news

జగన్ మోహన్ రెడ్డి బాబాయ్ అయిన, వైఎస్ వివేకా కేసు, సిబఐకి అప్పచెప్పిన సంగతి తెలిసిందే. ఈ ప్రభుత్వం చేసే విచారణ పై తమకు నమ్మకం లేదు, ఈ కేసుని సిబిఐకి ఇవ్వాలి అంటూ, ఏకంగా వైఎస్ జగన్ సోదరి, వైఎస్ సునీత హైకోర్టులో పిటీషన్ వెయ్యటం, అలాగే అనుమానితులుగా, వైఎస్ కుటుంబంలో కొంత మందిని చేర్చి, హైకోర్టులో పిటీషన్ వేసిన విషయం అప్పట్లో సంచలనం సృష్టించింది. తరువాత హైకోర్టు విచారణ జరిపి, ఈ కేసుని సిబిఐకి ఇస్తూ నిర్ణయం తీసుకుంది. దీని పై సిబిఐ ఈ నెల నుంచి విచారణ ప్రారంభించింది. గత 12 రోజులుగా పులివెందుల, కడప వేదికగా సిబిఐ విచారణ చేస్తున్న సంగతి తెలిసిందే. నిన్న ఏడు గంటల పాటు, వైఎస్ వివేక కూతురు, వైఎస్ సునీత రెడ్డిని, సిబిఐ విచారణ చేసింది. ఆమె నుంచి చాలా వివరాలు సిబిఐ రాబట్టింది. అంతకు ముందు రెండు రోజుల పాటు వైఎస్ వివేక, ఇంటికి వాచ్ మెన్ గా ఉన్న వ్యక్తిని కూడా సిబిఐ విచారణ చేసింది.

అయితే ఈ రోజు అనూహ్యంగా వైఎస్ కుటుంబానికి సన్నిహితుడు, వైసిపీ నేత, వైసిపీ రాష్ట్ర కార్యదర్శి దేవిరెడ్డి శివ శంకర్ రెడ్డిని, సిబిఐ విచారణకు పిలిచింది. దేవిరెడ్డి శివ శంకర్ రెడ్డి, ఎంపీ అవినాష్ రెడ్డికి అత్యంత సన్నిహితిడుగా ఉన్నారు. అయితే దేవిరెడ్డి శివ శంకర్ రెడ్డిని సిబిఐ విచారణకు పిలవటం పై, చర్చ జరుగుతుంది. వివేక హత్య జరిగిన సమయంలో, ఉదయం పూట దేవిరెడ్డి శివ శంకర్ రెడ్డి అక్కడకు వెళ్లినట్టు, అక్కడ ఉన్న రక్తపు మరకలు తుడిచి వేయమని, దేవిరెడ్డి శివ శంకర్ రెడ్డి ప్రోత్సహించినట్టు, గతంలో సిట్ అధికారులు ప్రాధమికంగా గుర్తించారు. గతంలో సిట్ అధికారులు కూడా దేవిరెడ్డి శివ శంకర్ రెడ్డిని అయుదు రోజులు విచారణ చేసారు. అలాగే సునీత ఇచ్చిన అనుమానితుల జాబితాలో కూడా దేవిరెడ్డి శివ శంకర్ రెడ్డి ఉన్నారు. దేవిరెడ్డి శివ శంకర్ రెడ్డి, భాస్కర్ రెడ్డి, అవినాష్ రెడ్డిలకు బాగా దగ్గరగా ఉంటూ ఉంటారు. గతంలో దేవిరెడ్డి శివ శంకర్ రెడ్డికి నేర చరిత్ర కూడా ఉన్నట్టు తెలుస్తుంది. మరి సిబిఐ ఏమి రాబడుతుందో చూడాలి.

మోత్కుపల్లి నరసింహులు.. తెలంగాణాలో మొన్నటి దాకా తెలుగుదేశం పార్టీలో కీలక నేత. బీజేపీతో తెలుగుదేశం పార్టీ కటీఫ్ చెప్పటంతో, తనకు హామీ ఇచ్చిన గవర్నర్ పదవి దక్కలేదని, చంద్రబాబు పై కక్ష పెంచుకుని, జగన్ పంచన చేరారు. గత ఎన్నికల్లో తిరుమల మెట్లు ఎక్కి మరీ చంద్రబాబు ఓడిపోవాలని కోరుకుని, దళితుల ఓట్లు చంద్రబాబుకి పడకుండా, తన వంతు ప్రయత్నం చేసి, జగన్ గెలుపులో తాను కూడా, ఉడతా భక్తి సాయం చేసిన సంగతి తెలిసిందే. అయితే అందరికీ జ్ఞానోదయం అయినట్టు, మోత్కుపల్లి కూడా జగన్ ఏడాది పరిపాలన పై, పిక్చర్ క్లియర్ గా కనిపించింది. ఆంధ్రప్రదేశ్ లో గత 14 నెలలుగా దళితుల పై జరుగుతున్న దమనకాండ పై మోత్కుపల్లి తీవ్రంగా స్పందించారు. మాలాంటి వాళ్ళు మీరు గెలవాలి అని కోరుకుంది, ఇందుకు కాదని అన్నారు. ఆంధ్రప్రదేశ్ లో దళితుల పై జరుగుతున్న దాడుల్లో, ప్రభుత్వ వైఫల్యం స్పష్టంగా కనిపిస్తుందని అన్నారు మోత్కుపల్లి. దీన్ని జగన్ సరి చేసుకోక పొతే, తగిన మూల్యం చెల్లించుకుంటారని అన్నారు.

డా సుధాకార్, డా అనితా రాణి, జడ్జి రామకృష్ణ, శిరోమండనం, మైనర్ బాలిక రేప్, మాస్కు లేదని చంపేయటం, ఇలా అనేక ఘటనలు జరుగుతున్నా, కనీసం వాటిని కరెక్ట్ చేసే ప్రయత్నం కూడా చెయ్యటం లేదని మోత్కుపల్లి అన్నారు. ఎవరు అయితే మిమ్మల్ని ఓటు వేసి గెలిపించిన దళితులు ఉన్నారో, వారి పైనే దాడులు చెయ్యటం చూస్తుంటే, అగ్ర కుల అహంకారం, డబ్బున్న అహంకారం కనిపిస్తుందని అన్నారు. జరిగిన అన్ని సంఘటనల పై, ప్రభుత్వ విధానం పై తీవ్ర నిరసన తెలియ చేస్తున్నాం అని అన్నారు. డా సుధాకర్ పై దాడి వెనుక, ప్రభుత్వమే ఉందని, అందరూ అంటున్నారని, అది కాదు అని ఆనాడే ప్రభుత్వం ఒక మెసేజ్ పంపించి ఉంటే, దళితుల పై ఇలా వరుస పెట్టి ఘటనలు జరిగి ఉండేవి కాదని, అందుకే దళితులు పై జరుగుతున్న అన్ని దాడులకు ప్రభుత్వం బాధ్యత వహించాలని మోత్కుపల్లి డిమాండ్ చేసారు. మేము ఇది కోరుకుని, జగన్ కు మద్దతు ఇవ్వలేదని, మంచి చేస్తారు అనుకుంటే, ఇలా చెయ్యటం కరెక్ట్ కాదని అన్నారు.

సిఆర్డీఏ రద్దు, వికేంద్రీకరణ బిల్లుల పై, ఉత్కంఠ కొనసాగుతూనే ఉంది. అమరావతిని మూడు ముక్కలు చేస్తూ, ఒక చిన్న రాష్ట్రానికి మూడు రాజధానులు అంటూ ప్రభుత్వం తీసుకున్న నిర్ణయం పై, అన్ని వైపుల నుంచి విమర్శలు వస్తున్నాయి. ఒక్క వైసిపీ తప్ప అన్ని పార్టీలు, ప్రజా సంఘాలు వ్యతిరేకిస్తున్నాయి. మరో పక్క రాజధాని కోసం తమ భూములు త్యాగం చేసిన రైతులు పరిస్థితి వర్ణణాతీతం. ఇక మరో పక్క ఈ రెండు బిల్లులు కోర్టులో ఉన్నాయి, శాసనమండలి సెలెక్ట్ కమిటీకి పంపించింది. దీంతో ఈ రెండు బిల్లులు గవర్నర్ వద్దకు రావటంతో, ఇలాంటి చట్టబద్ధత లేని బిల్లులు పై గవర్నర్ ఎలాంటి నిర్ణయం తీసుకుంటారో అనే టెన్షన్ అందరిలో ఉంది. ఈ బిల్లుల పై గవర్నర్ రాజ ముద్ర పడుతుందా లేదా అనే చర్చ కొనసాగుతూనే ఉంది. బిల్లు ఆమోదం పొందాలంటే, గవర్నర్ సంతకం తప్పనిసరి. గవర్నర్ ఆమోదం చెప్తే, బిల్లు ఒకే అయినట్టే. రేపో మాపో గవర్నర్ ఈ బిల్లులు పై తన నిర్ణయం ప్రకటిస్తారు అనే ప్రచారం జరుగుతుంది.

రాజముద్ర పడిన వెంటనే, ప్రభుత్వం గజిట్ నోటిఫికేషన్ ఇచ్చి, అమలు ప్రక్రియ ప్రారంభిస్తుంది. అయితే ఈ బిల్లులు అన్నీ చట్ట విరుద్ధంగా ఉండటంతో, ఈ ఫైల్స్ పై గవర్నర్ న్యాయ సలహాలు తీసుకుంటున్నారు. అన్ని వైపుల నుంచి గవర్నర్ సలహాలు తీసుకుంటున్నారు. కేంద్రంలోని కొంత మంది పెద్దల అభిప్రాయాలు కూడా తీసుకుంటున్నట్టు సమాచారం. ఈ క్రమంలోనే గవర్నర్ ఈ బిల్లుల పై లేట్ చేస్తూ ఉండటం, సలహాలు పేరుతొ సమయం తీసుకోవటంతో, ప్రభుత్వం తన వైపు నుంచి దూతలుగా ఒక మంత్రిని పంపించింది. అలాగే కొంత మంది సీనియర్ అధికారులను కూడా గవర్నర్ వద్దకు పంపించి, ప్రభుత్వం వైపు నుంచి కొన్ని విషయాల పై గవర్నర్ కు క్లారిటీ ఇచ్చే ప్రయత్నం చేసి, వెంటనే బిల్లులు ఆమోదించాలని కోరారు. అయితే గవర్నర్ మాత్రం, దీని పై అనేక విధాలుగా, అన్ని వైపుల నుంచి అలోచించి, నిర్ణయం తీసుకుంటున్నారు.