news

గన్నవరం టిడిపి ఎమ్మెల్యే డాక్టర్ వల్లభనేని వంశీమోహన్ ఆయన అనుచరులు మరో 9మంది పై హనుమాన్‌ జంక్షన్ పోలీసులు కేసు నమోదు చేసారు. జంక్షన్ పోలీసుల కథనం ప్రకారం ఇటీవల జరిగిన సార్వత్రిక ఎన్నికల సమయంలో గన్నవరం నియోజకవర్గ పరిధిలోని బావులపాడు మండలం పెరికీడు, కొయ్యూరు గ్రామాల్లో ఓటర్లను ప్రభావితం చేసేలా నకిలీ ఇళ్ళ పట్టాలు వంపిణీ చేసారన్న ఆరోపణలపై పోలీసులు కేసులు నమోదు చేసారు. తాహసీలార్ సంతకం స్టాంపు వేసి ఉన్న నకిలీ ఇళ్ళ పట్టాలను ఎన్నికలకు మూడు రోజుల ముందు పెరికీడులో టిడిపి నాయకులు పంపిణీ చేసారని వైసిపీ ఆరోపణ. దీని పై వై.ఎస్ ఆర్ కాంగ్రెస్ నాయకులు ఎన్నికల కమీషను, జంక్షన్ పోలీసులకు ఫిర్యాదు చేయటంతో అప్పట్లో మాజీ జడ్పీటీసి మరి కొంతమంది పై పోలీసులు కేసు నమోదు చేసారు.

టిడిపి ఎమ్మెల్యే వంశీ ప్రోద్బలంతోనే నకిలీ పట్టాలు తయారు చేసి వెరికీడు, కొయ్యూరు గ్రామాల్లో వంపిణీ చేసారని గన్నవరం కు చెందిన మాజీ సైనికుడు ముప్పనేని రవికుమార్ 10.07.19వతేదీ స్పందన కార్యక్రమంలో జిల్లా కలెక్టర్‌కు ఫిర్యాదు చేసారు. కలెక్టర్ ఆదేశాల మేరకు ఆహసీల్దార్ విచారణ జరిపిన తాహసీల్దార్ నరశింహారావు నకిలీ పట్టాలు పంపిణీ చేసిన సంగతి వాస్తవమేనని నిర్ధారించారు. దీంతో ఎమ్మెల్యే ఆయన అనుచరులపై జంక్షన్ పోలీసులకు ఫిర్యాదు చేసారు. తాహసీలార్ ఫిర్యాదు మేరకు వంశీ ఆయన అనుచరులు ఓలువల్లి మోహనరంగా, కాట్రు శేషు కుమార్, టిడిపి నాయకులు జాస్తి ఫణీశేఖర్ తదితరులు మొత్తం 9మందిపై ఐపిసి 420, 468 ,472, 171(ఈ), 120(బి) సెక్షన్ల ప్రకారం జంక్షన్ ఎన్ఏ అశోక్ కేసు నమోదు చేసి దర్యాప్తు చేస్తున్నారు.

అయితే దీని పై వల్లభనేని వంశీ సహచరులు మాత్రం, ఇవన్నీ తప్పుడు ఆరోపణలు అని అంటున్నారు. అధికార బలాన్ని అడ్డం పెట్టుకుని, ఇలాంటి ఆరోపణలు చేస్తున్నారని, ఆరోపిస్తున్నారు. ఇప్పటికే ఇదే విషయం పై, వైసిపీ నుంచి గన్నవరం అభ్యర్ధిగా పోటీ చేసిన యార్లగడ్డ వెంకట రావు, హైకోర్ట్ లో, వంశీ ని అనర్హుడిగా చెయ్యాలని కేసు వేసారని, ఈ కేసు హైకోర్ట్ లో విచారణకు వచ్చిన టైంలో, నిజానిజాలు తెలుస్తాయని, ఈ లోపే మళ్ళీ తప్పుడు కేసు పెట్టి, ఒత్తిడి తెచ్చే ప్రయత్నం చేస్తున్నారని వంశీ వర్గీయులు అంటున్నారు. వంశీని పార్టీ మారమని ఒత్తిడులు వస్తున్నాయని, వంశీ వీళ్ళ బెదిరింపులకు లొంగకపోవటంతోనే, ఇప్పుడు వంశీని కేసులు పెట్టి టార్గెట్ చేస్తున్నారని, టిడిపి ఎమ్మెల్యేలు అందరి పై, ఇలాగే కేసులు పెట్టారని ఆరోపిస్తున్నారు.

రాష్ట్రంలో అధికార, ప్రతిపక్షాల మధ్య, హాట్ హాట్ గా ఆరోపణలు ప్రత్యారోపణుల పర్వం నడుస్తుంది. ముఖ్యంగా విజయసాయి రెడ్డి, ప్రతి ఒక్కరి పై, ట్విట్టర్ లో హేళనగా మాట్లాడటం చూస్తూ ఉంటాం. అలాగే, హిందూపురం ఎమ్మెల్యే నందమూరి బాలకృష్ణ చిన్న అల్లుడు, విశాఖ ఎంపీ అభ్యర్ధి శ్రీ భరత్ మతుకుమిల్లి పై ట్విట్టర్ లో స్పందించారు. "నందమూరి బాలక్రిష్ణ చిన్నల్లుడు, విశాఖ టిడిపి అభ్యర్థిగా పోటీ చేసిన శ్రీభరత్ కుటుంబం రూ.13 కోట్లు పైచిలుకు బకాయి పడ్డట్టు ఆంధ్రా బ్యాంక్ పేపర్లలో ఆస్తుల వేలం ప్రకటన ఇచ్చింది. @ncbn దొంగల ముఠా, ఆయన @BJP4India లోకి పంపిన వాళ్లు అంతా కలిసి లక్ష కోట్ల మేరకు బ్యాంకులను ముంచారు." అంటూ ఘాటుగా ట్విట్ చేసారు. అయితే, దీని పై భరత్, అంతే ధీటుగా, విజయసాయి రెడ్డికి ఒక బహిరంగ లేఖ ద్వారా, స్పందించారు. అసలు ఆ అప్పు ఎందుకు అయ్యిందో చెప్తూ ఇచ్చిన లేఖతో, జగన్ ప్రభుత్వం పైనే విమర్శలు చేసారు. ఇది ఆ లేఖ.

"విజయసాయి రెడ్డి గారు...ఇప్పుడు మీరు ప్రభుత్వంలో బాధ్యత గల పదవి లో ఉన్నారు. మీరు అంతే బాధ్యతగా మాట్లాడాలని ఆశిస్తాము. కానీ అందుకు భిన్నంగా మీరు చేస్తున్న వ్యాఖ్యలకు నేను బదులు చెప్పాల్సి వస్తోంది. ప్రజలకు నిజాలు తెలియాలి. విదేశాలలో ఉన్నత చదువులు చదివి సొంతంగా వ్యాపారంలో రాణించడంతో పాటు పర్యావరణ హితంగా కూడా ఏదైనా చేయాలనే సంకల్పంతో 2016లో మా తండ్రిగారి సాయంతో విజయనగరం జిల్లా గరివిడి లో ఒక చిన్న 3 మెగావాట్ల సౌర విద్యుత్ ప్లాంట్ ని నెలకొల్పాను. వి బి సి రెన్యూబుల్ ఎనర్జీ ప్రయివేట్ లిమిటెడ్ పేరు తో స్థాపించిన మా సంస్థ ఆంధ్రప్రదేశ్ ప్రభుత్వంతో, ఎ పి ట్రాన్స్ కో తో పవర్ పర్చేస్ అగ్రిమెంట్ కుదుర్చుకుంది. మా సంస్థ కార్యకలాపాలు ప్రారంభించి 2016 నుంచి ప్రభుత్వానికి విద్యుత్ సరఫరా చేస్తోంది. ప్రస్తుతం ఏ పి ట్రాన్స్ కో నుండి మాకు రావలసిన బకాయిలు దాదాపు రూ.3 కోట్లు. ఆంధ్రా బ్యాంకు నుండి మేము తీసుకున్న రుణం రూ.15.84 కోట్లు కాగా మేము ఇప్పటి వరకు 2 కోట్లకు పైగా రుణ చెల్లింపుల తో అది రూ. 13.65 కోట్లకి తగ్గింది. "

"బ్యాంక్ కు మా సంస్థ చెల్లించవలసింది లోన్ వాయిదాలు దాదాపు రూ.2 కోట్లు. అయితే రాష్ట్ర ప్రభుత్వం నుండి మాకు రావలసిన బకాయిలు దాదాపు రూ. 3 కోట్లు. ట్రాన్స్ కో గనుక మాకు సకాలంలో చెల్లింపులు చేసి ఉంటే బ్యాంకు రుణం సమయానికి చెల్లించేవాళ్ళం. కానీ మన రాష్ట్ర ప్రభుత్వం ఆర్థిక ఇబ్బందులలో వున్నందున బకాయిలు కోసం వినతులు సమర్పిస్తూ ఎదురు చూస్తున్నాము. కానీ ప్రభుత్వంలో ఉన్న మీరు, ప్రభుత్వం బకాయిలు చెల్లించలేని పరిస్థితి లో ఉన్న విషయం మీకు స్పష్టంగా తెలిసి కూడా, నేను ప్రజల డబ్బును దొంగిలించినట్లు నిందలు వేయడం చాలా విచారకరం. ఇది నా ఒక్కరి పరిస్థితే కాదు. మన రాష్ట్రంలో వందల పరిశ్రమలు, వ్యాపారస్తుల పరిస్థితి ఇలాగే వుంది. ప్రభుత్వం నుండి సకాలంలో బిల్లులు రాక పోవడం వల్ల కనీసం ఉద్యోగులకు జీతాలు కూడా ఇవ్వలేని స్థితిలో పడి ఆ సంస్థలు మనుగడ సాగించలేక పోతున్నాయి.ఒక ఆడిటర్ గా వీటి గురించి మీకు తెలియంది కాదు. కావున ప్రస్తుత పరిస్తితులు చక్కదిద్దే విధంగా పరిశ్రమలను నిలదోక్కుకునేలా మీ సలహాలు రాష్ట్ర ప్రభుత్వానికి ఇస్తారని ఆశిస్తున్నాను.. మీకు వీలైతే ఔత్సాహిక పరిశ్రమలను ప్రోత్సహించండి కాని నాలాంటి వారిని అవమానపరిచేలా వ్యవహారించవద్దని విన్నవిస్తున్నాను..."

చంద్రబాబు 6 లక్షల కోట్లు అవినీతి చేసారు అంటూ, పదే పదే చెప్పిన వైసీపీ పార్టీ, ఆ పార్టీ అధినేత వైఎస్ జగన్, తాము అధికారంలోకి వచ్చిన దగ్గర నుంచి, నాలుగు నెలలుగా, ఆ అవినీతిని నిరూపించటానికి చెయ్యని ప్రయత్నం లేదు. ఇప్పటికే అనేక ఎంక్వయిరీలు వేసారు, అనేక కమిటిలు వేసారు, చివరకు కేంద్ర సహాయం కూడా అవసరం అయిన చోట తీసుకున్నారు. నాలుగు నెలలుగా, చంద్రబాబు చేసిన అవినీతి తవ్వుతూనే ఉన్నారు కాని, ఇప్పటి వరకు అయితే ఏమి బయట పడలేదు. చివరకు ఉద్యోగస్తులని కూడా, మీరు చంద్రబాబు పై ఏదైనా ఆధారాలు ఉంటె చెప్పండి అంటూ వారిని కూడా ఇబ్బంది పెడుతున్నారు. అయినా చంద్రబాబు పై కేసు పెట్టటానికి ఏమి దొరకలేదు. ఆ ఫ్రస్ట్రేషన్ లో భాగమో ఏమో కాని, అవినీతి పై చంద్రబాబు మీద ఏమి కేసులు పెట్టలేము అనే స్థితికి వచ్చారో ఏమో కాని, ఈ రోజు చంద్రబాబు పై ఒక పోలీస్ కేసు పెట్టరు వైసిపీ ఎమ్మెల్యేలు.

అదేదో అవినీతి కేసు కాని, మర్డర్ కేసు కాని అనుకునేరు. కాదు. చంద్రబాబు మీడియాతో మాట్లాడుతూ, పోలీసులు పై వ్యాఖ్యలు చేసారని, పోలీస్ వ్యవస్థను కించపరిచేలా చంద్రబాబు మాటలు ఉన్నాయని, అందుకే చంద్రబాబు పై కేసు పెట్టామని, ఆయన్ను అరెస్ట్ చెయ్యాలని అంటున్నారు, వైసిపీ ఎమ్మెల్యేలు. గుంటూరు జిల్లా ఆరండల్ పేట పోలీసు స్టేషన్లో , చంద్రబాబు పై, కేసు పెట్టారు, ఎమ్మెల్యే ఉండవల్లి శ్రీదేవి, విడదల రజని, మహ్మద్‌ ముస్తఫా తదితరులు. పోలీసుల ఆత్మ స్థైర్యాన్ని దెబ్బతీసేలా చంద్రబాబు, వర్ల రామయ్య మాట్లాడుతున్నారని ఆరోపించారు. అలాగే చంద్రబాబు, డీజీపీ పైనా నిరాధార ఆరోపణలు చేస్తున్నారని వీరు అన్నారు. చంద్రబాబు, వర్ల రామయ్యను తక్షణం అరెస్ట్ చేయాలని వైకాపా నేతలు డిమాండ్‌ చేశారు.

అయితే ఇదే సందర్భంలో, చంద్రబాబు సియంగా ఉండగా, జగన్ చేసిన వ్యాఖ్యలు మాత్రం, వీరికి గుర్తు లేవు. చంద్రబాబుని కాల్చేయాలని, చంద్రబాబుని ఉరి వెయ్యాలని, జగన్ చేసిన వ్యాఖ్యల పై మాత్రం, వీరు మాట్లాడటం లేదు. అదే సందర్భంలో, అనేక సందర్భాల్లో, ఏపి పోలీసుల పై నమ్మకం లేదని, జగన్ చేసిన వ్యాఖ్యలు కూడా, ఈ సందర్భంలో గుర్తు చేసుకోవాలి. వైజాగ్ లో పోలీసులను వేలు పెట్టిన బెదిరించటం, అలాగే నందిగామలో, ఒక కలెక్టర్ ని, నిన్ను కూడా జైలు కూ తీసుకోపోతా అని బెదిరించటం, అన్నీ అందరికీ గుర్తున్నాయి. ఆ సమయంలో జగన్ చేసిన వాటి పై మాత్రం, ఎలాంటి వ్యాఖ్యలు చెయ్యని వీరు, జరుగుతున్న పరిణామాల పై, పోలీస్ వ్యవస్థలోని కొందరు, మా పై అనవసరంగా కక్ష సాధింపు చేస్తున్నారు అని చంద్రబాబు చెప్తే మాత్రం తప్పు అయ్యింది.