తిరుపతి ఉప ఎన్నికల ప్రచారం హోరా హోరీగా జరుగుతుంది. అధికార వైసీపీ పార్టీ దూకుడు మీద ఉంటుందని అందరూ భావించినా, అనూహ్యంగా తెలుగుదేశం పుంజుకుంది. ఎన్నికల ప్రచారం మొత్తం టిడిపి డామినేట్ చేసింది. ఒక పక్క లోకేష్ దూకుడు, మరో పక్క చంద్రబాబు ఆలోచింప చేసే ప్రచారంతో, టిడిపికి బాగా ఊపు వచ్చింది. అటు పక్క వైసీపీ ప్రచారం కంటే, పోల్ మ్యానేజ్మెంట్ మీదే ఎక్కువ ఆసలు పెట్టుకున్నట్టు అర్ధం అవుతుంది. ఇక తెలుగుదేశం పార్టీ , తెలుగుదేశం నాయకులు ఇంటింటి ప్రచారం నిర్వహిస్తూ తిరుపతి పార్లమెంటరీ తెలుగుదేశం అభ్యర్థి పనబాక లక్ష్మికి సైకిల్ గుర్తుపై ఓటు వేసి గెలిపించాలని, అవినీతి పాలనని అంతం చెయ్యాలని కోరుతూ ఇంటింట ప్రచారం నిర్వహిస్తున్నారు. వైసిపి ప్రభుత్వ పాలనలో ప్రజలు అనేక ఇబ్బందులకు గురవుతున్నారని, నిత్యావసర సరుకులు ధరలు విపరీతంగా పెరిగిపోవడంతో సామాన్యుడు విలవిలలాడుతున్నాడని, ఇసుక, సిమెంటు, ఐరన్ ధరలు విపరీతంగా పెంచేయడంతో కార్మికులు పనులు దొరక్క అనేక ఇబ్బందులు పడుతున్నారని, ప్రజలు ఒకసారి ఆలోచించి వైసిపికి బుద్ధి వచ్చేలా ఈ నెల 17వ తేదీన జరిగే తిరుపతి పార్లమెంట్ ఉప ఎన్నికలో సైకిల్ గుర్తుకు ఓటు వేసి పనబాక లక్ష్మిని అఖండ మెజార్టీతో గెలిపించాలని ప్రజలు కోరుతున్నారు.

peddireddy 11042021 2

టిడిపి దూకుడుతో, వైసీపీ లైన్ మార్చింది. ఈ రోజు పెద్దిరెడ్డి మాట్లాడుతూ, తెలుగుదేశం పార్టీ గెలిస్తే, తమ ఎంపీలు అంతా రాజీనామా చేస్తారు, మేము గెలిస్తే మీ ఎంపీలు రాజీనామా చేస్తారా అంటూ, టిడిపికి ఛాలెంజ్ విసిరారు. అయితే ఈ చాలెంజ్ రాజకీయంగా ఉపయోగపడటం కంటే, ఇది వైసీపీకి బాగా డ్యామేజ్ చేసేది లాగా ఉంది. ఒక పక్క ఇప్పటికే విశాఖ స్టీల్ ప్లాంట్ కాపాడుకోవటానికి, అందరం రాజీనామా చేద్దాం అని టిడిపి అంటుంటే దానికి వైసీపీ స్పందిచటం లేదు. ప్రత్యెక హోదా కోసం, రాజీనామాలకు రెడీ అని చంద్రబాబు అంటుంటే దానికి వైసీపీ స్పందించటం లేదు. పైగా, రాజీనామాల వల్ల ఏమి ఉపయోగం అంటూ విజయసాయి రెడ్డి, వ్యాఖ్యానించారు. ఇలాంటి సమయంలో, ప్రజా సమస్యల పై కాకుండా, రాజకీయాల కోసం పెద్దిరెడ్డి ఇలా చాలెంజ్ చేయటం, అది వైసిపీకి ప్లస్ కంటే మైనస్ అవుతుందని చెప్పాలి. ఇక మరో పక్క 5 లక్షల మెజారిటీ అని చెప్తున్న పెద్దిరెడ్డి, ఇప్పుడు టిడిపి గెలిస్తే అనే దాకా వచ్చారు అంటే, పరిస్థితి రోజు రోజుకీ ఎలా మారిపోతుందో అర్ధమవుతుందని, టిడిపి అంటుంది.

తిరుపతి ఉప ఎన్నికల ప్రచారంలో పాల్గునబోవటంలేదని, ఇప్పటికే జగన్ మోహన్ రెడ్డి ప్రకటించిన సంగతి తెలిసిందే. క-రో-నా కారణంగా రాలేకపోతున్నా అంటూ జగన్ మోహన్ రెడ్డి చెప్పుకొచ్చారు. అయితే అంతకు ముందు జగన్ మోహన్ రెడ్డి సభకు మంచి హైప్ ఏర్పడింది. లోకేష్ చేసిన చాలెంజ్ కు జగన్ ఏమి సమాధానం చెప్తారా అని అందరూ వైట్ చేసారు. అయితే అనూహ్యంగా, క-రో-నా సాకుతో జగన్ మోహన్ రెడ్డి, పర్యటన రద్దు చేసుకున్నారు. అయితే ఇప్పుడు జనసేన అధినేత పవన్ కళ్యాణ్ కూడా, రేపు జరగబోయే తిరుపతి సభకు రావటం లేదని తెలుస్తుంది. ఇప్పటి వరకు అధికారింగా దీని పై చెప్పకపోయినా, ఇప్పటికే పవన్ హోం ఐసోలేషన్ లో ఉన్నట్టు, జనసేన ప్రకటించింది. దీంతో పవన్ కళ్యాణ్ కూడా రేపు సభకు రావటం లేదనే అనుకోవాలి. నిజానికి రేపు నెల్లూరు జిల్లా నాయుడు పేటలో, పవన్ సభ ఉంది. ఈ సభకు బీజేపీ జాతీయ అధ్యక్ష్యుడు జేపీ నడ్డా కూడా వస్తున్నారు. ఇదే మీటింగ్ లో పవన్ కూడా పల్గునవలసి ఉంది. పవన్ కళ్యాణ్, నడ్డా కలిసి రోడ్ షో చేసి, మీటింగ్ పెడతారని, దీన్ని భారీ ఎత్తున చేయాలని బీజేపీ భావించింది. అయితే అనూహ్యంగా పవన్ కళ్యాణ్ హోం ఐసోలేషన్ లో ఉన్నట్టు, జనసేన పార్టీ నుంచి, కొద్ది సేపటి క్రితమే ప్రెస్ నోట్ విడుదల అయ్యింది.

pavan 11042021 2

ఈ ప్రెస్ నోట్ లో, పవన్ కళ్యాణ్ మ్యానేజర్లు, సెక్యూరిటీతో పాటుగా వ్యక్తిగత సిబ్బందిలో చాలా మందికి క-రో-నా వచ్చిందని తెలిపారు. అందుకే ముందు జాగ్రత్త చర్యల్లో భాగంగా, డాక్టర్ల సూచన మేరకు, పవన్ కళ్యాణ్ కూడా, హోం క్వారాన్టైన్ లో ఉంటున్నారని ఆ ప్రకటన లో తెలిపారు. గత వారం రోజులుగా పవన్ చుట్టూ ఉండే ఒక్కోక్కరూ క-రో-నా బారిన పడుతూ వస్తున్నారని ఆ ప్రెస్ నోట్ లో తెలిపారు. వీరు పవన్ కు అత్యంత దగ్గరగా ఉండే వ్యక్తులని తెలిపారు. దీంతో ముందు జాగ్రత్తగానే పవన్ కళ్యాణ్ కూడా క్వారన్టైన్ లోకి వెళ్లిపోయారని తెలిపారు. అయితే పవన్ రోజు వారీ విధులు నిర్వహిస్తున్నారని, పార్టీ కార్యకలాపాలు కూడా చూస్తున్నారని, టెలి కాన్ఫెరెన్స్ ద్వారా పార్టీ ముఖ్యులతో మాట్లాడుతున్నారని తెలిపారు. అయితే ఈ విషయం తెలియటంతో, బీజేపీ డీలా పడింది. రేపు జరగబోయే ఎన్నికల ప్రచారానికి పవన్ రావటం ఇక అసాధ్యమే అని తెలియటంతో, రేపు పవన్ లేకుండా, కేవలం బీజేపీ నేతలతో మీటింగ్ చేయనున్నారు.

ఉద్వేగ్ ఇన్ ఫ్రాస్ట్రక్చర్ సంస్థతో చేసుకున్న ఒప్పందం వెనుక దేవాదాయమంత్రి హస్తముంది ఉంది అంటూ, టిడిపి నేత బుచ్చిరామ్ ప్రసాద్ సంచలన ఆరోపణలు చేసారు. నిన్న టిటిడి ఆ సంస్థకు ఇచ్చిన, స్థలం పరిశీలించారు. ఆయన మాట్లాడుతూ "హరతికర్పూరంలా దేవాదాయభూములను ఈ ప్రభుత్వం మాయంచేస్తోంది. తిరుమల తిరుపతి దేవస్థానానికి చెందిన భూములను అన్యాక్రాంతం చేస్తున్నారు. మంత్రి ప్రోద్భలంతోనే టీటీడీ భూములను కట్టబెట్టే వ్యవహారం జరిగింది. ఉద్వేగ్ ఇన్ ఫ్రాస్ట్రక్చర్ సంస్థతో చేసుకున్న ఒప్పందం వెనుకు మంత్రి ఉన్నది వాస్తవమా...కాదా? ఆ ఒప్పందవివరాలను ఎందుకు బయటపెట్టడంలేదు? ఉగాదినాటికి ఉద్వేగ్ సంస్థతో చేసుకున్న ఒప్పందం వివరాలను బయటపెట్టి, అందుకుకారణమైన మంత్రిని ప్రభుత్వం బర్తరఫ్ చేయాలి. లేకుంటే హిందూధార్మికసంస్థలతో కలిసి టీడీపీ రాష్ట్రవ్యాప్తంగా ఉద్యమిస్తుందని హెచ్చరిస్తున్నాము. ఉద్వేగ్ ఇన్ ఫ్రాస్ట్రక్చర్ లిమిటెడ్ కంపెనీవారు రియల్ ఎస్టేట్, ఫైనాస్స్, కాంట్రాక్ట్, వంటి వ్యాపారాలు చేస్తామని చెప్పారు. ఇన్ ఫ్రాస్ట్రక్చర్ చేస్తామనిచెప్పి యూరప్ లోనిర్మించిన స్టేడియాన్ని వారు కట్టినట్టు చూపారు. దానితోపాటు హైటెక్ సిటీ ఇమేజ్ ను కూడా వాడుకున్నారు. అంతటితోఆగకుండా సదరుసంస్థ ఇంటర్నెట్ ద్వారా డొనేషన్లను సేకరించి, వారికి నమ్మకం కలిగిన సంస్థకు ఇస్తామనిచెప్పారు. చిన్నమొత్తాలను ఎక్కువమందినుంచి ఆ విధంగా సేకరించి, తద్వారా వచ్చిన సొమ్మునే టీటీడీకి ఇస్తామని ఉద్వేగ్ ఇన్ ఫ్రాస్ట్రక్చర్ చెబుతోంది. అంతేగానీ సదరు సంస్థ అకౌంట్ లో రూపా యికూడా లేదు. ఎవరై నా దానంచేయాలంటే వారి సొంతసొమ్ము ఇస్తారు. కానీ ఉద్వేగ్ సంస్థ విరాళాల సొమ్ము ఇస్తామనిచెబుతోంది. ఉద్వేగ్ సంస్థతో ఒప్పందం చేసుకున్న టీటీడీ, సదరు సంస్థకు రూ.14కోట్లను కేటాయించింది."

"ఉద్వేగ్ ఇన్ ఫ్రాస్ట్రక్చర్ తో చేసుకున్న ఒప్పందం వివరాలను కూడా టీటీడీ బహిర్గతం చేయలేదు. అంతరహస్యంగా దాచాల్సిన అవసరమేమిటి? చంద్రబాబునాయుడి గారి హాయాంలో అరబిందో సంస్థకు, టాటావారికి ఆసుపత్రి నిర్మాణాలను అప్పగించారు. ఆ విధంగా నిర్మించిన ఆసుపత్రుల్లో నాణ్యమైన వైద్యసేవలు తక్కువధరకే ప్రజ లకు అందుతున్నాయి. ఇప్పుడు ఉద్వేగ్ ఇన్ ఫ్రా సంస్థ కు కేటాయించిన స్థలం ఎక్కడో దూరంగా కేటాయించా రు. దీనివెనకున్నవారిపై ముఖ్యమంత్రి వెంటనే చర్యలు తీసుకోవాలని కోరుతున్నా. ఉద్వేగ్ సంస్థను రాష్ట్రప్రభుత్వానికి పరిచయం చేసింది దేవాదాయశాఖ మంత్రికాదా? ఒప్పందం జరగడానికి వారంముందే ఉద్వేగ్ సంస్థలో దేవాదాయ జిల్లాకు చెందిన ఇద్దరువ్యక్తులు డైరెక్టర్లుగా చేరింది వాస్తవమాకాదా? ఈ వ్యవహారం బయటపడినప్పటినుంచీ దేవాదాయ మంత్రి ఎందుకు బయటకు రావడం లేదు? దేవుడి భూములకు కూడా రక్షణలేని పరిస్థితి వైసీపీప్రభుత్వంలో నెలకొంది. గాలిమాటలు చెబుతూ, గాలిమేడలు కట్టే సంస్థకు విలువైన భూములిస్తారా? టీడీపీ హాయాంలో ఆసుపత్రి నిర్మించిన టాటావంటి ప్రతిష్టాత్మక సంస్థను కాదని టాటాచెప్పే తప్పుడు సంస్థలను తీసుకొస్తారా? టీటీడీప్రతిష్టకు మచ్చతెచ్చేలా వ్యవహరించిన మంత్రిని ఉగాదిలోగా ముఖ్యమంత్రి బర్తరఫ్ చేయాలి. తిరుపతి పార్లమెంట్ లోని ప్రజలంతా ఒక్కసారి ఆలోచించాలి. దేవుడి ఆస్తులమీద భయంలేని వ్యక్తులకు, ప్రైవేట్ ఆస్తులపై భయం ఉంటుందా? తిరపపతి పార్లమెంట్ లోని ఓటర్లంతా ఈ విషయంపై ఆలోచనచేసి, తెలుగుదేశంపార్టీకి ఓటేసి పనబాకలక్ష్మిని అత్యధిక మెజారిటీతో గెలిపించాలని కోరుతున్నాను."

తెలుగుదేశం పార్టీ నేతల పై, కేసుల వేధింపులు కొనసాగుతూనే ఉన్నాయి. ఇప్పుడు తాజాగా, మాజీ మంత్రి దేవినేని ఉమా పై సిఐడి కేసు నమోదు చేసింది. ఇదేదో గతంలో వైసీపీ ఆరోపించినట్టు, ఇరిగేషన్ ప్రాజెక్టుల్లో ఉమా అవినీతి చేసారు అంటూ, ఆధారాలు పెట్టి కేసు పెట్టలేదు. ఇది సోషల్ మీడియాలో పోస్ట్ చేసినందుకు పెట్టిన కేసు. వేల కోట్లు అవినీతి ఆరోపణలపై, ఎక్కడా ఏమి ఆధారాలు దొరకలేదో ఏమో కానీ, చివరకు సోషల్ మీడియాలో తప్పుగా పోస్ట్ చేసారు అంటూ, సిఐడి కేసు పెట్టింది. ఇక వివరాల్లోకి వెళ్తే దేవినేని ఉమా తన ట్విట్టర్ లో, ఒక వీడియో పోస్ట్ చేసారు. అందులో జగన్ మోహన్ రెడ్డి, తిరుపతిని కించపరిచే మాటలు ఉన్నాయి. ఎవరైనా గొప్ప వాళ్ళు తిరుపతికి రావటానికి ఇష్టపడరు, అంటూ తిరుపతిని ఒరిస్సా, బీహార్ తో పోల్చారు. అయితే ఈ వీడియో ఫేక్ అంటూ వైసీపీ కంప్లైంట్ ఇచ్చింది. నిజానికి వీడియో మొత్తం ఫేక్ కాదు. 2014లో మ్యానిఫెస్టో విడుదల చేసే సమయంలో, కొత్త రాజధాని గురించి చెప్తూ, మేము ఇలా కడతాం అలా కడతాం అని చెప్తూ, జగన్ మోహన్ రెడ్డి ఒక ఉదాహరణగా, తిరుపతి లాంటి చోట, ఒరిస్సా, బీహార్ లాంటి చోట ఎవరూ ఉండటానికి ఇష్టపడరు అని అన్నారు. అయితే, దేవినేని ఉమా పోస్ట్ చేసిన వీడియోలో, ఆడియో కరెక్ట్ గానే ఉన్నా, వీడియో మాత్రం, ఇప్పటి జగన్ మోహన్ రెడ్డి వీడియో పెట్టారు.

uma 11042021 2

ఇదే వీడియోని, దేవినేని ఉమా, ప్రెస్ మీట్ పెట్టి, ప్రెస్ మీట్ లో కూడా చూపించారు. దీంతో అది మార్ఫింగ్ అంటూ, వైసీపీ హడావిడి చేసి, సిఐడికి ఫిర్యాదు చేసింది. దీంతో దేవినేని ఉమా పై, సిఐడి కేసు నమోదు చేసింది. సెక్షన్ 464, 465, 468, 471, 505 కింద కేసు నమోదు చేసింది. దీని పై విచారణ చేపట్టింది. అయితే సిఐడి కేసు పై, దేవినేని ఉమా ఈ రోజు తీవ్రంగా మండి పడ్డారు. చివరకు ఇలాంటి తప్పుడు కేసులు నా మీద పెట్టి, జగన్ మోహన్ రెడ్డి సంతోష పడుతున్నారు అంటూ, దేవినేని ఉమా మండి పడ్డారు. తాను ఎక్కడ ఫోర్జరీ చేయలేదని, జగన్ మోహన్ రెడ్డి తిరుపతిని కించపరుస్తూ మాట్లాడిన మాటలే, తాను మీడియా ముందు వినిపించానని అన్నారు. తిరుపతిని జగన్ అవమానిస్తే ఏమి లేదు కానీ, తాను అది బయట పెడితే తన పై ఎలా కేసు పెడతారని వాపోయారు. కేసులో పెట్టిన సెక్షన్లు కూడా సంబంధం లేని సెక్షన్లు పెట్టారని, అన్నారు. గొడ్డలి పోటుతో పొతే, గుండె పోటు అని చెప్పిన వాడి పై కేసులు పెట్టుకోండి, ఇలాంటి కేసులతో తనని భయపెట్టలేరని, దేవినేని ఉమా వాపోయారు.

Advertisements

Latest Articles

Most Read