news

ఆంధ్రప్రదేశ్ రాష్ట్రంలో, ప్రభుత్వ పెద్దలు తమకు నచ్చని ఛానెల్స్ ను బ్యాన్ చేసిన సంగతి తెలిసిందే. దాదపుగా నెల రోజులుకు పైగా, మన రాష్ట్రంలోని సిటి కేబుల్ తో పాటు, ప్రభుత్వానికి చెందిన ఏపి ఫైబర్ నెట్ లో, ఏబీఎన్ ఛానెల్ తో పాటుగా, టీవీ5 ఛానెల్ ప్రసారాలు కూడా ఆగిపోయాయి. అయితే దీని పై ప్రభుత్వం డైరెక్ట్ ఎలాంటి స్టేట్మెంట్ ఇవ్వలేదు. పలానా కారణంతో ఆపమని ఆదేశాలు ఇచ్చామని చెప్పలేదు. ఈ అనధికార బ్యాన్ పై, ఏబీఎన్, టీవీ5 ట్రిబ్యునల్ కు వెళ్ళాయి. టెలికాం వివాదాలు పరిష్కరించే అప్పిలేట్ ట్రిబ్యునల్(టీడీశాట్) వద్ద, ప్రభుత్వ చర్యలను తప్పుబడుతూ, ఈ రెండు ఛానెల్స్ ఫిర్యాదు చేసాయి. అయితే ఈ విచారణ కొనసాగుతూనే ఉంది. గతంలో జరిగిన విచారణలో టీడీశాట్‌ బాగా సీరియస్ అయిన విషయం తెలిసిందే. వెంటనే ఛానెల్స్ విడుదల చెయ్యాలని, అలా చెయ్యకపోతే, రోజుకు రెండు లక్షల ఫైన్ కట్టాల్సి ఉంటుందని, ప్రభుత్వాన్ని హెచ్చరించాయి.

అయితే, ఈ రోజు మరోసారి ఈ కేసు టీడీశాట్‌ లో విచారణకు వచ్చింది. టీడీశాట్‌ గతంలో ఇచ్చిన ఉత్తర్వులను అమలు చేయకపోవడంతో, ఏపీ ఫైబర్‌ నెట్‌ కోర్టు ధిక్కారణకు పాల్పడిందని టీడీశాట్‌ నిర్ధారిణకు వచ్చింది. అయితే ప్రభుత్వం మాత్రం బలే వింత వాదనతో ముందుకు వచ్చింది. ఈ రెండు ఛానెల్స్ మేము కావాలని ఆపలేడని, సాంకేతిక కారణంగానే ఛానల్‌ ప్రసారాలు నిలిచిపోయాయని ఏపీ ఫైబర్‌ నెట్‌ వివరణ ఇచ్చింది. ఈనెల 22 లోపు ప్రసారాలు పునరుద్ధరిస్తామని టీడీశాట్‌‌కు, ఏపి ఫైబర్ నెట్ తెలిపింది. అయితే, ఏబిఎన్ ఛానెల్ విషయంలో, గతంలో ఇచ్చిన ఉత్తర్వులను అమలు చేయకపోవడంతో, ఏపీ ఫైబర్‌ నెట్‌కు జరిమానా విధింపును 22న నిర్ణయిస్తామని టీడీశాట్‌ పేర్కొంటూ, తదుపరి విచారణను అక్టోబర్ 22వ తేదీకి వాయిదా వేసింది.

ఇక మరో పక్క, టీవీ5 విషయంలో, ఇప్పటికే ప్రభుత్వం పై ఫైన్ ఉన్న సంగతి తెలిసిందే. గతంలో విధించిన జరిమానా కొనసాగిస్తూ నేటికి రూ.32 లక్షలు జమ చేయాల్సిందిగా టీడీశాట్‌, ఏపీ ఫైబర్‌ నెట్‌ కు చెప్పింది. అయితే ఈ జరిమానా పై, ఏపి ఫైబర్ నెట్ వివరణ ఇచ్చింది. ఇప్పటికే సంవత్సరానికి రూ.150 కోట్లు నష్టాల్లో ఉన్నామని ఏపీ ఫైబర్ నెట్ ట్రిబ్యునల్‌కు తెలిపింది. జరిమానా చెల్లింపులో కొంత ఇబ్బందులు ఉన్నాయంటూ తప్పించుకునేందుకు చేసిన యత్నాన్ని ట్రిబ్యునల్ తోసిపుచ్చింది. ఇక మరో పక్క, ఫైబర్‌ నెట్‌ చెబుతున్నట్టుగా సాంకేతిక సమస్య నిజమా కాదా అని..తేల్చడానికి టీడీశాట్‌ కమిటీని నియమించింది. ఈనెల 22 తర్వాత కూడా చానళ్ల పునరుద్ధరణ జరగకపోతే.. ఏపీ ఫైబర్‌ నెట్‌లో తనిఖీ చేయాలని కమిటీకి టీడీశాట్‌ చైర్మన్‌ ఆదేశించారు.

ఎవరి ప్రాధాన్యత ఏమిటి అని చెప్పే చక్కటి ఉదాహరణ ఇది. గతంలో పోలవరం పనులు నత్తనడకన సాగుతున్నాయని, ఎలాగైనా పోలవరం పూర్తి చేసి, రాష్ట్రంలో ప్రతి మూలకు నీళ్ళు తీసుకువెళ్ళి, పోలవరం పూర్తీ చెయ్యాలని, ఇప్పుడు ఉన్న కాంట్రాక్టర్ వల్ల కాదని, కేంద్రంతో పోరాడి, నవయుగ కంపెనీని తీసుకువచ్చారు చంద్రబాబు. నవయుగ రావటంతోనే, పోలవరం పనులు పరుగులు పెట్టాయి. కాంక్రీట్ పనుల్లో చైనా రికార్డు ని కూడా తిరగరాసి, పోలవరం ప్రాజెక్ట్ ను గిన్నిస్ బుక్ లో ఎక్కించారు. పోలవరం ప్రాజెక్ట్ పూర్తవుతుంది అనే నమ్మకం కలిగించారు. అసలు అవ్వదు ఎనుకున్న పోలవరం, 73 శాతం పూర్తయింది అంటే, చంద్రబాబు ఆనాడు, నవయుగని తీసుకు రావటమే కారణం. కేంద్రం కూడా నవయుగ స్పీడ్ ని మెచ్చుకుంది. అయితే రాష్ట్రంలో ప్రభుత్వం మారటంతో, మొత్తం తారు మారు అయ్యింది.

గత నాలుగు నెలలుగా, పోలవరం ప్రాజెక్ట్ లో ఒక తట్ట మట్టి కూడా ఎత్తలేదు. పైగా చంద్రబాబు తీసుకొచ్చిన నవయుగ కంపెనీ మాకు వద్దు, వాళ్ళు అవినీతి చేసారు, మేము రివర్స్ టెండరింగ్ వేసి, నిజాయితీకి మారు పేరైన, మేఘా కంపెనీని తీసుకోవచ్చాం అని జగన్ ప్రభుత్వం చెప్పింది. అయితే కేంద్ర ప్రభుత్వ, పోలవరం ప్రాజెక్ట్ అథారిటీ మాత్రం, రాష్ట్ర ప్రభుత్వ వైఖరిని ఒప్పుకోలేదు. ఇది ఇలా సాగుతూ ఉండగానే, జగన్ ప్రభుత్వం తీసుకోచ్చిన, నిజాయతీకి మారు పేరైన మేఘా కంపెనీ పై, గత వారం రోజులుగా ఐటి దాడులు జరుగుతున్నాయి. ఇన్ని రోజుల పాటు, ఒక కంపెనీలో, ఒక ఇంట్లో ఐటి దాడులు జరుగుతున్నాయి అంటే, ఎన్ని లొసుగులు ఉండకపోతే జరుగుతాయి ?

ఒక పక్క మేఘా పై ఐటి దాడులు జరుగుతుంటే, మరో పక్క ఇదే పోలవరం ప్రాజెక్ట్ సూపర్ స్పీడ్ లో చేసినందుకు, నిన్న నవయుగ కంపెనీకి ప్రతిష్టాత్మిక అవార్డు వచ్చింది. Construction World Global Awards-2019 ఇచ్చిన అవార్డుల్లో, బెస్ట్ కనస్ట్రక్షన్ కంపెనిగా, పోలవరం ప్రాజెక్ట్ కి గాను, నవయుగ కంపెనీ ఎంపిక అయ్యింది. ఈ అవార్డులు నిన్న ఢిల్లీలో ఇచ్చారు. నవయుగ ఎండీ శ్రీధర్, ఈ అవార్డు అందుకున్నారు. ఈ సందర్భంగా, నవయుగ యాజమాన్యం, తన కార్మికులు అందరికీ ఈ అవార్డును అంకితం చేసింది. అయితే, ఎవరు ఎలా ఉన్నా, మన పోలవరం విషయంలో మాత్రం, ఇలా అవార్డులు వచ్చిన కంపెనీని కాదాని, వారం రోజులుగా ఐటి దాడులు చేస్తున్న కంపెనీకి పోలవరం ప్రాజెక్ట్ ఇచ్చి, రాష్ట్ర ప్రభుత్వం ఎలాంటి సంకేతాలు ఇస్తుందో, ప్రజలే అర్ధం చేసుకోవాలి.

తనకు వ్యతిరేకంగా ఎవరు మాట్లాడితే వారి పై, జగన్ మోహన్ రెడ్డి అధికారాన్ని అడ్డం పెట్టుకుని, వారిని వేధిస్తున్నారని తెలుగుదేశం పార్టీ ఆరోపిస్తూనే ఉంది, మరో పక్క ప్రతి రోజు ఇలాంటి ఘటన ఏదో ఒకటి జరుగుతూనే ఉంది. ఇప్పటికే తెలుగుదేశం పార్టీ ఎమ్మెల్యేలు, ప్రముఖ నాయకుల పై ఏదో ఒక రకంగా కేసులు పెట్టి ఇబ్బంది పెడుతున్న ప్రభుత్వం, ఇప్పుడు తాజగా అనంతపురం మాజీ ఎంపీ, సీనియర్ నేత జేసీ దివాకర్‌ రెడ్డికి షాక్ ఇచ్చింది. జేసీ దివాకర్ రెడ్డి దూకుడుగా జగన్ పై ఆరోపణలు చేస్తూ ఉంటారు. మా వాడు మా వాడు అంటూ, చురకలు అంటిస్తూ ఉంటారు. అయితే జేసీ మాటలకు జగన్ పార్టీ మాత్రం హర్ట్ అవుతూ ఉండేది. ఇప్పుడు అధికారంలోకి రావటంతో, జేసీ దివాకర్ రెడ్డి వ్యాపారాలను టార్గెట్ చేసారు. ముఖ్యంగా ఆయనకు ట్రావెల్స్ బస్సులు ఉండటంతో, వాటి పై ఫోకస్ చేసారు. నిన్న రవాణా శాఖ ఆధ్వర్యంలో, అనంతపురంలో ఒకేసారి బస్సుల పై రైడ్ చేసారు.

అన్ని పత్రాలు అడిగి, ఏవైతే తేడా ఉన్నాయో, వాటి పై ఆక్షన్ తీసుకున్నారు. నిబంధనలకు విరుద్దంగా ఉన్నాయి అంటూ, 9 బస్సులను సీజ్ చేశారు. దివాకర్ ట్రావెల్స్ కు చెందిన 23 ఇంటర్ స్టేట్ స్టేజ్ క్యారియల్ బస్సుల పర్మిట్లనూ రద్దు చేశారు. నిబంధనలను అతిక్రమించినందుకే బస్సులు సీజ్ చేసి, కేసులు పెట్టమని, విచారణ కొనసాగుతుందని రవాణా శాఖ కమిషనర్‌ సీతారామాంజనేయులు వెల్లడించారు. అయితే దివాకర్ ట్రావెల్స్ మాత్రం, ఈ చర్యను ఖండించింది. అన్ని అనుమతులు ఉన్నాయని, చట్ట పరంగా తేల్చుకుంటామని అంటుంది. 30 ఏళ్ళుగా ఈ రంగంలో ఉన్నామని, ప్రతిది పక్కగా చేసుకుంటున్నామని, మాకు ఈ వేధింపులు కొత్త కాదని, చట్ట పరంగా తేల్చుకుంటామని అంటున్నారు.

అయితే దీనికి ఒక్క రోజు ముందే, దివాకర్ రెడ్డి జగన్ పై ప్రెస్ మీట్ లో మాట్లాడారు. ఏపీలో వైకాపా చీఫ్ జగన్మోహన్ రెడ్డిని గెలిపించడం వెనుక మాత్రం ప్రధాన మంత్రి నరేంద్ర మోదీ తంత్రం వుందని చెప్పారు. వైసీపీకి చెందిన అభ్యర్ధులు స్వల్ప మెజారిటీతో విజయం సాధించలేదన్నారు. ఒక్కో అభ్యర్ధి వేలాది ఓట్ల మెజారిటీతో విజయం సాధించడం వెనుక మోడీ తంత్రం ఉందన్నారు. ప్రధాని మోదీ, కేంద్ర హోం శాఖ మంత్రి అమిత్ షా లు మంచి వ్యూహాకర్తలుగా జేసీ దివాకర్ రెడ్డి చెప్పారు. ఏపీ మాజీ సీఎం చంద్రబాబునాయుడు కూడ ఇదే కోవలోకి వస్తారని జేసీ దివాకర్ రెడ్డి అభిప్రాయాన్ని వ్యక్తం చేశారు. ఇందులో జగన్ గొప్ప ఏమి లేదని, అనుకుంటున్నానని అన్నారు.