news

జగన్ మోహన్ రెడ్డి సారధ్యంలోని ఆంధ్రప్రదేశ్ ప్రభుత్వం, తెలుగుదేశం పార్టీ నేతలనే కాదు, తమకు ఇష్టం లేని ఐపీఎస్, ఐఏఎస్ ఆఫీసర్ల పైన కూడా కక్ష సాధింపు చర్యలు ఏమాత్రం మానటం లేదు. ముఖ్యంగా ఐఏఎస్ అధికారి జాస్తి కృష్ణ కిషోర్, ఐపీఎస్ అధికారి ఏబి వెంకటేశ్వరరావు ఉదంతాలు ఇందుకు ప్రత్యక్ష సాక్ష్యం. అయితే ఇందులో ఐఏఎస్ అధికారి జాస్తి కృష్ణ కిషోర్, కేంద్ర సర్వీసులకు వెళ్ళిపోవటంతో, ఆయన్ను టచ్ చేసిన అవకాసం ఇంకా వీళ్ళకు లేకుండా పోయింది. అయితే ఐపీఎస్ అధికారి ఏబి వెంకటేశ్వరరావుని మాత్రం, ఇప్పటికీ వేదిస్తునే ఉన్నారు. పది రోజుల క్రితమే ఏబి వెంకటేశ్వర రావు, తన పై క్రిమినల్ కేసులు పెట్టి, అరెస్ట్ చేపించి, తన పై కుట్ర పన్నుతుంది అంటూ, ఐపీఎస్ ఆఫీసర్స్ అసోసియేషన్‌కు లేఖ రాసారు. అంతే కాదు, తనను జ్యూడిషియల్ రిమాండ్‌కు పంపి, మళ్ళీ సస్పెండ్ చేయాలని చూస్తున్నారు అంటూ కోర్టులో కూడా కేసు వేసారు. అయితే హైకోర్టు, ఆయన్ను అరెస్ట్ చేయవద్దు అంటూ ఆదేశాలు జారీ చేసింది. అయితే ఇప్పుడు జగన్ ప్రభుత్వం, ఏబీ వెంకటేశ్వర రావు ఊహించినట్టే, ఆయన పై మళ్ళీ సస్పెన్షన్ వెతి వేసింది. ఆయన ఆరోపణలు చేసిన కొద్ది రోజులుకే, సస్పెన్షన్ ఉత్తర్వులు ఇవ్వటంతో, ఆయన ఊహించిందే నిజం అయ్యింది.

ఏబీ వెంకటేశ్వరరావు సస్పెన్షన్‌ను మరో ఆరు నెలలు పాటు పొడిగిస్తున్నట్టు ఉత్తర్వులు ఇస్తూ, సస్పెన్షన్ అనేది గత ఏడాది ఆగష్టు నుంచే అమలు అవుతాయని తెలపటం మరో కొసమెరుపు. అయితే, ఇప్పటికే ఏబీవీ ఈ విషయం పై కోర్టులో పిటీషన్ కూడా వేసారు. తనకు ఇప్పటి వరకు జీతం కూడా ఇవ్వలేదని వాపోయారు. అంతే కాదు, అసలు తన వల్ల రూపాయి నష్టం కూడా జరగక పోయినా, ఏదో జరిగిపోయింది అంటూ, తన పై తప్పుడు ఆరోపణలు మీడియాలో చేసారని, చివరకు చార్జెస్ లో తనకు సంబంధం లేని విషయాలు ప్రస్తావనించారని, అందులో కూడా, ఎక్కడా ప్రభుత్వానికి రూపాయి నష్టం జరిగినట్టు లేదని వాపోయారు. అసలు డబ్బులు లావాదేవీలు జరగని చోట, అవినీతి జరిగింది అంటూ, తన పై అనవసర అభాండాలు వేసి, ఇబ్బందులు పెడుతున్నారని వాపోయారు. తనకు సంబంధం లేని విషయంలో, రూపాయి కూడా లావాదేవీ జరగని విషయంలో తనను లాగి, తన పై అభియోగాలు మోపి, తనను ఏదో విధంగా అరెస్ట్ చేసి, సస్పెండ్ చేయాలని చూస్తున్నట్టు ఏబి వెంకటేశ్వర రావు ఆరోపించిన సంగతి తెలిసిందే.

ఆంధ్రప్రదేశ్ పోలీసులు తీర్పు పై హైకోర్టు, మరోసారి అక్షింతలు వేసింది. కడప జిల్లా పులివెందులలో, దళిత మహిళ అ-త్యా-చా-రం ఘటన పై, తెలుగుదేశం పార్టీ ఆగ్రహం వ్యక్తం చేస్తూ, ప్రభుత్వ అసమర్ధతను తప్పుబడుతూ, పెద్ద ఎత్తున ఆందోళన చేసి, చలో పులివెందుల కార్యక్రమం నిర్వహించారు. అయితే బాధిత కుటుంబానికి అండగా ఉన్న తెలుగుదేశం పార్టీ నేతల పై, ఎస్సీ, ఎస్టీ కేసు నమోదు చేసారు. అయితే ఇదే నేపధ్యంలో తెలుగుదేశం పార్టీ మహిళా అధ్యక్షురాలు అయినా వంగలపూడి అనిత పై కూడా, ఎస్సీ, ఎస్టీ కేసు నమోదు చేసారు. అయితే వంగలపూడి అనిత, ఎస్సీ సామాజికవర్గం కావటంతో, అది కూడా గ్రహించకుండా, అనిత పై కూడా ఎస్సీ, ఎస్టీ కేసు నమోదు చేయటంతో, అనిత న్యాయ పోరాటం చేసారు. హైకోర్టులో దీనికి సంబంధించి పిటీషన్ వేసారు. ఎస్సీ సామాజికవర్గానికి చెందిన తన పై కూడా పోలీసులు ఎస్సీ, ఎస్టీ కేసుని నమోదు చేసారని ఆమె హైకోర్టులో దాఖలు చేసిన పిటీషన్ ఈ రోజు విచారణకు వచ్చింది. వంగలపూడి అనిత తరుపున న్యాయవాది బాలాజీ యలమంజుల వాదనలు వినిపించారు. పులివెందుల ఘటనలో బాధిత కుటుంబానికి న్యాయం చేయాలని టిడిపి రాష్ట్ర మహిళా అధ్యక్షురాలుతో పాటు, తెలుగుదేశం నేతలు కూడా బాధిత కుటుంబానికి అండగా నిలబడ్డారని తెలిపారు.

ఆ మహిళకు న్యాయం చేయాలని నిరసన తెలపటం కూడా తప్పేనా అంటూ, వాదించారు. అయితే దీని పై స్పందించిన హైకోర్టు, బాధిత కుటుంబం తరుపున అండగా నిలబడితే కూడా, ఎస్సీ ఎస్టీ కేసు పెడతారా అంటూ హైకోర్టు పోలీసులను ప్రశ్నించింది. గతంలో కూడా పలుమార్లు, ఇలాగే హైకోర్టు పోలీసులు పై అక్షింతలు వేసారు. ఎస్సీ మహిళ పైనే, ఎలా ఎస్సీ ఎస్టీ కేసు నమోదు చేస్తారని హైకోర్టు ప్రశ్నించింది. చట్టాలకు లోబడి కేసులు నమోదు చేయాలని హైకోర్టు పోలీసులకు సూచించింది. గతంలో కూడా అమరావతి రైతులు పై ఇలాగే ఎస్సీ, ఎస్టీ కేసులు పెట్టి, బేడీలు వేసి చేసిన ఘటన సంచలనం అయ్యింది. అయితే అప్పుడు కూడా ఎస్సీల పైనే, ఎస్సీ, ఎస్టీ కేసులు పెట్టటం పై, హైకోర్టు తీవ్ర ఆగ్రహం వ్యక్తం చేసింది. పనితీరు మార్చుకోవాలని వార్నింగ్ ఇచ్చారు. చివరకు డీజీపీని రెండు సార్లు కోర్టు ముందు హాజరు అవ్వమని చెప్పారు. అయినా పోలీసులు తీరు మారలేదు. మళ్ళీ అదే తప్పు చేయటంతో, ఈ రోజు మళ్ళీ హైకోర్టు ఆగ్రహానికి గురి కావాల్సి వచ్చింది.

నిన్న గొల్లపూడిలో, యధావిధగా మంత్రి కొడాలి నాని, బూతులతో, దేవినేని ఉమా, చంద్రబాబు పై నోరు పారేసుకున్నారు. కొడాలి నానికి తోడు,గన్నవరం నుంచి టిడిపి నుంచి గెలిచి, వైసీపీకి జంప్ కొట్టిన వంశీ కూడా గొల్లపూడి వచ్చి, ఇష్టం వచ్చినట్టు దేవినేని ఉమా పై మాట్లాడారు. కొడాలి నాని మాట్లాడుతూ, నీ ఇంటికి వస్తా, నిన్ను కొడతా, అదీ ఇదీ అంటూ, ఇష్టం వచ్చినట్టు మాట్లాడారు. మరి ఆయిన మెంటల్ బ్యాలెన్స్ సరిగ్గా ఉందో లేదో కానీ, ఒక మంత్రి ఇలా బహిరంగంగా బూతులు మాట్లాడుతూ, నీ ఇంటికి వచ్చి కొడతా, బడిత పూజ చేస్తా అంటూ చేసిన వ్యాఖ్యలతో అందరూ ఆశ్చర్య పోయినా, కొడాలి నాని నోరు గురించి తెలిసి లైట్ తీసుకున్నారు. అయితే, నిన్న కొడాలి నాని మరీ రెచ్చిపోయి మాట్లాడటంతో, ఎప్పుడు లేనిది దేవినేని ఉమా కూడా చాలా ఘాటుగా స్పందించారు. పోరంబోకు కుక్క అంటూ, కొడాలి నాని భాషలోనే సమాధానం చెప్పారు. సమాధానం చెప్తూ, కొడాలి నాని నా ఇంటికి వచ్చి నన్ను టచ్ చేస్తా అంటూ ప్రగల్బాలు పలుకుతున్నాడు, ఇంటికి ఎందుకు, నేను రేపు ఉదయం గొల్లపూడి సెంటర్ లో ఎన్టీఆర్ విగ్రహం ముందు, ఉదయం 10 గంటల నుంచి సాయంత్రం 5 గంటల వరకు కూర్చుంటాను, జగన్ మోహన్ రెడ్డి వస్తాడో, బూతులు మంత్రి వస్తాడో, ఎవడు వస్తాడో వచ్చి టచ్ చేయండి అంటూ చాలెంజ్ చేసారు. కొడాలి నాని పెద్దగా, మాట్లడాతాడు కాబట్టి, ప్రభుత్వం ఆయనదే కాబట్టి, దేవినేని ఉమా చాలెంజ్ ని స్వీకరిస్తారని అందరూ అనుకున్నారు.

అయితే దేవినేని ఉమా కార్యక్రమానికి పర్మిషన్ లేదు అంటూ, రాత్రి నుంచి పెద్ద ఎత్తున పోలీసులు గుమిగూడారు. ఆయన ఇంటి వద్ద, సందులో,మొత్తం పోలీసులతో నింపేశారు. చీమ చిట్టుకుమనటానికి కూడా లేదు. అయితే ఈ సందర్భంలో ఆ పోలీస్ వలయాన్ని చేదించుకుని దేవినేని ఉమా, చెప్పిన టైంకి, గొల్లపూడి ఎన్టీఆర్ విగ్రహం వద్దకు వచ్చారు. అయితే ఆయన ఎలా వచ్చారో పోలీసులకు ఆర్ధం కాక షాక్ తిన్నారు. దేవినేని ఉమా ఇంటి ముందు పోలీసులు ఉన్నారు కానీ, ఆయన నిన్న రాత్రే తన ఇంట్లో నుంచి ఎక్కడికో వెళ్ళారని తెలుస్తుంది. ఉదయం పది గంటల సమయంలో ఒక క్యాప్, మొఖానికి మాస్క్ పెట్టుకుని, సాధారణ ప్రజలు లాగ, ఉమా నడుచుకుంటూ గొల్లపూడి సెంటర్ వచ్చారు. అయితే పోలీసులు ఎవరూ ఆయన్ను గుర్తు పట్టలేదు. ఆయన నడుచుకుంటూ ఎన్టీఆర్ విగ్రహం వద్దకు వెళ్ళగా, అక్కడ పోలీసులు పసిగట్టి, వెంటనే దేవినేని ఉమాని అదుపులోకి తీసుకున్నారు. అయితే ఇంత పోలీస్ వలయాన్ని చేధించుకుని మరీ, చెప్పిన టైంకి, చెప్పినట్టే, ఉమా ఎన్టీఆర్ విగ్రహం వద్దకు రావటంతో, పోలీసులు కూడా షాక్ తిన్నారు. ఆ వీడియో ఇక్కడ చూడొచ్చు. https://youtu.be/UUANAxwN4mU