news

ఆంధ్రప్రదేశ్ రాష్ట్రానికి సంబంధించి ఎంతో కీలకమైన కేసు ఇది. ఒక విధంగా ఆంధ్రప్రదేశ్ ప్రభుత్వం మనుగడకే ముప్పుగా ఈ కేసుని విశ్లేషకులు భావిస్తున్నారు. ఆంధ్రప్రదేశ్ రాష్ట్రంలో అనేక హెబియస్ కార్పస్ పిటీషన్ లు హైకోర్టు ముందు దాఖలు అయ్యాయి. మాటి మాటికి ఈ కేసులు నమోదు కావటం, డీజీపీని కోర్టుకు పిలిచి హెచ్చరించినా, ఆయన నుంచి మరోసారి ఇలా జరగకుండా చూసుకుంటాం అని చెప్పించినా, మళ్ళీ మళ్ళీ ఈ హెబియస్ కార్పస్ పిటీషన్ లు దాఖలు కావటం పై ఆంధ్రప్రదేశ్ హైకోర్టు తీవ్ర ఆగహ్రం వ్యక్తం చేసిన సంగతి తెలిసిందే. పౌరులను నిర్బంధించటం సామాన్య విషయం కాదు అంటూ కోర్ట్ ఆగ్రహం వ్యక్తం చేసింది. ఈ సందర్భంగా, అసలు రాష్ట్రంలో ఏమి జరుగుతుంది ? ప్రజాస్వామ్యం ఉందా ? రాష్ట్రంలో రాజ్యాంగ విచ్ఛిన్నం జరుగుతుందా అనే అనుమానం కలుగుతుందని, దీనికి సంబంధించి మీ అభిప్రాయాలు చెప్పాలని, రాజ్యాంగ విచ్ఛిన్నం జరిగిందో లేదో చెప్పాలని, పిటీషనర్ తరుపు న్యాయవాదులను కూడా హైకోర్టు ఆదేశించింది. అయితే హైకోర్టు చేసిన వ్యాఖ్యలు సంచలనానికి దారి తీసాయి. రాజ్యాంగ విచ్ఛిన్నం జరగటం అంటే, ఆ ప్రభుత్వం పూర్తిగా రాజ్యాంగాన్ని పక్కన పెట్టింది అనే లెక్క. ఒక వేళ ఇదే నిజం అని విచారణలో తేలితే, అది తీవ్ర పరిణామాలకు దారి తీస్తుంది.

అయితే ఈ కేసు తీవ్రతను గమించిన ఏపి ప్రభుత్వం సుప్రీం కోర్టులో కేసు వేసింది. ఈ పిటీషన్ పై నేడు సుప్రీం కోర్టు ముందుకు విచారణకు వస్తుంది. హైకోర్టు మధ్యంతర ఆదేశాలను సవాల్ చేసిన ప్రభుత్వం ఈ పిటీషన్ దాఖలు చేసింది. రాష్ట్రంలో రాజ్యాంగ విచ్ఛిన్నం అంశంపై హైకోర్టు మధ్యంతర ఆదేశాలు జారి చేసింది. రాజ్యాంగ విచ్ఛిన్నం జరిగిందా లేదా తేలుస్తామని అక్టోబర్ 1న హైకోర్టు ఆదేశాలు ఇచ్చింది. ఆదేశాలు వెనక్కి తీసుకోవాలన్న ఏపీ అభ్యర్థనను హైకోర్టు తోసిపుచ్చింది. హైకోర్టు మధ్యంతర ఆదేశాలను సవాల్ చేస్తూ ప్రభుత్వం సుప్రీం కోర్టుకు వెళ్ళింది. హైకోర్టు ఆదేశాలను సవాల్ చేస్తూ సుప్రీంకోర్టును ఏపీ ప్రభుత్వం ఆశ్రయించింది. రాజ్యాంగ విచ్ఛిన్నం అంశంపై హైకోర్టు ఇచ్చిన ఆదేశాలపై స్టే ఇవ్వాలని ఆంధ్రప్రదేశ్ ప్రభుత్వం కోరింది. సుప్రీంకోర్టు ప్రధాన న్యాయమూర్తి ధర్మాసనంలో నేడు ఈ కేసు పై విచారణ జరగనుంది. ఒక వేళ సుప్రీం కోర్టు స్టే ఇస్తే, ప్రభుత్వానికి ఊరటఇస్తుంది. అయితే ఒక వేళ సుప్రీం కోర్టు స్టే ఇవ్వకపోతే మాత్రం, ఏపి ప్రభువాన్ని షేక్ చేసే విధంగా ఈ కేసు ముందుకు వెళ్ళే అవకాసం ఉంది. మరి ఏమి అవుతుందో చూడాలి.

ఆంధ్రప్రదేశ్ ప్రభుత్వ అవగాహనరాహిత్యంతో, మరోసారి కేంద్రం ముందు పరువు పోయిందని తెలుగుదేశం పార్టీ నేతలు ఆరోపిస్తున్నారు. దీనికి కారణం ఈ రోజు కేంద్రం, రాష్ట్రానికి పంపిన లేఖ. ఆంధ్రప్రదేశ్ ప్రభుత్వం, రాయలసీమ ఎత్తిపోతల పథకం అంటూ ఒక కొత్త ఇరిగేషన్ ప్రాజెక్ట్ అంటూ ఒకటి మొదలు పెట్టాలని సిద్ధం అయ్యింది. అయితే రాష్ట్ర విభజన చట్టం ప్రకారం, కొత్త ప్రాజెక్ట్ లు కట్టాలి అంటే, కేంద్రం అనుమతి తప్పని సరి. అయితే తెలిసి చేసారో, లేక తెలియక చేసారో, రాజకీయం కోసం చేసారో, మభ్య పెట్టటం కోసం చేసారో కానీ, ఇవేమీ లేకుండా డైరెక్ట్ గా రాయలసీమ ఎత్తిపోతల పథకం అని ప్రకటించి, టెండర్లు పిలిచేసి హడావిడి చేసారు. అయితే దీని పై తెలంగాణా అభ్యంతరం చెప్పింది. నిజానికి ఇది కూడా కేసీఆర్, జగన్ ఆడిన డ్రామా అంటూ, రెండు రాష్ట్రాల్లో ప్రతిపక్షాలు ఆరోపించాయి. ఈయన కట్టేది లేదు ఏమి లేదు, కేవలం రెండు రాష్ట్రాల మధ్య భావోద్వేగాల కోసం, ఇలా చేస్తున్నారు అనే ఆరోపణలు కూడా వచ్చాయి. అయితే రాజకీయ ఆరోపణలు పక్కన పెడితే, ఈ విషయం పై తెలంగాణా ఫిర్యాదు చేయటంతో, కేంద్రం సీన్ లోకి ఎంటర్ అయ్యింది. ఇరు రాష్ట్రాల ముఖ్యమంత్రులను పిలిచి, అపెక్స్ కౌన్సిల్ సమావేశం పెట్టింది. ఇరు పక్షాల వాదనలు విన్న కేంద్రం, కొత్త ప్రాజెక్ట్ లకు సంబంధించి, డీపీఆర్ లు ఇవ్వాలని కోరింది.

ఆ ఆదేశాలు ప్రకారం కేంద్రానికి రాయలసీమ ఎత్తిపోతల పథకం డీపీఆర్ ను రాష్ట్ర ప్రభుత్వం పంపించింది. అయితే డీపీఆర్ పంపించిన తీరు పై కేంద్రం అసంతృప్తి వ్యక్తం చేసింది. అసలు ఆ డీపీఆర్ లో ఎలాంటి ప్రాధమిక అంశాలు లేవు కదా అని, కేంద్ర జల్‌శక్తి మంత్రిత్వ శాఖ ఆగ్రహం వ్యక్తం చేస్తూ, ఏపి అధికారులకు లేఖ రాసారు. చిన్న చిన్న ప్రాధమిక అంశాలు కూడా ఇందులో లేవని, డీపీఆర్ ఇచ్చే సమయంలో, కొన్ని నిబంధనులు ఉంటాయని, సీడబ్ల్యూసీ మార్గదర్శకాలు కూడా పాటించలేదని, ఇవేమీ ఇవ్వకుండా డీపీఆర్ ను ఏమి చేయం అంటూ, పూర్తి వివరాలు, నిబంధనలు ప్రకారం డీపీఆర్ తయారు చేసి ఇవ్వాలని తిప్పి పంపించింది. దీని పై ప్రతిపక్షం తెలుగుదేశం స్పందిస్తూ, కనీసం డీపీఆర్ కూడా తయారు చేయని వాళ్ళు, మన పాలకులు అంటూ ఎద్దేవా చేసారు.

అమరావతిలో 365 రోజులో దీక్షలు పూర్తి అయిన సందర్భముగా గురువారం నిన్న రాయపూడి వద్ద అమరావతి ఐక్య కార్యాచరణ సమితి ఆధ్వర్యంలో జనభేరీ పేరుతో భారీ బహిరంగ సభ నిర్వహించారు. రాయపూడి సీడ్ యాక్సిస్ రోడ్డు పై సభ నిర్వహించారు. ప్రభుత్వం అనుమతి ఇవ్వడంతో రెండువేల ఇరవై ఐదు మంది పోలీసుల సంరక్షణలో జనభేరి సభ ఎటువంటి సంఘటనలు జరుగకుండా విజయవంతముగా జరిగింది. సభకు సుమారు 35 వేలమంది హాజరైన్నారని రాజకీయ విశ్లేషకుల అంచనా. సభనుద్దేశించి టీడీపీ జాతీయ అధ్యక్షుడు, మాజీ ముఖ్యమంత్రి నారా చంద్రబాబు మాట్లాడుతూ, వీరోచితంగా పోరాడదాం,మీ అందరికీ నేను తొడుగావుంటాను,ప్రజల హక్కులు కాపాడి న్యాయం చేయడమే నా ధ్యేయమని అమరావతి రాజధాని నిలుస్తుంది,మిమ్మల్ని గెలిపిస్తాను అని ప్రజలలో పూర్తి విశ్వాసం నింపారు. 45 రోజుల్లో రెఫరెండంకి రావాలి అని మరోసారి ప్రభుత్వానికి సవాల్ విసిరారు. కాంగ్రెస్ నేత తులసీ రెడ్డి మాట్లాడుతూ మొదటి నుండి కాంగ్రెస్ పార్టీ అమరావతి రాజధానికి కట్టుబడి ఉందని తెలియజేసారు. రాజధానికి 34 వేల ఎకరాలు ఇచ్చిన రైతులందరికి పాదాభి వందనం తెలిపారు.ఈ ఉద్యమాన్ని 13 జిల్లాల పోరాటం చేద్దామని,ఇక్కడ కులం,మతం పేరుతో ముక్కలు చేసే ప్రయత్నం జరుగుతుందని, అమరావతి కోసం కాంగ్రెస్ పార్టీ జాతీయస్థాయిలో చేస్తుందని హామీ ఇచ్చారు. సీపీఐ రాష్ట్ర కార్యదర్శి రామకృష్ణ మాట్లాడుతూ అమరావతి రైతులు పోరాటం చరిత్రలో భావితరాలకు స్పూర్తిగా నిలుస్తుందని వ్యాఖ్యానించారు.

బీజేపీ నాయకులు పాతూరి.నాగభూషణం మాట్లాడుతూ అమరావతి రాజధాని ఇక్కడే ఉండాలని బీజేపీ తీర్మానం చేయడం జరిగిందని తెలిపారు.టీడీపీ యువనేత వంగవీటి.రాధ మాట్లాడుతూ రాజధానిలో ఏ ఒక్కకులానిది కాదని తెలిపారు. ఆంధ్రప్రదేశ్ పరిరక్షణ సమితి అధ్యక్షుడు కొలికపూడి. శ్రీనివాసరావు మాట్లాడుతూ ప్రభుత్వంపై తిరగపడితేనే , ప్రభుత్వం దిగివస్తుందని, ఉదాహరణకు పంజాబ్ రాష్ట్ర రైతుల పోరాటం గుర్తు చేశారు.ఈ కార్యక్రమములో జేఏసీ నేతలు శివారెడ్డి, తిరుపతిరావు, మల్లికార్జున రావు, శైలజ, పువ్వాడ. సుధాకర్, సుంకర. పద్మశ్రీ తదితరులు పాల్గొన్నారు. అయితే అమరావతికి వైసీపీ మినహా అన్ని పార్టీలు మద్దతు ఇచ్చాయి. చంద్రబాబుతో వేదిక పంచుకోం అని చెప్పిన బీజేపీ కూడా సభకు వచ్చింది. అయితే సీపీఎం పార్టీ మాత్రం నిన్న సభకు రాలేదు. బీజేపీ వస్తే మేము రాము అంటూ లేఖ రాసారు. అయితే ఇది సరైన పధ్ధతి కాదని విశ్లేషకులు అంటున్నారు. కాంగ్రెస్, బీజేపీ ఒకే వేదిక పైన ఉన్నాయని, సీపీఎం రాష్ట్ర కార్యదర్శి పి.మధు గోడ మీద పిల్లి వైఖరి ప్రదర్శిస్తూ, మొదటి నుంచి జగన్ కు అనుకూలంగా ఉన్నారని విశ్లేషకులు అభిప్రాయ పడుతున్నారు. తెలుగుదేశం, జనసేన, బీజేపీ, కాంగ్రెస్, సిపిఐ పార్టీలు అమరావతి కోసం కలవంగా లేనిది, సిపియం మధు గారికి ఏమైందో మరి.