news

విషవాయువు లికెజ్ ఘటనలో 12 మంది ప్రాణాలను హరించి, వందలాది మందిని ఆసుపత్రి పాల్టేసిన వెంకటాపురం ఎల్జీ పాలిమర్సు కంపెనీ 'కన్సుంట్ ఫర్ ఆపరేషన్' రద్దయింది. ఈమేరకు సెంట్రల్ పొల్యూషన్ కంట్రోల్ బోర్డు ఉత్తర్వులు జారీచేసింది. సాధారణంగా ఏదేని ఫాక్టరీలు తమ ఉత్పత్తుల కార్యకలాపాలు కొనసాగించాలంటే ప్రధానంగా కన్సుంట్ ఫర్ ఆపరేషన్ సర్టిఫికేట్ తప్పనిసరి. వాతావరణ సమతుల్యతను దెబ్బతీయకుండా, పరిసర ప్రాంతాలలో ఎటువంటి కాలుష్యం వెదజల్లకుండా ప్రొడక్షన్ చేపడతామంటూ సంస్థ అందజేసిన ఒప్పుదల అంగీకార వత్రం మేరకు సెంట్రల్ పొల్యూషన్ కంట్రోల్ బోర్డు విచారణ చేసి నమ్మకం కుదిరిన అనంతరం ఆ సంస్థకు సిఎఫ్ఓను జారీచేస్తుంది. ఈ మేరకు సదరు సిఎఫ్ఓలో పొందుపరిచిన నిబంధనలనన్నింటిని తూచా తప్పకుండా సంస్థ పాటించాల్సి వుంటుంది.

అయితే ఎల్జీ సంస్థ నుంచి ప్రమాదకర విషయవాయువు లీకవడం, మరణాలు సంభవించడం, వందలాది మంది రోగగ్రస్తులు కావడం వంటి అంశాలను పరిగణలోకి తీసుకున్న సిపిసిబి కొరడా ఝుళిపించింది. ఎట్టి సంస్థకు చెందిన సిఎఓ సర్టిఫికేట్ ను రద్దు చేసింది. దీంతో ఎల్జీ సంస్థ ఎటువంటి ఉత్పత్తులను చేపట్టరాదు. మరో పక్క కేంద్ర ప్రభుత్వం వత్తిడికి మేరకు ఎల్జీ పాలిమర్స్ యాజమాన్యం విశాఖ యూనిట్లోని స్టెరైన్ తరలింపు ప్రక్రియను వేగవంతం చేసింది. గ్యాస్ లీకేజీ సంభవించిన ట్యాంకులోప్రస్తుతం 73 డిగ్రీల సెంటీగ్రేడ్ ఉందని, ప్రస్తుతం సురక్షిత స్థాయిలో ఉందని కలెక్టర్ సోమవారం విడుదల చేసిన ప్రకటనలో పేర్కొన్నారు. ప్రస్తుతం స్టెరైన్ 100 శాతం పాలిమరైజ్ అయిందని అధికారుల నివేదికలు పేర్కొన్నాయి. పరిశ్రమలో సామర్థ్యానికి మించి స్టెరీన్ నిల్వలున్నట్టు అధికారులు గుర్తించారని తెలుస్తోంది.

దీంతో ఈ నిల్వలను కొరియాకు తరలించేందుకు యుద్ధప్రాతి పదికన చర్యలు మొదలు పెట్టారు. దీనిపై పరిశ్రమ యాజమాన్యం ముందుగా 8వేల టన్నులను వెసల్ ద్వారా దక్షిణ కొరియాకు తరలిస్తున్నట్టు కలెక్టర్ వివరించారు. మరొక వెసల్ కూడా అందుబాటులోకి వచ్చిందని మరో అయిదురోజుల్లో 13వేల టన్నుల స్టెరైన్ తరలించడానికి ముమ్మర ప్రయత్నాలు చేస్తున్నట్టు కలెక్టర్ స్పష్టం చేశారు. దీనిపై అత్యున్నత స్థాయి బృందం కంపెనీలో నిశిత పరిశీలన చేసిందని, ఒకప్రణాళిక ప్రణాళిక కూడా రూపొందిస్తుందని పేర్కొన్నారు. ఎల్జీ సంస్థ ప్రాంగణంలో వున్న 2700 లీటర్లతో పాటు ఈస్ట్రన్ పవర్ పెట్రో కెమికల్స్ ప్రయివేట్ లిమిటెడ్ వద్ద వున్న నిల్వలతో కలిపి సుమారు 13000 టన్నుల స్టెరీను సౌత్ కొరియా పంవనున్నారు.. సోమవారం నాటికే 8000 టన్నుల స్టెరీన్ వెనకకు పంపినట్టు తెలుస్తుంది. కాగా అంతర్జాతీయ మార్కెట్ లో ఒక టన్ను స్టెరీన్ విలువ సుమారు 85 వేల రూపాయలు పలుకుతుంది. ఈ మేరకు సుమారు 110 కోట్ల రూపాయల స్టెరీర్‌ను విశాఖ నుంచి సౌత్ కొరియా పంపుతుండడం గమనార్హం.

ఆంధ్రప్రదేశ్ రాష్ట్రానికి అమరావతి రాజధానిగా ఉంటే, అమరావతి కాదు, రాష్ట్రానికి మూడు ముక్కల రాజధానులు చేస్తాం, ఒక ముక్క విశాఖపట్నంలో, ఒక ముక్క కర్నూల్ లో, ఒక ముక్క అమరావతిలో పెడతాం అంటూ, రాష్ట్ర ప్రభుత్వం, గత ఏడాది సెప్టెంబర్ లో ప్రకటించిన సంగతి తెలిసిందే. అయితే, అమరావతి రాజధాని అని, 5 కోట్ల ఆంధ్రులకు మంచి రాజధాని కోసం, 33 వేల ఎకరాలు భూములు ఇచ్చిన రైతులు అన్యాయం అయిపోయారు. జగన్ మోహన్ రెడ్డికి ఎంత మోర పెట్టుకున్నా, పట్టించుకోలేదు. దాదాపుగా 150 రోజులుగా ఆందోళన చేస్తూనే ఉన్నారు. అసెంబ్లీకి, సెక్రటేరియట్ కు వెళ్ళే సమయంలో, అమరావతి రాజధాని గ్రామాల మీదుగా వెళ్తున్నా, వాళ్ళు చేస్తున్న ఆందోళనను మాత్రం జగన్ మోహన్ రెడ్డి కాని, ఒక్క మంత్రి కాని, కనీసం ఒక అధికారి కూడా వచ్చి పట్టించుకోలేదు. దాంతో, కొంత మంది రైతులు హైకోర్ట్ మెట్లు ఎక్కారు. ఇదే సందర్భంలో, ప్రభుత్వం, అమరావతి పై కక్ష తీర్చుకునే పనిలో, అనేక పనులు చేసింది అనే ఆరోపణలు ఉన్నాయి.

ముఖ్యంగా అమరావతి రాజధాని కోసం ఇచ్చిన భూముల్లో, వేరే ప్రాంతం వారికి నవరత్నాల పధకంలో భాగంగా, ఇళ్ళ పట్టాలు ఇవ్వటం లాంటివి ఉన్నాయి. అయితే దీని పై కూడా రైతులు ఎదురు తిరిగారు. ప్రభుత్వం ఇక్కడ కూడా దిగి రాక పోవటంతో, హైకోర్ట్ కు ఎక్కారు. విశాఖకు రాజధానిని తరలించే విషయం పై, హైకోర్ట్ లో వాదనలు జరగగా, రెండు బిల్లులు, చట్ట సభల్లో ఉన్నాయని, మండలిలో సెలెక్ట్ కమిటి ముందుకు రెండు బిల్లులు వెళ్లాయని, ప్రభుత్వం కోర్ట్ కు తెలిపింది. దీంతో కోర్ట్ కూడా, ఈ విషయం పై తొందర పడ కుండా, ఈ రెండు బిల్లులు విషయం శాసనమండలిలో తేలే వరకు, ఈ ప్రక్రియ ముందుకు వెళ్ళదు కాబట్టి, వాయిదా వేసుకుంటూ వస్తుంది. ఇదే సందర్భంలో, మరో వార్త అమరావతి రైతులను కంగారు పెట్టింది.

సచివాలయ ఉద్యోగులు సమావేశం అయ్యి, మే నెల నాటికి విశాఖ వెళ్ళాలి అంటూ, కొంత మంది తీర్మానించటంతో, మళ్ళీ రైతులు కోర్ట్ మెట్లు ఎక్కారు. దీని పై సమాధానం చెప్పాల్సిందిగా, హైకోర్ట్ ప్రభుత్వాన్ని కోరింది. దీంతో ప్రభుత్వం, కీలక విషయాలు చెప్తూ, అఫిడవిట్ దాఖలు చేసింది. రాజధాని తరలింపు, పేదలకు ఇళ్ల స్థలాలపై హైకోర్టులో కౌంటర్ దాఖలు చేసింది ఏపీ ప్రభుత్వం. చట్ట సభల్లో బిల్లులు పెండింగ్ లో ఉన్నాయిని, దీనికి సంబంధించిన ప్రక్రియ పూర్తైన తరువాతే రాజధాని తరలింపు పై నిర్ణయం తీసుకుంటామని ప్రభుత్వం కోర్ట్ కు తెలిపింది. సెక్రటేరియట్ ఉద్యోగుల సమావేశం గురించి తమకు సమాచారం లేదన్న ఏపీ ప్రభుత్వం, ఇళ్ల స్థలాలకు సంబంధించి సుప్రీంకోర్టులో వేసిన పిటిషన్ పెండింగ్ లో ఉందని కోర్ట్ కు తెలిపింది. సుప్రీంకోర్టు తీర్పు వచ్చే వరకు విచారణను నిలిపివేయాలని కౌంటర్‌లో ప్రభుత్వం పేర్కొంది.

ఆంధ్రప్రదేశ్ రాష్ట్ర ప్రభుత్వం వ్యవహరిస్తున్న తీరు పై, తెలంగాణా రాష్ట్ర ముఖ్యమంత్రి కేసీఆర్ ఆగ్రహం వ్యక్తం చేసారు. ఏపీ ప్రభుత్వం జారీ చేసిన 203 జీవో పై తెలంగాణ సీఎం కేసీఆర్ ఆగ్రహం వ్యక్తం చేసారు. శ్రీశైలం ప్రాజెక్టు నుంచి కృష్ణా నీటిని లిఫ్ట్ చేస్తూ కొత్త ఎత్తిపోతల పథకం నిర్మించాలన్న ఆంధ్రప్రదేశ్ నిర్ణయం తీవ్ర అభ్యంతరకరం అని కేసీఆర్ అన్నారు. ఆంధ్రప్రదేశ్ ప్రభుత్వ నిర్ణయం విభజన చట్టానికి విరుద్ధమన్న కేసీఆర్, తెలంగాణ ప్రయోజనాలకు విరుద్ధమైన ప్రాజెక్టుపై న్యాయ పోరాటం చేస్తాం అని అన్నారు. ఆంధ్రప్రదేశ్ ప్రభుత్వ నిర్ణయంపై కృష్ణా వాటర్ మేనేజ్ మెంట్ బోర్డులో తెలంగాణ ప్రభుత్వం తరపున ఫిర్యాదు చేయాలని అధికారులకు ఆదేశాలు ఇచ్చారు కేసీఆర్. అపెక్స్ కమిటీ ఆమోదం లేకుండా కొత్త ప్రాజెక్టు నిర్మాణం చేయడం ఆంధ్రప్రదేశ్ ప్రభుత్వ తప్పిదం అని అన్నారు. తెలంగాణను సంప్రదించకుండా ఏపీ ప్రభుత్వం నిర్ణయం తీసుకుందని ఆగ్రహం వ్యక్తం చేసారు.

ఏపీ ప్రభుత్వం జారీ చేసిన జీవోపై తీవ్ర అభ్యంతరం చేసారు. "గత వివాదాలను పక్కన పెట్టి ఏపీకి స్నేహ హస్తం అందించాం, భేషజాలు లేకుండా నీటిని వాడుకుందామని నేనే చొరవ చూపించా, అయినా ఏపీ ప్రభుత్వం మమ్మల్ని సంప్రదించలేదు, తెలంగాణ ప్రయోజనాలకు భంగం కలిగితే రాజీ పడే ప్రసక్తే లేదని" కేసీఆర్ ఆగ్రహం వ్యక్తం చేసారు. ఇద్దరం పరస్పరం సహకరించుకుని, నీళ్ళు వాడుకుందాం అని అనుకున్నాం, కాని ఏపి చర్య దీనికి విరుద్ధంగా ఉందని అన్నారు. దీని పై ఏపి క్లారిటీ ఇచ్చింది. పోతిరెడ్డిపాడు హెడ్ రెగ్యులేటర్ సామర్థ్యాన్ని 44 వేల క్యూ సెక్కుల నుండి 80 వేలకు పెంచేందుకు జగన్మోహన్ రెడ్డి నిర్ణయం తీసుకున్నట్లు రాష్ట్ర జలవనరుల శాఖ మంత్రి అనిల్‌కుమార్‌యాదవ్ పేర్కొన్నారు. సోమవారం సాయంత్రం నెల్లూరులోని జిల్లా పరిషత్ కార్యాలయంలో ఆయన మీడియాతో మాట్లాడుతూ పోతిరెడ్డిపాడు హెడ్ రెగ్యులేటర్ విస్తరణకు ముఖ్యమంత్రి తొలిదశలోనే రూ. 7 వేల కోట్ల రూపాయలకు పాలనాపరమైన అనుమతులు ఇవ్వడం జరిగిందన్నారు.

కృష్ణానదీ నీటి ప్రవాహానికి సంబంధించి పవర్ మేనేజ్మెంట్ బోర్డు లెక్కల ప్రకారమే తెలంగాణా, ఆంధ్రప్రదేశ్ వినియోగించుకుంటాయని పేర్కొన్నరు మంత్రి. ఈ విషయాన్ని రాజకీయం చేయడం సరికాదన్నారు. ఈ లెక్కలకు మించి ఒక్క చుక్క అధికంగా వాడుకొనేందుకు ఎవరికీ అవకాశం లేదన్నారు. గత ప్రభుత్వం తెలంగాణా ప్రభుత్వంలో నిత్యం ఘర్షణ వాతావరణం వుండేదని పేర్కొన్న అయన తమ ప్రభుత్వం అందుకు భిన్నంగా వ్యవహరిస్తోందన్నారు. అదే సమయంలో రాష్ట్ర ప్రజల ప్రయోజనాలను కాపాడుకొనే విషయంలో వెనుకంజ వేసేది లేదని పేర్కొన్న జలవనరులశాఖామంత్రి. అయితే గతంలో చంద్రబాబు ఇదే విషయం పై, అసెంబ్లీలో మాట్లాడుతూ, పక్క రాష్ట్రంకు మన హక్కులు తాకట్టు పెట్టవద్దు అని చెప్పిన విషయం తెలిసిందే. ఇప్పుడే అదే నిజం అవుతుంది.