news

నెల్లూరు జిల్లా, గూడూరు నియోజవర్గంలో వైసిపీలో వర్గ విబేధాలు తారా స్థాయికి చేరుకున్నారు. ఏకంగా గూడూరు ఎమ్మెల్యే వర ప్రసాద్ ఇంటినే, వైసీపీ నేతలు, కార్యకర్తలు ముట్టడించారు. ఎమ్మెల్యే వరప్రసాద్ పెద్ద ఎత్తున అవినీతి, అక్రమాలకు పాల్పడుతున్నారని, పార్టీకి చెడ్డ పేరు తెస్తున్నారని, పెద్ద ఎత్తున ఆందోళన చేసారు. ఆయన పైన అవినీతి ఆరోపణలు రావటం కొత్త కాదు. గతంలో ఒక తోళ్ళ పరిశ్రమ ఏర్పాటు విషయంలో, ఆ కంపెనీ యాజమాన్యం నుంచి పెద్ద ఎత్తున ముడుపులు తీసుకున్నారని పెద్ద ఎత్తున ఆందోళన చేసారు. అయితే ఈ సారి మాత్రం, ఏకంగా సొంత పార్టీ నేతలే ఎమ్మెల్యే పై తిరగబడ్డారు. అధికారంలోకి వచ్చిన 18 నెలల్లోనే, గూడూరు ఎమ్మెల్యే పై, రెండు సార్లు తిరుగుబాటు వచ్చింది. గూడూరు ప్రాంత ప్రజలు కూడా , ఏకంగా ఒక ఎమ్మెల్యే పై, అదే పార్టీ నేతలు ఆందోళన చేయటం ఎప్పుడూ చూడలేదని అంటున్నారు. ప్రధానంగా నాలుగు రోజుల క్రిందట, ప్రభుత్వ సలహదారుడు సజ్జల రామకృష్ణా రెడ్డి, అలాగే ఇంచార్జ్ మంత్రి బాలినేని, జిల్లా మంత్రి అనిల్, ముగ్గురు కలిసి, గూడూరులో ఉన్న నాయకులును, ఎమ్మెల్యేని కూర్చోబెట్టి, వర్గ విబేధాలు మానండి, పార్టీని బజారున పడేయ వద్దు, ప్రత్యర్ధి పార్టీలకు అవకాసం ఇవ్వకండి, ఇప్పటికే పార్టీ పై వ్యతిరేకత వస్తున్న వేళ, మనం మనం కొట్టుకుంటే కష్టం అంటూ, ఇరు వర్గాలకు నచ్చ చెప్పారు.

అయితే ఆ సమయంలోనే రెండు వర్గాల మధ్య మాటలు యుద్ధం జరిగిందని సమాచారం. అయితే సజ్జల రామకృష్ణా రెడ్డి, మంత్రులు బాలినేని, అనిల్ లాంటి వాళ్ళు చెప్పినా, అక్కడ వినే పరిస్థితి లేదు. గూడూరుకి నలుగురు ఎమ్మేల్యేలు ఉన్నారు అంటూ, వైసీపీలోనే గుసగుసలు వినిపిస్తున్నాయి. మొత్తం మీద గూడూరులో నాలుగు వర్గాలుగా ఉండటం, అలాగే అధిష్టానం వీరి పై పట్టు తెచ్చుకోలేక పోవటంతో, ఏకంగా ఎమ్మెల్యే ఇంటిని ముట్టడించి, అవినీతి చేస్తూ, ఇంటి గుట్టు బయట పెట్టుకునే వరకు వచ్చింది. అయితే ఎమ్మెల్యే వరప్రసాద్ మాత్రం, తన పై , పై స్థాయిలోనే కుట్ర జరుగుతుందని వాపోతున్నారు. జగన్ తోనే తేల్చుకుంటాను అంటూ, చెప్తున్నారు. అన్ని నియోజకవర్గాల్లో అవినీతి చేస్తుంటే, కావాలని వరప్రసాద్ ని అల్లరి చేస్తున్నారు అంటూ, వరప్రసాద్ వర్గీయలు వాపోతున్నారు. అయితే వరప్రసాద్ దీని పై ఏమి చేస్తారు ? జగన్ వద్ద తెల్చుకుంటారా, లేక ఏదైనా కఠినమైన నిర్ణయం ఏమైనా తీసుకుంటారా అనేది చూడాలి. మరో పక్క మెజారిటీ నియోజకవర్గాల్లో, వైసీపీలో గ్రూపులు ఎక్కవు అయిపోతున్నాయి. ప్రతి చోట రెండు వర్గాలు, పార్టీని రోడ్డున పడేస్తున్నారు. మరో పక్క, జగన్ మొహన్ రెడ్డి మాత్రం, ఎమ్మెల్యేలకు కానీ, నాయకులకు కానీ అప్పాయింట్మెంట్ ఇవ్వకపోవటం, తరుచూ వాళ్ళతో మాట్లాడకపోవటంతో, గ్యాప్ ఎక్కువ వచ్చేస్తుంది.

కేసీఆర్ , జగన్ ల మధ్య స్నేహం ఎంత బలంగా ఉంటుందో అందరూ చూసారు. ఎన్నికల ముందు కేసీఆర్ చెప్పిన మాటలు అయితే , కోటలు దాటాయి. తాము పోలవరం ప్రాజెక్ట్ పై వేసిన కేసులు అన్నీ వెనక్కు తీసుకుంటాం అన్నారు. ప్రత్యెక హోదా కోసం కలిసి పోరాటం చేస్తాం అన్నారు. ఎన్నికలు తరువాత రాయలసీమను రత్నాలు సీమ చేస్తాను అన్నారు. ఇక జగన్ గారు అయితే, రాయలసీమకు అన్యాయం చేసే కాళేశ్వరం ప్రాజెక్ట్ ఓపెనింగ్ కు కూడా వెళ్లి కొబ్బరికాయ కొట్టి వచ్చారు. ఇలా ఇద్దరూ ఒకరిని ఒకరు వాటేసుకుని, దావత్ లు ఇచ్చుకుని, రెండు రాష్ట్రాల మధ్య ఎలాంటి సమస్యలు ఉండవు అని చెప్పారు. ఇక ఎన్నికల తరువాత, మొత్తం సీన్ మారిపోయింది. కీలకమైన ఇరిగేషన్ రంగంలో తెలంగాణా నుంచి కొర్రీలు మొదలు అయ్యాయి. ఇక నీటి పంపకాలు విషయంలో కూడా గొడవలే. ఆస్తులు విభజనలో పురోగతి లేదు. ఇలా అన్ని విషయాలో తెలంగాణా కొర్రీలు పెడుతూనే ఉంది. అయితే ఎందుకో కానీ ఆంధ్రప్రదేశ్ వైపు నుంచి మాత్రం, అనుకున్న స్థాయిలో ప్రతిఘటన లేదు. ప్రతి దానికి తెలంగాణా చెప్పిన దానికి లొంగిపోతున్నారు అనే అభిప్రాయం ఉంది. తాజాగా ఏపీఎస్ ఆర్టీసి, తెలంగాణా ఆర్టీసి మధ్య జరిగిన ఒప్పందం చూస్తే షాక్ అవ్వాల్సిందే. అసలు ఎందుకు ఆంధ్రప్రదేశ్ ప్రభుత్వం ఇలా చేసింది, ఎందుకు తెలంగాణా ప్రభుత్వానికి ఇంతలా లొంగిపోవాలి అనే ప్రశ్నకు సమాధానం లేదు.

రాష్ట్ర విభజన తరువాత, తెలంగాణా రాష్ట్రానికి ఆర్టీసి బస్సులు, అటు తెలంగాణా రాష్ట్రము నుంచి ఏపికి వచ్చేవి. అయితే ఎక్కువగా ఏపి బస్సులే తెలంగాణాలో తిరిగేవి. ముఖ్యంగా హైదరాబాద్ విజయవాడ, హైదరాబాద్ కర్నూల్ రూట్ లో ఎక్కువగా ఏపి బస్సులు తిరిగేవి. భారీ లాభాలు ఈ రూట్ లో మన రాష్ట్ర ఆర్టీసికి వచ్చేది. అయితే లాక్ డౌన్ లో బస్సులు ఆగిపోవటంతో, మళ్ళీ బస్సులు తిప్పటానికి తెలంగాణా అడ్డు పడింది. దాదపుగా రెండు మూడు నెలల నుంచి చర్చలు జరుపుతున్నారు. మన మంత్రి పెర్ని నాని గారు అయితే, అదిగో ఇదిగో అని చెప్పుకుంటూ వచ్చారు. చివరకు తెలంగాణా చెప్పిన ప్రతి షరతుకు లొంగి, ఆర్టీసీకి దెబ్బ కొట్టారని తెలుగుదేశం పార్టీ నేత పట్టాభి ఆరోపించారు. గతమలో టిడిపి హయంలో, తెలంగాణాకు తిప్పింది 2,65,367 కి.మీ అయితే, దాన్ని ఇప్పుడు 1,60,999 కి.మీ తగ్గించారని, అంటే 1,04,368 కి.మీ తగ్గించారని, అలాగే 250 బస్సులు నడిపే హక్కును ఏపి కోల్పోయిందని, దీని వల్ల రూ.273 కోట్ల వరకు మనకు నష్టం అని అన్నారు. ఇదే సమయంలో తెలంగాణా మాత్రం, మన రాష్ట్రంలో తిప్పే బస్సులు పెంచుకుందని, దాని వల్ల తెలంగాణాకు రూ.300 కోట్ల వరకు లాభం అని, ముఖ్యంగా విజయవాడ - హైదరబాద్ రూట్ లో, మొత్తం తెలంగాణా ఆధిపత్యమే ఉందని, అసలు ఇలా ఎందుకు లోనిపోయి, ఏపిఎస్ ఆర్టీసికి నష్టం చేస్తూ, తెలంగాణాకు లాభం చేసే నిర్ణయాలు ఎందుకు తీసుకున్నారో చెప్పాలని డిమాండ్ చేసారు, పట్టాభి.

ఆయన గతంలో ఒక రిటైర్డ్ ఐఏఎస్ ఆఫీసర్. కేంద్ర సర్వీసుల్లో చేసారు. కీలకమైన ఆర్ధిక శాఖలో చేసారు. అది కూడా అలాంటి ఇలాంటి పదవిలో కూడా, ఏకంగా కార్యదర్శి పదవిలో. కేంద్ర ఆర్ధిక శాఖ కార్యదర్శిగా ఆయన పని చేసారు. అంటే కేంద్రం ఆర్ధిక మంత్రి తరువాత, ఆ శాఖలో అంత పవర్ ఉండేది ఆయనకే. ఆయనే సుభాష్‌ చంద్ర గార్గ్‌. అయితే ఆయన ఆకంసికంగా రిటైర్డ్ అయ్యారు. స్వచ్ఛదంగా పదవి నుంచి తప్పుకున్నారు. నిర్మలా సీతారామన్‌ ఆర్ధిక మంత్రిగా ఉండగా, సుభాష్‌ చంద్ర గార్గ్‌ కార్యదర్శిగా ఉండేవారు. అయితే ఆయన్ను ఆర్ధిక శాఖ నుంచి, విద్యుత్‌ శాఖకు బదిలీ చేసారు. ఇది అవమానంగా భావించిన సుభాష్‌ చంద్ర గార్గ్‌ , తన పదవికి స్వచ్ఛదంగా పదవీ విమరణ చేసి, 2019 అక్టోబర్ నెలలో రిలీవ్ అయిపోయారు. అయితే అనూహ్యంగా ఆయన రిటైర్డ్ అవ్వగానే, ఆంధ్రప్రదేశ్ ప్రభుత్వం ఆయనతో సంప్రదించి, ఆయనకు వెంటనే ప్రభుత్వంలో సలహదారు పదవి ఇచ్చింది. ఆంధ్రప్రదేశ్ రాష్ట్ర ప్రభుత్వానికి ఆర్ధిక సలహాదారుడుగా నియమితులు అయ్యారు. రాష్ట్రం ఉన్న ఆర్ధిక పరిస్థితిలో, ఇలాంటి సలహాదారులు కావాలని అనుకున్నారో ఏమో కానీ, రిటైర్డ్ అయిన వెంటనే ఆయన్ను తీసుకు వచ్చారు. అయితే ఎక్కడో ఉన్న సుభాష్‌ చంద్ర గార్గ్‌ కి, ఇక్కడ ఆంధ్రప్రదేశ్ ప్రభుత్వ పెద్దలకు ఎలా లింక కుదిరిందో తెలియదు కానీ, ఆయన్ను సలదారుడుగా పెట్టుకున్నారు.

ఆయన సలహాలు ఏ మేరకు ఉపయోగ పడుతున్నయో కానీ, ఆంధ్రప్రదేశ్ ఆర్ధిక పరిస్థితి ఎప్పుడూ లేని విధంగా దిగజారి పోతుంది. ఏడాదికి పెట్టుకున్న అప్పు అంచనాలు, ఆరు నెలల్లోనే రాష్ట్రం దాటేసింది. ఆదాయం పెరగటం లేదు, అప్పులు పెరిగిపోతున్నాయి. మరి సుభాష్‌ చంద్ర గార్గ్‌ గారి సలహాలు వర్క్ అవ్వటం లేదా, లేక ఆయన ఇచ్చే సలహాలు ఏమిటి అనేవి అర్ధం కావటం లేదు. ఇది ఇలా ఉండగానే, ఇప్పుడు సుభాష్‌ చంద్ర గార్గ్‌ సడన్ గా, కేంద్ర మంత్రి నిర్మలా సీతారామన్ ను టార్గెట్ చేస్తూ వ్యాఖ్యలు చేసారు. ఎప్పుడో అక్టోబర్ లో రిటైర్డ్ అయితే ఇప్పుడు ఆయన విమర్శలు చేస్తున్నారు. నిర్మలా సీతారామన్ తనను కావాలని టార్గెట్ చేసారని, నన్ను ఫైనాన్సు డిపార్టుమెంటు లో లేకుండా చేసారని, ఆమెతో పని చేయటం చాలా కష్టం అంటూ, తీవ్ర వ్యాఖ్యలు చేసారు. కేంద్ర ఆర్ధిక మంత్రి పై, గతంలో పని చేసిన కార్యదర్శి ఈ విధంగా వ్యాఖ్యలు చేయటంతో, ఇది నేషనల్ మీడియాలో కూడా హాట్ టాపిక్ అయ్యింది. అయితే ప్రస్తుతం రాష్ట్ర సలహాదారుగా ఉన్న గార్గ్, ఇలా కేంద్రాన్ని టార్గెట్ చేయటం వెనుక, రాష్ట్ర ప్రభుత్వ అజెండా కూడా ఏమైనా ఉందా అనే వార్తలు కూడా వచ్చాయి. నిర్మలా సీతారామన్, గతంలో రాష్ట్రానికి ఇచ్చిన ఆర్ధిక స్వేఛ్చ, ఇప్పుడు ఇవ్వటం లేదనే వాదన మధ్య, ఈ కొత్త అంశం చర్చకు దారి తీసింది.