news

ఇప్పటికే కరెంటు కూతలతో సతమవుతున్న రాష్ట్ర ప్రజలకు మరో షాకింగ్ న్యూస్. రాష్ట్ర ప్రభుత్వ వైఖరితో, విద్యుత్ పీపీఏల విషయంలో, కేంద్రంతో గొడవ పెట్టుకున్న సందర్భంలో, కేంద్రం తీసుకున్న తాజా నిర్ణయంతో, రాష్ట్ర ప్రభుత్వానికి మరో షాక్ తగిలింది. వివిధ సంస్థల నుంచి విద్యుత్ కొనుగోలు చేస్తూ, వాటికి చెల్లింపులు చెల్లించకుండా, వందల కోట్లుకు బాకాయి పెడుతున్న ప్రభుత్వానికి, కేంద్రం ప్రభుత్వం షాక్ ఇచ్చింది. ఇక నుంచి డబ్బులు చెల్లిస్తాం అని లెటర్‌ ఆఫ్‌ క్రెడిట్‌ ఇస్తేనే, విద్యుత్ ఇచ్చే పరిస్థితి వచ్చింది. ఇది వరుకే ఈ ఆదేశాలు ఇవ్వటంతో, దాదాపు వారం పాటు ఎక్స్ఛేంజ్‌లో కొనుగోలుపై నిషేధం విధించిన విషయం తెలిసిందే. ఇప్పుడు తాజగా సౌర, పవన విద్యుత్‌ కంపెనీలకు కూడా ముందస్తు చెల్లింపులకు సంబంధించిన లెటర్‌ ఆఫ్‌ క్రెడిట్‌ ఇవ్వాలని, కేంద్రం ఆదేశించింది. రెండు రోజుల్లో లెటర్‌ ఆఫ్‌ క్రెడిట్‌ ఇవ్వాలని కేంద్రం ఆదేశించింది.

లెటర్‌ ఆఫ్‌ క్రెడిట్‌ ఇవ్వని సందర్భంలో, జాతీయ విద్యుత్‌ ఎక్స్ఛేంజ్‌ నుంచి బహిరంగ మార్కెట్లో విద్యుత్‌ కొనుగోలు చేయకుండా, ఎక్స్ఛేంజ్‌లో రాష్ట్రంపై నిషేధం విధించే పరిస్థితి వస్తుంది. విద్యుత్ ఉత్పత్తి చేసిన కంపెనీల దగ్గర నుంచి, విద్యుత్ తీసుకుని, డబ్బులు చెల్లించక పోవటంతో, బకాయిలు పేరుకుపోవడంతో, కేంద్రం ఈ నిర్ణయం తీసుకుంది. ఈ ఆదేశాలు కంపల్సరీ అవ్వటంతో, ముందుగా ఎన్‌టీపీసీకి సంబంధించిన విద్యుత్‌ సంస్థలకు రాష్ట్ర ప్రభుత్వం లెటర్ అఫ్ క్రెడిట్ ఇవ్వటం మొదలుపెట్టింది. దీనికి నెలకు సుమారుగా రూ.550 కోట్లు ఖర్చు అవుతుంది. అయితే ఒక ప్రైవేటు ప్రైవేటు థర్మల్‌ విద్యుత్‌ కంపెనీ దీని పై ఎక్స్ఛేంజ్‌లో రాష్ట్రం పై ఫిర్యాదు చేసింది. దీంతో వారికి కూడా ఎల్‌సీ జారీ చేసారు.

అయితే ఇప్పుడు సౌర, పవన విద్యుత్‌ కంపెనీలకు ముందస్తు ఎల్‌సీ ఇవ్వాలంటే, ఇప్పుడు మరో 500 కోట్లు దాకా ఖర్చు అవుతుంది. ఇప్పుడు ఇంత ఇవ్వాలి అంటే ఏమి చెయ్యాలో అని రాష్ట్ర ప్రభుత్వం బెంబేలెత్తిపోతుంది. దీంతో చీఫ్ సెక్రటరీ వివిధ శాఖలతో సమీక్ష జరిపి, వివిధ శాఖల నుంచి విద్యుత్‌శాఖకు రావాల్సిన పెండింగ్ బిల్లుల పై చర్చించారు. రూ.6 వేల కోట్ల మేర బకాయిలు ఉన్నాయని, జలవనరులశాఖ నుంచే రూ.2 వేల కోట్ల రావాల్సి ఉందని, పెండింగ్ చెల్లింపులు జరపాలని ఆర్ధికశాఖ అధికారులకు సీఎస్ ఆదేశించారు. అయితే అంత డబ్బులు ఇప్పటికిప్పుడు కుదరదు అని చెప్తున్నారు. మరో పక్క, కేంద్రం నిర్ణయం పై, రాష్ట్ర ప్రభుత్వం హైకోర్ట్ కి వెళ్ళింది.సౌర, పవన విద్యుత్‌ కంపెనీలకు ఎల్‌వోసీ ఇవ్వాలన్న ఆదేశాల పై హైకోర్ట్ లో రాష్ట్ర ప్రభుత్వం పిటీషన్ వేసింది. ఆర్థిక పరిస్థితి దృష్ట్యా ఎల్‌ఓసీలు సాధ్యంకాదని, కేంద్రం ఉత్తర్వులు రద్దు చెయ్యాలని కోరింది. కేంద్ర ఆదేశాల పై, మూడు వారాలపాటు హైకోర్టు స్టే విధించి, వచ్చే నెల 5కి కేసు వాయిదా వేసింది.

రాష్ట్రంలో జగన్ మోహన్ రెడ్డి అధికారంలోకి వచ్చిన దగ్గర నుంచి, వైసిపీ, తెలుగుదేశం పార్టీ నేతలను ఇబ్బంది పెడుతూ , రాజకీయ దాడులకు పాల్పడుతున్న సంగతి తెలిసిందే. ఒకటి కాదు రెండు కాదు, ఏకంగా 500 పైగా దాడులు చేసి, 8 మందిని చంపారని, తెలుగుదేశం పార్టీ ఆరోపిస్తుంది. ఇదే విషయం పై చంద్రబాబు చలో పల్నాడు కూడా నిర్వహించారు. అయితే, పోలీసులు మాత్రం, ఇవన్నీ అబద్ధం, అంతా కంట్రోల్ లోనే ఉందని చెప్తున్నారు. ఒక పక్క తెలుగుదేశం సానుభూతి పరులు కేసులు పెడుతుంటే, ఆ కేసులు తీసుకోకుండా, తిరిగి వారినే ఇబ్బంది పెడుతున్నారు. ఇవి ఒక్కటే కాదు, సోషల్ మీడియాలో ప్రభుత్వానికి వ్యతిరేకంగా ఏమైనా రాస్తే చాలు, కేసు పెట్టి, లోపల వేస్తున్నారు. ఇలా ఇవి ఒక్కటే కాదు, పొలాల్లో చెట్లు నరకటం, కాంట్రాక్టు ఉద్యోగాలు పీకియ్యటం, తెలుగుదేశం సానుభూతి పరులు రేషన్ డీలర్లుగా ఉంటే పీకించటం, రోడ్లు తవ్వేయటం, ఇళ్ళకు అడ్డంగా గోడలు కట్టటం, ఇలా అనేక విధాలుగా ఇబ్బంది పెడుతున్నారు.

ఇదే విషయం పై చంద్రబాబు కూడా, అనేక సార్లు ప్రెస్ మీట్లు పెట్టి, తమ గోడు చెప్పుకున్నారు, పోలీసులను హెచ్చరించారు. అయినా మార్పు లేదు. రాజకీయాలకు అతీతంగా వ్యవహరించాల్సిన పోలీసులే, తమకు అండగా నిలబడటం లేదని ఆరోపిస్తున్నారు. ఇలా అటు ప్రభుత్వ వేధింపులు, ఇటు రక్షించాల్సిన పోలీసులు, ప్రభుత్వానికి అనుకూలంగా వ్యవహరించటంతో, తెలుగుదేశం పార్టీ న్యాయ పరంగా వెళ్ళాలని నిర్ణయం తీసుకుంది. ఇందులో భాగంగా, ముందుగా, జాతీయ మానవ హక్కుల సంఘాన్ని కలవాలని నిర్ణయం తీసుకుని, ఈ రోజు తెలుగుదేశం పార్టీ ఎంపీల బృందం ఢిల్లీలో జాతీయ మానవ హక్కుల సంఘాన్ని కలిసింది. వారిని కలిసి రాష్ట్రంలో జరుగుతున్న పరిస్థితిని వివరించారు.

జాతీయ మానవ హక్కుల సంఘానికి 11 పేజీల లేఖ ఇచ్చారు. ఎన్ హెచ్ ఆర్సీని కలిసిన వారిలో టీడీపీ ఎంపీలు గల్లా జయదేవ్, కనకమేడల రవీంద్రకుమార్, రామ్మోహన్ నాయుడు, సీతారామలక్ష్మిలు ఉన్నారు. టీడీపీ నేతలు, కార్యకర్తలపై రాజకీయ దాడులు జరుగుతున్నాయని ఫిర్యాదు చేశారు. రాష్ట్రంలో శాంతిభద్రతలు కరువయ్యాయని వారు ఫిర్యాదు చేశారు. మా మోర ఆలకించిన జాతీయ మానవ హక్కుల సంఘం, స్పెషల్ టీమ్స్ ని, ఆంధ్రపదేశ్ పంపి, నిజానిజాలు తెలుసుకుని, తగు చర్యలు తీసుకుంటామని, హామీ ఇచ్చారని, ఎంపీలు అన్నారు. తొందరలోనే, జాతీయ మానవ హక్కుల సంఘం టీమ్స్ ఆంధ్రప్రదేశ్ లో పర్యటించిన, మేము ఇచ్చిన ఫిర్యాదు పై, నిజ నిర్ధారణ చేస్తారని, తెలుగుదేశం ఎంపీలు తెలిపారు. కమీషనర్ మేము చెప్పినవి అన్నీ విన్నారని, మాకు అండగా ఉంటామని హామీ ఇచ్చారని చెప్పారు.

మెఘా కృష్ణ రెడ్డి ఇంట్లో ఐదవ రోజు ఐటీ అధికారుల సోదాలు, విచారణ కొనసాగిస్తున్నారు. ఐదు రోజుల సెర్చ్ వారెంట్ తో వచ్చిన అధికారులు, తమ పని వేగం పెంచారు. ఇలాగే అయుదు రోజులు ఒకే చోట, ఒకే ఇంట్లో ఐటి సోదాలు, విచారణ జరగటం అనేది చాలా అరుదు. ఇక్కడే ఈ కేసు తీవ్రత ఏమిటో అర్ధమవుతుంది. ఈ సోదాల్లో, పలు కీలక డాక్యుమెంట్ లను స్వాదీనం చేసుకున్న అధికారులు, ఆర్ధిక లావాదేవీల్లో అవకతవకలు ఉన్నట్టు గుర్తించారు. మేఘ కృష్ణా రెడ్డి నివాసంలో స్వాధీనం చేసుకున్న డాక్యుమెంట్స్ తో బాలానగర్ లోని వివిధ బ్యాంక్ లకు తరలించి అక్కడ లాకర్లు తనిఖీ చేసారు. మరో పక్క, ఈ రోజంతా మెఘా కృష్ణారెడ్డి, పిచ్చిరెడ్డిని వేర్వేరుగా విచారించటంతో పాటు, ఉమ్మడిగాను విచారించే అవకాశం కనపడుతోంది. గత నాలుగు రోజుల సోదాల ఆధారంగా ఈ విచారణ ఉండబోతుంది. ముఖ్యంగా మనీలాండరింగ్ జరిగిందని, ఐటీకి బలమైన సాక్ష్యాధారాలు దొరికినట్లు సమాచారం.

ఇక మరో పక్క తెలంగాణా గవర్నర్ ఉన్నట్టు ఉండి ఢిల్లీ వెళ్ళటం ఆసక్తి రేపుతుంది. ఈ కేసులో పెద్ద తలకాయల ప్రమేయం బయట పడిందని, వారి అరెస్ట్ లు ఉంటాయనే ప్రచారం మధ్య, గవర్నర్ ఢిల్లీ పర్యటన ప్రాధాన్యత సంతరించుకుంది. మెఘా అరెస్ట్‌ తో పాటు, పలువురు ప్రముఖులు కూడా అరెస్ట్ ఉంటుంది అనే వార్తలు వస్తున్న నేపథ్యంలో, రాష్ట్రంలో పరిస్థితుల పై కేంద్ర హోంశాఖ గవర్నర్‌ ని పిలిపించుకుని, ఆరా తీస్తున్నట్టు తెలుస్తుంది. ఆర్టీసీ స్ట్రైక్ విషయంలో, ఆమె ఢిల్లీ వెళ్ళారనే ప్రచారం ఉన్నా, అంతకు మించి ఏదో జరుగుతంది అనే ప్రచారం జరుగుతుంది. ఈ రోజు మధ్యహ్నం 12గంటలకు డిల్లీ బయలుదేరనున్న గవర్నర్, మద్యాహ్నం 3 గంటలకు ప్రధాని నరేంద్రమోడీతో, 4గంటలకు బీజేపీ అద్యక్షుడు, కేంద్ర హోంమంత్రి అమిత్‌షాతో భేటీ కాబోతున్నారు.

నాలుగు రోజుల పాటు, సోదాలు, విచారణ జరిపిన ఐటి అధికారులు, నిన్న బ్యాంకులు, లాకర్లను కూడా తెరిపించటంతో, కీలక ఆధారాలు దొరికాయనే ప్రచారం జరుగుతుంది. బాలానగర్ ఆంధ్రబ్యాంక్ , బొల్లారంలోని ఐడీబీఐ బ్యాంక్, కోటాక్ బ్యాంకుల్లోని ఖాతాల వివరాల్ని సేకరించి, లాకర్లలో దొరికిన వివిద పత్రాలను విశ్లేషించే పనిలో ఉంది. అయితే ఈ మొత్తం వ్యవహారంలో, మనీ లాండరింగ్ చుట్టూ తిరుగుతుందని, ఈడీ కూడా రంగంలోకి దిగుతుందని, రెండు రోజుల నుంచి వార్తలు వస్తున్నాయి. ఈడీ కూడా రంగంలోకి దిగితే, మరిన్ని కష్టాలు తప్పవు. ఇక మరో పక్క, మేఘా ఇంటి ముందు, కార్యాలయం ముందు ఉన్న మీడియా పై, మెఘా అనుచరులు, మీడియాపై దౌర్జన్యానికి దిగుతున్నారు. ఇక్కడ ఏమి షూట్ చెయ్యొద్దు అంటూ దౌర్జన్యం చేస్తున్నారు.