష్టం వచ్చినట్టు ప్రవర్తిస్తే, ప్రజలే తగిన శాస్తి చేస్తారని చంద్రబాబు అన్నారు. అన్ని గ్రామాలు తిరిగి కార్యకర్తలను కాపాడుకుంటామని చంద్రబాబు అన్నారు. ఒక పక్క దాడులు చేస్తూ, మరో పక్క తప్పుడు కేసులు పెట్టి వేధిస్తున్నారని అన్నారు. కార్యకర్తలే కాదని, శ్రీకాకుళం జిల్లాలో ఇచ్ఛాపురం ఎమ్మెల్యే బెందాళం అశోక్‌ పై, ప్రకాశం జిల్లా కొండపి ఎమ్మెల్యే బాలవీరాంజనేయస్వామి పై నా దాడి చేసారని చంద్రబాబు అన్నారు.

మీ గ్రామంలో మీరు ఏకాకి కాదు, తెలుగుదేశం పార్టీ మీకు అండగా ఉంటుందని చంద్రబాబు అన్నారు. తెలుగుదేశం పార్టీ ఒక్క గ్రామానికే చెందిన పార్టీ కాదని, రాష్ట్రం అంతటా ఉందని, అన్ని చోట్లా మీకు అండగా ఉంటామని, మీరు ఆత్మస్థయిర్యంతో ఉండాలని కార్యకర్తలకు పిలుపిచ్చారు. ఈ సందర్భంగా తెలుగుదేశం పార్టీ ఓటమి గురించి ప్రస్తావిస్తూ, ఎక్కడికి వెళ్లినా ప్రజలు ఒక్కటే అడుగుతున్నారు, మేమంతా మీకే ఓట్లేశాం, ఆ ఓట్లు ఏమైపోయాయి అని అందరూ అడుగుతున్నారు, అయితే ఈ ప్రశ్నకు నా దగ్గర కూడా సమాధానం లేదు తమ్ముళ్లూ అంటూ చంద్రబాబు చెప్పారు. అనంతపురం జిల్లాకు ఎప్పుడూ లేనంత నీరు ఇచ్చి, కోస్తాకు ధీటుగా చేసామని, అయితే విధి వైపరీత్యం, ఏమి చెయ్యలేమని, ఓడిపోయినా ప్రజల కోసమే పోరాడతామని చంద్రబాబు అన్నారు.

అసెంబ్లీ వేదికగా నేను ఆరుగురు తెలుగుదేశం పార్టీ ఎమ్మెల్యేలను తీసుకుంటే, నీకు ప్రతిపక్ష హోదా కూడా ఉండదు చంద్రబాబు, కాని నేను అలా తీసుకోను అని చెప్పన జగన్, రూటు మార్చి వేరే రూపంలో తెలుగుదేశం పార్టీని దెబ్బ కొట్టే ప్రయత్నం చేస్తున్నారు. తెలుగుదేశం పార్టీ ఎమ్మెల్యేల అఫిడవిట్ లు అన్నీ తిరగేసి, ఎక్కడన్నా తేడా ఉందా, లేకపోతే ఏదన్న చిన్న లూప్ హోల్ దొరికినా, వారి పై కేసులు వేసి, ఎమ్మెల్యే పదవికి అనర్హత వేయ్యాలని కోర్ట్ కు వెళ్లారు. ఇప్పటి వరకు నలుగురు ఎమ్మెల్యేల పై ఇలా చేసారు వైసీపీ నేతలు. నలుగిరి పై వైసీపీ నేతలు హైకోర్టులో వేర్వేరుగా పిటిషన్ దాఖలు చేశారు. నిమ్మకాయల చినరాజప్ప, కరణం బలరామ కృష్ణమూర్తి, మద్దాలి గిరిధర్‌రావు, అచ్చెంనాయడుల ఎన్నికను రద్దు చేయాలని అందులో కోరారు. తూర్పుగోదావరి జిల్లా పెద్దాపురం నియోజకవర్గం నుంచి టీడీపీ ఎమ్మెల్యే నిమ్మకాయల చినరాజప్ప గెలుపొందారు. ఆయన అఫిడవిట్ లో క్రిమినల్ కేసుల గురించి ప్రస్తావించలేదని, 2007లో ఓబులాపురం గనుల క్వారీ వద్ద దౌర్జన్యానికి పాల్పడితే కేసు ఉందని చెప్తున్నారు.

ఇక ప్రకాశం జిల్లా చీరాల ఎమ్మెల్యే అభ్యర్థి కరణం బలరాం పై కూడా ఇలాగే వేసారు. అందుకే ఆయన ఎన్నిక కూడా చెల్లదంటూ హైకోర్టులో వైసీపీ అభ్యర్థి ఆమంచి కృష్ణమోహన్‌ హైకోర్టులో కేసు వేసారు. కారణం బలరాం, ఒక సంతానం గురించి అఫిడవిట్ లో రాయలేదని అందుకే కోర్ట్ అనర్హత వేటు వెయ్యాలని కోరారు. గుంటూరు పశ్చిమ టీడీపీ ఎమ్మెల్యే మద్దాలి గిరిధర్‌రావు కూడా వైసీపీ అభ్యర్థి చంద్రగిరి ఏసురత్నం హైకోర్టులో పిటిషన్ వేసారు. ఆయన బ్యాంకుల నుంచి రుణాలు తీసుకుని ఎగ్గోట్టేరాని పిటీషన్ లో చెప్పారు. ఇక మాజీ మంత్రి, టెక్కలి ఎమ్మెల్యే అచ్చెన్నాయుడు ఎన్నిక పై కూడా, వైసీపీ నేత పేరాడ తిలక్ అభ్యంతరం చెప్తున్నారు. అచ్చెన్నాయుడు తన ఎన్నికల అఫిడవిట్‌లో, తనపై అరెస్ట్‌ వారెంట్‌ను దాచిపెట్టారని తిలక్ ఆరోపిస్తున్నారు. మొత్తంగా, ఇలా అఫిడవిట్ లు అన్నీ చూసి, ఎదో ఒక తప్పు పట్టుకుని, తెలుగుదేశం పార్టీ ఎమ్మల్యేల పై అనర్హత వేటు వేయించి, తరువాత స్థానంలో ఉన్న తమ పార్టీ నేతలను ఎమ్మల్యేలుగా చేసుకునే ప్లాన్ వేసారు. మరి తెలుగుదేశం కూడా ఇలా రివర్స్ ప్లాన్ వేసి, 151 మంది అఫిడవిట్లు కూడా ఇలాగే చూసి, ఎదో ఒకటి పట్టుకుని కోర్ట్ కు వెళ్తే, ఎలా ఉంటుందో మరి.

మొన్నటి వరకు ఒక పధ్ధతి ప్రకారం, బ్రాహ్మణ సామాజిక వర్గాన్ని, తెలుగుదేశం పార్టీకి దూరం చెయ్యటంలో వైసీపీ పార్టీ, సోషల్ ఇంజనీరింగ్ లో పర్ఫెక్ట్ గా పని చేసింది. ఎప్పుడూ లేని విధంగా తెలుగుదేశం ప్రభుత్వం, కార్పొరేషన్ పెట్టి బ్రాహ్మణులను ఆదుకున్నా, ఓట్లు పడలేదు. అయితే ఇప్పుడు జగన్ అధికారంలోకి వచ్చారు. ఇప్పుడు ఒక పేద బ్రాహ్మణుడు, మీ పార్టీ వాళ్ళు నా స్థలం ఆక్రమించారని రోడ్డు ఎక్కారు. మరి ఈ పేద బ్రాహ్మణుడుకి జగన్ న్యాయం చేస్తారా ? వివరాలు ఇలా ఉన్నాయి. ‘జగన్ గారూ మా స్థలాన్ని మీ పార్టీ నేత కబ్జా చేశారు’ అని ఒక ఫ్లెక్సీ పెట్టుకుని, ఒక పేద బ్రాహ్మణుడు, ఏకంగా అధికారంలో ఉన్న పార్టీ పై పోరాడుతూ, జగన్ ని ప్రశ్నిస్తున్నారు. గత కొన్ని రోజులుగా ఈ ఫ్లెక్సీ సోషల్ మీడియాలో బాగా వైరల్ అయ్యింది. అయితే ఇప్పటి వరకు వైసీపీ నుంచి ఎవరూ స్పందించలేదు. అదే నియోజక్వరంలో ఉండే తెలుగుదేశం నేత, మాజీ ఎమ్మల్యే బొండా ఉమా ఈ విషయం పై ప్రభుత్వాన్ని నిలదీసినా, ఎవరూ పట్టించుకోలేదు.

ఆ ఫ్లెక్సీలో ఉన్న మాటలు ఇవి "మాతృదేవోభవ.. గౌరవనీయులైన జగన్ గారు, సీనియర్ సిటిజన్ అయిన మా అమ్మగారికి స్థలం తప్పుడు పత్రాలతో 43 క్రిమినల్ కేసులు ఉన్న మీ పార్టీ నాయకుడు, శ్రీ పూనూరు గౌతమ్‌రెడ్డి కబ్జా చేసి, అక్రమ కట్టడం (VMC Declared)నిర్మించి వైఎస్ఆర్ పార్టీ ఆఫీస్ ను నడుపుతూ, గత ఐదేళ్లగా మా కుటుంబమును భయబ్రాంతులకు గురిచేయుచున్నారు. మేము సాంప్రదాయ మరియు ఉన్నత విద్యను అభ్యసించిన బ్రాహ్మణ కుటుంబమునకు చెందినవారము. మేము ఏ రాజకీయ పార్టీకి చెందనివారము. స్థలముతో పాటూ మీ అపాయింట్‌మెంట్ ఇప్పించ ప్రార్థన. మీక సహస్ర వందనములతో.. ఉమా మహేశ్వర శాస్త్రి గండూరి’అంటూ ఆ ఫ్లెక్సీలో వేడుకున్నారు. అయితే ఇప్పటి వరకు వైసీపీ నుంచి ఎవరూ దీని పై స్పందించలేదు. అయితే సోషల్ మీడియాలో మాత్రం, ఇది బాగా వైరల్ అవ్వటంతో, ప్రతి ఒక్కరు ఇది చూసి, మొన్నటి వరకు బ్రాహ్మణులకు మేమే న్యాయం చేస్తాం అన్న జగన్, ఇప్పుడు ఈ విషయం పై స్పందించి తన చిత్తశుద్ధి నిరూపించుకోవాలని కోరుతున్నారు.