news

ఆంధ్రప్రదేశ్ రాష్ట్రంలో మరో కొత్త ఇసుక పాలసీ వస్తుంది. గత తెలుగుదేశం ప్రభుత్వం హయంలో ఇసుక ఫ్రీగా ఇచ్చే వారు. కేవలం రవాణా చార్జీలు పెట్టుకుంటే సరి పోయేది. ట్రాక్టర్ 1500, లారీ 4 వేలుకు ఇసుక దొరికేది. జగన్ ప్రభుత్వం వచ్చిన తరువాత, కొత్త ఇసుక పాలసీ తెచ్చారు. అప్పటి నుంచి అటు నిర్మాణాలు చేసే వారికి, ఇటు పనులు చేసుకునే వారికి, ఇసుక దొరక్క తీవ్ర ఇబ్బందులు పడ్డారు. ఇసుక రేటు కూడా నాలుగు అయుదు రెట్లు పెరిగింది. అయితే కొత్త పాలసీ కాబట్టి కొంత సమయం పడుతుందని భావించినా, 18 నెలలు అయినా అవే కష్టాలు. దీంతో ప్రజల్లో తీవ్ర వ్యతిరేకత రావటంతో, కొత్త ఇసుక పాలసీ కోసం క్యాబినెట్ సబ్ కమిటీని నియమించారు. ఈ రోజు క్యాబినెట్ సబ్ కమిటీ కొత్త ఇసుక పాలసీ రిపోర్ట్ ని, ఈ రోజు జరిగిన క్యాబినెట్ ముందు పెట్టింది. క్యాబినెట్ ఆ రిపోర్ట్ ని ఆమోదించింది. దీంతో కొత్త ఇసుక పాలసీ త్వరలోనే, అందుబాటులోకి రానుంది. అయితే ఈ కొత్త ఇసుక పాలసీ పై కూడా అనేక అనుమానాలు వస్తున్నాయి. రాష్ట్రంలోని ఇసుక రీచ్ లు అన్నీ ఒక సంస్థకు అప్పగించాలని నిర్ణయం తీసుకున్నారు. అయితే ముందుగా కేంద్ర ప్రభుత్వ రంగ సంస్థలకు ఈ ఇసుక రీచ్ లు నిర్వహణ బాధ్యతలు అప్ప చెప్పాలని, ఒకవేళ కేంద్ర సంస్థలు ముందుకు రాకపోతే, పేరు గాంచిన ప్రైవేటు సంస్థలకు ఓపెన్ టెండర్ ద్వారా ఇవ్వాలని నిర్ణయం తీసుకున్నారు.

అయితే ఇక్కడే అందరికీ అనుమానాలు వస్తున్నాయి. ఇలా ఒకే సంస్థకు ఇస్తే, అవినీతిని అరికట్టవచ్చని ప్రభుత్వం భావిస్తుంది. అయితే ప్రభుత్వ రంగ సంస్థలు రాకపోతే, ప్రముఖ కంపెనీకి మొత్తం ఇసుక రీచ్ లు ఇచ్చేస్తాం అని చెప్పటంలోనే గోల్ మాల్ ఉందని తెలుగుదేశం ఆరోపిస్తుంది. ఇది ప్రజలకు మేలు చేసే నిర్ణయం కాదని, ఒక బడా కాంట్రాక్టర్ కు కట్టబెట్టే నిర్ణయం అని, దీని వెనుక దోచుకునే కుట్ర ఉంది అంటూ తెలుగుదేశం నేత బొండా ఉమా ఆరోపిస్తున్నారు. మేము గత నెల రోజులగా ఆరోపిస్తున్నట్టే, ఒకే ప్రైవేటు సంస్థకు ఇసుక అప్పచేప్తున్నారని, ఆ ఒక్కరు ఎవరో అందరికీ తెలుసు అని విమర్శించారు. గతంలో రెడ్డి అండ్ కంపెనీ ఇసుకను దోచేస్తే, ఇప్పుడు శేఖర్ రెడ్డి అనే ఇసుకమాఫియా కింగ్ కు రాష్ట్రంలోని ఇసుకను గంపగుత్తగా అప్పగించబోతున్నారని బొండా ఉమా ఆరోపించారు. ఏపీలో ఏపీఎండీసీ సంస్థ ఉందని, ఈ ప్రభుత్వానికి నిజంగా మేలుచేయాలన్న చిత్తశుద్ధే ఉంటే, ఇసుకసరఫరా బాధ్యతను ఆసంస్థకు ఎందుకు అప్పగించడంలేదని, ఉచిత ఇసుక విధానాన్ని ఎందుకు అమలుచేయడంలేదని బొండా ఉమా ప్రభుత్వాన్ని నిలదీశారు.

అమరావతి భూములు అంశంలో ఆంధ్రప్రదేశ్ ప్రభుత్వం దఖలు చేసినటువంటి పిటీషన్ ఈ రోజు సుప్రీం కోర్టులో విచారణకు వచ్చింది. ఈ పిటీషన్ ను, జస్టిస్ అశోక్ బూషన్ నేతృత్వంలోని త్రిసభ్య ధర్మాసనం, విచారణ చేసింది. ఆంధ్రప్రదేశ్ ప్రభుత్వం తన మంత్రులతో ఒక సబ్ కమిటీ ఏర్పాటు చేసింది. సహజంగానే ఈ మంత్రులు సబ్ కమిటీ, అమరావతిలో పెద్ద ఎత్తున అవినీతి జరిగింది అంటూ, గతంలో సాక్షిలో వచ్చిన అంశాలతో పాటు మరికొన్ని అంశాలు చెప్పింది. దీంతో ఈ క్యాబినెట్ సబ్ కమిటీ, అమరావతిలో అక్రమాలు జరిగాయని తేల్చటంతో, దీని పై రాష్ట్ర ప్రభుత్వం మరో సిట్ వేసింది. అయితే ఇది కావాలని రాజకీయ కక్ష సాధింపులో భాగంగా చేస్తున్న పనులు అని, ఒక్క ఆధారం కూడా చూపించకుండ, సిట్ వేసారని, కోర్టుకు వెళ్ళటంతో, హైకోర్టు క్యాబినెట్ సబ్ కమిటీ రిపోర్ట్ పై, అలాగే సిట్ పై స్టే వేధించింది. దీంతో హైకోర్టు ఆదేశాలు తమకు అనుకూలంగా రాకపోవటంతో, ఆంధ్రప్రదేశ్ ప్రభుత్వం సుప్రీం కోర్టుకు వెళ్ళింది. హైకోర్టు ఇచ్చిన ఆదేశాల పై స్టే ఇవ్వాలని సుప్రీం కోర్టుకు వెళ్ళింది. దీని పై ఈ రోజు విచారణ జరిగింది. రాష్ట్ర ప్రభుత్వం తరుపున, సీనియర్ న్యాయవాది దుష్యంత్ దవే వాదనలు వినిపించారు.

ఆంధ్రప్రదేశ్ ప్రభుత్వం, గత ప్రభుత్వ హయంలో , అమరావతిలో జరిగిన వాటి పై ఒక క్యాబినెట్ సబ్ కమిటీ నియమించిందని, ఆ క్యాబినెట్ సబ్ కమిటీ ఆరు నెలలు పాటు అనేక అంశాలు పరిశీలించి, అవకతవకలు జరిగాయని నిర్ధారించుకుని, ఆ అంశాల పై విచారణ చేయటానికి సిట్ ని ఏర్పాటు చేసిందని, ప్రభుత్వం సుప్రీం కోర్టు ముందు వాదనలు వినిపించింది. అసలు ఈ విషయానికి సంబంధం లేని వ్యక్తులు, సిట్ కు వ్యతిరేకంగా హైకోర్టులో పిటీషన్ దాఖలు చేస్తే, హైకోర్టు దాని పై స్టే విధించటం సరి కాదని, రాష్ట్ర ప్రభుత్వం వాదించింది. హైకోర్టు ఇచ్చిన స్టే ఎత్తివేయాలని, సుప్రీం కోర్ట్ ని రాష్ట్ర ప్రభుత్వం కోరింది. అయితే ఈ వాదనలు విన్న సుప్రీం కోర్టు, హైకోర్టు స్టే ఎత్తివేయటానికి ఒప్పోకోలేదు. ముందుగా ప్రతి వాదులకు నోటీసులు ఇచ్చి, దీని పై వారి వాదన కూడా వింటామని, వారికి నోటీసులు ఇచ్చి, నాలుగు వారాలు సమయం కేటాయించి, అప్పటి లోగా అఫిడవిట్ దాఖలు చేయాలనీ, ఈ కేసుని నాలుగు వారాలకు వాయిదా వేసింది. అయితే రాష్ట్ర ప్రభుత్వం కోరినట్టు, ఇప్పటికిప్పుడు హైకోర్టు ఇచ్చిన స్టే ఎత్తివేయటానికి ఒప్పోకోలేదు.

ఈ రోజు రాష్ట్ర బీజేపీ అధ్యక్ష్యుడు మాట్లాడుతూ, పోలవరంలో చంద్రబాబు అవినీతి చేసారు అంటూ, మాట్లాడారు. చంద్రబాబు దిగిపోయి 18 నెలలు అయినా, కేంద్రం పోలవరంలో అవినీతి జరగలేదని చెప్పినా, ఇప్పటి కొత్త ప్రభుత్వం పోలవరం పనులు నత్త నడకన చేస్తున్నా, వారిని కాకుండా తెలుగుదేశం పార్టీని నిందించటం చూసి,అందరూ ఆశ్చర్య పోయారు. అయితే ఈ అబద్ధాలను తెలుగుదేశం పార్టీ ఖండించింది. ఆ పార్టీ నేత, మాజీ మంత్రి జవహర్, ఘాటుగా స్పందించారు. ఆయన మాటల్లోనే "ఈ రోజు రాష్ట్ర బీజేపీ అధ్యక్షులు సోము వీర్రాజు గారు, చంద్రబాబు గారు అవినీతి అంటూ మాట్లాడుతున్న మాటలు చూస్తా ఉంటే, ఏమి తెలియని వ్యక్తికి పదవి ఇస్తే అదో రకం, అదే విధంగా అన్నీ తెలిసిన వ్యక్తికి పదవి ఇస్తే అదో రకం, అలా కాకుండా తెలిసీ తెలియని వాళ్లకు ఇస్తే, సోము వీర్రాజు రకంగా ఉండాల్సిన పరిస్థితి ఈ రోజు చూస్తూ ఉన్నాం. పార్లమెంట్ సాక్షిగా జలవనరులు శాఖ, పోలవరం మీద ఎలాంటి అవినీతి జరగలేదని, పార్లమెంట్ సాక్షిగా చెప్పిన పరిస్థితి కేంద్ర బీజేపీ ప్రభుత్వంలో ఉంటే, అదే ప్రభుత్వ పార్టీకి, రాష్ట్ర అధ్యక్షుడిగా ఉన్న సోము వీర్రాజు గారు, చంద్రబాబు అవినీతి చేసాడు అంటున్నారు. ఏదైతే పోలవరంలో అవినీతి జరిగింది, చంద్రబాబు సమయంలో, ఆ అవినీతి పై మీరు ఎందుకు మాట్లాడటం లేదని, సోము వీర్రాజు గారు, జగన్ గారిని ప్రశ్నిస్తూ మాట్లాడుతూ ఉన్నారు. ఎందుకంటే సోము వీర్రాజు గారు మేము ఒకటే చెప్తూ ఉన్నాం. జగన్ మోహన్ రెడ్డి ప్రభుత్వం ఇరుకున పడినప్పుడు కానీ, జగన్ రెడ్డి ప్రభుత్వం ఫాల్ డౌన్ అయ్యే పరిస్థితి కానీ, జగన్ రెడ్డి ప్రభుత్వం ప్రజల్లో ఎక్కడ తిరస్కారానికి గురి అవుతుందో అనే పరిస్థితి వచ్చినప్పుడు, భయంతో, సోము వీర్రాజు లాంటి వాళ్ళు, అప్పుడప్పుడు నిద్ర లెగిసి వచ్చి స్టేట్మెంట్ లు ఇస్తూ ఉంటారు."

"సోము వీర్రాజు గారు మీకు, ఏదైతే కేంద్ర జల శక్తి మంత్రి గారి ఫోన్ నెంబర్ లేకపోతే నేను పంపుతాను. మీరు ఆయన్ను కనుక్కోండి అవినీతి జరిగిందో లేదో. ఈ రోజు రాష్ట్ర వ్యాప్తంగా ఈ వైరస్ ని అరికట్టటంలో రాష్ట్రం ఫెయిల్ అయితే, ఎన్నికలు జరపటం కుదరదు అనే వ్యక్తులు, స్కూల్స్ తెరిచి పిల్లల భవిష్యత్తుతో ఆడుకుంటుంటే, దాని పై మీరు స్పందించండి. అదే విధంగా టిడ్కోకి సంబంధించి, మాట్లాడతా ఉన్నారు. ఈ రోజు ఆవ భూముల్లో జరిగిన అవినీతి గురించి మాట్లాడండి. అవినీతి పరులు మీ పక్కనే ఉన్నారు, వారిని నిలదీయండి. ఈ రోజు సోము వీర్రాజు గారికి ఒకటే సూచన చేస్తూ ఉన్నాం. నా ఇల్లు , నా సొంతం అని మేము కార్యక్రమం చేస్తున్నాం. దానికి మీరు మద్దతు తెలియ చేయండి. ప్రభుత్వ అవినీతిని, అలక్ష్యతను ప్రశ్నించండి. అప్పుడు మిమ్మల్ని బీజేపీ నాయకుడిగా మిమ్మల్ని ప్రజలు గుర్తిస్తారు కాని, చంద్రబాబు పై ఉన్నవి లేనివి చెప్పి, అవినీతి జరగలేదని మీ కేంద్ర ప్రభుత్వం చెప్తుంటే, జరిగిందని మీరు చెప్తున్నారు కదా, మీరు కేంద్రంతో విచారణ జరపించుకోండి. చంద్రబాబు హయంలో 72 శాతం చేస్తే, ఇప్పుడు పనులు నత్తనడక కొనసాగుతున్నా, అవి మాట్లాడరు. రివర్స్ టెండరింగ్ లో చేసిన అవినీతి చెప్పారు. అవి చెప్పండి. ప్రజలు హర్షిస్తారు." అని జవహర్ అన్నారు.