news

పలాస ఎమ్మెల్యే డాక్టర్ సీదిరి అప్పలరాజు కొవిడ్ -19 నిబంధనలను ఉల్లంఘించిన మటన సోషల్ మీడియాలో హల్చల్ చేస్తోంది. పలాస ఎమ్మెల్యే అప్పలరాజు ప్రభుత్వానికి.. ప్రజలకు మధ్య సారధిగా...వారధిగా ఉండాల్సిందిపోయి, దగ్గురుండి కొవిడ్- 19 నిబంధనలను ఉల్లంఘించడంతోపాటు రాష్ట్రంలో ఇతరులు ప్రవేశించకుండా ఉండేందుకు ఉన్న చెక్ పోస్టుల వద్ద ఉన్న బారికేడ్లును ధ్వంసం చేసిన ఘటన సోషల్ మీడియాలో వైరల్ అవుతోంది. మార్చి నెలలో వివాహం కోసం చత్తీస్మడ్ రాష్ట్రంలోని బిలాయి ప్రాంతానికి వెళ్లిన సిక్కోలు జిల్లా ఉద్దానం ప్రాంతంలోని వివిధ గ్రామాలకు చెందిన జనాలు కొందరు లాక్ డౌన్ కారణంతో అక్కడ చిక్కుకుపోయారు. నలభై రోజులుకు పైబడి ఊరురాని ఊరులో తమది కాని ప్రాంతంలో ఇరుక్కుపోయిన వీరు దుర్గా జిల్లా కలెక్టర్ అనుమతితో బస్సులో శ్రీకాకుళం జిల్లాకి బయలుదేరి ఒడిశా రాష్ట్రం మీదుగా మంగళవారం ఉదయం జిల్లాలోకి ప్రవేశించారు.

మెళియాపుట్టి మండలం వసుంధర గ్రామం అనుమతులు ఉన్నా జిల్లాలో ప్రవేశించడానికి సంబంధించి ఆంధ్రప్రదేశ్ ప్రభుత్వం, జిల్లా అధికార యంత్రాంగం ఇచ్చిన అనుమతులు ఏవి వారి వద్ద లేకపోవడంతో బస్సును ముందుకు కదలనీయకుండా ఆపేసారు. ఈ సమాచారాన్ని అక్కడ విధి నిర్వహణలో ఉన్న పోలీసు, రెవెన్యూ సిబ్బంది మండల స్థాయి అధికారులకు తెలిపారు. దీంతో మెళియాపుట్టి తహశీల్దార్ బస్సులో ఉన్న వారికి యధా ప్రకారం భోజన వసతి కల్పించి క్వారంటైన్ కేంద్రానికి వెళ్లాలంటూ సూచించారు. ఈ క్రమంలో మంగళవారం సాయంత్రం ఆరు గంటల సమయంలో బస్సు లో వచ్చిన వారు అక్కడ ఆందోళనకి దిగారు. తమను స్వస్థలాలకు పంపించాలంటూ గొడవ పెట్టారు. వారిని అక్కడ ఉన్నతాధికారులు వదిలేయడంతో బస్సు లో ముందుకు సాగారు.

అనంతరం మళ్లీ మెళియాపుట్టి మండలం పట్టువరం గ్రామం వద్ద ఏర్పాటు చేసిన పోలీస్ చెక్ పోస్టు వద్ద విధులలో ఉన్న పోలీసు సిబ్బంది బస్సును మరోసారి అడ్డుకున్నారు. సుమారు రెండు గంటలపాటు అటు ప్రయాణీకుల బెట్టు.. ఇటు పోలీసుల రూల్స్ పై ఉడుంపట్టు కారణంగా బస్సు నిలిచిపోయింది. బస్సును పోలీసులు అడ్డుకున్న సమాచారాన్ని దానిలో ప్రయాణిస్తున్న వారి కుటుంబ సభ్యులు పలాస ఎమ్మెల్యే సీదిరి అప్పలరాజుకు ఫోన్లో సమాచారం ఇచ్చారు. ఎమ్మెల్యే వట్టుపురం చేరుకొని బారికేడ్లును తొలగించడంతో పోలీసులకు, ఎమ్మెల్యేకి వాగ్వాదం జరిగింది. పోలీసుల పై నేరుగా భౌతిక దాడికి దిగడంతో జిల్లా ఎస్పీ ఆర్.ఎన్. అమ్మిరెడ్డికి సమాచారం అందించారు. జిల్లా కీలక అధికారుల నిర్ణయంతో ఆ బస్సు లో ఉన్న ప్రయాణీకులను టెక్కలి క్వారంటైన్ సెంటర్‌కు తరలించారు. ఇదంతా మంగళవారం రాత్రికి రాత్రే సోషల్ మీడియాకి వెళ్లిపోవడంతో.. క్షణాలలో ఎమ్మెల్యే అప్పలరాజు చేసిన ప్రయత్నాలు బయటకు వచ్చేసాయి.

జాతినుద్దేశించి ప్రసంగించిన ప్రధాని నరేంద్ర మోదీ, ఆర్థిక ప్యాకేజీ ఇస్తున్నట్టు వెల్లడించారు. భూమి, కార్మిక చట్టాలు, ద్రవ్య లభ్యత, చట్టాలు... ఇలా ప్రతి అంశాన్ని దృష్టిలో పెట్టుకుని ఈ ప్యాకేజీని రూపొందించినట్లు వివరించారు మోదీ. పేదలు మొదలు పరిశ్రమల వరకు.. ప్రతి వర్గానికి అండగా నిలిచేలా ఈ ప్యాకేజీ ఉంటుందని తెలిపారు.. కరోనా సంక్షోభాన్ని ఎదుర్కొనేందుకు సాహసోపేత సంస్కరణలతో ముందుకు సాగడం అనివార్యమన్నారు మోదీ. గత ఆరేళ్లలో చేపట్టిన సంస్కరణల కారణంగానే ఈ సంక్లిష్ట సమయంలోనూ భారత ఆర్థిక వ్యవస్థ సుదృఢంగా ఉందని చెప్పారు. కరోనా సంక్షోభంతో నిలిచిన ప్రగతి రథాన్ని తిరిగి గాడిన పెట్టే లక్ష్యంతో చారిత్రక అడుగు వేసింది మోదీ సర్కార్. ఆత్మ నిర్భర భారత్​ అభియాన్​ పేరిట ఏకంగా రూ.20 లక్షల కోట్ల రూపాయల భారీ ఆర్థిక ప్యాకేజీ ప్రకటించింది.

ప్రధాని మాట్లాడుతూ "కరోనాపై యుద్ధం చేస్తూనే అభివృద్ధి దిశగా ముందుకు సాగుదాం. ఈ బాధ్యతను 130 కోట్ల మంది భారతీయులం తలకెత్తుకుందాం. లాక్‌డౌన్‌-4లో కూడా అన్ని జాగ్రత్తలు, నియమాలు పాటిద్దాం. కరోనాతో పోరాడుతూనే ముందడుగు వేయాలి. 21వ శతాబ్దం మనదే.. ఆత్మ నిర్భర భారతదేశమే మన లక్ష్యం. 21వ శతాబ్దం భారత్‌దేనని గత శతాబ్దం నుంచి ఎప్పుడూ వింటూ వచ్చాం. ఈ కష్టకాలంలో చిన్న వ్యాపారులు, ఇళ్లల్లో పనిచేసేవారు, శ్రామికులు ఇబ్బందులు పడ్డారు. సంఘటిత, అసంఘటిత రంగంలోని ప్రతి వ్యక్తిని ఆర్థిక ప్యాకేజీ కాపాడుతుంది. స్థానిక మార్కెట్లను విస్తరించాల్సిన అవసరాన్ని ఈ సంకట స్థితి తెచ్చింది. గ్లోబల్‌ డిమాండ్‌తో పాటు, స్థానిక డిమాండ్‌ను సృష్టించాలి. మనం స్థానికంగా తయారు చేసిన వస్తువులకు గ్లోబల్‌ డిమాండ్‌ సృష్టించాలి."

"మన వస్తువులను మనమే కొనుగోలు చేస్తే కొత్త ఉపాధి లభిస్తుంది. ఖాదీ కొనండి, స్థానిక చేనేత కారులకు ఉపాధి లభిస్తుంది. మాస్కులు కట్టుకుందాం, ఆరడుగుల దూరం పాటిద్దాం. పనిని ఆపకుండానే కరోనాను ఎదుర్కోందాం. నాలుగో దశ లాక్‌డౌన్‌కు కొత్త మార్గదర్శకాలు మే 18 లోపు ఇస్తాం. కరోనాపై యుద్ధం చేస్తూనే అభివృద్ధి దిశగా ముందుకు సాగుదాం. ఈ బాధ్యతను 130 కోట్ల మంది భారతీయులం తలకెత్తుకుందాం. నవీన సంకల్పం, కొత్త ప్రాణశక్తితో అడుగు ముందుకు వేద్దాం. కొత్త నైపుణ్యాలు, కొత్త ఆలోచనలతో భారత్‌ను ముందుకు తీసుకెళ్దాం. కుటీర పరిశ్రమలు, చిన్న పరిశ్రమలకు అనేక అవకాశాలు ఉన్నాయి. దేశంలో ప్రతి పారిశ్రామికుడిని కలుకుపుకొని పోయేలా ప్యాకేజీ." అని ప్రధాని మోడీ అన్నారు.

ప్రపంచం అంతా ఈ మహమ్మారి వైరస్ పై యుద్ధం చేస్తుంది. ఆంధ్రప్రదేశ్ లో మాత్రం, ఎప్పుడూ ఏదో ఒక వివాదమే నడుస్తూ ఉంటుంది. రాజధాని మార్పు కాని, ఎన్నికలు కాని, ఎన్నికల కమీషనర్ ను మార్చటం కాని, రంగులు కాని, ఇలా ఏదో ఒక వివాదం. తాజాగా ఎల్జీ పాలిమర్స్ వివాదం. ఎల్జీ పాలిమర్స్ విషయంలో పెద్ద పెద్ద తలకాయలు ఉన్నారని, అందుకే ఒక్కరిని కూడా అరెస్ట్ చెయ్యలేదు అనే చర్చ నడుస్తున్న వేళ, రెండు రోజుల క్రితం రాత్రికి రాత్రి కొత్త సమస్య పుట్టుకు వచ్చింది. అదే పోతిరెడ్డిపాడు నీటి వివాదం. అటు తెలంగాణాలో కేసీఆర్, హరీష్ రావు, ఇతర మంత్రులు, ఆంధ్రప్రదేశ్ ప్రభుత్వం పై విరుచుకు పడుతున్నారు. మా నీళ్ళు తీసుకు వెళ్ళిపోయే ప్రాజెక్ట్ కు మేము ఒప్పుకోం అంటూ, విమర్శలు మొదలు పెట్టారు. ఇక ఇటు వైపు నుంచి జగన్ మోహన్ రెడ్డి, మా నీళ్ళు మేము వాడుకుంటాం, దాంట్లో తప్పు ఏమి ఉంది, మానవత్వంతో ఆలోచించండి అంటూ వ్యాఖ్యలు చెయ్యటం చూస్తున్నాం. అయితే ఉన్నట్టు ఉండి ఈ వివాదం ఎందుకు వచ్చిందో ఎవరికీ అర్ధం కావటం లేదు.

అయితే ఇది కేవలం ఇద్దరు ముఖ్యమంత్రులు ఆడుతున్న డ్రామా అంటూ, తెలంగాణాలో ప్రతిపక్ష పార్టీ అయిన కాంగ్రెస్ పార్టీ ఆరోపిస్తుంది. ప్రస్తుతం ఉన్న సమస్యలు, వైఫల్యాలు గురించి ప్రజలను డైవర్ట్ చేసే పనిలో భాగంగానే ఇవి చేస్తున్నారని రేవంత్ రెడ్డి ఆరోపిస్తున్నారు. కేసీఆర్-జగన్ ఇద్దరు సోడా-విస్కీ లాగా కలిసిపోయారని, ఇదంతా డ్రామా అని, ఏపి ఇచ్చిన ఆ నీటి జీవో, ప్రగతి భవన్ లో తాయారు అయ్యిందే అంటూ, తీవ్ర వ్యాఖ్యలు చేసారు. అయితే దీని పై విశ్లేషకులు కూడా ఇదే రకమైన అభిప్రాయం వ్యక్తం చేస్తున్నారు. ఏపి చేపట్టింది కొత్త ప్రాజెక్ట్ కాదు, అది కూడా కేవలం ఒక 10 రోజులు వరదలు వస్తే పని చేసే ప్రాజెక్ట్. ఒక్కే ఏడాది అసలు వరదలు కూడా రావు. అలాంటి విషయంలో ఇంతలా గొడవ ఎందుకు అవుతుందో అర్ధం కావటం లేదని అంటున్నారు.

గతంలో చంద్రబాబు ఉండగా, ఇదే శ్రీశైలం పై, ముచ్చుమర్రి కట్టారని, అప్పుడు తెలంగాణాతొ సమన్వయం చేసుకున్నారని, అలాగే, 2017లోనే, ఇదే పోతిరెడ్డిపాడు వద్ద, అప్రోచ్ ఛానల్ extension, వైడనింగ్ చేసారని, అప్పుడు ఎలాంటి వివాదం తెలంగాణాతో రాలేదని గుర్తు చేస్తున్నారు. ఇప్పుడు కేవలం పోతిరెడ్డి పాడు కాలువలు వెడల్పు చేస్తున్నారని, ఇదేమీ కొత్త ప్రాజెక్ట్ కాదని, మరి దీనికి జగన్ "రాయలసీమ ఎత్తిపోతల" అని ఏదో కొత్త ప్రాజెక్ట్ లా ఎందుకు చెప్పారు ? దానికి కేసీఆర్ ఇంతలా ఎందుకు రియాక్ట్ అవుతున్నారో అర్ధం కావటం లేదని, అంటున్నారు. ఏమి లేని సమస్యను, ఏదో సమస్యగా చూపిస్తున్నారని, అసలు జగన్ ఇప్పుడు చేసేది ఏదో పెద్ద ప్రాజెక్ట్ కూడా కాదని, 10 రోజులు వరదలు వస్తే ఉపయోగపడే దానికి , ఇంత హడావిడి ఏమిటో అనే విమర్శలు వస్తున్నాయి. ఇక మరో పక్క తెలంగాణాలో కడుతున్న కాళేశ్వరం , పాలమూరు ప్రాజెక్టులలో, వైసీపీ పెద్ద తలకాయలు కాంట్రాక్టరులుగా ఉన్న విషయాన్ని కూడా గుర్తు చేస్తున్నారు.