news

రాష్ట్రంలో తెలుగుదేశం పార్టీలో జోష్ నింపేందుకు పార్టీ అధినేత చంద్రబాబు కొత్త నిర్ణయాల దిశగా అడుగులు వేస్తున్నారు. ఇందులో భాగంగా టీడీపీ ఏపీ అధ్యక్షునిగా ప్రస్తుతం కొనసాగుతున్న కళావెంకట్రావు స్థానంలో మరొకరికి అవకాశమివ్వాలని భావిస్తున్నారు. ఈమేరకుఇప్పటికే పార్టీ ముఖ్య నేతలతో సంప్రదింపులు సైతంచేస్తున్నట్లు సమా చారం. ప్రభుత్వం పాలనా వికేంద్రీకరణ పేరుతో మూడు రాజధానుల ప్రతిపాదనకు కార్యరూపం ఇచ్చే పనిలో నిమగ్నమైంది. టీడీపీ అమరావతిని రాజధానిగా కొనసాగించాలని డిమాండ్ చేస్తోంది. ఈ పరిస్థితుల్లో పార్టీ నియామకాల్లో ఉత్తరాంధ్ర, రాయలసీమ ప్రాంతాలకు ప్రాధా న్యత ఇవ్వాలనిచంద్రబాబు భావిస్తున్నారు. ఇప్ప టికే తెలుగుమహిళా అధ్యక్షురాలిని సైతం విశాఖ కు చెందినమాజీ ఎమ్మెల్యే వంగలపూడి అనితను నియమించారు. ఏపీ టీడీపీ అధ్యక్షుడితోపాటు తెలుగు యువత అధ్యక్ష పదవిని సీమ సీమ ప్రాంతానికి చెందినయువనేతకు ఇచ్చేందుకు చంద్రబాబు నిర్ణయం తీసుకున్నట్లు తెలుస్తుంది.

రాష్ట్ర విభజన తర్వాత టీడీపీ ఏపీ, తెలంగాణా లకు ఇద్దరు అధ్యక్షులను నియమించింది. ఏపీ అధ్యక్షునిగా శ్రీకాకుళంకు చెందిన కిమిడి కళా వెంకట్రావును నియమించారు.గత ఎన్నికల్లో పార్టీ పరాజయం పాలైంది. ఇప్పుడుస్థానిక సంస్థలు, మున్సిపల్ ఎన్నికలతో పాటుగా పార్టీలో జోష్ నింపేందుకు సంస్థాగతంగా కొత్త నియామకా లు చేపట్టాలని చంద్రబాబు భావిస్తున్నారు. అందులో భాగంగా తిరిగి శ్రీకాకుళంకే చెందిన మాజీమంత్రి అచ్చెన్నాయుడితో పాటు రామ్మోహన్ నాయుడిలో ఒకరికి పార్టీ రాష్ట్ర బాధ్యతలు అప్పగించాలని సీనియర్ నేతలతో చర్చిస్తున్నట్లు తెలుస్తుంది. ఇద్దరు నేతలు ఇప్పుడు పార్టీలో క్రియాశీలకంగా వ్యవహరిస్తున్నారు. అటు అసెంబ్లీలో బాబాయ్, ఇటు పార్లమెంట్ లో అబ్బాయ్, గట్టిగా తమ వాణి వినిపిస్తున్న సంగతి తెలిసిందే.

మాజీ మంత్రిగా, వాయిస్ ఉన్న నేతగా గుర్తింపు ఉండటంతో పాటుగా అసెంబ్లీలోనూ బయట వైసీపీని ఎటాక్ చేయడంలో చంద్రబాబుకు చేదోడువా దోడుగా నిలుస్తున్న అచ్చెన్నాయుడికే అవకాశం దక్కే పరిస్థితి కనిపిస్తుంది. రామ్మోహన్ నాయుడు ఎంపిగా పార్లమెంటులో తన ప్రసంగాలతో ప్రత్యేక గుర్తింపు పొందా రు. ఆయన సేవలు పార్టీ భవిష్యత్ లో మరింత గావినియోగించుకునే అవకాశముందని, అచ్చెన్నాయుడికి బాధ్యతలు అప్పగించే అవకాశం ఉందని చెప్తున్నారు. గతంలో దివంగత ఎర్రంనాయుడు కూడా, చంద్రబాబుకి ఎంతో అండగా ఉన్న విషయాన్ని గుర్తు చేస్తున్నారు. ఎర్రం నాయుడు, ఢిల్లీలో ఉంటూ, పార్టీ తరుపున అన్ని పనులు చేస్తూ, చంద్రబాబుకి చేదోడు వాదోడుగా ఉండేవారని, ఇప్పుడు అచ్చెంనాయుడు, రామ్మోహన్ నాయుడు అండగా ఉంటున్నారని గుర్తు చేస్తున్నారు.

“విజిలెన్స్ కార్యాలయం లేకుండా సచివాలయం ఎలా పనిచేస్తుంది ? ఆ శాఖలో ఎంత మంది పనిచేస్తున్నారు ? వారి హోదాలు ఏమిటి ? వారి విధులు, వేతనాలకు సంబంధించి పూర్తి వివరాలు ఇవ్వండి " అని హైకోర్టు ధర్మాసనం ఆదేశించింది. దానిపై ప్రిన్సిపల్ సెక్రెటరీ స్థాయి అధికారితో అఫిడవిట్ సమర్పించాలని అడ్వకేట్ జనరల్ కు ధర్మాసనం సూచించింది. రాష్ట్ర సచివాలయం నుంచి విజిలెన్స కార్యాలయాన్నితరలిస్తూ జారీ చేసిన జీవో వ్యవహరం రోజుకో మలుపు తిరుగుతోంది. దీనిపై రాష్ట్ర హైకోర్టులో - దాఖ లైన ప్రజాప్రయోజన వ్యాజ్యంపై హైకోర్టు ప్రధాన న్యాయ మూర్తి జస్టిస్ జితేంద్రకుమార్ మహేశ్వరి, జస్టిస్ శేషసాయి, జసిస్ట్ సత్యనారాయణమూర్తిలతో కూడిన ధర్మాసనం బుధ వారం విచారణ జరిపింది. ధర్మాసనం కోరిన వివరాలు సమర్పించేందుకు అడ్వకేట్ జనరల్ గడువు కోరటంతో విచారణను 18వ తేదీకి వాయిదా వేశారు. ప్రభుత్వం జారీ చేసిన జీవో నంబరు 13ను సవాల్ చేస్తూ కొండేపాటి గిరిధర్, మరికొంత మంది వేర్వేరుగా ప్రజాప్రయోజన వ్యాజ్యాలు దాఖలు చేశారు.

హైకోర్టులో విచారణ సందర్భంగా బుధవారం పిటీషనర్లు కోరిన పలు అభ్యంతరాలను ధర్మాసనం తోసిపుచ్చింది. గిరిధర్ తరపు న్యాయవాది కారుమంచి ఇంద్రనీల్ బాబు వాదిస్తూ సచివాలయం లో అంతర్భాగంగా ఉన్న విజిలెన్స్ కార్యాలయాన్ని తరలించకుండా చూడాలని కోరారు. ధర్మాసనం ప్రధానంగా దానిపైనే దృష్టిసారించింది. కార్యాలయం తరలింపుకు సంబంధించి అడ్వకేట్ జనరల్ శ్రీరాం వివరణ ఇచ్చారు. “గత ప్రభుత్వం హయాంలో సలహదారులు తొమ్మిదిమంది ఉన్నారు. ప్రస్తుతం వారి సంఖ్య 40కి చేరుకుంది. అందరికి కేబినెట్ హోదా ఇవ్వటంతో నిబంధనల ప్రకారం వారందరికి పేషీలు ఇవ్వాల్సి వచ్చింది. దీంతో సచివాలయంలో జాగా సరిపోవటం లేదు " అని అడ్వకేట్ జనరల్ వివరించారు.

జాగా సరిపోని పక్షంలో పక్కనే వేరొకటి నిర్మించుకోవచ్చు కదా ? అని ధర్మాసనం ప్రశ్నించింది. కార్యాలయాన్ని పూర్తిగా తరలించటం లేదని, కేవలం కమీషనర్, దానికి అనుబంధంగా ఉండే ఉద్యోగులను మాత్రమే తరలిస్తున్నట్టు అడ్వకేట్ జనరల్ చెప్పారు. అసలు విజిలెన్స్ కార్యాలయంలో ఉద్యోగులు ఎంతమంది వున్నారు ? వారి హోదా, విధులు, వేతనాలకు సంబంధించి పూర్తి వివరాలు రేపటికల్లా తీసుకురండి అని ధర్మాసనం అడ్వకేట్ జనరలను సూచించింది. అయితే ప్రిన్సిపాల్ సెక్రటరీ అందుబాటులో లేనందున క్రిందిస్థాయి అధికారితో అఫిడవిట్ తీసుకురాగలనని అడ్వకేట్ జనరల్ చెప్పారు. అందుకు ధర్మాసనం అంగీకరించలేదు. ప్రిన్సిపాల్ సెక్రెటరీ సాయి అధికారితోనే సంతకం చేయించి తీసుకురావాలని ఆదేశించింది. అడ్వకేట్ జనరల్ గడువు కోరటంతో కేసును 18వ తేదీకి వాయిదా వేసింది.

అమరావతిలో రైతులు చేస్తున్న ఉద్యమం 57వ రోజుకి చేరుకుంది. గత 57 రోజులుగా, చిన్న సంఘటన కూడా, జరగకుండా, శాంతియుతంగా నిరసన కార్యక్రమాలు చేస్తున్నారు అమరావతి రైతులు. వారిని పైడ్ ఆర్టిస్ట్ లు అని పిలిచినా, రియల్ ఎస్టేట్ బ్రోకర్ లు అని పిలిచినా, వారు మాత్రం ఎక్కడా సంయమనం కోల్పోకుండా, ముందుకు వెళ్తున్నారు. తమ ఉద్యమాన్ని ప్రశాంతంగా కొనసాగిస్తున్నారు. ఇలా ప్రశాంతంగా సాగుతున్న ఉద్యమంలో, ఈ రోజు జరిగిన ఘటనతో , మందడం ఉలిక్కి పడింది. దీంతో అక్కడ ఉద్రిక్త పరిస్థితి నెలకొంది. బస్సులో వెళ్తున్న ఒక వ్యక్తి, దీక్షా శిబిరం పై, మందు సీసా విసరటంతో, ఒక్కసారిగా అక్కడ ఏమి జరుగుతుందో అర్ధం కాలేదు. బస్సుల్లో వెళ్తున్న ఒక వ్యక్తి, దీక్షా శిబిరంపై మందు సీసా విసిరేశాడు. ఒక్కసారిగా ఏమి జరుగుతుందో అని కంగారు పడిన రైతులు తేరుకుని, బస్సుని ఆపారు, గ్రామస్తులు. బస్సుని ఆపి, రోడ్డు పై బైఠాయించి ఆందోళనకు దిగారు. వెంటనే రంగంలోకి దిగిన పోలీసులు గ్రామస్తులకు నచ్చజెప్పేందుకు యత్నిస్తున్నారు.

మద్యం సీసా విసరిన వ్యక్తీని, గుంటూరు జిల్లా ధరణికోట కు చెందిన శ్రీనివాసరెడ్డిగా గుర్తించారు. శ్రీనివాసరెడ్డిని పోలీసులు అదుపులోకి తీసుకున్నారు. శ్రీనివాసరెడ్డి వైసీపీ సానుభూతి పరుడిగా రాజధాని ప్రాంత ప్రజలు భావిస్తున్నారు. ఎవరైనా చెప్తే ఇలా చేసాడో, లేక ఎందుకు చేసాడో, పోలీసులు విచారించాలని కోరుతున్నారు. ఇక మరో పక్క, రాజధాని అమరావతి ఉద్యమంలో మహిళలు, రైతులు, యువత పెద్ద ఎత్తున పాల్గొంటూ అమరావతినే ఏకైక రాజధానిగా కొనసాగించాలని డిమాండ్ చేస్తున్నారు. మూడు రాజధానుల ప్రకటనను ఉపసంహరించుకుని అమరావతినే రాజధానిగా కొనసాగిస్తామని హామీ ఇచ్చేవరకు ఉద్యమాన్ని విరమించేది లేదని స్పష్టం చేస్తున్నారు. ఉద్యమాన్ని మరింత ఉదృతం చేసేలా ప్రణాళికలు రూపొందిస్తున్నారు. రాజధాని పరిధిలోని తుళ్లూరు, మందడం, వెలగపూడి, కృష్ణాయ పాలెం, ఎర్రబాలెం, పెనుమాక తదితర గ్రామాల్లో మహాధర్నాలు, వంటవార్పు కార్యక్రమాలను నిర్వహించి తమ నిరసనను వ్యక్తం చేశారు. రహదారులపైకి వచ్చి వంటవార్పు నిర్వహిస్తూ జై అమరావతి అని, అమరావతిని రక్షించండి అంటూ పెద్ద ఎత్తున నినాదాలు చేశారు.

ఆంధ్రప్రదేశ్ రాజధానిగా అమరావతినే కొనసాగించాలని డిమాండ్ చేస్తూ రైతులు, మహిళలు చేస్తున్న ఆందోళనలు బుధ వారం నాటికి 57వ రోజుకు చేరుకున్నాయి. మహిళలు, రైతులు, యువత ప్రభుత్వ తీరుపై రోజుకో రూపంలో తమ నిరసనను వ్యక్తం చేస్తూనే ఉన్నారు. ఇందులో భాగంగా రాజధాని ప్రాంత రైతులు, మహిళలు సుమారు 200 మందికి పైగా షిరిడీ సాయినాధుని సన్ని ధికి బయలుదేరి వెళ్లారు. మూడు రాజధానుల నిర్ణయాన్ని మార్చు కుని, రాజధానిగా అమరావతినే కొనసాగించేలా జగన్ మోహన్ రెడ్డి మనసు మార్చాలని సాయిబాబాను వేడుకోనున్నట్లు రైతులు తెలిపారు. షిరిడీ బయలుదేరి వెళ్లేముందు స్థానిక గ్రామ దేవ తలకు నైవేద్యాలు సమర్పించారు. షిరిడీలో అమరావతి కోసం ప్రత్యేక పూజలు నిర్వహించనున్నామని తెలిపారు. మందడం, వెలగ పూడి, తుళ్లూరు దీక్షా శిబిరాలను టీడీపీ పొలిట్‌బ్యూరో సభ్యురాలు గల్లా అరుణకుమారి, ఆ పార్టీ రాష్ట్ర అధికార ప్రతినిధి పంచుమర్తి అనూరాధ, తదితరులు సందర్శించి దీక్షాపరులకు సంఘీభావం తెలియజేశారు. సాయంత్రం సమయంలో మహిళలు ప్రదర్శనగా దుకాణాలు, ఇంటింటికీ వెళ్లి అమరావతిని తరలిస్తే జరిగే అనర్థాల గురించి ప్రజలకు వివరించారు. ఎర్రబాలెంలో ఆర్టీసీ బస్సులను, కార్లను నిలిపి అద్దాలు శుభ్రపరుస్తూ, ప్రయాణికులకు గులాబీలు ఇస్తూ నిరసన వ్యక్తంచేశారు.