news

ఈ రోజు అసెంబ్లీలో మధ్యానం స్పీకర్ కు, చంద్రబాబుకు మధ్య తీవ్ర వాగ్వాదం జరిగింది. ఈ సందర్భంగా స్పీకర్ సహనం కోల్పోయారు. తెలుగుదేశం వైసిపీ మధ్య ముందుగా గందరగోళం చెలరేగగా, ఆ తరువాత ఇది స్పీకర్, చంద్రబాబు మధ్య గోదావగా మారింది. సవాళ్లు , ప్రతి సవాళ్ళ వరకు విషయం వెళ్ళింది. తమకు మాట్లాడే అవకాసం ఇవ్వకుండా, వారి చేత ఇష్టం వచ్చినట్టు తిట్టిస్తున్నారని, తమకు అవకాసం ఇవ్వాలని చంద్రబాబు నిరసన తెలిపారు. టిడ్కో ఇళ్ళకు సంబందించిన వ్యవహారంలో ఈ రోజు చర్చ జరిగింది. అయితే ఈ సందర్భంలో వరుస పెట్టి వైసీపీ నేతలకు అవకాసం ఇవ్వటం, వారు ఇష్టం వచ్చినట్టు మాట్లాడుతూ విమర్శలు చేయటంతో, తెలుగుదేశం పార్టీ అభ్యంతరం తెలిపింది. అధికార పార్టీ చేస్తున్న విమర్శలకు ధీటైన సమాధానం తాము ఇస్తాం అని, తమకు అవకాసం ఇవ్వాలని పదే పదే అభ్యర్ధన చేసినప్పటికీ కూడా స్పీకర్ అవకాసం ఇవ్వలేదు. ఈ నేపధ్యంలోనే, ప్రతిపక్ష నేతగా ఉన్న చంద్రబాబు లెగిసి, తమకు అవకాసం ఎందుకు ఇవ్వటం లేదు అని చెప్పి, నిలదీశారు. అధికార పార్టీ సభ్యులు మాట్లాడిన తరువాత అవకాసం ఇస్తాం అని స్పీకర్ చెప్పారు. అయితే వారు వరుసగా విమర్శలు చేస్తూ, తమను వ్యక్తిగతంగా తిడుతున్నా అవకాసం ఇవ్వటం లేదని తెలుగుదేశం పార్టీ ఎమ్మెల్యేలు నిరసన తెలియచేసారు. ఈ తరుణంలోనే స్పీకర్ కు చంద్రబాబుకు మధ్య మాటల యుద్ధం జరిగింది. మర్యాద ఇచ్చి పుచ్చుకోవాలని, కనీసం ఒక్కసారి కూడా తమకు అవకాసం ఇవ్వటం లేదని, ప్రతిపక్షం గొంతు నొక్కితే ప్రజలకు ప్రశ్నించే అధికారం ఉండదు అని చంద్రబాబు చెప్పారు.

దీంతో తమకు నీతులు చెప్పాల్సిన అవసరం లేదని, నిబంధనలు ప్రకారం అవకాశాలు వస్తాయని స్పీకర్ అన్నారు. నిన్నటి నుంచి తమకు ఇప్పటి వరకు అవకశం ఇవ్వలేదని, ఇచ్చి పుచ్చుకోవటం నేర్చుకోవాలని, ప్రతిపక్ష నేతకు అవకాసం ఇవ్వకుండా ఎన్ని రోజులు ఇలా చేస్తారు అని చంద్రబాబు అనగా, మీ దగ్గర నుంచి నీతులు మేము నేర్చుకోవాల్సిన అవసరం లేదని అన్నారు. వేలు చూపించి నన్ను భయపెడతారా, మీ ఉడత ఊపులకు నేనేమీ భయపడను, మీ చేష్టలు ప్రజలు చూస్తున్నారు అని తమ్మినేని అనగా, మీ ప్రవర్తన కూడా చూస్తున్నారని, హుందాగా ఉండండి అని చంద్రబాబు అన్నారు. దీంతో సహనం కోల్పోయిన స్పీకర్, నువ్వు నువ్వు అని సంబోధించి, చేతిలో ఉన్న పేపర్ ను విసిరి పేపర్ మీదకు కొట్టటంతో, తెలుగుదేశం ఎమ్మెల్యేలు కూడా అదే దురుసుగా స్పీకర్ వద్దకు వచ్చి, ఏకపక్షంగా వ్యవహరిస్తున్నారు అంటూ, నినాదాలు చేసారు. మొత్తానికి నిన్న ఇన్సురన్సు ప్రీమియం కట్టలేదని తెలుగుదేశం చెప్పటంతో, నిన్న సస్పెండ్ చేసారు. ఈ రోజు టిడ్కో ఇళ్లు గురించి అడిగితే, ఈ రోజు కూడా సస్పెండ్ చేసారు. తెలుగుదేశం సభ జరగనివ్వటం లేదని, అందుకే సస్పెండ్ చేసాం అని అధికార పక్షం అంటుంది.

ఆంధ్రప్రదేశ్ అసెంబ్లీలో ఈ రోజు ఎప్పుడూ చూడని సంఘటనలు ప్రజలు చూసారు. అదే చంద్రబాబు ఏకంగా స్పీకర్ ముందు, కింద కూర్చుని నిరసన తెలపటం. చంద్రబాబు ఎందుకు ఇంత నిర్ణయం తీసుకున్నారు ? ఎన్నో చూసిన చంద్రబాబు, ఎందుకు ఇలా రియాక్ట్ అయ్యారు ? వైసిపీ చెప్పినట్టు చంద్రబాబు రౌడీజం కోసం, రేపు పేపర్ లో హెడ్ లైన్స్ లో రావటానికి ఇలా చేసారా ? అసలు నిజం ఏమిటి అంటే, చంద్రబాబు ఇంతలా నిరసన తెలపటానికి కారణం లేకపోలేదు. వైసీపీ అధికారంలోకి వచ్చిన తరువాత ఏడు సార్లు వరదలు కానీ, తుఫాన్లు కానీ వచ్చాయి. ఈ ఏడాది ఖరీఫ్ నుంచి, రెండు సార్లు వారదలు, తుఫాన్లు వచ్చాయి. అయితే జగన్ ప్రభుత్వం వచ్చిన తరువాత, రైతులు కట్టుకునే ఇన్సురన్సు ప్రీమియం మేమే కడతాం అని చెప్పింది. అయితే ఈ రోజు రైతులకు ఇచ్చే నష్ట పరిహారం పై అసెంబ్లీలో చర్చ జరిగింది. ఈ సందర్భంగా మంత్రి కన్నబాబు ప్రభుత్వం చేసిన పనులు అన్నీ చెప్తూ, మా ప్రభుత్వంలో రైతులు ఆనందంగా ఉన్నారని చెప్పారు. అన్ని పధకాలు చెప్పుకుంటూ వచ్చారు. అయితే ఈ సందర్భంగా, తెలుగుదేశం వైపు నుంచి పయ్యావుల కేశవ్, రైతులకు కట్టాల్సిన క్రాప్ ఇన్సురన్స్ ప్రభుత్వం కట్టలేదని, వారిని ముంచేసారని నినాదాలు చేసారు. అయితే మంత్రి మాత్రం, మేము కట్టాం అంటూ ఎదురు దాడి చేసారు. దీంతో కేశవ్ మా దగ్గర మొత్తం సమాచారం ఉందని, ఆర్టిఐ ద్వారా మొత్తం సమాధానం తెప్పించాం అని చెప్పటంతో, అప్పుడు మంత్రి మాట మార్చి, డిసెంబర్ 15 లోపు ఇన్సురన్సు ప్రీమియం కడతామని చెప్పారు.

అయితే ప్రభుత్వం మాట మార్చటంతో, చంద్రబాబు తమకు ఈ విషయం పై మాట్లాడే అవకాసం ఇవ్వాలని కోరటం, ఆయనకు మైక్ ఇవ్వటానికి వీలు లేదు, ఏదైనా రామా నాయుడే మాట్లాడాలి అని జగన్ చెప్పటంతో, ఈ విషయం చివరకు చంద్రబాబు ధర్నా చేసి, సస్పెండ్ చేసే దాకా వెళ్ళింది. అయితే ప్రభుత్వం ఈ ఇన్సురన్సు విషయంలో ఎందుకు ఇంట కంగారు పడింది అనేది చంద్రబాబు ప్రెస్ మీట్ పెట్టే దాకా తెలియలేదు. ఆయన మాట్లాడుతూ, తాము ఆర్టిఐ ద్వారా సమాచారం తెప్పిస్తే, 1300 కోట్లు ఇన్సురన్సు ప్రీమియం కట్టాల్సి ఉండగా, ప్రభుత్వం కేవలం 33 కోట్లు మత్రమే కట్టిందని సమాచారం వచ్చిందని, ప్రభుత్వం మొత్తం కట్టి ఉంటె ఇప్పటి నష్టానికి దాదాపుగా 2 వేల కోట్లు వచ్చేదని అన్నారు. అలాగే పోయిన ఏడాది ఎన్నో విపత్తులు వచ్చిన, అసలు ప్రభుత్వం ఇన్సురన్సు క్లెయిమ్ కూడా చేయలేదని తెలిపారు. ఈ ఏడాది ఇప్పటి వరకు కట్టలేదని, కట్టామని ఫేక్ సమాచారం చెప్పారని,మేము ఆధారాలు చూపిస్తే, త్వరలో కడతాం అంటూ, మమ్మల్ని ఈ విషయంలో మాట్లాడనివ్వకుండా సస్పెండ్ చేసారని అన్నారు. నష్టం జరిగిపోయిన తరువాత, ప్రీమియం కడితే ఎవరైనా ఇన్సురన్సు ఇస్తారా అని ప్రశ్నించారు. అయితే దీని పై ప్రభుత్వం మాత్రం, ఇన్సురన్సు వచ్చేలా చేస్తాం అంటుంది. మొత్తానికి పయ్యావుల చెప్పిన ఒక్క విషయంతో కంగారు పడిన వైసీపీ, చివరకు అందరినీ సస్పెండ్ చేసింది.

మాజీ మంత్రి, ఎమ్మెల్సీ నారా లోకేష్, గుంటూరు అర్బన్ ఎస్పీ అయిన అమ్మిరెడ్డి పై ఈ రోజు శాసనమండలిలో సభా హక్కుల ఉల్లంఘన నోటీస్ ఇచ్చారు. ఈ నోటీస్ ను ఆయన మండలి చైర్మెన్ కు ఇచ్చి విచారణ చేసి తగు చర్యలు తీసుకోమని కోరారు. గుంటూరు ఎస్పీ తనను సోషల్ మీడియాలో బెదిరించారని, తన హక్కులకు భంగం కలిగించారని, తప్పుడు అరెస్ట్ ను ప్రశ్నిస్తే, తనను అరెస్ట్ చేస్తానని బెదిరింపులకు దిగారని, తన నోటీస్ లో నారా లోకేష్ పేర్కొన్నారు. దీని పై చర్యలు తీసుకోవాలని కోరారు. గత వారం పొన్నూరులో ఎమ్మెల్యే ప్రహరీ గోడ ఓపెనింగ్ అంటూ హడావిడి చేస్తుంటే, మణిరత్నం అనే వ్యక్తి అవి వీడియో తీసి సోషల్ మీడియాలో పెట్టటంతో అది వైరల్ అయ్యింది. తరువాత మణిరత్నంను పోలీసులు స్టేషన్ కు పిలిపించారు. ఈ సమయంలో, నారా లోకేష్ ఒక ట్వీట్ పెట్టారు. ప్రశ్నిస్తే అరెస్ట్ చేస్తారా ? అసలు అందులో ఏముందని అరెస్ట్ చేస్తారు అంటూ ట్వీట్ చేసారు. అయితే దీని పై స్పందించిన గుంటూరు ఎస్పీ అది ఫేక్ ట్వీట్ అంటూ, లోకేష్ ఫేక్ ప్రచారం చేస్తున్నారని, ఇలా చేస్తే అరెస్ట్ చేస్తాం అని హెచ్చరించారు. దీని పై ఘాటుగా స్పందించిన లోకేష్, స్టేషన్ సిసి టీవీ ఫూటేజ్ బయట పెట్టాలని కోరుతూ, అదే విధంగా బాధితుడి వీడియో కూడా పెట్టారు. దీంతో తాము అరెస్ట్ చేయలేదని, కేవలం విచారణ కోసం పిలిచామని పోలీసులు చెప్పారు. అయితే మరి ఎందుకు ఫేక్ ట్వీట్ అని చెప్పారు, ఎందుకు అరెస్ట్ చేస్తామని చెప్పారని లోకేష్ ప్రశ్నించారు. పోలీసులు తమ హద్దుల్లో ఉండాలని, ఒక రాజకీయ పార్టీకి కొమ్ము కాస్తే ఇబ్బందులు పడతారని అన్నారు. అయితే దీని పై గుంటూరు ఎస్పీ నుంచి తదుపరి ఎలాంటి వివరణ రాకపోవటంతో, లోకేష్ మండలి చైర్మెన్ కు జరిగిన ఘటన పై ఫిర్యాదు చేసారు.