news

వైఎస్ జగన్ మోహన్ రెడ్డి మూడున్నరేళ్లకి పైగా పాలనలో 22 వేల మంది మహిళలు అదృశ్యం అయ్యారని తెలుగు మహిళ అధ్యక్షురాలు వంగలపూడి అనిత ఆందోళన వ్యక్తం చేశారు. మహిళల రక్షణ గురించి ఏమాత్రం ఆలోచించని దద్దమ్మ ముఖ్యమంత్రి జగన్మోహన్ రెడ్డి అని ఆరోపించారు. రాష్ట్రంలో సామాన్యప్రజలకు రక్షణలేదు, చివరికి మహిళల మానప్రాణాలను కాపాడలేని సర్కారు ఉండి ఏం ప్రయోజనం అని మండిపడ్డారు. వైఎస్ జగన్ మోహన్ రెడ్డి పాలనలో 22వేల మందికి పైగా మహిళల మిస్సింగ్ కేసులు నమోదు అయ్యాయని పార్లమెంటు సాక్షిగా కేంద్రం గణాంకాలు వెల్లడించడం రాష్ట్రంలో ప్రమాదకర పరిస్థితులకు అద్దంపడుతోందన్నారు. రాష్ట్రంలో మహిళల దుస్థితి కేంద్రం వెల్లడిస్తే, వైకాపా ఎంపీలకు సిగ్గులేకుండా వ్యవహరిస్తున్నారన్నారు. మిస్సింగ్ కేసుల్లో దేశంలోనే ఏపీ మూడోస్థానంలో ఉందని కేంద్రం నివేదిక వెల్లడించాక కూడా కనీసం సమీక్ష చేయాలనే ఆలోచన రాని ముఖ్యమంత్రి ఉండటం మన దౌర్భాగ్యం అని అనిత ఆవేదన వ్యక్తం చేశారు.

మహిళలపై హత్యలు, హత్యాచారాలు, మిస్సింగ్ లు, మాధకద్రవ్యాల కేసుల్లో ఏపీని నెంబర్1గా నిలిపినందుకు వైసీపీ ప్రభుత్వం సిగ్గుపడాలన్నారు. రాష్ట్రంలో వైసీపీ పాలనలో మహిళలకు పూర్తిగా భద్రత కరువైందని ఆందోళన వ్యక్తం చేశారు. చిన్నపిల్లల మిస్సింగ్ కేసులు కూడా ఉన్నాయని కేంద్రం స్పష్టం చేసినా, రాష్ట్ర ప్రభుత్వం ఇంత వరకు స్పందించకపోవడం విచారకరమన్నారు. రాష్ట్రంలో డెకాయిట్ కేసులు 85శాతం పెరిగాయని దీనికి రాష్ట్ర ప్రభుత్వం తీరే కారణమని ఆరోపించారు. వైసీపీ వికృత చేష్టలు చూసి ఎప్పుడు ఎన్నికలు వస్తాయి? చంద్రబాబును సీఎం కుర్చీలో ఎప్పుడు కూర్చోబెట్టాలని మహిళలు చూస్తున్నారన్నారు. వైసీపీ నుండి కనీసం ఇంగిత జ్ఞానం లేనివాళ్లు అసెంబ్లీలో, పార్లమెంటులో కూర్చోవడం రాష్ట్ర మహిళలు చేసుకున్న దౌర్భాగ్యం అని అనిత ఆవేదన వ్యక్తం చేశారు.

మండల కోర్టు నుంచి సుప్రీంకోర్టు వరకు విచారణలన్నీ బహిరంగంగానే జరుగుతున్నాయని, ఏపీఈఆర్సీడ మాత్రం వీడియో కాన్ఫరెన్స్ విచారణకే ఎందుకు పరిమితం అవుతుందో ప్రజలకు తెలియజేయాలని ఏపీఈఆర్సీడ ఛైర్మన్ సి.వి.నాగార్జునరెడ్డికి ప్రజాపద్దుల కమిటీ ఛైర్మన్ పయ్యావుల కేశవ్ లేఖ రాశారు. ఏఆర్ఆ్ర్ ప్రతిపాదనలపై బహిరంగ విచారణ జరపాలని డిమాండ్ చేశారు. వీడియో కాన్ఫరెన్స్ పేరుతో రహస్య విచారణల వెనుక ఆంతర్యమేంటని లేఖలో ప్రశ్నించారు. విచారణ జరపకపోవటం వినియోగదారుల హక్కులు కాలరాయడమేనన్నారు. గతంలో ఏపీఈఆర్సీప విచారణ బహిరంగంగా జరిగేదని, ఇప్పుడు వీడియో కాన్ఫరెన్స్ ద్వారా విచారణ ఏంటని ప్రశ్నించారు. రాష్ట్ర విభజన తరువాత అన్ని ప్రభుత్వ కార్యాలయాలు ఆంధ్రప్రదేశ్కుే తరలివచ్చాయని, ఏపీఈఆర్సీప కార్యాలయం మాత్రం హైదరాబాద్కేు ఎందుకు పరిమితం చేశారని నిలదీశారు. ఏపీఈఆర్సీవ కార్యాలయాన్ని ఏపీకి తరలించి వినియోగదారులకు అందుబాటులోకి తీసుకురావాలని డిమాండ్ చేశారు.

రూ.6,165 కోట్ల ట్రూ అప్ భారాన్ని డిస్కంలు ప్రతిపాదించాయని, ప్రజాసంఘాల ఆందోళనతో రూ.2,910 కోట్లు వసూలుకు అనుమతివ్వడాన్ని ప్రశ్నించారు. ట్రూఅప్ భారాన్ని డిస్కంలు ఈ ఏడాది ఆగష్టు నుంచే వసూలు చేయడం మొదలుపెట్టాయని లేఖలో పేర్కొన్నారు. ఇది ప్రజలపై భారం మోపడమేనన్నారు. విద్యుత్ సంస్థల సామర్ధ్యం పెంచుకోకుండా ప్రభుత్వ సబ్సిడీలు, ప్రభుత్వ సంస్థల బకాయిలు వసూలు చేసుకోకుండా వినియోగదారులపై భారాలు మోపడాన్ని ఏపీఈఆర్సీథ అనుమతించరాదని లేఖలో పయ్యావుల కేశవ్ కోరారు. ఇక ఇది పక్కన పెడితే, ఇప్పటికే కరెంటు చార్జీల బదుడే బాదుడుతో, ప్రజల పై భారం పడింది. ఇప్పటికే ఏడు సార్లు కరెంటు చర్జాలు పెంచి, ప్రజల నడ్డి విరిచేసారు. ఇప్పుడు మరోసారి కరెంటు చార్జీలు పెంచుతున్నారని తెలియటంతో, ప్రజలకు దిమ్మ తిరిగి మైండ్ బ్లాంక్ అయ్యింది. మరోసారి కరెంటు చర్జీలు పెంచితే, తాము పెద్ద ఎత్తున నిరసన తెలుపుతామని, ప్రజలతో కలిసి ప్రజా ఉద్యమం చేస్తామని చెప్తున్నారు.

ఆంద్రప్రదేశ్ లో జగన్ రెడ్డి ప్రభుత్వానికి సుప్రీంకోర్టులో మరో ఎదురు దెబ్బ తగిలింది. టిడిపి నేత అయ్యన్నపాత్రుడు కేసులో హైకోర్టుఇచ్చిన తీర్పుపై స్టే ఇవ్వడానికి సుప్రీంకోర్ట్ నిరాకరించింది. ఆంద్రప్రదేశ్ సీఐడీ పెట్టిన కేసులో అయ్యన్నకు సుప్రీంకోర్టులో ఊరట లభించింది. అయ్యన్న భూ ఆక్రమణకు పాల్పడ్డారని సీఐడీ కేసు పెట్టిన సంగతి తెలిసిందే. ఈ కేసులో 10 సంవత్సరాల శిక్ష పడే సెక్షన్ 467 ఈ కేసులో వర్తించదని హైకోర్టు తీర్పు ఇచ్చింది. ఇరిగేషన్ డిపార్ట్మెంట్ ఇచ్చిన నో అబ్జెక్షన్ సర్టిఫికేట్ విలువైన పత్రాల నిర్వచనం కిందకు రాదని ఆంధ్రప్రదేశ్ హైకోర్టు స్పష్టం చేసింది. ఆంద్రహైకోర్టు ఇచ్చిన తీర్పుపై స్టే ఇవ్వాలని సుప్రీంకోర్ట్ ను ఏపి ప్రభుత్వం ఆశ్రయించింది. అయితే ఇక్కడ కూడా ఏపి ప్రభుత్వానికి చుక్కెదురైంది. హైకోర్టు ఇచ్చిన తీర్పుపై స్టే ఇవ్వడానికి సుప్రీంకోర్టు కూడా నిరాకరించింది. ఈ కేసుపై తదుపరి విచారణ వచ్చే ఫిబ్రవరి 3తేదికి సుప్రీంకోర్ట్ వాయిదా వేసింది.