news

ఆంధ్రప్రదేశ్ ప్రభుత్వం తీరు పై హైకోర్టు మరోసారి తీవ్ర ఆగ్రహం వ్యక్తం చేసింది. ప్రతి సారీ చట్ట వ్యతిరేక నిర్ణయాలతో హైకోర్టులో రాష్ట్ర ప్రభుత్వానికి ఇబ్బందులు వస్తున్నా, ఏ మాత్రం సరి చేసుకోకుండా, మళ్ళీ మళ్ళీ అవే తప్పులు చేస్తూ, రాష్ట్ర ప్రభుత్వం, కోర్టులలో అభాసుపాలు అవుతుంది. చట్ట వ్యతిరేక నిర్ణయాలు తీసుకుంటూ, మళ్ళీ మమ్మల్ని కోర్టులు కావాలని తప్పు బడుతున్నాయి, మేము మంచి పనులు చేస్తుంటే మాకు అడ్డు పడుతున్నారు అంటూ, మీడియా ముందు చెప్పుకోవటం చూసాం. తాజాగా ఒక ప్రాంతంలో ఇస్తున్న ఇళ్ళ స్థలాల విషయంలో, హైకోర్టు ఆగ్రహం వ్యక్తం చేసింది. మొత్తం ఇళ్ళ స్థాలాలు కాదు, కేవలం ఒక ప్రాంతంలో మాత్రమే అని గమనించాలి. విజయనగరం జిల్లాలో గుంపం అనే గ్రామంలో, దేవాయల భూములు తీసుకుని ఇళ్ళ స్థలాలకు ఇస్తూ ప్రభుత్వం నిర్ణయం తీసుకోవటంతో, ఆ గ్రామస్తులు ఎదురు తిరిగారు. గుడి భూములు తీసుకోవటానికి వీలు లేదని ఎదురు తిరిగారు. అయినా ప్రభుత్వం పట్టించుకోకుండా, అక్కడ మార్కింగ్ లు అవి చేస్తూ ఉండటంతో, ఆ గ్రామస్తులు ఆగ్రహం వ్యక్తం చేస్తూ, హైకోర్టు మెట్లు ఎక్కారు. ప్రభుత్వం, ఆలయాలకు సంబందించిన భూములు తీసుకుని, ఇళ్ళ స్థలాల పేరుతొ పంచి పెడుతుందని, దీని పై తగు ఆదేశాలు ఇవ్వాలి అంటూ వారు కోర్టుకు ఎక్కారు.

దీని పై స్పందించిన హైకోర్టు, రాష్ట్ర ప్రభుత్వం పై ఆగ్రహం వ్యక్తం చేసింది. మీకు ఆలయాల భూములు తీసుకోవాలనే నిబంధన ఎక్కడ ఉంది అంటూ ప్రశ్నించింది. దీని పై తమకు పూర్తి సమాచారం ఇవ్వాలని ప్రభుత్వాన్ని ఆదేశించింది. ఈ విషయం పై తమకు నాలుగు వారలు లోగా కౌంటర్ దాఖలు చేయాలని కోరింది. దీని పై తదుపరి ఉత్తర్వులు ఇచ్చే వరకు ఎలాంటి చర్యలు చేయవద్దు అంటూ, స్టే విధించింది. అయితే ఇప్పటికే ఇలా ఆలయాల భూముల్లో, మైనింగ్ భూముల్లో, ఆవ భూముల్లో, స్మశాన భూముల్లో, చెరువులు, మునక ప్రాంతాలలో, కొండలు, గుట్టల్లో , అటవీ భూముల్లో, మడ, ఆవ భూముల్లో, పశువుల మేత భూముల్లో, పాఠశాలల ఆటస్థలంలో, ఇలా అనేక చోట్ల ఇళ్ళ స్థలాలు అంటూ ప్రభుత్వం, ఎక్కడ పడితే అక్కడ ఇవ్వటంతో, సదరు పార్టీలు కోర్టుకు వెళ్ళటంతో, అక్కడ మాత్రమే కోర్టు తదుపరి చర్యలు తీసుకోవద్దు అంటూ స్టే విధించింది. అయితే, ఇవన్నీ కలిపినా 2 వేల ఎకరాలు కూడా ఉండదు, మరి మిగతా 30 - 40 వేల ఎకరాలు ప్రభుత్వం ఎందుకు పంచిపెట్టటంలో అర్ధం కావటం లేదు. పంచి పెట్టకుండా, కోర్టులు ఆపేశాయి అంటూ, ఎదురు దాడి చేసి తప్పించుకుంటున్నారు. మరి మిగతా చోట్ల భూ సమీకరణ జరగలేదో, మరేదైనా కారణమో కానీ, ఇళ్ళ పట్టాల విషయంలో ప్రభుత్వం ఇలా రాజకీయం చేస్తుంది.

పోలవరం విషయంలో రోజుకి ఒక షాకింగ్ వార్త కేంద్రం నుంచి వస్తుంది. పోలవరం ప్రాజెక్ట్ జాతీయ ప్రాజెక్ట్. ప్రతి రూపాయి కేంద్రం ఇస్తామని చెప్పింది. పూర్తి చేసే బాధ్యత మాది అని చెప్పింది. రాష్ట్ర ప్రభుత్వాన్ని ఏజెన్సీగా పెట్టుకుని, పోలవరం పనులు చేస్తున్నారు. గత ప్రభుత్వం, ముందుగానే డబ్బులు ఖర్చు పెడుతూ వచ్చింది. కేంద్రం నుంచి డబ్బులు రీయింబర్స్ అయ్యేవి. ఎన్నికల ముందు పోలవరం అంచనాలను రూ55 వేల కోట్లకు సాధించుకోవటంలో తెలుగుదేశం సక్సెస్ అయ్యింది. అయితే ఆ తరువాత మొత్తం మారిపోయింది. జగన్ ప్రభుత్వం రావటం, పోలవరం ప్రాజెక్ట్ పనులు ఆపేసి రివర్స్ టెండరింగ్ కి వెళ్ళటం. వెయ్యి కోట్లు వరకు మిగిలాయి అంటూ, ప్రచారం చేయటం ఇలా జరిగిపోయాయి. దాదపుగా ఆరు ఏడు నెలలు పోలవరం పనులు ఆగిపోయాయి. తరువాత కొత్త కాంట్రాక్టర్ వచ్చారు. అయితే పనులు మాత్రం నత్త నడకన సాగుతున్నాయి. ఇవి ఇలా జరుగుతూ ఉండగానే, గతంలో ఆమోదించిన రూ.55 వేల కోట్లు కాకుండా, కేవలం రూ.20 వేల కోట్లు మాత్రమే ఇస్తామని కేంద్రం అంటుంది. దీని పై చర్చ జరుగుతుంది. ఈ నేపదంలో అధికారంలో ఉన్న వైసీపీ ప్రభుత్వం, ఇదంతా తెలుగుదేశం పార్టీ వల్లే అంటూ ఎప్పటి లాగా రాజకీయ ఆరోపణలు మొదలు పెట్టింది. అప్పట్లో కేంద్ర క్యాబినెట్ ఆమోదిస్తే, చంద్రబాబు చూస్తూ కూర్చున్నారు అంటూ, ఒక రకమైన ప్రచారం మొదలు పెట్టారు. అయతే ఈ ప్రచారం పై తెలుగుదేశం పార్టీ తీవ్రంగా స్పందించింది.

ఆ నాటి క్యాబినెట్ నోట్ తో పాటుగా, అనేక డాక్యుమెంట్ లు బయట పెట్టారు. వైసీపీ తప్పుడు ప్రచారం చేస్తుందని, కేవలం తమ కేసులు కోసం, రాష్ట్రాన్ని తాకట్టు పెడుతున్నారని, రాజధానిని అలాగే చేసారని, ఇప్పుడు పోలవరం విషయంలో కూడా రాష్ట్రానికి తీవ్ర నష్టం చేస్తున్నారని వాపోయారు. అయితే వీరి ఇద్దరి మధ్య మాటలు యుద్ధం జరుగుతూ ఉండగానే, ఇప్పుడు మరో అంశం మీడియా వర్గాల్లో ప్రచారం అవుతుంది. పోలవరం అంచనాలు తగ్గింపు విషయం వచ్చిన తరువాత, కేంద్రం ఆర్ధిక మంత్రి నిర్మలా సీతారమాన్ మీడియా సమావేశం పెట్టారు. ఆ సమావేశంలో కేంద్ర పధకాల గురించి చెప్పారు. మీడియా సమావేశం అయిన తరువాత మీడియాతో చిట్ చేస్తూ ఉండగా, పోలవరం విషయం పై ఒక విలేఖరి మాట్లాడుతూ, రాష్ట్ర ప్రభుత్వం రివర్స్ టెండరింగ్ ద్వారా వెయ్యి కోట్లు ఆదా చేసామని చెప్తుంది కదా అని ప్రశ్నించగా, దానికి నిర్మలా సీతారమన్ మాట్లాడుతూ, అవును మంచి విషయం చెప్పారు, వెయ్యి కోట్లు ఆదా చేసారు, ఇది కూడా తుది అంచనాలలో తగ్గించాలి అంటూ, పక్కనే ఉన్న అధికారులకు, ఈ వెయ్యి కోట్ల గురించి చెప్పి, తుది అంచనాలలో తగ్గించమని కోరినట్టు తెలుస్తుంది. అంటే జగన్ గారి రివర్స్ టెండరింగ్ మరి రాష్ట్రానికి నష్టమో, కేంద్రానికి లాభమో, కాలమే నిర్ణయం తీసుకుంటుంది. మొత్తానికి అన్ని విధాలుగా పోలవరం పై కొర్రీలు పెడుతూ, ఖర్చులు తగ్గిస్తూ వస్తున్నారు అనమాట.

ప్రజా ప్రతినిధుల పై క్రిమినల్ కేసులకు సంబంధించి విచారణ వేగవంతం చేయాలి అంటూ, అమికస్ క్యూరి హన్సారియ ఇచ్చినటు వంటి నివేదికల పైన ఈ రోజు, సుప్రీం కోర్టులో విచారణ జరిగింది. జస్టిస్ ఎన్వీ రమణ నేతృత్వంలోని ధర్మాసనం ఈ కేసు విచారణ జరిగింది. అమికస్ క్యూరి హన్సారియ ఇచ్చిన నివేదికలో, ప్రజాప్రతినిధుల పై ఉన్న కేసుల విచారణ త్వరతిగతిన జరపించాల్సిన మార్గదర్శకాలు జారీ చేయాలి అంటూ, ఆయన సుప్రీం కోర్టుకు విజ్ఞప్తి చేసారు. దీని పై పూర్తి స్థాయిలో విచారణ జరిగింది. ప్రజా ప్రతినిధుల పై ఉన్న కేసులు ఏడాది లోపు విచారణ చేయాలని, 2015 నాటి సుప్రీం కోర్టు తీర్పు అమలు కాక పోవటాన్ని, బీజేపీ నేత అశ్వనీ కుమార్ ఉపాధ్య ప్రజా ప్రయోజన వ్యాజ్యం దాఖలు చేసారు. దానికి సంబంధించి, ఈ కేసును జస్టిస్ ఎన్వీ రమణ నేతృత్వంలోని ధర్మాసనం విచారణ చేపట్టింది. సత్వర విచారణ పై, వివిధ రాష్ట్రాల హైకోర్టుల నుంచి కూడా, వివరాలు కోరుతూ నివేదిక కోరింది. ఆ నివేదిక వచ్చిన తరువాత, అన్ని రాష్ట్రాలకు సంబంధించిన హైకోర్టులు ఇచ్చిన నివేదికలు ఆధారంగా, అమికస్ క్యూరి సుప్రీం కోర్టుకు తాజాగా ఒక నివేదిక సమర్పించారు. ఇందులో ముఖ్యంగా తమిళనాడుకు సమర్పించి, మద్రాస్ హైకోర్టు ఇచ్చినటు వంటి తీర్పులో, ప్రత్యేక కోర్టుల పై రాజ్యాంగా చెల్లుబాటుకు సంబంధించి మద్రాస్ హైకోర్టు న్యాయమూర్తులు అనేక సందేహాలు వ్యక్తం చేసారు.

దీంతో వీటి పై కూడా ఈ రోజు సుప్రీం కోర్టులో విచారణ జరిగింది. మద్రాస్ హైకోర్టు, నేరస్తుల ఆధారంగా కాకుండా, నేరాల ఆధారంగా ఈ ప్రత్యెక కోర్టులు ఉండాలంటూ వ్యాఖ్యానించటం సరి కాదు, దాన్ని సరిచేసుకోవాలని, రెండు వారాలు గడువు సుర్పీం కోర్టు ఇచ్చింది. ఈ రోజు ముఖ్యంగా ప్రత్యేక కోర్టులు, నోడల్ ఆఫీసర్ , జ్యుడీషియల్ ఆఫీసర్స్, సాక్షులకు రక్షణ, ప్రత్యెక కోర్టుల్లో వీడియో కాన్ఫరెన్సింగ్ లాంటి మౌళిక సదుపాయాల ఏర్పాటు, వాటి అన్నిటి పై సిఫార్సు చేయగా, ఈ రోజు వీటి పై ఆదేశాలు ఇచ్చే అవకాసం ఉంది. అలాగే కర్ణాటక, బెంగాల్ లో కేవలం ఒకే ప్రత్యేక కోర్ట్ ఉండటంతో, వాటిని పెంచే ఆదేశాలు కూడా ఇచ్చే అవకాసం ఉంది. ఇక ఇక్కడ మరో కీలకమైన విషయం ఏమిటి అంటే, అధిక శిక్షపడే కేసులను ముందు విచారణ చేయాలనీ, సిట్టింగ్ ప్రజాప్రతినిధుల కేసులకు ప్రాధాన్యం ఇచ్చి, వారి సంగతి ముందు చూడాలని కోర్టుకు తెలిపారు. కోర్టు దీని పై సానుకూలంగా స్పందించినట్టు తెలుస్తుంది. అంటే ఇప్పుడు సిట్టింగ్ స్థానాల్లో ఉన్న వాళ్ళు, అలాగే ఎక్కువ నేరారోపణ ఉన్న వాళ్ళ కేసులు ముందుగా విచారణ చేస్తారు. దీని పై ఈ రోజు కానీ, రేపు కానీ మార్గదర్శకాలు ఇచ్చే అవకాసం ఉంది.