ప్రపంచాన్ని కుదిపేస్తున్న క-రో-నా మహమ్మారి కారణంగా తిరుమల శ్రీవారి ఆలయంలో అనేక మార్పులు చోటు చేసుకుంటున్నాయి. టీటీడీ చరిత్రలో ఎన్నడూ లేనివిధంగా గతేడాది 80 రోజుల పాటు శ్రీవారి ఆలయంలో దర్శనాలు నిలిచిపోయాయి. అటు తరువాత కో-వి-డ్ నిబంధనలను పాటిస్తూ శ్రీవారి దర్శనాలను ప్రారంభించిన టిటిడి పరిస్థితులను అంచనా వేసుకుంటూ దశలవారిగా భక్తుల సంఖ్యను పెంచుతూ వచ్చి, గత నెల వరకు నిత్యం 55 వేల మంది భక్తులను శ్రీవారి దర్శనాన్ని కల్పించింది. ఇందులో ప్రత్యేక ప్రవేశ దర్శనం టికెట్ల ద్వారా 25 వేల మంది, సర్వదర్శనం టోకెన్ల ద్వారా 22 వేల మంది, విఐపి బ్రేక్ దర్శనం, అర్జితసేవా టికెట్లు, సుప్రభాతం టికెట్ల ద్వారా మరో 8 వేల మంది భక్తులకు దర్శనాన్ని కల్పించింది. ఇలా అంచెలంచెలుగా శ్రీవారి దర్శనాన్ని పెంచుతూ భక్తులకు దర్శనాన్ని కల్పిస్తున్న టిటిడి పై క-రో-నా సెకండ్ వేవ్ ఎఫెక్ట్ పడింది. గత పది రోజులలోనే చిత్తూరు జిల్లాలో పదుల సంఖ్యలో కేసులు వందల సంఖ్యకు పెరగడంతో పాటు దేశ వ్యాప్తంగ పలు రాష్ట్రాల్లో వేల సంఖ్యలో కేసులు బయట పడుతుండడంతో శ్రీవారి దర్శనార్థం మన రాష్ట్రం నుంచే కాక దేశ వ్యాప్తంగా భక్తులు తిరుమలకు వస్తుండడంతో టిటిడి అలెర్ట్ అయింది. క-రో-నా బారిన పడుతున్న వారి సంఖ్య రోజురోజుకూ పెరుగుతుండడంతో ఈ నెల 11వ తేదీ సాయంత్రం నుంచి సర్వదర్శనం టోకెన్ల జారిని నిలిపివేస్తున్నట్లు టిటిడి ఇప్పటికే ప్రకటించింది. ఇప్పటికే విక్రయించిన ప్రత్యేక ప్రవేశ దర్శన టికెట్లను పొందిన భక్తులను మాత్రమే టిటిడి శ్రీవారి దర్శనానికి అనుమతించనున్నది. ముందుగా ప్రత్యేక ప్రవేస దర్శనం టికెట్లను ఆన్లైన్లో భక్తులకు విక్రయించడంతో ఆ టికెట్లను పొందిన భక్తులు వారికి కేటాయించిన సమయానికి కొద్ది గంటల ముందు తిరుమలకు చేరుకుని స్వామివారిని దర్శించు టుండడంతో ఈ టికెట్లు పొందిన భక్తులు ఎక్కువసేపు తిరుమలలో బసచేసే అవకాశం లేక పోవడంతో టిటిడి సర్వదర్శనం టోకెన్ల జారిపై దృష్టి సారించింది.

ప్రతినిత్యం సర్వదర్శనం టోకెన్లను టిటిడి తిరుపతిలో ఏర్పాటు చేసిన భూదేవి కాంప్లెక్స్, విష్ణునివాసంలోని కౌంటర్లలో జారీ చేస్తుంది. ముందు వచ్చిన వారికి ముందున్న అన్న విధంగా టిటిడి టోకెన్లు జారి చేస్తుంది. భక్తుల తాకిడి దృష్ట్యా నాలుగు ఐదు రోజులకు సరిపడిన టోకెన్లు జారీ చేసింది. టోకెన్లు పొందిన భక్తులు దాదాపు 48 నుంచి 72 గంటల పాటు తిరుపతిలోనే బస చేస్తుండడంతో క-రో-నా వ్యాప్తి చెందే అవకాశం ఉందని భావించిన టిటిడి ఈనెల మొదటి నుంచి సర్వదర్శనం టోకెన్ల జారిని 22 వేల నుంచి 15 వేలకు కుదించింది. దీంతో ఏప్రిల్ మొదటి నుంచి స్వామివారిని దర్శించుకున్న భక్తుల సంఖ్య 55 వేల నుంచి 48 వేలకు తగ్గింది. గత కొద్దిరోజులుగా చిత్తూరు జిల్లాలో కేసుల సంఖ్య క్రమేణా పెరుగుతుండడంతో పరిస్థితులను సమీక్షించిన టిటిడి సర్వదర్శనం టోకెన్లను పొందిన వారు ఎక్కువ రోజులు ఉండాల్సి వస్తుండడంతో ఇబ్బందికర పరిస్థితులు తలెత్తే అవకాశం ఉండడంతో సర్వదర్శనం టోకెన్ల జారిని కొద్దిరోజుల పాటు పూర్తిగా రద్దు చేయాలని నిర్ణయించి ఆమేరకు టిటిడి ఒక ప్రకటన విడుదల చేసింది. క-రో-నా విస్తృతంగా వ్యక్తి చెందుతున్న నేపథ్యంలో ఇప్పటికే కరోనా వ్యాప్తి నివారణ చర్యల్లో భాగంగా దేశంలోనే ప్రముఖ ఆలయమైన షిరిడి సంస్థాన్లో ఈ నెల 30వ తేది వరకు దర్శనాలను రద్దు చేశారని, అలానే తిరుమలలో కరోనా వ్యాప్తి అడ్డుకట్టలో భాగంగా సర్వదర్శనం టోకన్ల జారిని 11వ తేది సాయంత్రం నుంచి పూర్తిగా రద్దు చేస్తున్నట్లు టిటిడి ప్రకటించింది. దీంతో ఆదివారం సాయంత్రం నుంచి సర్వదర్శనం టోకెన్ల జారి రద్దు కానుంది. ఇక ఇప్పటికే ఆన్లైన్లో ఏప్రిల్ నెలకు సంబంధించిన ప్రత్యేక ప్రవేశ దర్శన టికెట్లను విక్రయించడంతో ఆ టికెట్లను పొందిన భక్తులను మాత్రం టిటిడి శ్రీవారి దర్శనానికి అనుమతించనున్నది. రాబోయే రోజులలో ఎప్పటికప్పుడు పరిస్థితులను అంచనా వేస్తూ దర్శనం కొనసాగింపుపై టిటిడి నిర్ణయం తీసుకోనున్నది.

కొద్ది సేపటి క్రితం వైఎస్ఆర్ కాంగ్రెస్ పార్టీ ఒక లేఖను విడుదల చేసింది. తిరుపతి పార్లమెంట్ ఓటర్లకు, మీ జగనన్న రాస్తున్న లేఖ అంటూ కూడా ఆ లేఖను విడుదల చేసారు. పార్టీ లెటర్ హెడ్ పై రాసిన ఈ లేఖలో, తిరుపతి పార్లమెంట్ ఉప ఎన్నిక ప్రచారానికి తాను రావాలని నిర్ణయం తీసుకున్నప్పటికీ కూడా, క-రో-నా కారణంగా తాను రాలేక పోతున్నా అని, తన పర్యటన రద్దు చేసుకున్నట్టు ప్రకటించారు. నిన్న హెల్త్ బులిటెన్ చూస్తే, ముఖ్యంగా నెల్లూరు, చిత్తూరు జిల్లాలో పోజిటివ్ కేసులు ఎక్కువగా నమోదు కావటం, పైగా మరణించిన వారిలో కూడా, ఎక్కువగా తిరుపతి, చిత్తూరు జిల్లాల వారు ఉన్నారని, అందు వల్ల తాను, బహిరంగ సభ ఏర్పాటు చేస్తూ, వేలాది మంది ప్రజానీకం వచ్చి, మరింతగా క-రో-నా విస్తృతంగా వ్యాప్తించే అవకాసం ఉందని, అందుకే తాను రాకుండా, ఈ లేఖ రాస్తున్నా అని, బాధ్యతగల ముఖ్యమంత్రిగా, ఆంధ్రప్రదేశ్ పౌరుడిగా తన పర్యటనను రద్దు చేసుకోవాలని నిర్ణయం తీసుకున్నట్టు పేర్కొన్నారు. అయితే ఆ లేఖలో మాత్రం, చివరి రెండు పేరాల్లో, ఎందుకు ఓటు వేయాలో రాసారు. తాను ప్రత్యేకంగా ఒక లేఖ రాసాను అని, ఆ లేఖలో తాను ఏమి రాసానో అందరూ చదవాలని, తరువాత తన సోదరుడు అయిన గురుమూర్తిని, ఓటు వేసి అత్యంత మెజారిటీతో గెలిపించాలని జగన్ చెప్పారు.

tirupati 10042021 2

అయితే జగన్ నిర్ణయం పై మాత్రం, ఇంకా ఏదో జరిగి ఉంటుందనే ఆలోచన వస్తుంది. జగన్ కు క-రో-నా పట్ల అంత బాధ్యత ఉంటే, మొత్తం వైసీపీ ప్రచారాన్నే రద్దు చేయాలని, లేదా లిమిటెడ్ గా వెళ్ళాలని పార్టీ శ్రేణులకు చెప్పాలని, అక్కడ మాత్రం వైసీపీ నేతలు, ప్రజలను పోగేసి, భారీగా రోడ్ షోలు చేస్తుంటే, జగన్ మాత్రం తాను ఒక్కడినే రాను అని, తనకే బాధ్యత ఉందని చెప్పటం ఎవరికీ అర్ధం కావటం లేదు. జగన్ కు నిజంగా బధ్యత ఉంటే, మిగతా వైసీపీ నేతలకు కూడా అదే చెప్పొచ్చు కదా ? క-రో-నా అనేది ఎవరు మీటింగ్ పీట్టినా వస్తుంది కదా. అయితే దీని వెనుక రాజకీయ కారణం కూడా లేకపోలేదు. ముఖ్యంగా చిత్తూరు, నెల్లూరులో ఎండలు ఎక్కువగా ఉండటం, పెద్ద ఎత్తున జన సమీకరణ జరుగుతున్నప్పటికీ, ప్రజల్లో ఆసక్తి లేకపోవటం కూడా భావిస్తున్నారు. అలాగే తెలుగుదేశం పార్టీ ఈ ఉప ఎన్నికను ప్రతిష్టాత్మికంగా తీసుకోవటంతో, వైసీపీ ఓడిపోకపోయినా, గతంలో వచ్చిన మెజారిటీ కంటే భారిగా తగ్గే అవకాశాలు ఉన్నాయని, రోజులు గడిచేకొద్దీ సమీకరణాలు మారిపోతూ ఉండటంతో, ఏమి జరుగుతుందో తెలియని పరిస్థితిలో, జగన్ రాకపోవటమే మంచిదని, వైసీపీ పెద్దలు భావించి ఉండవచ్చని అంటున్నారు.

ఆంధ్రప్రదేశ్ లో మరో పెను సంచలనానికి దారి తీసే ఘటన ఇది. మాజీ ఇంటలిజెన్స్ చీఫ్ ఏబీ వేంకటేశ్వర రావు సంచలన ఆరోపణలు చేస్తూ, సిబిఐ ఎంక్వయిరీ కోరుతూ రాష్ట్ర చీఫ్ సెక్రటరీకి లేఖ రాసారు. ఇప్పటికే ఏబీ వేంకటేశ్వర రావు పై, దేశ ద్రోహం ఆరోపణలు చేస్తూ, రాష్ట్ర ప్రభుత్వం ఆయన్ను సస్పెండ్ చేసిన విషయం తెలిసిందే. ఈ క్రమంలోనే, ఏబీ వేంకటేశ్వర రావు, చీఫ్ సెక్రటరీకి తొమ్మిది పేజీల లేఖ రాసారు. అందులో కొన్ని సంచలన విషయాలు పొందు పరిచారు. ఏకంగా డీజీపీ తన స్వహస్తాలతో ఫోర్జరీ చేసినట్టు తన వద్ద ఉన్న ఆధారాలు, ఆ లేఖకు జత పరిచారు. అంతే కాదు, డీజీపీ గౌతమ్ సవాంగ్ తో పాటుగా, సీఐడీ అదనపు డీజీపీ సునీల్ కుమార్, ఏసీబీ డీజీ సీతా రామాంజనేయులు, ఇంటలిజెన్స్ విభాగపు అధికారులతో పాటు, మిగతా వారి ప్రమేయం పై కూడా, ఆధారాలు ఆ లేఖలో ఇచ్చారు. దీంతో ఒక్కసారిగా సచివాలయంలోని అధికార వర్గాల్లో కలకలం రేగింది. ఏకంగా డీజీపీ, సిఐడి చీఫ్, ఏసిబీ చీఫ్ ఫోర్జేరి చేసారు అంటూ, ఆధారాలు ఇవ్వటం, పెను సంచలనం అనే చెప్పాలి. ఏబీ వేంకటేశ్వర రావు డీజీ ర్యాంకు అధికారి, ఆయన చేసిన ఆరోపణల్లో నిజం ఉంటే, ఇది దేశంలోనే సంచలనానికి దారి తీస్తుంది. ఒక వేళ ఆయన చేసిన ఆరోపణలు నిజం కాకపోతే, వెంటనే ఆ అధికారులు అందరూ వచ్చి, నిజం ప్రజలకు చెప్పాలి.

abv 100442021 2

ఇప్పటికే ఏబీ వేంకటేశ్వర రావు గత వారం కమీషనర్ అఫ్ ఎంక్వయిరీస్ విచారణ సందర్భంగా, మీడియాతో మాట్లాడిన ఆయన, తన పై తప్పుడు కేసు పెట్టారని, అంతే కాకుండా, దొంగ డాక్యుమెంట్లు సృష్టించారని, వాటిని తొందర్లోనే బయట పెడతాను అంటూ సంచలన ఆరోపణలు చేసిన సంగతి తెలిసిందే. ఇప్పుడు ఆ ఆరోపణలుకు సంబంధించి, పూర్తి వివరాలు ఆ లేఖలో ఇచ్చారు. అయితే దీని పై తనకు సిబిఐ ఎంక్వయిరీ కావాలి అంటూ రాష్ట్ర ప్రభుత్వానికి లేఖలో తెలిపారు. ఒకవేళ రాష్ట్ర ప్రభుత్వం ఒప్పుకోక పొతే, కోర్టుకు కూడా వెళ్ళే ఆలోచనలో ఏబీ వేంకటేశ్వర రావు ఉన్నారు. ఇప్పటికే ఆయన కేసు సుప్రీం కోర్ట్ లో ఉంది. సుప్రీం కోర్టు ఆదేశాల ప్రకారమే, ఇప్పుడు విచారణ జరుగుతుంది. ఏప్రిల్ చివరి లోపు విచారణ ముగించాలని సుప్రీం ఆదేశాలు ఇచ్చింది. ఈ తరుణంలో, ఇప్పుడు ఏకంగా డీజీపీ, ఏసిబీ, సిఐడి తన పై దొంగ పత్రాలు సృష్టించారు అంటూ, ఏబీ వేంకటేశ్వర రావు చేసిన ఆరోపణలు, ఇప్పుడు రాష్ట్రంలో సంచలనంగా మారాయి. మరి ప్రభుత్వం వైపు నుంచి ఎలాంటి రియాక్షన్ ఉంటుందో చూడాలి.

 

ఈ రోజు బ్లూ మీడియాలో ఒక కధనం వచ్చింది అంటూ టిడిపి ఆగ్రహం వ్యక్తం చేస్తుంది. ఆ కధనం ప్రకారం, తిరుపతిలో ప్రచారం చేస్తున్న టిడిపి శిబిరంలో కలకలం రేగింది అని, టిడిపి తరుపున ప్రచారం చేయటానికి వచ్చిన వారిలో చాలా మందికి, క-రో-నా పోజిటివ్ వచ్చింది అంటూ కధనం ప్రచారం పెట్టారు. క-రో-నా వచ్చిన వారిలో, ఎమ్మెల్యే గొట్టిపాటి రవి ఉన్నారని, అలాగే మాజీ మంత్రి జవహర్ ఉన్నారని, అలాగే మాజీ ఎమ్మెల్యే వంగలపూడి అనిత, ఎమ్మెల్సీ సంధ్యారాణిలు కూడా ఉన్నారని, వీరి అందరికీ క-రో-నా వచ్చింది, దీంతో టిడిపి నేతలు అందరూ తిరుపతి నుంచి నేరుగా హైదరాబాద్ వెళ్ళిపోయారు అంటూ, బ్లూ మీడియా ప్రసారం చేసిందని, టిడిపి నేతలు వాపోతున్నారు. అయితే వీరిలో అనిత, సంధ్యారాణి చంద్రబాబుని కలిసారని, చంద్రబాబుతో కలిసి తిరుమల శ్రీవారి దర్శనం కూడా చేసుకున్నారని, వీరికి వెంటనే క-రో-నా వచ్చింది అని, దీంతో టిడిపి నేతలు, కార్యకర్తలు భయపడి పోతున్నారు అంటూ, బ్లూ మీడియాలో కధనాలు వచ్చాయని, ఎవరిని భయ పెట్టటానికి, ఇలాంటి కధనాలు వేస్తున్నారు అంటూ టిడిపి నేతలు మండి పడ్డారు. ఇలా అనుకుంటే విజయసాయి రెడ్డి లాంటి నేతలకు, అనేక మంది మంత్రులకు, అధికార పార్టీ ఎమ్మెల్యేలకు కూడా క-రో-నా వచ్చింది, సాక్షాత్తు తిరుపతి ఉప ఎన్నికే, వైసీపీ ఎంపీ క-రో-నాతో చనిపోవటం వల్ల వచ్చిందని వాపోతున్నారు.

jawahar 10042021 2

అయితే ఈ కధనంలో అనేక అవాస్తవాలు ఉన్నాయని టిడిపి నేతలు ఆరోపిస్తున్నారు. ఎమ్మెల్యే గొట్టిపాటి రవికి పాజిటివ్ వచ్చి, వారం రోజులు అయ్యింది, ఇప్పుడు ఆయన కోలుకుంటున్నారని చెప్పారు. ఇక మాజీ మంత్రి జవహర్ అయితే, తీవ్ర స్థాయిలో మండి పడ్డారు. తనకు కో-ర-నా వచ్చి వారం రోజులు దాటిందని, ఇప్పుడు కొత్తగా వచ్చేది ఏమి లేదని, అయితే ఇప్పుడు తాను పూర్తిగా కోలుకున్నానని, ఆ రిపోర్ట్ కూడా మీ ప్రభుత్వానిదే, నెగటివ్ వచ్చింది చూసుకోండి అంటూ, మీడియాకు విడుదల చేసారు. తప్పుడు వార్తలు ప్రసారం చేసిన బ్లూ మీడియా ఆ వార్తను వెనక్కి తీసుకోవాలిని జవహర్ కోరారు. కేవలం అబద్ధాలను ప్రసారం చేస్తూ, పబ్బం గడుపు కోవటం సరికాదుని సదరు మీడియాకు హితవు పలికారు. తనకు మళ్ళీ ఏదో అయిపొయింది అంటూ, ఈ మీడియాలో వచ్చిన తప్పుడు వార్తలు చూసి, సహచరులను,అభిమానుల నుంచి ఫోనులు వస్తున్నాయని, వారిని ఇలాంటి తప్పుడు వార్తలతో తప్పుదోవ పట్టించవద్దని హితవు పలికారు.

Advertisements

Latest Articles

Most Read