news

ఆంధ్రప్రదేశ్ లో వేల మంది పాస్టర్లకి, నెల నెలా ప్రభుత్వం 5 వేల రూపాయల చొప్పున జీతాలు ఇస్తున్నట్టుగా ఉన్న ఆ జాబితాను తప్పుబడుతూ, అనేక మంది దళిత ఎస్సీ రిజర్వేషన్లు అనుభవిస్తున్నారని, వాళ్ళు పాస్టర్లగా మళ్ళీ ప్రభుత్వం దగ్గర డబ్బు తీసుకుంటున్నారు అంటే, వాళ్ళు రిజర్వేషన్ కోల్పోవాలని గత కొన్ని రోజులుగా కొంత మంది వ్యక్తులు, కొన్ని సంఘాలు ఈ విషయం పై పోరాటం చేస్తున్నాయి. ఫోరం ఫర్ లీగల్ రైట్స్ అనే సంస్థ, అందప్రదేశ్ లో నెల నెలా ప్రభుత్వం వద్ద నుంచి సొమ్ము తీసుకుంటున్న పాస్టర్ల జాబితా సేకరించి, అందులో 65 శాతం మంది, రిజర్వేషన్లు పొందుతూ, వాళ్ళు మళ్ళీ పాస్టర్లగా డబ్బులు తీసుకుంటున్నారు, వాళ్ళు మతం మారారు అంటే రిజర్వేషన్ కోల్పోవాలని, వివరాలు తెలుపుతూ కేంద్రానికి లేఖ ద్వారా ఫిర్యాదు చేసారు. కేంద్రం సోషల్ జస్టిస్ మినిస్ట్రీ నుంచి, రాష్ట్ర ప్రభుత్వానికి కూడా ఈ లేఖ అందింది. ఇలా క్రీస్టియన్ లు గా మతం మారి కూడా, అటు రిజర్వేషన్ ఫలాలు, ఇటు పాస్టర్లకు ఇచ్చే డబ్బు నుంచి, రెండు వైపులా లబ్ది పొందుతున్న వారి పై చర్యలు తీసుకోవాలని కేంద్రం, రాష్ట్రాన్ని ఆదేశించింది. నకిలీ సర్టిఫికేట్ ల తో, ఈ లబ్ది పొందతున్న వారి పై చర్యలు తీసుకోవాలని కోరింది. క-రో-నా లాక్ డౌన్ సమయంలో, ఆంధ్రప్రదేశ్ రాష్ట్ర ప్రభుత్వం, పూజారులకు, మౌజన్లకు, పాస్టర్లకు 5 వేలు ఇవ్వాలని నిర్ణయం తీసుకుంది.

అయితే పాస్టర్ల విషయంలో రెండు వైపులా లబ్ది పొందతున్నారని, వీరిని నిలువరించాలని ఫిర్యాదు అందింది. దీంతో వారి పై చర్యలు తీసుకోవాలని, ఆ వివరాలు మాకు పంపాలి అంటూ, కేంద్రం, రాష్ట్రాన్ని ఆదేశించింది. మొత్తం 29,800 మంది పాస్టర్లకు 5 వేలు ఇస్తుంటే, అందులో దాదాపుగా 70 శాతం, ఎస్సీ, ఓబీసి రిజర్వేషన్ల సర్టిఫికేట్ లు కలిగి ఉన్నారని, వారు రెండు వైపులా డబ్బులు తీసుకుంటున్నారని, పూర్తి వివరాలతో కేంద్రానికి నివేదిక ఇచ్చారు. ఈ నివేదిక పైనే కేంద్రం స్పందించి, చర్యలు తీసుకోమని ఆదేశాలు ఇచ్చింది. 1950 రాష్ట్రపతి ఉత్తర్వుల ప్రకారం, ఎస్సీ వర్గానికి చెందిన వ్యక్తి, క్రైస్తవ మతం కానీ, ఇస్లాం మతం కానీ తీసుకుంటే, ఎస్సీ హోదా కోల్పోయి, ఎస్సీ రిజర్వేషన్ ద్వారా వచ్చే అన్ని కోల్పోతారు. అయితే రాష్ట్రంలో మతం మారినా, ఎస్సీ అని చెప్పుకుంటూ, ఆ ఫలాలు అనుభవిస్తూ, ఉద్యోగాలు, వివిధ పధకాలు పొందుతున్నారు అనేది ఆరోపణ. అయితే దీని పై వైసిపీ ఎంపీ రఘురామకృష్ణం రాజు కూడా, ఇటీవిల ఈ అంశం పై పెద్ద ఎత్తున మాట్లాడుతున్నారు. ఇదే అంశం పై ప్రధానికి కూడా లేఖ రాసారు. మరి దీని పై రాష్ట్ర ప్రభుత్వం ఎలా స్పందిస్తుందో చూడాలి.

నీతి నిజాయతీగా ఉండటమే ఆయన చేసిన పాపం. తప్పు జరిగింది చూడండి అని చెప్పినందుకు, ఆయన పైనే కేసు పెట్టి, అరెస్ట్ చేసిన వింత ఘటన ఇది. నెల్లూరు జిల్లా అనికేపల్లికి చెందిన సామాన్య దళితుడు జైపాల్ వద్ద కష్టపడి పండించిన పంటను దళారులు తక్కువ ధరకు కొని ప్రభుత్వానికి మద్దతు ధరకు అమ్ముకున్నారు. తన పేరుతో అక్రమాలు జరిగాయని ఆయనే స్వయంగా జిల్లా ఉన్నతాధికారులను కలిసి విచారణ జరపమంటే బాధితుడిపైనే క్రిమినల్ కేసులు పెట్టారు. ధాన్యం కొనుగోళ్ల కుంభకోణం వెనకున్న వైసీపీ పెద్ద రెడ్లను కాపాడేందుకు దళితుడిని బలి చేసారని తెలుగుదేశం పార్టీ ఆరోపిస్తుంది. జైపాల్ పై బనాయించిన అక్రమ కేసును వెంటనే ఎత్తివేయాలని కోరుతూ, జైపాల్ తల్లితో కలిసి తెలుగుదేశం నాయకులు నిన్న కల్లెక్టరేట్ కు వచ్చారు. పెళ్లకూరు శ్రీనివాసులురెడ్డి, పాశం సునీల్ కుమార్, కోటంరెడ్డి శ్రీనివాసులు రెడ్డి, జెన్ని రమణయ్య, శ్రీపతి బాబు, కుంకాల దశరధనాగేంద్ర ప్రసాద్, గుమ్మడి రాజా యాదవ్, నలగర్ల సుబ్రహ్మణ్యం తదితరులు, వచ్చి జైపాల్ అరెస్ట్ పై కలెక్టర్ కు మోర పెట్టుకున్నారు. న్యాయం చేయమని జిల్లా ఉన్నతాధికారులను స్వయంగా కలిసి కోరిన దళితుడిపై క్రిమినల్ కేసు పెడతారా అని కలెక్టర్ ని ప్రశ్నించారు. ధాన్యం కొనుగోళ్లలో తన పేరుతో జరిగిన అక్రమాలపై విచారణ జరపమని కోరిన దళిత రైతు గాలి జైపాల్ పై క్రిమినల్ కేసు నమోదు చేయడాన్ని ఖండించారు

జైపాల్ తల్లి అచ్చమ్మ జరిగిన ఘటన పై బోరు మని మీడియా ముందు తన గోడ చెప్పుకుంది. కూలి చేసుకుని నిజాయతీగా బతకడమే తమకు తెలుసని దొంగతనాలు తమకు తెలియవని...ఇంతగా వేధించే బదులు మా కుటుంబాన్ని చం-పే-యం-డి కలెక్టర్ గారూ.. అని రోదించింది. నిజాయితీగా బ్రతకటమే మా తప్పా అని ప్రశ్నించారు. తప్పు జరిగింది అని ఫిర్యాదు చేస్తే తన బిడ్డ పైనే కేసు పెట్టారని, కష్టపడి బ్రతికే రైతు నా బిడ్డను, దొంగను చేసారు అంటూ బోరున విలపించారు. తాము చిన్న చిన్న వాళ్ళం అని, చిన్నగా వ్యవసాయం చేసుకుంటూ, చేపలు అమ్ముకుంటూ బ్రతికే వారమని, అలాంటిది తమ పైనే, అక్రమ కేసులు పెట్టి, దొంగతనం కేసులు పెట్టి వేధిస్తుంటే ఎవరికి చెప్పుకోవాలని వాపోయారు. ఎవరో చేసిన తప్పుకు తాము ఎందుకు బలి అవ్వాలని, తప్పుడు పత్రాలు సృష్టించి తమను ఇబ్బందులు పెడుతున్నారని, ఈ వయసులో నాకు ఈ కష్టం తెచ్చిపెట్టారని, దొంగలు, దోపిడీలు చేసే వాళ్ళు భయపడాలి కానీ, తాము నిజాయతీగా కష్టం చేసుకుని బ్రతికే వాళ్ళం అని వాపోయారు. అన్యాయం జరుగుతుంది అని చెప్తే, ఎక్కడ అన్యాయం జరిగిందో చూడాలి కానీ, తప్పు చేస్తున్నారు అని చెప్పిన మా పైనే కేసు పెట్టారని వాపోయారు.

తెలుగుదేశం నేతలను, రాష్ట్ర ప్రభుత్వం వెంటాడుతూనే ఉంది. రాష్ట్ర వ్యాప్తంగా వివిధ రూపాల్లో తెలుగుదేశం నేతల పై ఇబ్బందులకు గురి చేస్తూనే ఉన్నారు. ఇందు కోసం, కొత్త కొత్త మార్గాలు, కోనేళ్ళ క్రిందట కాయితాలు ప్లాన్లు చూసి మరీ, చట్ట ప్రకారం ఎలాంటి ఇబ్బంది కలగకుండా, టిడిపి నేతలకు షాక్ ఇస్తున్నారు. గత నెలలో వారం రోజుల గ్యాప్ లో, విశాఖపట్నంలో తెలుగుదేశం నేత సబ్బం హరి, ఇంటి ప్రహరీ గోడను జీవీఎంసి అధికారులు, ఉదయం నాలుగు గంటలకు వచ్చి, చెప్పా పెట్టకుండా, జేసీబీలతో కూల్చేసారు. అది పార్క్ స్థలం అని, పార్క్ స్థలం వంద గజాలు ఆక్రమించి నిర్మాణాలు చేసారు అంటూ, అక్కడ వాచమేన్ కోసం ఉన్న టాయిలెట్ ని పడేసారు. అప్పుడే దీని పై రచ్చ జరిగింది. అయితే ఇవన్నీ సక్రమంగానే ఉన్నాయి అంటూ, సబ్బం హరి చెప్పుకొచ్చారు. ఇవన్నీ కాయితాలు అధికారులకు ఇస్తానని, వాళ్ళే తేలుస్తారని అన్నారు. దీని పై కోర్టుకు వెళ్ళే ఉద్దేశం లేదని తెలిపారు. అయితే సబ్బం హరిని మాత్రం వదలలేదు. జీవీఎంసి అధికారులు మళ్ళీ వేరే రూట్ లో వచ్చారు. ఓపెన్ స్పేస్ కోసం రిజర్వ్ చేసిన భూములు భవనాలు కట్టారు అంటూ, మరో విషయంతో సబ్బం హరి ఇంటికి వచ్చారు. అయితే ఈ సారి మాత్రం ఉదయం పూట జేసిబీలు వేసుకుని వచ్చి కూల్చలేదు.

నోటీసులు అంటించి, అందులో మూడు రోజులు సమయం ఇస్తున్నట్టు చెప్పారు. అయితే ఈ నోటీసు ఇవ్వటానికి సబ్బం హరి ఇంటికి వెళ్ళగా, ఆయన ఇంట్లో లేరు. ఆయన వాచ్మెన్ కు నోటీస్ ఇవ్వగా, వాచ్మెన్ నోటీస్ తీసుకోవటానికి నిరాకరించారు. దీంతో అధికారులు ఆ నోటీస్ ని గోడకు అంటించి వెళ్ళారు. 40 ఏళ్ళ క్రితం వేసిన లే అవుట్ లో, రిజర్వ్ ఓపెన్ స్పేస్ వదలకుండా కట్టారు అంటూ, నోటీసులు ఇచ్చి, వాటిని మూడు రోజుల్లో తొలగించాలని, లేని పక్షంలో చట్ట ప్రకారం ఏమి చేయాలో, అది మేమే చేస్తాం అని ఆ నోటీసుల్లో చెప్పారు. ఇది ఇలా ఉంటే గతంలో కోర్టుకు వెళ్ళను అని చెప్పిన సబ్బం హరి, వేధింపులు రోజు రోజుకీ ఎక్కవు అవటంతో, ఆయన హైకోర్టుకు వెళ్లారు. శుక్రవారం కోర్టులో పిటీషన్ దాఖలు చేసారు. పిటీషన్ పై విచారణ చేసిన కోర్టు మధ్యంతర ఆదేశాలు ఇస్తూ, సోమవారం వరకు ఎలాంటి చర్యలు చేపట్టవద్దని, సోమవారం ఈ విషయం పై పూర్తి స్థాయిలో విచారణ చేసి, ఆ రోజు తదుపరి ఆదేశాలు ఇస్తామని కోర్టు తెలిపింది. అయితే మరోసారి సబ్బం హరికి నోటీసులు ఇవ్వటం పై చంద్రబాబు మండి పడ్డారు. ఇది ఆటివిక చర్య అని, ఎప్పుడు ఎవరిది కూల్చేద్దామా అనే ఆలోచనలే ఈ ప్రభుత్వానికి ఉన్నాయని విమర్శలు గుప్పించారు.