news

తెలుగుదేశం పార్టీ నేత, మాజీ పోలీస్ హౌసింగ్ బోర్డు మాజీ చైర్మన్ నాగుల్ మీరా పై వైయస్సార్ పార్టీలో చేరుతున్నట్లు గత కొంత కాలంగా, వైసీపీ బ్యాచ్ సోషల్ మీడియా వేదికగా విపరీత ప్రచారం చేస్తుంది. దీంతో విజయవాడ ఎంపి కేశినేని నాని, ఎమ్మెల్సీ బుద్దా వెంకన్న మధ్య మాటల యుద్ధం నడుస్తున్న నేపధ్యం లో నాగుల్ మీరాపై ఇటువంటి వార్తలు వెలువడటంపై అటు తెలుగుదేశం పార్టీ నాయకులు, కార్యకర్తల్లో ఆందోళన నెలకొంది. వైకాపాలో చేరితే ఆయన కిచ్చే పదవిపై కూడా ఇటు వైకాపా నాయకులు, కార్యకర్తల్లోను ఫేక్ ప్రచారం జరిగేలా ఫేక్ బ్యాచ్ ప్రచారం చేస్తుంది. అయితే వీట న్నింటికి నాగుల్ మీరా చెక్ పెట్టారు. ఫేక్ ప్రచారం చేస్తున్న వారికీ ఘాటుగా బదులు ఇచ్చారు. శుక్రవారం సాయంత్రం వీడియో ద్వారా ఆయన ట్రోలర్స్ పై తీవ్రస్థాయి లో ఆగ్రహం వ్యక్తం చేసారు. కావాలనే కొంతమంది తనపై తప్పుడు ప్రచారం చేస్తున్నారని ఆయన మండిపడ్డారు. పీఆర్పీ పార్టీ నుంచి తాను రాలేదని, పార్టీలు మారే మన స్తత్వం తనది కాదని, సిద్ధాంతాలున్న కమ్యూనిస్టుపార్టీ నుంచి వచ్చానని తాను విలువలు ఉన్న నాయకుడినంటూ వైకాపా నాయకులకు చురకలంటించారు. దీంతో ఎట్టకేలకు నాగుల్ మీరాపై సోషల్ మీడియా వేదికగా వస్తున్న ఊహగానాలకు చెక్ పడినట్లయ్యింది.

పశ్చిమగోదావారి జిల్లా దెందులూరు మాజీ ఎమ్మెల్యే చింతమనేని ప్రభాకర్ ని వైసీపీ ప్రభుత్వం ఎలా టార్గెట్ చేసిందో అందరికీ తెలిసిందే. బహుసా చంద్రబాబు కంటే, ఎక్కువ టార్గెట్ చేసారు అనటంలో సందేహం లేదు. మిగతా టిడిపి నాయకులతో పోల్చితే, చింతమనేని ఎక్కువ టార్గెట్ అయ్యారు. ఆయన దూకుడు స్వభావం, వైసీపీకి కలిసి వచ్చింది. ఒక కేసులో బెయిల్ వస్తే, ఇంకో కేసులో అరెస్ట్ చూపించటం, అందులో బెయిల్ వస్తే మరో కేసులో అరెస్ట్ చూపించటం, ఇలా కొన్ని నెలలు చింతమనేనిని జైల్లోనే ఉంచారు. అయితే అవన్నీ ప్రేరేపిత కేసులు కావటంతో, చివరకు బెయిల్ రాక తప్పలేదు. అప్పటి నుంచి చింతమనేని తన ఫ్లో లో తాను వెళ్తూ, ప్రభుత్వ విధానాల పై పోరాడుతూ, నియోజకవర్గంలో తిరుగుతున్నారు. అయితే తాజాగా వచ్చిన పంచాయతీ ఎన్నికల్లో, మొదటి విడతలోనే దెందులూరు నియోజకవర్గంలో ఎన్నికలు జరగాల్సి ఉంది. అయితే మొదటి విడత ఎన్నికలు, చివరకు వాయిదా పడటంతో, నాలుగో విడతలో దెందులూరు నియోజకవర్గంలో ఎన్నికలు జరుగుతున్నాయి. ఈ ఎన్నికలు ప్రతిష్టాత్మికంగా తీసుకున్న చింతమనేని, తన సత్తా ఏమిటో చటటానికి సిద్ధం అయ్యారు. అందుకు తగ్గట్టే ఆయన చేసే ప్రయత్నాలకు, ప్రజల నుంచి కూడా పెద్ద ఎత్తున మద్దతు లభిస్తు, కోలాహలంగా ప్రచారం జరుగుతుంది.

ఇలా చింతమనేని ప్రచారంలో దూసుకుని వెళ్లిపోతుంటే తమకు ఇబ్బంది అనుకున్నారో ఏమో కానీ, వైసీపీ పెద్దలు రంగంలోకి దిగారు. చింతమనేనిని మళ్ళీ అరెస్ట్ చేసి ఇబ్బంది పెట్టే ప్లాన్ వేసారు. ఇందులో భాగంగా, చింతమనేని ప్రచారం ముగించుకుని వెళ్ళిన తరువాత, టిడిపి, వైసీపీ నేతలు కొట్టుకుంటే, అక్కడ లేని చింతమనేని పై నిందలు మోపి కేసు పెట్టారు. చింతమనేని ప్రచారంలో ఉండగా, ఆయన కార్ వెంట పడి, ఎలా అరెస్ట్ చేసారో మొన్న సోషల్ మీడియాలో చూసాం. అయితే చింతమనేని అరెస్ట్ చేసి, రిమాండ్ కు తరలించే ప్లాన్ వేయగా అది బెడిసికొట్టింది. చింతమనేనిని జడ్జి ముందు ప్రవేశపెట్టి పోలీసులు రిమాండ్ అడిగారు. అయితే ఆధారాలు చూపించమని జడ్జి అడగగా, పోలీసులు ఆధారాలు చూపించటంలో ఫెయిల్ అయ్యారు. దీంతో సరైన ఆధారాలు లేకుండా ఎలా రిమాండ్ కు పంపిస్తాం అని, వెంటనే ఆయనకు స్టేషన్ బెయిల్ ఇచ్చి వదిలేయాలని జడ్జి చెప్పటంతో, అరెస్ట్ కుట్రకు ప్లాన్ చేసిన పెద్దలు అవాక్కయ్యారు. అయితే తరువాత చింతామనేని తనను అక్రమంగా ఎందుకు అరెస్ట్ చేసారో చెప్పే దాకా, ఇక్కడ నుంచి వెళ్ళను అని స్టేషన్ లో భీష్మించుకుని కూర్చున్నారు. దీంతో పోలీసులు ఆయన్ను బలవంతంగా ఇంటికి తరలించారు.

ఆంధ్రప్రదేశ్ రాష్ట్ర ప్రజలను 2014 ముందు అప్పటి కేంద్ర ప్రభుత్వం ఒకలా మోసం చేస్తే, 2014 తరువాత ఇప్పటి కేంద్ర ప్రభుత్వం మరో రకంగా మోసం చేస్తుంది. ఆ మోసం చేసిన దానిలో అప్పట్లోనూ, ఇప్పుడు పావులు ఆయా పార్టీలకు చెందిన రాష్ట్ర స్థాయి నాయకులే. ప్రత్యెక హోదా ఇవ్వమని రాజ్యసభలో అడిగింది బీజేపీ నేతలే. చట్టంలో పెట్టించింది బీజేపీ నేతలే. తరువాత ప్రత్యెక హోదా లేదు ఏమి లేదు అని చెప్పింది కూడా ఇదే బీజేపీ నేతలు. అలాగే అనెక్ విభజన హామీల పై ఇదే రకమైన వాదన చేసి, ప్రజలను మభ్య పెట్టి, పబ్బం గడుపుకున్నారు. ఇక్కడ బీజేపీ పార్టీ నోటాతో పోటీ పడుతుంది, ఎలాగూ ఇక్కడ రాదు కదా అనుకున్నారో ఏమో కానీ, కేంద్రంలో ఉన్న బీజేపీ కూడా లైట్ తీసుకుంది. అయితే ఇప్పుడు తాజాగా ఆంధ్రప్రదేశ్ రాష్ట్రంలో మరో పోరాటం జరుగుతున్న విషయం తెలిసిందే. అదే ఆంధ్రుల హక్కు అయిన విశాఖ ఉక్కు పోరాటం. పోరాడి సాధించుకున్న విశాఖ ఉక్కు ఫ్యాక్టరీని కేంద్ర ప్రభుత్వం, రాష్ట్ర ప్రభుత్వ సహకారంతో, ప్రైవేటీకరణ చేస్తున్న విషయం తెలిసిందే. అయితే ఇప్పుడు రాష్ట్ర ప్రభుత్వంలో అధికారంలో ఉన్న వైసీపీ కూడా, మేము కూడా ఈ నిర్ణయానికి వ్యతిరేకం అని పోరాటం చేస్తుంది. బీజేపీ మినహా అన్ని రాజాకీయ పార్టీలు, ప్రజా సంఘాలు, స్టీల్ ప్లాంట్ ఉద్యోగులు పోరాటం చేస్తున్నారు.

విశాఖ ఉక్కు ఫ్యాక్టరీ పరిరక్షణ ఇప్పుడు రాష్ట్రంలో ఒక సెంటిమెంట్ గా మారింది. ఈ తరుణంలో రాజకీయంగా వెనుకబడి పోతున్నాం అనుకున్నారో ఏమో కానీ బీజేపీ నేతలు కూడా రంగంలోకి దిగారు. ప్రైవేటీకరణ ఆపేస్తాం, కేంద్రంతో సంప్రదిస్తాం అంటూ ఢిల్లీ బయలుదేరి వెళ్లారు. సోము వీర్రాజు, జీవీఎల్ లాంటి నేతలు ఢిల్లీలో పలువురు కేంద్ర మంత్రులను కలిసారు. అక్కడ ఏమి అయ్యిందో, వారు ఏమి చెప్పారో కానీ, మూడు రోజులు తరువాత ఆంధ్రప్రదేశ్ తిరిగి వచ్చి, ప్లేట్ తిప్పెసారు. అసలు విశాఖ స్టీల్ ప్లాంట్ ప్రైవేటు పరం ఎవరు చేస్తున్నారు అంటూ ఎదురు ప్రశ్నిస్తున్నారు. చంద్రబాబు, కమ్యూనిస్ట్ పార్టీలు కలిసి, కేంద్రంలో ఉన్న తమ ప్రభుత్వం పై కావాలని తప్పుడు ప్రచారం చేస్తున్నారని, అసలు విశాఖ స్టీల్ ప్లాంట్ ప్రైవేటు పరం చేస్తున్నామని కేంద్రం ఎక్కడ చెప్పింది అంటూ, ఎదురు దాడి మొదలు పెట్టారు. సోము వీర్రాజు, జీవీఎల్ ఇదే పనిలో ఉన్నారు. అయితే ఇప్పటికే కేంద్రం క్యాబినెట్ లో నిర్ణయం తీసుకోవటం, ఈ విషయం పై కేంద్రం అధికారికంగా ట్వీట్ చేయటం అందరికీ తెలిసిందే. అయినా సరే తమకు తెలిసిన ఎదురు దాడితో, ఏపి బీజేపీ కొత్తగా మరో ప్రచారం మొదలు పెట్టింది.