news

దేశంతో పాటు, రాష్ట్రంలో కూడా, రాష్ట్రంలో కరోనా మహమ్మరి విస్తరిస్తున్న పరిస్థితి. శనివారం మూడు కేసులు ఉన్న ఏపిలో, ఈ రోజు ఆరు కేసులు వచ్చాయి. ఈ నేపధ్యంలో ప్రభుత్వం, అన్ని రాష్ట్రాలు లాగే, . ఈ నెల 31 వరకు రాష్ట్రమంతటా లాక్‌డౌన్‌ అమలుకు ఆదేశాలు ఇచ్చింది. ప్రజా రవాణా ఆగిపోయింది. నిత్యావసరం కాని దుకాణాలు, ఇతర వాణిజ్య సంస్థలు ఈ నెలాఖరు వరకు మూసివేయాలని నోటిఫికేషన్‌లో పేర్కొన్నారు. వాణిజ్య సంస్థలు, పరిశ్రమలు, గోదాములు వంటివి అవసరమైతే.. పరిమిత సిబ్బందితో పనిచేయాలని సూచించారు. మందిరాలు, మసీదులు, చర్చిల్లోనూ 31వ తేదీ వరకు దర్శనాలు, ప్రార్థనలు నిలిపివేయాలని పేర్కొన్నారు. ప్రజలు కొన్ని రోజుల పాటు ఇళ్లలోనే ఉండటం ద్వారానే కరోనా వ్యాప్తిని నియంత్రించవచ్చని పేర్కొన్నారు. బహిరంగ ప్రదేశాల్లో పది మంది కంటే ఎక్కువ గుమికూడవద్దని ప్రజలకు విజ్ఞప్తి చేశారు.

జిల్లా కలెక్టర్లు, జేసీలు,ఆర్డీవోలు,ఎమ్మార్వోలు, వైద్యఆరోగ్య సిబ్బంది, పోలీసులు, విద్యుత్‌ శాఖ, మున్సిపల్ సిబ్బంది, బ్యాంకులు, ఏటీఎంలు, ఫార్మసీ దుకాణాలు, మీడియా సిబ్బందికి లాక్‌డౌన్‌ నుంచి మినహాయింపునిచ్చారు. ప్రభుత్వ కార్యాలయాలు, ప్రైవేటు సంస్థల్లో అత్యవసర విధులు నిర్వహించేవారు మాత్రమే హాజరవ్వాలని సూచించారు. తప్పనిసరిగా ఉత్పత్తి కొనసాగించాల్సిన పరిశ్రమలు.. ముందస్తు అనుమతి తీసుకోవాలని స్పష్టంచేశారు. వ్యవసాయ పనులపై ఉన్న రైతులు, కూలీలకు మినహాయింపునిచ్చారు. లాక్ డౌన్ ఆదేశాలు, ఎవరైనా ఉల్లంఘిస్తే, అలాంటి వారిపై ఐపీసీ 188 ప్రకారం కఠినమైన చర్యలు తీసుకోవాల్సిందిగా కలెక్టర్లకు, పోలీసులకు ఆదేశాలు ఇచ్చింది ప్రభుత్వం.

అయితే సరిగ్గా వారం క్రిండటం, పరిస్థితి వేరు. అన్నీ అనుకునట్టు జరిగితే, ఈ రోజు రాష్ట్రంలో ఎన్నికలు జరిగేవి. కాని, ముందు చూపుతో, కరోనా విస్తరిస్తుంది అని తెలుసుకుని, కేంద్రం సూచనలతో, రాష్ట్ర ఎన్నికల కమీషనర్ రమేష్ కుమార్, ఎన్నికలు వాయిదా వేసారు. అయితే జగన్, ఆయన మంత్రులు, రమేష్ కుమార్ కు కులం ఆపాదించింది, ఎన్నికలు జరగాల్సిందే అంటూ సుప్రీం కోర్ట్ కు వెళ్లారు. అయితే సుప్రీం కోర్ట్ లో కొట్టేసారు. ఈ రోజు పరిస్థితి ఎలా ఉందొ చూస్తున్నాం. మొత్తం దేశం లాక్ డౌన్ అయ్యింది. మూర్ఖంగా, ఈ రోజు ఎన్నికలకు వెళ్లి ఉంటే ? ఎంతటి విధ్వంసం జరిగేది ? ఆయన కనుక వాయిదా వేయకపోతే, తెలుగు నెల ఇంకో ఇటలీ అయియ్యేది. ఇప్పటికే ఏపి ప్రభుత్వం సరిగ్గా స్పందించటం లేదు అనే వాదన ఉంది, ఒక వేళ ఎన్నికలు జరిగి ఉంటే ? దేశం కాదు, ప్రపంచం మొత్తం మన రాష్ట్రాన్ని, ముఖ్యంగా జగన్ పై విమర్శలు చేసావారు. ప్రజలు కూడా సహకారం ఇచ్చే వారు కాదు. ఇవన్నీ చూస్తుంటే, రమేష్ కుమార్ గారు ఎన్నికలు వాయిదా వేసి, జగన్ మోహన్ రెడ్డికి ఎంతో మంచి చేసారని, విశ్లేషకులు చెప్తున్నారు. ఆయన్ను తిట్టకుండా, ఈ రోజు ఏమి జరగనందుకు, థాంక్స్ చెప్పాలని అంటున్నారు.

చేసిందే పిచ్చి పని. ఆ పిచ్చి పనిని హైకోర్ట్ కొట్టేసింది. వాదనలు సమయంలో తీవ్ర వ్యాఖ్యలు కూడా చేసింది. అయినా హైకోర్ట్ ని కాదని, తమ పని కరెక్ట్ అని చెప్పుకోవటానికి, సుప్రీం కోర్ట్ కు వెళ్లారు. ఇప్పుడు అక్కడ కూడా ఎదురు దెబ్బ తగిలింది. ఇష్టం వచ్చినట్టు, ప్రవర్తిస్తే ఇలాగే ఉంటుంది అంటూ, విశ్లేషకులు అభిప్రాయ పడుతున్నారు. ఈ పనిని సమర్ధించుకోవటానికి, సుప్రీం కోర్ట్ కు వెళ్ళటమే పెద్ద తప్పు అని అంటున్నారు. ఇక విషయానికి వస్తే, మన రాష్ట్రంలో, జగన్ మోహన్ రెడ్డి అధికారంలోకి వచ్చిన వెంటనే కనిపించిన ప్రతిదానికి, వైసీపీ రంగులు వేసుకుంటూ వెళ్ళిన సంగతి తెలిసిందే. పంచాయతీలు, ప్రభుత్వ భవనాలు, స్కూల్స్, అంగన్ వాడీ కేంద్రాలు, ఇలా ప్రతి దానికి రంగులు వేసారు. ఇక చివరకు గేదల కొమ్ములు, చెట్ల ఆకులకు కూడా వైసీపీ రంగులు వేసి విరక్తి పుట్టించారు. గ్రామంలో ప్రతి ఒక్కరూ వెళ్ళే పంచాయతీ భవనాలకు, వైసీపీ రంగులు వేసి, దాన్ని పార్టీ ఆఫీస్ గా మార్చటం పై, తీవ్ర అభ్యంతరాలు వచ్చాయి.

ప్రజలు ఎంత వ్యతిరేకించినా, ప్రభుత్వం పట్టించుకోలేదు. దీంతో కొంత మంది ఇదే విషయం పై హైకోర్ట్ కు వెళ్లారు. దీంతో హైకోర్ట్ వాదనాలు సందర్భంగా తీవ్ర వ్యాఖ్యలు చేసింది. మేము కూడా కోర్ట్ ల్లో మా ఫోటోలు పెట్టుకోమా ? ప్రధాని కూడా అలాగే పెట్టుకున్నారా ? అని వ్యాఖ్యలు చెయ్యగా, అసలు అది పార్టీ రంగులే కాదు అని వాదించారు. దీంతో హైకోర్ట్, వైసీపీ పార్టీ జెండా తీసుకుని రమ్మని చెప్పింది. ఇక ఆ వాదనలు ముగిసిన తరువాత, హైకోర్ట్ పోయిన వారం, ఈ రంగుల పై తీర్పు ఇస్తూ, 10 రోజుల్లో, ఆ రంగులు తియ్యాలని ఆదేశాలు ఇచ్చింది. చీఫ్ సెక్రెటరి చెప్పిన రంగులు వెయ్యాలని , ఆదేశాలు ఇచ్చింది.

అయితే అనూహ్యంగా, ప్రభుత్వం ఈ నిర్ణయం పై కూడా సుప్రీం కోర్ట్ కు వెళ్ళింది. దీని పై ఈ రోజు సుప్రీం కోర్ట్ లో వాదనలు జరిగాయి. దీంతో, సుప్రీంకోర్టులోజగన్ సర్కారుకు ఎదురుదెబ్బ తగిలింది.- పంచాయతీ కార్యాలయాలకు వైసీపీ రంగులు వేయడంపై.. హైకోర్టు ఇచ్చిన తీర్పును సుప్రీంకోర్టు సమర్ధించింది. రంగులు తొలగించాలంటూ, రాష్ట్ర ప్రభుత్వానికి సుప్రీంకోర్టు ఆదేశం ఇచ్చింది. రాష్ట్ర ప్రభుత్వం తరపున హాజరైన కేంద్ర ప్రభుత్వ సొలిసిటర్ జనరల్ తుషార్ మెహతా - సీజేఐ బాబ్డే, న్యాయమూర్తులు నాగేశ్వరరావు, సూర్యకాంత ధర్మాసనం ముందు వాదనలు వినిపించారు. ఈ సందర్భంగా కోర్ట్ తీవ్ర వ్యాఖ్యలు చేసింది. కేంద్ర ప్రభుత్వ భవనాలకు, కాషాయం రంగు వేస్తే మీరు ఊరుకుంటారా అని ప్రశ్నించింది. అయినా, ఈ విషయం పై కూడా జగన్ ఎలా సుప్రీం కోర్ట్ కు వెళ్లారు అంటూ, ఆశ్చర్యపోతున్నారు.

కరోనా మహమ్మారిని ప్రజలంతా చాలా తేలిగ్గా తీసుకుంటున్నారని, వైరస్ ప్రభావం, దాని వ్యాప్తిపై వారిలో సీరియస్ నెస్ లేదని, అందుకు కారణం ముఖ్యమంత్రి వ్యాఖ్యలేనని టీడీపీ సీనియర్ నేత, ఆ పార్టీ పొలిట్ బ్యూరోసభ్యులు వర్ల రామయ్య తెలిపారు. సోమవారం ఆయన మంగళగిరిలోని పార్టీ రాష్ట్ర కార్యాలయంలో విలేకరులతో మాట్లాడారు. రాష్ట ప్రభుత్వం కరోనాను ఎదుర్కోవడానికి పూర్తిగా సన్నద్ధమైనట్లు కనిపించడంలేదని, వైరస్ వ్యాప్తిని ప్రభుత్వం ఇప్పటికీ తేలిగ్గానే తీసుకుంటోందన్నారు. గతంలో బ్లీచింగ్ పౌడర్, పారాసిట్మాల్ తో కరోనా నయమవుతుందని, ఇప్పుడేమో కరోనా కొరియాలో పుట్టిందని ముఖ్యమంత్రి మాట్లాడటం చూసి, ప్రజలంతా నవ్వుకుంటున్నారన్నారు. ఆయన వ్యాఖ్యల వల్ల, రాష్ట్రప్రజలెవరూ కరోనాను ప్రాణాంతకమైనదిగా భావించడంలేదని వర్ల తెలిపారు. ముఖ్యమంత్రి వ్యాఖ్యలతోపాటు, మంత్రులు, ప్రభుత్వ యంత్రాంగం వ్యవహరిస్తున్న తీరుకూడా ప్రజల్లో సీరియస్ నెస్ కలిగించడంలేదన్నారు. ఇతర రాష్ట్రాలతో పోలిస్తే, రాష్ట్ర ప్రజలను అప్రమత్తంచేసి, వైరస్ ను ఎదుర్కొనేలా వారిని సన్నద్ధం చేయడంలో జగన్ ప్రభుత్వం ఘోరంగా విఫలమైందని రామయ్య దుయ్యబట్టారు. ముఖ్యమంత్రి హోదాలో ఉన్న వ్యక్తి కరోనాను సీరియస్ గా తీసుకుంటే, ప్రజలు కూడా సీరియస్ గానే తీసుకుంటార న్నారు.

కరోనా మహమ్మారి ధాటికి దేశాలే తల్లడిల్లిపోతూ, దాన్నెలా కట్టడిచేయాలా అంటూ తలకిందలవుతుంటే, రాష్ట్రముఖ్యమంత్రిలో మాత్రం వైరస్ పట్ల సీరియస్ నెస్ ఎందుకు రావడంలేదని వర్ల ప్రశ్నించారు. బాధ్యతకల ప్రతిపక్షనేతగా, టీడీపీ తరుపున ప్రజల ఆరోగ్యం విషయంలో ముఖ్యమంత్రిని సన్నద్దం చేయడానికే తాను విలేకరుల ముందుకొచ్చానని రామయ్య స్పష్టంచేశారు. ప్రజల ఆరోగ్యంతో జగన్ ప్రభుత్వం చెడుగుడు ఆడుతోందని, ఇటువంటి పరిస్థితుల్లో, ముఖ్యమంత్రి తన దృష్టిని ప్రజల ఆరోగ్యంపై పెట్టేలా చేయడం కోసమే తెలుగుదేశం పార్టీనేతగా తాను బయటకు వచ్చానన్నారు. కరోనా ప్రభావాన్ని ప్రజలకు తెలియచేయడంలో ముఖ్యమంత్రి ఎందుకు వెనకాడుతున్నారో, వారి ముందుకు రావడానికి ఆయనెందుకు సంకోచిస్తున్నారో తెలియడంలేదన్నారు. కరోనా ప్రభావంపై ముఖ్యమంత్రి ఎంత సీరియస్ గా ఉన్నారో, ప్రజలు కూడా అంతే సీరియస్ గా ఉన్నారన్నారు. ప్రభుత్వంఇచ్చిన పిలుపును ప్రజలు సీరియస్ గా తీసుకోవడంలేదన్నారు. ముఖ్యమంత్రి ఇప్పటికైనా ప్రజలముందుకొచ్చి, కరోనా ప్రభావం గురించి వారికి అర్థమయ్యే లా చెప్పాలని, వారు బయటకురాకుండా చూడాలని ప్రభుత్వానికి చేతులెత్తి విజ్ఞప్తిచేస్తున్నట్లు రామయ్య చెప్పారు.

విజయవాడ వన్ టౌన్ లో కరోనా సోకిన వ్యక్తిని గుర్తించారని, కానీ అక్కడున్న ప్రజలంతా యథేచ్ఛగా బయటతిరుగుతూనే ఉన్నారన్నారు. ముఖ్యమంత్రి మారువేషంలో బయటకు వస్తే, పరస్థితిఎలా ఉందో ఆయనకు అర్థమవుతుం దన్నారు. ఒక్కసారి మరణాలు మొదలైతే ఆపడం ఎవ్వరితరం కాదని, ఇటలీ, చైనాలో ఏం జరుగుతుందో ముఖ్యమంత్రి గ్రహించాలన్నారు. ముఖ్యమంత్రి తమకోసం మాట్లాడుతున్నాడన్న అభిప్రాయం, ఆలోచన ప్రజల్లో కలిగేలా ఆయన ప్రతి రెండుగంటలకు ఒకసారి మీడియా ద్వారా వారినుద్దేశించి ప్రసంగించాలన్నారు. కరోనాను ప్రజలంతా చాలా తేలికగా తీసుకోవడానికి ముమ్మాటికీ ముఖ్యమంత్రి వైఖరే కారణమన్నారు. రాజకీయం చేయడానికి ఇది సమయం కాదని, బాధ్యతకల ముఖ్యమంత్రిగా జగన్మోహన్ రెడ్డి ప్రజల గురించి పట్టించుకోవాలన్నారు. ప్రజలంతా కరోనా వ్యాప్తిని సీరియస్ గా తీసుకోవాలని, ఎవ్వరూ బయటకు రాకుండా, స్వీయనిర్బంధం విధించుకోవాలని, టీడీపీతరుపున చేతులెత్తి విజ్ఞప్తి చేస్తున్నామన్నారు.