ఎంపిటిసి, జెడ్పీటీసి ఎన్నికలు గురువారం జరుగగా గతంలో ఎన్నడూ లేని విధంగా పోలింగ్ శాతం 60 కి పడిపోయింది. ఈ క్రమంలో అధికార వైసిపి పార్టీ పోలింగ్ శాతం ఎందుకు తగ్గిందనే దానిపై మల్లగుల్లాలు పడుతున్నారు. ఇన్ని పధకాలు పెట్టారు, ప్రజలు 95 శాతం మా వైపే ఉన్నారు అంటూ ప్రచారం చేసిన వైసీపీ నేతలు, ఇప్పుడు ఈ ఫిగర్ చూసి, ఆలోచనలు పడ్డారు. అయితే ఓటింగ్ ఇంతలా పడిపోవటానికి, చంద్రబాబు మాట ప్రజలు విన్నారా అనే చర్చ కూడా జరుగుతుంది. ప్రభుత్వ అరాచకాలకు వ్యతిరేకంగా, ఈ పరిషత్ ఎన్నికలను తమ పార్టీ బహిష్కరిస్తుందని ప్రకటించారు. అయితే కొంతమంది అభ్యర్ధులు మాత్రం కొన్ని చోట్ల పోటీలో ఉన్నారు. సామాన్య ప్రజలతో పాటుగా, టిడిపికి చెందిన ఓటర్లలో మెజార్టీ ఓటర్లు ఓటు వేయడానికి ఇష్టపడకుండా ఇంటికే పరిమితమయ్యారు. దీనివల్లే పోలింగ్ శాతం గణనీయంగా తగ్గిందని తెలుస్తుంది. అయితే పోలింగ్ శాతం ఎంత తక్కువగా ఉంటే అంతగా తమ పార్టీ అభ్యర్థులకు మేలు జరుగుతుందని అధికార పార్టీ భావిస్తుంది. తాము టిడిపిని ఆదినుండి ఆదరించాం కాబట్టి ఈ ఎన్నికల్లో చంద్రబాబు ఆదేశాల మేరకు తాము ఓటేయ్యడానికి వెళ్లలేదని పలువురు ఓటర్లు వ్యాఖ్యానించారు. కేవలం చంద్రబాబు ప్రభావం వల్లనే పోలింగ్ శాతం తగ్గిందని, అయితే టిడిపి అభ్యర్థులు బరిలో ఉన్న చోట మాత్రం ఆయా గ్రామాల్లో 75 నుండి 80 శాతం వరకూ కూడా పోలింగ్ జరిగిందని తెలిసిందే.

voting 10042021 2

ఇదలా ఉంచితే టిడిపికి ఇంకా కొన్ని గ్రామాల్లో పట్టుందని ఈ పరిషత్ ఎన్నికలు నిరూపించాయి. చంద్రబాబు ఆదేశాలను ధిక్కరించి పోటీలో ఉన్న అభ్యర్థుల ప్రాంతాల్లో ఓటర్లు సాయంత్రం ఐదు దాటినా క్యూ లైనులో నిలబడి ఉన్నారు. ఇటువంటి ప్రాంతాల్లో టిడిపి అభ్యర్ధులు గట్టిగానే పని చేసారు. వీరిని చూసి అధికార పార్టీ కూడా ఓటర్లను ప్రభావితం చేయడానికి ప్రయత్నించారు. అయితే ఎన్నికలను బహిష్కరిస్తూ చంద్రబాబు తీసుకున్న నిర్ణయం వల్ల ప్రజల్లో మరింతగా తమ పార్టీ పట్ల ఆదరణ పెరిగిందని, అసలు టిడిపి ఎందుకు ఎన్నికలు బహిష్కరించింది అనే విషయం పై ప్రజల్లో చర్చ జరిగింది, దాని ఫలితమే ఇంత తక్కువ పోలింగ్ అని అంటున్నారు. ఇక మరో విషయం ఏమిటి అంటే, సహజంగా గ్రామాల్లో ఓటింగ్ భారీ స్థాయిలో ఉంటుంది. ఇంకా మూడేళ్ళు పైగా అధికారం ఉండటంతో, వారు అధికార పార్టీకి కొమ్ము కాస్తారు. అయితే ఈ సహజ ధోరణికి భిన్నంగా, ఈ సారి ఓటింగ్ లో పాల్గునటానికి ఆసక్తి చూపలేదు. గతంలో 2014లో 83 శాతం వరకు ఓటింగ్ జరగగా, ఇప్పుడు కేవలం 60 శాతానికి పరిమితం అయ్యింది.

వకీల్ సాబ్ సినిమా రిలీజ్ ఒక రోజు ముందు నుంచి కూడా, ఆంధ్రప్రదేశ్ ప్రభుత్వం ఇబ్బందులు పెడుతూనే ఉంది. సహజంగా పెద్ద సినిమాలు రిలీజ్ అయిన సమయంలో, బెనిఫిట్ షో లు వేయటం, వారం, రెండు వారాలు టికెట్ రేట్లు పెంచటం, ఇవన్నీ సహజంగా జరిగేవి. ఇది ఇప్పుడు కాదు, ఎప్పటి నుంచి ఉంది. జగన్ మోహన్ రెడ్డి వచ్చిన తరువాత కూడా, చాలా సినిమాలకు, ఇలాగే అవకాసం ఇచ్చారు. అయితే వకీల్ సాబ్ సినిమా విషయంలో మాత్రం, ముందు రోజు రాత్రి, టికెట్ రేట్లు పెంచటానికి వీలు లేదని, బెనిఫిట్ షోలకు అవకాసం లేదని ఆర్డర్స్ వచ్చాయి. దీంతో అప్పటికే టికెట్లు అమ్ముకున్న వారు షాక్ తిన్నారు. ఇక పవన్ ఫాన్స్ కూడా ఈ విషయంలో, ఏపి ప్రభుత్వ నిర్ణయాన్ని తప్పుబట్టారు. రాజకీయంగా, ఇబ్బందులు గురి చేసేందుకే, ఇలా ఇబ్బందులు పెడుతున్నారని ఆందోళన వ్యక్తం చేసారు. అయితే రిలీజ్ కు ముందు నుంచి టికెట్ ధరల విషయంలో, వివాదం నడుస్తూనే ఉంది. దీంతో సినిమా యూనిట్, రెండు వారల పాటు ధరలు పెంచే విషయంలో, అనుమతి ఇవ్వాలి అంటూ, గతంలో ప్రభుత్వం ఇచ్చిన ఆదేశాలు అన్నీ కోర్టుకు చూపించి, కోర్టుని ఆశ్రయించటం జరిగింది. దీంతో హైకోర్టు, రెండు వారాలు కాకుండా, మూడు రోజులు పాటు, ఆంధ్రప్రదేశ్ వ్యాప్తంగా టికెట్ ధరలు పెంచుకోవచ్చని తీర్పు ఇచ్చింది.

vakeel 10042021 2

అయితే ఈ ఆదేశాల పై ప్రభుత్వం, ఇప్పుడు హైకోర్టులో అత్యవసర పిటీషన్ వేయనుంది. సింగల్ జడ్జి ఇచ్చిన తీర్పు పై, అభ్యంతరం వ్యక్తం చేస్తూ, ఇప్పుడు హైకోర్టులో హౌస్ మోషన్ పిటీషన్ వేయనున్నారు. మూడు రోజుల పాటు రేట్లు పెంచుకోవచ్చు అంటూ, హైకోర్టు తీర్పుని సవాల్ చేయాలని రాష్ట్ర ప్రభుత్వం నిర్ణయం తీసుకుంది. మరి కాసేపట్లో దీని పై హౌస్ మోషన్ పిటీషన్ దాఖలు చేయనుంది. అయితే ఈ చర్య నిజంగానే ఆశ్చర్యానికి గురి చేసే చర్య అని చెప్పుకోవాలి. ఏ సినిమాకు లేని ఇబ్బంది, కేవలం ఈ సినిమాకే ఎందుకు కలిగిస్తున్నారు, నిజంగా ప్రభుత్వానికి చిత్తశుద్ది ఉంటే, అన్ని సినిమాలకు ఇదే నిబంధన వర్తింప చేయాలని, అంతే కానీ తమ అధికారాన్ని ఇలా రాజకీయ కక్ష కోసం వాడకూడదని వాపోతున్నారు. అయినా హైకోర్టు, కేవలం మూడు రోజులు వరుకే పర్మిషన్ ఇచ్చింది. దీనిని కూడా ప్రభుత్వం, అత్యవసర పిటీషన్ గా, హౌస్ మోషన్ పిటీషన్ రూపంలో వేయటం చూస్తుంటే, రాజకీయ కక్ష ఏ స్థాయిలో ఉందో అర్ధం చేసుకోవచ్చు.

ఈనెల 11 నుంచి 14 వరకు దేశంలో నిర్వహించ తలపెట్టిన కో-వి-డ్ వ్యాక్సిన్ ఉత్సవ్ కు కేంద్ర ప్రభుత్వం సహకరించాలని జగన్మోహన్ రెడ్డి శుక్రవారం ప్రధాన మంత్రి నరేంద్ర మోడీకి లేఖ రాశారు. రాష్ట్రవ్యాప్తంగా పెద్ద ఎత్తున చేపడుతున్న ఈ కార్యక్రమం విజయవంతమయ్యేందుకు 25 లక్షల డోసుల వ్యాక్సిన్ అవసరం ఉందని లేఖలో తెలిపారు. ఇప్పటివరకు రెండు లక్షల డోసుల వ్యాక్సిన్‌ను వినియోగిస్తుండగా మరో 2 లక్షల డోసుల వ్యాక్సిన్ శుక్రవారం నాటికి రాష్ట్రానికి అందుబాటులోకి వచ్చిందన్నారు. వ్యాక్సిన్ ఉత్సలో భాగంగా గ్రామీణ ప్రాంతాల్లో 4 లక్షలు, పట్టణ ప్రాంతాల్లో 2 లక్షలు..మొత్తం రోజుకు 6 లక్షల మందికి వ్యాక్సిన్ ఇచ్చేందుకు ప్రణాళిక సిద్ధం చేశామని తెలిపారు. కో-వి-డ్ మహమ్మారిని అంతమొం దించేందుకు వీడియో కాన్ఫరెన్ల ద్వారా మీరందించే సలహాలు, సూచనలు, ఆదేశాలను రాష్ట్రంలో పాటిస్తున్నామని జగన్ లేఖలో పేర్కొన్నారు. ఈ నేపథ్యంలో రాష్ట్రంలో ఇప్పుడు అందుబాటులో ఉన్న వ్యాక్సిన్ సరిపోదనీ, మరో 25 లక్షల డోసుల వ్యాక్సిన్‌ పంపిణీ చేయాల్సిన అవసరం ఉందన్నారు. కో-వి-డ్ నివారణ కోసం ఏపీ అవసరాలనూ, ప్రభుత్వం చేపడుతున్న చర్యలను దృష్టిలో ఉంచుకుని వ్యాక్సిన్‌ పంపిణీకి చొరవ తీసుకోవాల్సిందిగా ఆయన ప్రధానమంత్రిని కోరారు.

గుంటూరులో అంబేద్కర్ జయంతి వేడుకలను, బాబా సాహెబ్ అంబేద్కర్ నీలి జెండాను ఆంధ్రప్రదేశ్ అసెంబ్లీపై ఎగుర వేసేందుకు బహుజనులంతా ఐక్యంగా ముందుకు నడుస్తున్నారని, రానున్న సార్వత్రిక ఎన్నికల్లో ఆ కల సాకారం కాబోతుందని జై భీమ్ యాక్సెస్ జస్టిస్ వ్యవస్థాపక అధ్యక్షులు జడ శ్రావణ్ కుమార్ అన్నారు. శుక్రవారం గాంధీనగర్ జై భీమ్ యాక్సెస్ జస్టిస్ కార్యాలయంలో అంబేద్కర్ 130వ జయంతిని పురస్కరించుకుని లక్షమందితో చారిత్రాత్మక బహిరంగ సభ "జైభీమ్ సమరభేరి” గోడ పత్రికను ఆవిష్కరించారు.ఈ సందర్భంగా ఆయన మాట్లాడుతూ డాక్టర్ బి.ఆర్.అంబేద్కర్ ప్రజలకు రాజ్యాంగాన్ని రచించి హక్కులు ఇస్తే వాటిని నేటి పాలకులు కాలరాస్తున్నారని ఆయన ఆవేదన వ్యక్తం చేశారు. ఆయన ఆశ యాలను ముందుకు తీసు కెళ్లేందుకు జై భీమ్ యాక్సెస్ జస్టిస్ ఉద్యమిస్తుందని తెలిపారు.  అదేవిధంగా అంబేద్కర్ వాదులంతా 14న గుంటూరులో మార్కెట్ సెంటర్ నుంచి లాడ్జి సెంటర్ భారీ ర్యాలీ నిర్వహిస్తున్నట్లు తెలిపారు. ఇప్పటి వరకు తమకు పర్మిషన్ ఇవ్వలేదని, ఒక వేళ అంబేద్కర్ జయంతి వేడుకలను అడ్డుకుంటే జాతి మొత్తం తిరగబడుతుంద ని,ప్రభుత్వాలకు ప్రజలు ఎదురు తిరిగితే వారికే ముప్పు అని ఆగ్రహం వ్యకం చేశారు. సీనియర్ జర్నలిస్ట్ ఎపీజేఎఫ్ అధ్యక్షులు కృష్ణాంజనేయులు మాట్లాడుతూ జై భీమ్ సమరభేరీని ప్రతీ సామాజిక కార్యకర్త విజయవంతం చేయాలని కోరారు. అంబేద్కర్ జయంతి రోజున ఆంద్రప్రదేశ్ లో ప్రత్యామ్నాయ రాజకీయ ఎజెండా ప్రకటన కోసం జైభీమ్ " సమర భేరీ సభ జరుగుతుందన్నారు. ఏపీలో ఉన్న ఎస్సీ, ఎస్టీ, బీసీ, మైనార్టీలుగా ఉన్న బహుజ నులు అంతా రాజకీయంగా ఏకతాటిపైకి రావాలని పిలుపునిచ్చారు.

Advertisements

Latest Articles

Most Read