news

ఆంధ్రప్రదేశ్ పోలీసులు తీర్పు పై హైకోర్టు, మరోసారి అక్షింతలు వేసింది. కడప జిల్లా పులివెందులలో, దళిత మహిళ అ-త్యా-చా-రం ఘటన పై, తెలుగుదేశం పార్టీ ఆగ్రహం వ్యక్తం చేస్తూ, ప్రభుత్వ అసమర్ధతను తప్పుబడుతూ, పెద్ద ఎత్తున ఆందోళన చేసి, చలో పులివెందుల కార్యక్రమం నిర్వహించారు. అయితే బాధిత కుటుంబానికి అండగా ఉన్న తెలుగుదేశం పార్టీ నేతల పై, ఎస్సీ, ఎస్టీ కేసు నమోదు చేసారు. అయితే ఇదే నేపధ్యంలో తెలుగుదేశం పార్టీ మహిళా అధ్యక్షురాలు అయినా వంగలపూడి అనిత పై కూడా, ఎస్సీ, ఎస్టీ కేసు నమోదు చేసారు. అయితే వంగలపూడి అనిత, ఎస్సీ సామాజికవర్గం కావటంతో, అది కూడా గ్రహించకుండా, అనిత పై కూడా ఎస్సీ, ఎస్టీ కేసు నమోదు చేయటంతో, అనిత న్యాయ పోరాటం చేసారు. హైకోర్టులో దీనికి సంబంధించి పిటీషన్ వేసారు. ఎస్సీ సామాజికవర్గానికి చెందిన తన పై కూడా పోలీసులు ఎస్సీ, ఎస్టీ కేసుని నమోదు చేసారని ఆమె హైకోర్టులో దాఖలు చేసిన పిటీషన్ ఈ రోజు విచారణకు వచ్చింది. వంగలపూడి అనిత తరుపున న్యాయవాది బాలాజీ యలమంజుల వాదనలు వినిపించారు. పులివెందుల ఘటనలో బాధిత కుటుంబానికి న్యాయం చేయాలని టిడిపి రాష్ట్ర మహిళా అధ్యక్షురాలుతో పాటు, తెలుగుదేశం నేతలు కూడా బాధిత కుటుంబానికి అండగా నిలబడ్డారని తెలిపారు.

ఆ మహిళకు న్యాయం చేయాలని నిరసన తెలపటం కూడా తప్పేనా అంటూ, వాదించారు. అయితే దీని పై స్పందించిన హైకోర్టు, బాధిత కుటుంబం తరుపున అండగా నిలబడితే కూడా, ఎస్సీ ఎస్టీ కేసు పెడతారా అంటూ హైకోర్టు పోలీసులను ప్రశ్నించింది. గతంలో కూడా పలుమార్లు, ఇలాగే హైకోర్టు పోలీసులు పై అక్షింతలు వేసారు. ఎస్సీ మహిళ పైనే, ఎలా ఎస్సీ ఎస్టీ కేసు నమోదు చేస్తారని హైకోర్టు ప్రశ్నించింది. చట్టాలకు లోబడి కేసులు నమోదు చేయాలని హైకోర్టు పోలీసులకు సూచించింది. గతంలో కూడా అమరావతి రైతులు పై ఇలాగే ఎస్సీ, ఎస్టీ కేసులు పెట్టి, బేడీలు వేసి చేసిన ఘటన సంచలనం అయ్యింది. అయితే అప్పుడు కూడా ఎస్సీల పైనే, ఎస్సీ, ఎస్టీ కేసులు పెట్టటం పై, హైకోర్టు తీవ్ర ఆగ్రహం వ్యక్తం చేసింది. పనితీరు మార్చుకోవాలని వార్నింగ్ ఇచ్చారు. చివరకు డీజీపీని రెండు సార్లు కోర్టు ముందు హాజరు అవ్వమని చెప్పారు. అయినా పోలీసులు తీరు మారలేదు. మళ్ళీ అదే తప్పు చేయటంతో, ఈ రోజు మళ్ళీ హైకోర్టు ఆగ్రహానికి గురి కావాల్సి వచ్చింది.

అందరి పై విరుచుకుపడే రోజా, తనను ఎవరూ పట్టించుకోవటం లేదు అంటూ, కన్నీళ్లు పెట్టుకోవటం ఇప్పుడు చర్చనీయంసం అయ్యింది. అందరికీ ప్రత్యర్ధి పార్టీల నుంచి ఇబ్బందులు ఉంటే, నాకు మాత్రం సొంత పార్టీ నేతల నుంచే ఇబ్బందులు ఉన్నాయని వాపోయారు. ఈ రోజు తిరుపతిలో అసెంబ్లీ ప్రివిలేజ్ కమిటీ సమావేశం జరిగింది. ప్రివిలేజ్ కమిటీ చైర్మెన్ గా ఉన్న కాకాని గోవర్ధన్ రెడ్డి అధ్యక్షతన ఈ సమావేశం జరిగింది. అయితే ఈ సమావేశంలో తెలుగుదేశం నేతల పై ఇచ్చిన ఫిర్యాదులను కమిటీ పరిశీలించింది. అయితే ఇదే సమావేశానికి రోజా కూడా హాజరు అయ్యి, తన ఎమ్మెల్యే పదవికి అవమానం జరుగుతుంది అంటూ, ప్రివిలేజ్ కమిటీ ముందు ఫిర్యాదు చేసారు. అధికారులు ఎవరూ తనను ఎమ్మెల్యేగా చూడటం లేదని వాపోయారు. నిబంధనులు పాటించకుండా, కనీస ప్రోటోకాల్ పాటించకుండా, తనను ఇబ్బంది పెడుతున్నారని రోజా ఆరోపణ. ప్రధానంగా ఈ సమస్యలు చెప్తూ రోజా కన్నీరు పెట్టుకుంటున్నారు అంటూ, వార్తలు రావటంతో, రోజా సొంత పార్టీలో పడుతున్న ఇబ్బందులు పై ఇప్పుడు చర్చ జరుగుతుంది. సహజంగా చిత్తూరు జిల్లాలో వైసీపీ గ్రూపులు ఎక్కువ. మొత్తం పెద్దిరెడ్డి చెప్పినట్టు జరగాల్సిందే. ఇక మరో పక్క ఉప ముఖ్యమంత్రి నారాయణ స్వామి కూడా ఉన్నారు.

ఇలా వీరి అందరి మధ్య రోజా ఇబ్బందులు పడుతుందా అనే చర్చ జరుగుతుంది. ప్రివిలేజ్ కమిటీ మీటింగ్ లో, ఆమె కన్నీటి పర్యంతం అయ్యారని, మహిళా ఎమ్మెల్యేని కావాలని ఏడిపిస్తున్నారని ఆమె ఫిర్యాదు చేయటం జరిగింది. ఆమె ప్రధానంగా ప్రోటోకాల్ విషయంలో ఫిర్యాదు చేసారు. తన నియోజకవర్గంలో జరిగే కార్యక్రమాలకు అధికారులు తనను పిలవటం లేదని కలెక్టర్ పై ఫిర్యాదు చేసారు. ఇక దీనితో పాటు, సొంత పార్టీ నేతలు, మంత్రులు కూడా తనను ఇబ్బంది పెడుతున్నారని ఆమె ఫిర్యాదు చేసారు. టిటిడిలో పని చేసే ఉద్యోగులుకు, తన నియోజకవర్గంలో ఉన్న ఏపీపీఐసి ల్యాండ్ ని ఇళ్ళ స్థలాలుగా ఇవ్వాలని నిర్ణయం తీసుకున్నారని, అయితే దాని కోసం ఏర్పాటు చేసిన సమావేశానికి కూడా తనను పిలవలేదని ఆమె అవేదన వ్యక్తం చేసారు. ఎమ్మెల్యేగా కాకపోయినా, ఏపీపీఐసి చైర్మెన్ హోదాలో కూడా తనని పిలవలేదని అన్నారు. అయితే అన్ని అంశాలు పరిశీలించిన కాకాని, సియం జగన్ దృష్టికి తీసుకుని వెళ్తామని, కలెక్టర్ తో మాట్లాడామని, ఇక ఇలాంటివి జరగకుండా చూస్తామని హామీ ఇచ్చారు.

ఆంధ్రప్రదేశ్ర్ రాష్ట్ర ప్రభుత్వానికి హైకోర్టులో షాక్ తగిలింది. మొదటి నుంచి అమరావతి పై విషం చిమ్ముతున్న వైసీపీ, అధికారంలోకి వచ్చిన తరువాత కూడా, అమరావతి పై విషం చిమ్మటం ఆపలేదు. ఇందులో భాగంగానే, అమరావతిలో ఇన్సైడర్ ట్రేడింగ్ జరిగింది అంటూ, చట్టంలో లోని అంశం ఒకటి తీసుకుని వచ్చి, హడావిడి చేసారు. దీని పై ఇష్టం తమ ప్రభుత్వం ఆధీనంలో ఉన్న సిఐడిని ఉపయోగించి, కేసులు పెట్టారు. అయితే ఈ రోజు హైకోర్టులో ఈ ఇన్సైడర్ ట్రేడింగ్ పై, సంచలన తీర్పు ఇచ్చింది. రాజధాని భూముల్లో ఇన్సైడర్ ట్రేడింగ్ జరిగింది అంటూ, వాదిస్తున్న వచ్చిన ప్రభుత్వానికి, అలాగే ఇటీవల సిఐడి కేసులు కూడా కొట్టివేస్తె, కొద్ది సేపటి క్రితం హైకోర్టు చారిత్రాత్మిక తీర్పుని ఇచ్చింది. రాజధానికి సంబంధించి, కిలారు రాజేష్ అనే వ్యక్తి, గుంటూరులో ఉన్న కొంత మంది, విజయవాడలో ఉన్న మరి కొంత మంది, రాజధాని అమరావతిలో భూములు ముందుగానే కొనుగోలు చేసారని, సిఐడి కేసులు నమోదు చేసింది. రాజధానిలో ఉన్న ఒక వ్యక్తీ ఫిర్యాదు చేసారని, సిఐడి కేసు నమోదు చేసింది. అప్పట్లో అరెస్ట్ కూడా చేయాలని చూసినా, హైకోర్టు అరెస్ట్ ల పై స్టే ఇచ్చింది. అమరావతి పరిధిలో రాజధాని వస్తుందని, ముందే తెలిసి వీళ్ళు ముందే భూములు కొనుగోలు చేసారని ఆరోపణ మోపారు. అయితే దీని పై వీళ్ళు కోర్టుకు వెళ్లారు. ఈ భూములు తాము ఎప్పుడో కొనుగోలు చేసామని, అదీ కాక, రాజధాని వెలుపల భూములు కొనుగోలు చేసినా, దీనికి సంబంధం ఏమిటి అని కోర్టుని ఆశ్రయించారు.

దీని పై హైకోర్టులో విచారణ జరిగింది. కొద్ది సేపటి క్రితం, ఇన్సైడర్ ట్రేడింగ్ అంటూ, సిఐడి చేసిన ఆరోపణలు హైకోర్టు కొట్టివేసింది. ఆ కేసుని కూడా క్వాష్ చేస్తూ తీర్పుని ఇచ్చింది. చట్ట ప్రకారం, ఎవరైనా అమ్మిని వాళ్ళు, కొనుగోలు చేసిన వాళ్ళు, ఏమైనా ఆరోపణలు చేసినా, అది పరిగణలోకి తీసుకోవాలని, ఎవరో బయట వ్యక్తి ఫిర్యాదు చేస్తే, దీన్ని ఎలా ఇన్సైడర్ ట్రేడింగ్ అంటారని వాదించారు. పైగా ఐపీసికి, ఈ ఆక్ట్ వర్తించదని వాదించారు. కొన్న వాళ్ళు ఫిర్యాదు చేయాలి, లేదా అమ్మిన వాళ్ళు ఫిర్యాదు చేయాలి కానీ, ఈ బయట వ్యక్తులు ఎందుకు ఫిర్యాదు చేస్తారు అంటూ కోర్టు ముందు వాదించారు. భారత శిక్షా స్మృతిలో ఇన్సైడర్ ట్రేడింగ్ అనేది లేదని వాదించారు. రాజధాని వస్తుందని తెలిసిన తరువాత, పత్రికల్లో వచ్చిన తరువాత, ఎవరైనా కొనుక్కోవచ్చని వాదించారు. ఇది రాజకీయ కక్ష అంటూ కోర్టుకు తెలిపారు. ఇప్పటి వరకు అమ్మిన వాళ్ళు ఒక్కరు కూడా కేసు పెట్టలేదని, వాపోయారు. పిటీషనర్ తరుపు వాదనలతో ఏకీభవించిన హైకోర్టు, ఈ కేసుని కొట్టేస్తూ సంచలన తీర్పు ఇచ్చింది. ఇక వైసీపీ ప్రభుత్వం ఇన్సైడర్ ట్రేడింగ్ అని ఆరోపణలు చేయటం ఆపి, అమరావతిని అభివృద్ధి చేస్తారో లేదో.