news

లాక్‌డౌన్‌ను పొడిగించే దిశగా కేంద్రం ఆలోచిస్తున్నట్లు తెలుస్తోంది. అనేక రాష్ట్ర ప్రభుత్వాలతో పాటు, నిపుణులు కూడా లాక్‌డౌన్‌ పొడిగించాలని కేంద్రానికి సూచిస్తున్నందున ప్రభుత్వం ఆ దిశగా ఆలోచన చేస్తున్నట్లు సమాచారం. చాలా రాష్ట్రప్రభుత్వాలతో పాటు నిపుణుల అభిప్రాయం మేరకు ఈ నిర్ణయం తీసుకోనుందని సమాచారం.మార్చి 25న కేంద్రం విధించిన 21 రోజుల లాక్‌డౌన్‌ ఈనెల 14తో ముగియనుంది. అయితే దేశంలో కరోనా కేసులు అంతకంతకూ పెరుగుతున్న దృష్ట్యా లాక్‌డౌన్‌ను మరికొన్ని రోజులు పొడిగించాలని తెలంగాణ, రాజస్థాన్​ సహా పలు రాష్ట్ర ప్రభుత్వాలు కేంద్రానికి విన్నవించాయి. మధ్యప్రదేశ్ సీఎం శివరాజ్ సింగ్ చౌహాన్ కూడా లాక్ డౌన్ కొనసాగించాలని కేంద్రాన్ని కోరారు. అలాగే మరో రెండు వారు లాక్ డౌన్ కొనసాగించాలని, కర్ణాటక ప్రభుత్వం కూడా కోరింది. నిపుణులు కూడా ఇదే అభిప్రాయాలను వ్యక్తం చేస్తున్నందున కేంద్రం లాక్‌డౌన్‌ పొడిగించే దిశగా ఆలోచన చేస్తున్నట్లు ప్రభుత్వ వర్గాల సమాచారం.

లాక్​డౌన్​ ముగింపు ప్రణాళికను రూపొందించడంలో రానున్న ఏడు రోజులు అత్యంత కీలకమైనవని ఉపరాష్ట్రపతి వెంకయ్యనాయుడు పేర్కొన్నారు. కరోనా వ్యాప్తికి సంబంధించిన సమాచారం ఆధారంగానే .. లాక్​డౌన్​ ఎత్తివేయాలా? లేదా కొనసాగించాలా? అనే నిర్ణయం ప్రభుత్వం తీసుకుంటుందని ఆయన స్పష్టం చేశారు. అంతిమంగా ప్రభుత్వం తీసుకునే ఏ నిర్ణయానికైనా ప్రజలు కట్టుబడి ఉండాలని వెంకయ్యనాయుడు విజ్ఞప్తి చేశారు. ఒకవేళ ఏప్రిల్ 14 తరువాత కూడా లాక్​డౌన్ కొనసాగించాలని ప్రభుత్వం నిర్ణయిస్తే... ప్రజలు ఇప్పటి వరకు కనబరిచిన అదే స్ఫూర్తితో సహకరించాలని వెంకయ్య పేర్కొన్నారు. దేశంలో కరోనా వ్యాప్తి నివారణ కోసం కేంద్ర ప్రభుత్వం 21 రోజుల పాటు లాక్​డౌన్ ప్రకటించింది. ఇది మార్చి 25 నుంచి అమల్లోకి వచ్చింది.

కరోనా అంటువ్యాధి ప్రబలుతున్న ఈ విషమ పరిస్థితుల్లో, ఆర్థిక వ్యవస్థ స్థిరీకరణ కంటే ప్రజల ఆరోగ్యమే ప్రభుత్వ ప్రథమ ప్రాధాన్యమని వెంకయ్యనాయుడు పేర్కొన్నారు. ధనం పోతే ఇవాళ కాకపోతే రేపు సంపాదించుకోవచ్చు, ప్రాణాలు పోతే తిరిగి తేలేము కదా అని ఆయన వ్యాఖ్యానించారు. కరోనా మహమ్మారి భారత్​లో అంతకంతకూ విస్తరిస్తోంది. లాక్​డౌన్​ కొనసాగుతున్నా... వైరస్ పాజిటివ్ కేసులు పెరిగిపోతుండడం ఆందోళన కలిగిస్తోంది. భారత్​లో ఇప్పటి వరకు 114 మంది కరోనా ధాటికి బలవ్వగా... మొత్తం​ కేసుల సంఖ్య 4,421కి పెరిగిందని కేంద్ర ఆరోగ్య మంత్రిత్వశాఖ తెలిపింది. ఆరోగ్యమంత్రిత్వశాఖ గణాంకాల ప్రకారం... మహారాష్ట్రలో అత్యధికంగా 45 కరోనా మరణాలు సంభవించాయి. ఇవాళ రాజస్థాన్​లో ముగ్గురు వైరస్ సోకి మరణించారు. త్రిపురలో మొదటి కరోనా కేసు నమోదైంది.

కరోనా వచ్చిన దగ్గర నుంచి, అనేక ఫేక్ వార్తలు హల్ చల్ చేస్తూనే ఉన్నాయి. చాలా మంది ప్రజలు అది నిజం అని నమ్ముతున్నారు కూడా. ముఖ్యంగా ఒక మతం పై, జరుగుతున్న విష ప్రచారం అందరూ చూస్తూనే ఉన్నారు. అయితే, అవన్నీ వివిధ సందర్భాల్లో, జరిగినవి. కాని అవి తీసుకొచ్చి, వారేదో కావాలని చేస్తున్నట్టు ప్రచారం చేసారు. చివరకు అవన్నీ ఫేక్ న్యూస్ లు అని తెలిసినా, ఆ మతాన్ని టార్గెట్ చేసుకున్న రాజకీయ పార్టీలకు, ఏమి కావాలో అది జరిగింది అనే చెప్పాలి. ఇక కరోనా పై అయితే, లెక్క లేని అన్ని ఫేక్ న్యూస్ లు వచ్చాయి. అవి తినాలి, ఇవి తినాలి, అలా చేస్తే కరోనా రాదు, ఇలా చేస్తే రాదు, కరోనాకి మందు దొరికింది, లేకపోతే కరోనాని ఒక దేశం కావాలని, అందరికీ అంటించింది అంటూ, ఇలా అనేక అనేక వార్తాలు, సోషల్ మీడియాలో తిరిగాయి. అయితే, జనాలు ఇంట్లో ఉండటం వల్లో ఏమో కాని, చాలా మంది ఇది నిజం అని నమ్మే పరిస్థితి వచ్చింది. అయితే నిన్నటి నుంచి తిరుగుతున్న మరో వార్త, ఏకంగా ముఖ్యమంత్రులనే బుట్టలో పడేసింది.

దేశ వ్యాప్తంగా, 21 రోజుల పాటు లాక్ డౌన్ ప్రకటిస్తూ, ప్రధాని నరేంద్ర మోడీ నిర్ణయం తీసుకున్న సంగతి తెలిసిందే. మరో, వారం రోజుల్లో, అంటే ఏప్రిల్ 14తో లాక్ డౌన్ ముగుస్తుంది. ఈ నేపధ్యంలోనే, ఒక పక్క దేశంలో కరోనా కేసులు వేగంగా పెరుగుతూ ఉన్న సమయంలో, లాక్ డౌన్ ఎత్తేయాలా వద్దా అనే చర్చ కేంద్ర ప్రభుత్వంలో జరుగుతుంది. రాష్ట్రాల ముఖ్యమంత్రుల సమావేశంలో కూడా,మోడీ ఈ విషయం పై మాట్లాడారు. అయితే కొంత మంది విడతల వారీగా లాక్ డౌన్ ఎత్తేయాలని, హాట్ స్పాట్ లు ఉన్న చోట కొనసాగించాలని కోరారు. ఈ నేపధ్యంలోనే, రెండు రోజులుగా ఒక వార్తా సోషల్ మీడియాలో తిరుగుతుంది. బోస్టన్ కన్సల్టెంగ్ గ్రూప్ (బీసీజీ) ఒక నివేదిక విడుదల చేసింది అని, దాని ప్రకారం, సెప్టెంబర్ వరకు దేశంలో లాక్ డౌన్ ఉంటుంది అని రిపోర్ట్ చెప్తుంది.

ఇక అందరూ సోషల్ మీడియాలో ఇదే తిప్పటం మొదలు పెట్టారు. చివరకు నిన్న ప్రెస్ మీట్ పెట్టిన తెలంగాణా ముఖ్యమంత్రి కేసీఆర్ కూడా, బోస్టన్ కన్సల్టెంగ్ గ్రూప్ రిపోర్ట్ గురించి చెప్తూ, ఇది ఒక పెద్ద గ్లోబల్ కంపెనీ అని, వారు అన్నీ పరిగణలోకి తీసుకుని రిపోర్ట్ తయారు చేసారని, చెప్తూ, జూన్ వరకు లాక్ డౌన్ ఉంటే మంచిది అంటూ చెప్పుకొచ్చారు. అయితే, నిన్న రాత్రికి, ఇది బాగా వైరల్ అవ్వటంతో, బోస్టన్ కన్సల్టెంగ్ గ్రూప్ స్పందించింది. లాక్ డౌన్ పొడిగింపు ఇస్తూ మా సంస్థ పేరుతొ తిరుగుతున్న రిపోర్ట్ కు మాకు ఎలాంటి సంబంధం లేదని ప్రకటించింది. ఇండియాలో లాక్ డౌన్ పొడిగింపు పై, తాము ఎలాంటి అంచనాలు వెలువరించలేదని స్పష్టం చేసింది. తమ పేరుతొ తిరుగుతున్న అలాంటి వార్తలు నమ్మవద్దు అంటూ ప్రకటన చేసింది.

రాష్ట్రంలో కరోనా వైరస్​తో మరో వ్యక్తి మృతి చెందారని వైద్యారోగ్యశాఖ వెల్లడించింది. ఇప్పటి వరకూ కరోనాతో మరణించిన వారి సంఖ్య నాలుగుకు పెరిగిందని తెలిపింది. కర్నూలు జిల్లాకు చెందిన 45 ఏళ్ల వ్యక్తి కరోనా పాజిటివ్​గా నిర్ధరణ అయి చికిత్స పొందుతూ మృతి చెందినట్టు వైద్యారోగ్యశాఖ ప్రకటించింది. మరోవైపు కేసుల సంఖ్య 304కు పెరిగినట్టు హెల్త్ బులెటిన్​లో స్పష్టం చేసింది. నిన్న రాత్రి నుంచి ఇవాళ ఉదయం వరకు రాష్ట్రవ్యాప్తంగా గుంటూరు జిల్లాలో ఒక్క పాజిటివ్ కేసు నమోదైనట్టు వైద్యారోగ్యశాఖ తెలిపింది. ఈ జిల్లాలో మొత్తం కేసులు సంఖ్య 33కు చేరినట్లు ప్రకటించింది. రాష్ట్రవ్యాప్తంగా కరోనా నుంచి కోలుకున్న ఆరుగురుని డిశ్చార్జి చేసినట్టు ప్రభుత్వం తెలిపింది. కర్నూలు జిల్లాలో పాజిటివ్ కేసులు 74 నమోదు కాగా, నెల్లూరు జిల్లాలో 42, కృష్ణా జిల్లాలో 29, కడప జిల్లాలో 27, ప్రకాశం జిల్లాలో 24 , పశ్చిమ గోదావరి జిల్లాలో 21, విశాఖ జిల్లాలో 20, చిత్తూరు జిల్లాలో 17, తూర్పు గోదావరి జిల్లాలో 11, అనంతపురం జిల్లాలో 6 పాజిటివ్ కేసులు నమోదయ్యాయని బులెటిన్​లో పేర్కొంది.

రాష్ట్రంలో ఇప్పటివరకూ 3677 నమూనాలు పరీక్ష చేస్తే 3270 కేసులు నెగెటివ్​గా నిర్ధరణ అయ్యాయని.. మరో 104 నమూనాల ఫలితాలు రావాల్సి ఉందని వైద్యారోగ్యశాఖ తెలియచేసింది. అయితే, రాష్ట్రంలో పరిస్థితి ఇలా ఉంటే, రాష్ట్ర ప్రభుత్వం మాత్రం, అమరావతి నామ స్మరణ చేస్తూ, అమరావతి రైతులకు వ్యక్తిరేకంగా మరో అడుగు ముందుకు వేసింది. నేటి నుంచి రాజధాని గ్రామాల్లో ఆర్​-5 జోన్ పై సీఆర్డీఏ వీడియో కాన్ఫరెన్స్ నిర్వహించటానికి ప్రయత్నం చేసారు. ఆర్-5 జోన్‌ పరిధిలోని రైతుల అభ్యంతరాలను తెలుసుకోవతనకి అని, ఉదయం 11 గంటల నుంచి 12 వరకు వీడియో కాన్ఫరెన్స్ చేపట్టలనుకున్నారు. అయితే అధికారుల తీరుపై రైతులు అభ్యంతరాలు వ్యక్తం చేస్తున్నారు. లాక్ డౌన్ వేళ వీడియో కాన్ఫరెన్స్ చేపట్టడమేంటని ప్రశ్నిస్తున్నారు.

ఆంక్షలు ఎత్తివేసిన తర్వాతే అభ్యంతరాలు స్వీకరించాలని రైతులు డిమాండ్ చేస్తున్నారు. మంగళగిరి మండలం నీరుకొండ గ్రామంలో R5 జోన్ పై ప్రజాభిప్రాయ సేకరణకు వెళ్లిన సీఆర్డీఏ అధికారులను రైతులు అడ్డుకున్నారు. లాక్ డౌన్ సమయంలో ప్రజాభిప్రాయం ఎలా చేపడతారని రైతులు ప్రశ్నించారు, లిఖిత పూర్వక సమాధానం ఇవ్వాలని డిమాండ్ చెయ్యటంతో, ఏపీ సి ఆర్ డి ఏ అధికారులు వెళ్ళిపోయారు. ఇక మరో పక్క, ఏకైక రాజధానిగా అమరావతినే కొనసాగించాలని కోరుతూ రైతులు చేస్తున్న దీక్షలు 112వ రోజూ కొనసాగాయి. తుళ్లూరు మండలం పెదపరిమి, మందడం, వెంకటపాలెం, రాయపూడి గ్రామాల్లో రైతులు, మహిళలు సామాజిక దూరం పాటిస్తూ ధర్నాలో పాల్గొన్నారు. 3 ముక్కల రాజధాని వద్దంటూ నినాదాలు చేశారు. జగన్ అమరావతి తరలింపుపై పునరాలోచన చేయాలన్నారు.