others

గన్నవరంలోని, బాపులపాడు మండలం మల్లవల్లి, అభివృద్ధి దిశగా పరుగులు పెడుతోంది... రాష్ట్రం ఇండస్ట్రియల్ హబ్ గా పరిగణించి, పరిశ్రమలు నెలకొల్పటం, మరో పక్క కేంద్ర ప్రభుత్వం రాష్ట్రానికి మంజూరు చేసిన మెగా ఫుడ్‌పార్కు నెలకొల్పటంతో లేఔట్ కు, సీఆర్డీఏ అనుమతులు ఇచ్చింది. దీంతో, మెగా ఫుడ్ పార్కు ప్రాంతాన్ని, ఏపీఐఐసీ శరవేగంగా మౌలకి వసతులు కలిపిస్తుంది. ఇప్పటికే రోడ్ల నిర్మాణం ఒక కొలిక్కివచ్చింది. ఫుడ్‌పార్కు అవసరాలకోసం మొత్తం అయిదు రహదారుల్ని నిర్మిస్తున్నారు. ఉద్యానశాఖ మామిడి నర్సరీ కోసం ఉపయోగిస్తున్న వందెకరాలను కేటాయించారు. ఈ మెగా ఫుడ్‌పార్కు ప్రాజెక్ట్ కు కేంద్ర, రాష్ట్ర ప్రభుత్వాలు రూ.100 కోట్లను వెచ్చించనున్నాయి. ఇప్పటికే, రోడ్లు డ్రెయిన్ల నిర్మాణం దాదాపు పుర్తియ్యింది. ఈ 100 ఎకరాల్లో, ఆహార పరిశ్రమలకు ఫ్లాట్ల్ కేటాయింపుపై కసరత్తు పూర్తి చేశారు. ఆహార పరిశ్రమల పెట్టుబడి, వాటి సాయిని దృష్టిలో ఉంచుకుని ఫ్లాట్ల్ కేటాయిస్తారు.

అలాగే వివిధ రకాల పరిశ్రమల స్థాపనకు ప్రభుత్వం భూ కేటాయింపులు జరిపేందుకు సిద్ధంగా ఉంది. ఇందు కోసం, ఇండస్ట్రియల్ హబ్ కోసం, మాస్టర్ ప్లాన్ రూపకల్పన చేసే పనిలో ఉంది, ఏపీఐఐసీ. మాస్టర్ ప్లాన్ రూపొందించే బాధ్యతను ఎల్ అం డ్ టీ సంస్థకు అప్పగించింది.

మల్లవల్లిలో ఫుడ్‌ పార్క్‌కు కేటాయించిన భూములు మినహాయిస్తే ప్రస్తుతం 1250 ఎకరాల ల్యాండ్‌బ్యాంక్‌ ఉంది. ఖనిజాలను శుద్ధి చేయటంలో దేశంలోనే పేరుగాంచిన ’ ఇందాని ’ గ్రూప్‌ సంస్థ మల్లవల్లిలో గోల్డ్‌ రిఫైనరీ యూనిట్‌ను ఏర్పాటు చేయాలని నిర్ణయించింది. 30 ఎకరాల కోసం ప్రతిపాదించింది. అశోక్‌ లేల్యాండ్‌ కంపెనీ దక్షిణ భారత స్థాయిలో వెహికల్‌ బాడీ బిల్డింగ్‌ యూనిట్‌ను ఏర్పాటుకు 100 ఎకరాలు కావాలని ప్రతిపాదించింది. కుమార్‌ - సింటెక్స్‌ సంస్థ కూడా భారీ యూనిట్‌ను ఇక్కడ ఏర్పాటు చేయాలని నిర్ణయించింది. సింటెక్స్‌ పేరుతో ఉత్పత్తులన్నీ కూడా ఇక్కడే తయారు చేయటానికి రంగం సిద్ధం చేస్తోంది. దీని కోసం 100 ఎకరాలు కావాలని ప్రతిపాదించింది. ఇంకా అనేక సంస్థలు ఇటు వైపు చూస్తున్నాయి. త్వరలోనే వాటి నుంచి కన్ఫర్మేషన వచ్చే అవకాశం ఉంది.

మల్లవల్లిలో భూములు ఉండటం, మౌలిక సదుపాయాల కోసం ఏపీఐఐసీ చర్యలు చేపడుతుండటంతో పారిశ్రామిక వేత్తలు ఆసక్తి చూపిస్తున్నారు. ఇలాంటి సమయంలో మల్లవల్లి సమీప ప్రాంతాలలో ఏపీఐఐసీ భారీ స్తాయిలో భూ బ్యాంక్‌ను సిద్ధం చేసుకోవాల్సిన అవసరం ఉంది.

జాతీయ మహిళా పార్లమెంటరీ (నేషనల్ ఉమెన్స్ పార్లమెంట్ ) సదస్సు, ఫిబ్రవరి, 10, 11, 12 తేదీల్లో ఆంధ్రప్రదేశ్ రాజధాని ప్రాంతం అయిన ఇబ్రహీంపట్నం పవిత్ర సంగమం ప్రాంతంలో జరగున్నది. మ‌హిళా సాధికారిత, జాతీయ నిర్మాణ రంగంలో మహిళల ప్రాధాన్యత, అన్ని రంగాలలో మహిళ ఆత్మగౌరవాన్ని పెంపొందించే విధంగా జాతీయ మహిళా పార్లమెంటరీ సదస్సును ప్రతిష్టాత్మకంగా నిర్వహించనున్నారు. సీఎం చంద్ర‌బాబు ప్రోత్సాహంతో గోదావరి, కృష్ణా నదుల సంగమం ప్రాంతం అయిన పవిత్ర సంగమం వేదికగా ఈ సదస్సు జరగనున్నది.

ఈ సదస్సుకు భారత రాష్ట్రపతి ప్రణబ్ ముఖర్జీ, లైబీరియన్ ప్రెసిడెంట్, బౌద్దమత గురువు దలైలామా, బంగ్లాదేశ్ పార్లమెంట్ స్పీకర్, లతా మంగేష్కర్, సచిన్ టెండూల్కర్, శ్రీ శ్రీ రవి శంకర్, మనిషా కొయిరాల, తదితర దేశ, విదేశీ ప్రముఖులు హాజరుకానున్నారు. అలాగే, దేశంలోని వివిధ రాష్ట్రాలకు చెందిన 1400 మంది మహిళా శాసన, శాసనమండలి సభ్యులు, 93 మంది పార్లమెంటు సభ్యులు, వివిధ రంగాలకు చెందిన 300 మంది మహిళలు హాజరయ్యేవిధంగా ఆహ్వనాలు పంపనున్న‌ట్లు తెలిపారు. సుమారు 12వేల మంది జాతీయ, అంతర్జాతీయ మహిళా పార్లమెంటేరియన్లు, వివిధ రంగాల్లో ప్రసిద్ధి పొందిన మహిళా మణులు హాజరు కానున్నారని తెలిపారు.

మహారాష్ట్ర ఇన్ స్టిట్యూట్ ఆఫ్ ఇంజనీరీంగ్ (యంఐటి) పూనేకు చెందిన సంస్థ సంయుక్త సహకారంతో సదస్సును నిర్వహిస్తున్న‌ట్లు పేర్కొన్నారు.

అమరావతిలో ఈ నెల 10 నుంచి 12వ తేదీ వరకు జరిగే మహిళా ప్రజాప్రతినిధుల సదస్సుకు (నేషనల్ ఉమెన్స్ పార్లమెంట్ ) హాజరయ్యే విద్యార్థినులకు ఉచిత బస్సు ప్రయాణ సౌకర్యం కల్పిస్తున్నట్లు శాసనసభాపతి కోడెల శివప్రసాదరావు వెల్లడించారు. మూడు రోజుల పాటు జరిగే సదస్సుకు విచ్చేసే విద్యార్థినులు, మహిళా అధ్యాపకులు తమ గుర్తింపు పత్రాలు చూపించి ఉచిత బస్సుల్లో ప్రయాణించవచ్చని చెప్పారు.

ఇక్కడ 3 రోజుల పాటు వివిధ గ్రూప్ డిస్కెషన్స్ జరుగుతాయని, ఇందులో భారతదేశంలో 35 వేల కాలేజీలకు చెందిన వారు ఆంధ్రప్రదేశ్లోని 100 కాలేజీలకు చెందిన విద్యారులు హాజరవుతున్నారన్నారు. మహిళలందరిని ఒక చోట చేర్చడం ఒక మంచి పరిణామమని, దీనికి ముఖ్యమంత్రి చంద్రబాబునాయుడు ప్రత్యేక చొరవ తీసుకుని చేయడం అభినందనీయమన్నారు.

తిరుపతి ఇంటర్నేషనల్ ఎయిర్ పోర్ట్ అని పేరే కాని, ఇప్పటి వరకు ఒక్క ఇంటర్నేషనల్ సర్వీస్ కూడా ఇక్కడ నుంచి లేదు. అయితే, త్వరలోనే ఈ కల తీరనుంది. తిరుపతి ఇంటర్నేషనల్ ఎయిర్ పోర్ట్ నుంచి, విదేశీ సర్వీసులు నడవనున్నాయి. మొదటగా ఏప్రిల్ నెల నుంచి, గల్ఫ్‌ దేశాలకు విమాన సర్వీసులు నడవనున్నాయి. రేణిగుంట ఎయిర్‌పోర్టు నుంచి గల్ఫ్‌ దేశాలైన కువైట్‌, ఖత్తర్‌, దుబాయి, అబుదాబి తదితర దేశాలకు ఈ సర్వీసులను నడపనున్నారు. ప్రస్తుతం, తిరుపతి విమానాశ్రయానికి 7 విమానాలు నడుస్తున్నాయి.

గల్ఫ్‌ దేశాలకు నడపటానికి కారణం, కడప, చిత్తూరు, నెల్లూరు చుట్టుపక్కల ప్రాంతాల నుంచి గల్ఫ్‌ దేశాలకు, ఉపాధి కోసం వేలాదిగా వెళ్తూ ఉంటారు. వీళ్ళు చెన్నై ఎయిర్‌పోర్టు ను ఆశ్రయిస్తూ ఉంటారు. దీనిని దృష్టిలో ఉంచుకుని ఈ ప్రాంత ప్రజల సౌలభ్యం దృష్ట్యా ప్రవాస భారతీయుల కోసం గల్ఫ్‌ దేశాలకు నుంచి సర్వీసులు నడపడానికి నిర్ణయించారు. అలాగే, తిరుమల శ్రీ వారి దర్శనం కోసం, వచ్చే భక్తులకి కూడా, ఈ సర్వీస్ ఉపయోగపడుతుంది. అలాగే, త్వరలోనే, మరిన్ని దేశాలకు, విమానాలు నడుపుతామని, పౌర విమానయాన మంత్రి అశోకగజపతి రాజు వెల్లడించారు.

తిరుమల శ్రీవారి రూ.౩౦౦ దర్శన టిక్కెట్లను ఇకపై మరింత సులువుగా బుక్ చేసుకోవచ్చు. ఇందుకోసంTTD ప్రత్యేక చర్యలు చేపట్టింది. ఇప్పటివరకు కేవలం TTD వెబ్ సైట్ లో మాత్రమే టిక్కెట్ బుక్ చేసుకునే అవకాశం ఉండేది. కాని, ఇకపై ఆంధ్రప్రదేశ్, తెలంగాణా రాష్ట్రాల్లోని ఏటీపీ కేంద్రాల్లో శ్రీవారి రూ.౩౦౦ దర్శన టిక్కెట్లను అందుబాటులోకి తెస్తున్నామని TTD ఈవో సాంబశివరావు పేర్కొన్నారు.

తక్కువ చార్జీతో రూ.300 టిక్కెట్ ను బుక్ చేసుకోవచ్చని, ఆంధ్రప్రదేశ్, తెలంగాణా రాష్ట్రాల్లో సుమారు  ఏటీపీ సెంటర్లు ఉన్నాయని, వీటితో పాటు మహారాష్ట్ర, మధ్యప్రదేశ్ రాష్ట్రాల్లో సైతం వారికి శాఖలు ఉన్నాయన్నారు. ఆయా  ఏటీపీ సెంటర్ల ద్వారా టిక్కెట్లను కొనుగోలు చేసుకోవచ్చని పేర్కొన్న సాంబశివరావు, ప్రైవేటు ఇంటర్నెట్ నిర్వాహకులు భక్తుల నుంచి ఎక్కువ సొమ్ము వసూలు చేస్తున్న నేపథ్యంలో వారిని కట్టడి చేసేందుకే ఈ నిర్ణయం తీసుకున్నట్లు చెప్పారు.