news

2019లో జగన్ మోహన్ రెడ్డి అధికారంలోకి వచ్చిన తరువాత, తన చుట్టూ ఉండాల్సిన మనుషుల కోసం, ఏరి కోరి కొంత మంది వ్యక్తులను తెచ్చుకున్నారు. ఇందులో అనేక మందిని సలహదారులుగా తన ఫంక్షనింగ్ కోసం తెచ్చుకున్నారు. ఇందులో ముఖ్యంగా రిటైర్డ్ ఐఏఎస్ ఆఫీసర్ పీవీ రమేష్ ని కూడా అలాగే తన కోర్ టీంలోకి తెచ్చుకున్నారు. డాక్టర్ పీవీ రమేష్ కు వైద్య ఆరోగ్య శాఖ పై గతంలో పట్టు ఉండటం, అలాగే చంద్రబాబు హయంలో విదేశీ వ్యవహారాలు చూడటంలో ఆయనకు పేరు ఉండటంతో, పీవీ రమేష్ ను, జగన్ మోహన్ రెడ్డి తన అదనపు ప్రధాన కార్యదర్శిగా నియమించుకున్నారు. జగన్ మోహన్ రెడ్డి అదనపు ప్రధాన కార్యదర్శిగా పని చేసిన పీవీ రమేష్, సియంఓలో నుంచి తాను తప్పుకుంటున్నాను అంటూ, తన ట్విట్టర్ లో తెలిపారు. ఈ విషయాన్ని ఆయానే స్వయంగా, తన ట్విట్టర్ లో తెలియ చేయటంతో, అందరూ ఒకింత షాక్ తిన్నారు. నవంబర్ 1 నుంచి పీవీ రమేష్ బాధ్యతలు నుంచి తప్పుకున్నట్టు, ఇదే విషయం జగన్ మోహన్ రెడ్డి దగ్గరకు, తాడేపల్లి వెళ్లి చెప్పిన సందర్భంలో, ఆల్ ది బెస్ట్ చెప్పి, జగన్ పంపించారని వార్తలు వచ్చిన సంగతి తెలిసిందే. దాని తరువాతే పీవీ రమేష్ ట్వీట్ చేస్తూ, విషయం చెప్పారు. అయితే ఇప్పుడు ఇదే విషయం పై ప్రభుత్వం కూడా జీవో విడుదల చేసి, అధికారింగా పీవీ రమేష్ రాజీనామాను ఆమోదించింది.

35 ఏళ్ళ నుంచి ఆయన ఐఏఎస్ అధికారిగా పని చేసారు. ఆయనకు అపారమైన అనుభవం కూడా ఉంది. అలాగే మొన్న క-రో-నా సందర్భంలో కూడా ఆయనే ప్రభుత్వం తరుపున అన్ని బాధ్యతులు చూసారు. వైద్య ఆరోగ్య శాఖతో సమన్వయం చేసుకుని పని చేసారు. మొదట్లో కేసులు పెరగకుండా చూసుకోవటంలో ఆయన పాత్ర అధికంగా ఉందని చెప్తారు. అయితే నాలుగు నెలల క్రితం నుంచే పీవీ రమేష్ వెళ్ళిపోతారనే కధనాలు వచ్చాయి. నాలుగు నెలల క్రితం సియంఓ లో కీలక మార్పులు చోటు చేసుకున్నాయి. అధికారుల శాఖల మార్పులు జరిగాయి. ఇదే సందర్భంలో పీవీ రమేష్ ను కూడా ఆ బాధ్యతల నుంచి తప్పించారు. పీవీ రమేష్ తో అజయ్ కల్లంని కూడా తప్పించినా, ఆయనకు వేరే శాఖలు ఇచ్చారు, కానీ పీవీ రమేష్ కు మాత్రం ఏమి ఇవ్వలేదు. ఆ రోజు కూడా ఆయన ఎటువంటి బాధ్యతలు నిర్వహించలేదు. ప్రభుత్వం తనను దూరం పెడుతుంది అనుకున్నారో ఏమో కానీ, గౌరవంగా తప్పుకోవాలని, తానె రాజీనామా ఇచ్చి వచ్చేసారు. అయితే ఏరి కోరి తెచుకున్న వ్యక్తిని ఇలా ఎందుకు తప్పించారు, రాజీనామా చేసి వెళ్ళిపోయేలా ఎందుకు చేసారు అనేది మాత్రం స్పష్టత లేదు.

సొంత ప్రభుత్వం పైనే ఈ మధ్య వైసీపీ ఎమ్మెల్యేలు ఎదురు తిరుగుతున్నారు. అనేక సందర్భాల్లో ఈ మధ్య వైసీపీ ఎమ్మెల్యేలు నిరసన గళం వినిపిస్తున్నారు. అయితే ఇప్పుడు మరో ఎమ్మెల్యే నిరసనగళం విప్పారు కానీ, డైరెక్ట్ గా ప్రభుత్వం పై కాకపోయినా, ప్రభుత్వ చేతకాని తరం గురించి ఇన్ డైరెక్ట్ గా ప్రస్తావిస్తూ, కాంట్రాక్టు సంస్థ కార్యాలయ ముట్టడికి సిద్ధం అయ్యారు. ఆంధ్రప్రదేశ్ రాష్ట్రంలో రోడ్డుల పరిస్థితి ఎలా ఉందో అందరికీ తెలుసు. ఏ రోడ్డు చూసినా, ఏ రోడ్డు అయినా, అన్నీ గోతులు, గుంతలే. రాష్ట్రం మొత్తం పరిస్థితి ఇలాగే ఉంది. జాతీయ రహదారులు, రాష్ట్ర రహదారులు, ఇంటర్నల్ రోడ్స్ కూడా ఇలాగే ఉన్నాయి. ప్రజలు ప్రతి రోజు ఇబ్బందులు పడుతున్నారు. అయితే అక్కడక్కడా ప్రజలు ఎదురుతిరుగుతున్నా, ప్రభుత్వం పై మాత్రం ఒత్తిడి తెచ్చే వారు లేరు. మనకు ఎందుకు వచ్చిందేలా అని ఇబ్బందులు పడుతూనే వెళ్తున్నారు. అయితే అధికార పార్టీ ఎమ్మెల్యే ఒకరు మాత్రం, సొంత ప్రభుత్వం పైనే ఎదురు తిరిగినంత పని చేసారు. గుంటూరు జిల్లా ఎమ్మెల్యే కాసు మహేశ్ రెడ్డి సీరియస్ అయ్యారు. పిడుగురాళ్లలో రోడ్డులు అధ్వానంగా ఉన్నాయని, ప్రజలు ఇబ్బందులు పడుతున్నారని తెలిసినా, ఎన్ని సార్లు చెప్పినా, రెండు వారాలు గడువు ఇచ్చినా, కాంట్రాక్టు సంస్థ మాత్రం మరమత్తులు చేయలేదని ఆయన అన్నారు.

ఈ నెల 29వ తేదీన తుమ్మలచెరువు టోల్‌గేట్‌ను ముట్టడి చేస్తామని, ఎమ్మెల్యే కాసు మహేశ్ రెడ్డి అన్నారు. అయితే ఇక్కడ కాంట్రాక్టర్ వైసీపీ ఎంపీ ఎంపీకి చెందిన సంస్థ. రాంకీ సంస్థ పరిధిలోనే ఇది ఉంది. వైసీపీ ఎంపీ అయోధ్య రామిరెడ్డిది రాంకీ సంస్థ. దీంతో సొంత ప్రభుత్వం పైన, సొంత పార్టీ ఎంపీ సంస్థ పైనే , అధికార పార్టీ ఎమ్మెల్యే నిరసన గళం వినిపించారని అనుకోవాల్సి ఉంటుంది. ఏది ఏమైనా అధికార పార్టీ ఎమ్మెల్యే కాబట్టి, ఆయన ఏమి చేసినా తెలుస్తుంది కానీ, ప్రజలు ఇలా ఎదురు తిరిగితే ఊరుకుంటారా ? ఏది ఏమైనా అధికార పార్టీ ఎమ్మెల్యే నిరసనతో అయినా ప్రభుత్వం ఈ సమస్య గుర్తించి, ఈ సమస్యని పరిష్కారం చేస్తే, ప్రజలకు మేలు జరుగుతుంది, అలాగే ప్రజా సమస్య పరిష్కారం చేసినందుకు, అధికార పార్టీ ఎమ్మెల్యేకే పేరు వస్తుంది. చూద్దాం, ఇప్పటికైనా ప్రభుత్వం స్పందిస్తుంది ఏమో,.

జగన్ మోహన్ రెడ్డి పీఆర్ టీం, ఆయనకు తగిలించిన ట్యాగ్ , మాట తప్పడు, మడమ తిప్పడు. పాదయాత్ర చేసే సమయంలో, దీన్ని ప్రజల్లోకి బాగా తీసుకుని వెళ్ళటంలో సక్సెస్ అయ్యారనే చెప్పాలి. ఎన్నికల్లో గెలిచారు. ముఖ్యమంత్రి అయ్యారు. ఈ 18 నెలల్లో మాట తప్పకుండా, మడమ తిప్పకుండా ఉన్నారా ? గద్దెనెక్కిన నెల రోజుల్లోనే అసెంబ్లీ సాక్షిగా, నేను 45 ఏళ్ళకు పెన్షన్ అని చెప్పలేదు అంటూ, మడమ తిప్పెసారు. అక్కడ నుంచి మొదలై, అనేక సార్లు మడమ తిప్పుతూనే ఉన్నారు. హోదా విషయం దగ్గర నుంచి అమరావతి దాకా, ఇలా ప్రతి విషయంలో గతంలో ఇచ్చిన మాట తప్పారు. అయితే ఇప్పుడు ఇంకా 18 నెలలే అయ్యింది, మేము చెప్పింది చేసి చూపించటానికి ఇంకా టైం ఉంది కదా అని వైసిపీ చెప్తుంది. అయితే ఇప్పుడు మరో విషయంలో జగన్ మాట తప్పారా, లేదా మోసం చేస్తున్నారా అనే చర్చ నడుస్తుంది. అమరావతిని మూడు ముక్కలు చేసే బిల్లులు శాసనమండలి అడ్డుకుంది అంటూ జగన్ మోహన్ రెడ్డి ప్రభుత్వం, శాసనమండలిని రద్దు చేసేయటానికి నిర్ణయం తీసుకుంది. దీని కోసం అసెంబ్లీలో తీర్మానం చేసారు. అలాగే తీర్మానం చేసే సమయంలో, శాసనమండలి దండుగ అంటూ దానికి అనేక కారణాలు చెప్పారు. మేధావులు అంతా మనకు అసెంబ్లీలో ఉన్నారని, ఇంకా మండలి ఎందుకు అని ప్రశ్నించారు.

అలాగే మండలి రద్దు చేయటమే అజెండాగా ఢిల్లీ పర్యటనలు కూడా చేసారు జగన మోహన్ రెడ్డి. మంత్రుల్ని కలిసారు, మండలి రద్దు చేయమని కోరారు. ఇలా అనేక విధాలుగా మండలిని రద్దు చేయాలని కోరారు. అయితే ఎందుకో కానీ ఇంకా మండలి రద్దు కాలేదు. ఏది ఏమైనా ఇప్పటి వరకు, దీని విషయంలో జగన్ కు రిమార్క్ లేదు. అయితే నిన్న తిరుపతి ఎంపీ స్థానంలో అభ్యర్ధిని ప్రకటించే విషయంలో, బల్లి దుర్గాప్రసాద్ కుటుంబం నుంచి టికెట్ ఇస్తారని ఆశించినా, తన సొంత ఫిజియోకి సీట్ ఇచ్చారు జగన్. ఈ సందర్భంగా, జగన్ మోహన్ రెడ్డి, బల్లి దుర్గా ప్రసాద్ కొడుకుకి, ఎమ్మెల్సీ హామీ ఇచ్చారని వైసీపీ చెప్పింది. అయితే ఇక్కడే జగన్ చిత్తశుద్ధిని అందరూ ఎత్తి చూపుతున్నారు. మండలి రద్దు అనేది నిజమా కాదా ? లేదా దాని పై జగన్ వెనక్కు తగ్గారా ? ఒక వేల నిజమే అయితే, ఇప్పుడు బల్లి దుర్గా ప్రసాద్ కొడుకుకి, ఎమ్మెల్సీ హామీ ఎలా ఇస్తారు ? వాళ్ళని మభ్య పెట్టటానికి, ఇలా మోసం చేస్తున్నారా అనే మాటలు వస్తున్నాయి. మరి జగన్ నమ్ముకున్న వాళ్ళని మోసం చేయరు, మడమ తిప్పరు, మాట తప్పరు అనే వాళ్ళు, దీనికి ఎలాంటి సమాధానాలు చెప్తారో మరి.