news

మండలిలో జరిగిన పరిణామాల పై, తాను గ్యాలరీలో కూర్చున్న సమయంలో జరిగిన అంశాల పై తెలుగుదేశం పార్టీ అధినేత చంద్రబాబు, ఈ రోజు మీడియాతో మాట్లాడారు. చంద్రబాబు నాయుడు ప్రెస్ మీట్ ముఖ్యాంశాలు.. "ఒక రాష్ట్రం-ఒకే రాజధాని’’ అంశంపై రాష్ట్రం మొత్తం ముక్త కంఠంతో ఘోషిస్తున్నా వైసిపి ప్రభుత్వంలో చలనం లేకపోవడం దురదృష్టకరం. చేసిన తప్పులు కప్పిపుచ్చుకోవడం, ఎదురుదాడి చేయడం శోచనీయం. ఉదయం 9గం కు కేబినెట్, 10గం బిల్లు పెట్టడం, 11గం కు చర్చ అనడం ఈ ప్రభుత్వానికే చెల్లింది. ఎప్పుడు బిల్లు పెట్టినా 2రోజులు ముందు పెట్టి, అవగాహన కల్పించడం, ఆ తరువాత చర్చ కు అవకాశం ఇవ్వడం చేస్తారు. అలాంటిది బిల్లు పెట్టడానికి స్పీకర్ విచక్షణాధికారాన్ని వాడటం ఇప్పుడే చూశాం. రాజధాని బిల్లుపై సర్వత్రా ఉత్వంఠ..సిఆర్ డిఏ రద్దు చేస్తారా, రాజధాని మారుస్తారా ఏం చేస్తారా అని..ఇంత సీరియస్ బిల్లుపై కనీసం సమయం ఇవ్వకుండా, మా డిప్యూటి లీడర్ అచ్చెన్నాయుడు 2గం సమయం అడిగినా ఇవ్వకుండా ఏకపక్షంగా బిల్లు తెచ్చారు. అధికార పార్టీ బిల్లులు తెస్తుంది...సవరణలు చేయడం, సెలెక్ట్ కమిటికి పంపడం ప్రతిపక్షం బాధ్యత. బిల్లుపై మాట్లాడటానికి సాయంత్రం దాకా మాకు అవకాశం ఇవ్వకపోవడం, రామానాయుడు లేకుండా చూసి అప్పుడు మైకు ఇవ్వడం(అవకాశం ఇవ్వాలని స్పీకర్ ఛాంబర్ లోకి వెళ్లి అడిగేటప్పుడు).. ఎంత నీచ రాజకీయం చేస్తున్నారు.. సీరియస్ బిల్లుపై చర్చకు...పోరాడితే, పోరాడితే రాత్రి అయ్యాక మైక్ ఇచ్చారు నాకు.. బిల్లులో ఏం ఉందో, లాభనష్టాలు ఏమిటో ప్రజలకు చెప్పాలని లేదు వైసిపి వాళ్లకు..పూర్తి సమయం నన్ను తిట్టడానికే ప్రాధాన్యం ఇచ్చారు. మార్షల్స్ తో మమ్మల్ని బైటకు నెట్టేశారు. అర్ధరాత్రి నన్ను పుట్టలమ్మటా, గుట్టలమ్మటా, డొంకరోడ్లపై 3గంటలు అర్ధరాత్రిదాకా తిప్పారు. కడాన మంగళగిరిలో మారూమూల వదిలేశారు, పోలీస్ స్టేషన్ దగ్గర నిలదీస్తే సమాధానం చెప్పరు. మాజీ సిఎంను, ప్రధాన ప్రతిపక్ష నాయకుడిని ఎక్కడికి తీసుకెళ్తున్నారో చెప్పకుండా అర్ధరాత్రి అంతా తిప్పుతారా..? "

"రాజధానిని ఎందుకు మారుస్తున్నారంటే 60మంది మాపై దాడి చేస్తారు. వీళ్లను బైటపడేయండి అని మార్షల్స్ కు ముఖ్యమంత్రే ఆదేశాలిస్తారు, రింగు ఒకటి పెట్టండి, దాటితే బైటపడేయండని అంటారు. అప్పుడు స్పీకర్ మార్షల్స్ ను పిలుస్తారు, వీళ్లను సీట్లలో కూర్చోపెట్టండి లేదా బైట పడేయండని అంటారు. ప్రజా సమస్యల తీవ్రతను బట్టి ప్రతిపక్షంలో సుందరయ్య అంతటి వ్యక్తే బెంచి ఎక్కారు. సర్వవిధాలా పోరాడే హక్కు ప్రతిపక్షానికి ఉంది. విభజన చట్టం వచ్చినప్పుడు రెండేళ్లు పార్లమెంటులో పోరాడారు. అభ్యంతరాలు చెప్పేందుకు రైతులకు జనవరి 20 సాయంత్రం 3గం దాకా టైమ్ ఇస్తే, ఉదయం 10గంటలకే బిల్లు ఎలా టేబుల్ చేస్తారు..? ఇక కౌన్సిల్ లో తంతు విషయానికి వస్తే..కరెంట్ కట్ చేస్తారు, ప్రసారాలు నిలిపేస్తారు, 3చానళ్లను అనుమతించరు, ఇంటర్నెట్ కూడా కట్ చేస్తారు. రూమ్ లో కూర్చున్న మాకు ప్రసారాలు ఇవ్వరు. ఛైర్ పర్సన్ ఆదేశిస్తే ఇచ్చినట్లే ఇచ్చి మళ్లీ కట్ చేస్తారు. శాసన మండలి సభాపతి ఆదేశాలంటే మీకు లెక్కే లేదా..? పుచ్చలపల్లి సుందరయ్య, చండ్ర రాజేశ్వర రావు, గౌతు లచ్చన్న, భాట్టం శ్రీరామ మూర్తిలతో కలిసి పనిచేశాం. 11మంది ముఖ్యమంత్రులను నేను చూశాను. ఇంత అరాచక పాలన ఎప్పుడూ చూడలేదు. సీఎంగా నేను ఉన్నప్పుడు రాజశేఖర రెడ్డికి మైకు ఇచ్చేవాళ్లం, ఆయన సీఎంగా ఉన్నప్పుడు నాకు మైక్ ఇచ్చేవారు. కానీ ఈ అరాచక పరిస్థితి ఎప్పుడూ చూడలేదు."

"కౌన్సిల్ ఛైర్ పర్సన్ ఛాంబర్ లోనే 22మంది మంత్రులు తిష్ట వేయడం, ఆయనను గుక్క తిప్పుకోకుండా చేశారు. ఏ 2, ఎంపి వేమిరెడ్డి ప్రభాకర్ రెడ్డి, సజ్జల రామకృష్ణా రెడ్డి గ్యాలరీలోనే 2రోజులు మకాం వేశారు. ఎమ్మెల్సీలకు ప్రలోభాలు పెట్టారు. పోతుల సునీతకు పార్టీ ఎంతో చేసింది, ఉద్యమం నుంచి బైటకు వచ్చిన సీతక్కతో పాటు సీటు ఇచ్చాం. పరిటాల రవి అనుచరుడని ఆమె భర్తను ఆదరించాం. అన్నివిధాలా ఆదుకుంటే ఆమెను ప్రలోభపెట్టారు. ఆదినారాయణ రెడ్డిని రాజీనామా చేయించి, శివనాధ రెడ్డిని ఎమ్మెల్సీ చేస్తే ఆయనను లాక్కున్నారు. రూల్ 71పై చర్చ అంటే ఈ బిల్లులకు వ్యతిరేకంగా జరిగిన చర్చ అది. కౌన్సిల్ గొడవల్లో మేము ఇచ్చిన లేఖ ఛెయిర్ పర్సన్ చదవలేక పోయారు. అయినా 9మంది సభ్యులతో కౌన్సిల్ లో మీరు ఎలా ఆమోదించుకోగలరు..? కౌన్సిల్ సభాపతిని పట్టుకుని, ‘‘సాయిబుకే పుట్టావా..? నీ అంతు చూస్తాం’’ అని బొత్స అంటారా..? "

"నేను గ్యాలరీలోనే ఉన్నాను. ఈ పరిస్థితుల్లో రూమ్ లో కూర్చోవడం సరైందికాదనే గ్యాలరీలోకి వచ్చాను. 14ఏళ్ల సీఎంనైన నన్ను అడ్వయిజర్ వచ్చి వెళ్లిపొమ్మంటాడా..? మార్షల్ వచ్చి వెళ్లిపొమ్మంటారా..? కౌన్సిల్ ఛెయిర్ పర్సన్ ను చెప్పమనండి వెళ్లిపోతా అని చెప్పాను. నిబంధనలు పాటించే తొలి పౌరుడిగా నేను ఉంటాననేది అందరికీ తెలుసు..అందుకే అడగ్గానే సెల్ ఫోన్ ఇచ్చేశాను. అలాంటిది కిందనుంచి పైకి వాటర్ బాటిల్స్ విసురుతారా..? పైనుంచి కిందకు కాగితాలు విసిరేస్తారా..? నాకు అడ్డంగా ఒకరు నించుంటారా..? నన్ను మానసికంగా హింసించాలని చూస్తారా..? మీరు కొడితే నేను గమ్మున ఉండాల్నా..? నా ముందే కులం పేరుతో ఛెయిర్ పర్సన్ ను పట్టుకుని బూతులు తిడతారా... ఆయన తల్లిని, తండ్రిని, కులాన్ని, మతాన్ని తిడతారా..? బజారు రౌడీల మాదిరి వ్యవహరిస్తారా..? ఆయన చేసిన తప్పేంటి..? ధర్మాన్ని, చట్టాన్ని కాపాడటం ఆయన చేసిన తప్పా..? రూమ్ లో ఆయనను మీ మంత్రులు కొట్టబోతే బచ్చుల అర్జునుడు కాపాడి క్షేమంగా తీసుకెళ్లాడు. మీరేం దున్నపోతులా..? ఆర్టికల్ 169పై తప్ప ఎప్పుడూ మండలి గురించి శాసన సభలో చర్చించకూడదు. ఇవి రెండూ స్వయం ప్రతిపత్తిగల సంస్థలు. రాజ్యాంగం చెప్పింది అదే. ఒక సభలో చర్చను మరో సభలో వక్రీకరించి మాట్లాడటం, అనుమతి లేకుండా తెరపై ప్రదర్శించడం రాజ్యాంగ విరుద్దం కాదా..?

"బిల్లులపై సెలెక్ట్ కమిటి వేశారు, అవుట్ కమ్ రావాల్సివుందని మీ ఏజినే కోర్టులో అఫిడవిట్ వేశారు. అదివచ్చేదాకా కార్యాలయాల తరలించరాదని అంటున్నారు. అమ్మవడి, ఎస్సీ, ఎస్టీ ప్రత్యేక కమిషన్ బిల్లులను సాధారణ బిల్లుగా వస్తే సవరణలు చేసి పంపితే పాత బిల్లునే ద్రవ్యబిల్లుగా మార్చి మళ్లీ పంపిస్తారా..? అది జరగలేదని కౌన్సిల్ పై ఉక్రోషమా..? అందరినీ కొనేయాలని హార్స్ ట్రేడింగ్ చేస్తారా..? నేను ఎవరినీ పార్టీలోకి తీసుకోను,విలువలతో రాజకీయం చేస్తాను గప్పాలు కొట్టి ఇప్పుడు చేస్తున్నదేంటి..? నీ సహ నిందితులందరికీ ప్రభుత్వంలో పదవులిస్తారా..? టిటిడి పదవులా..? అడ్వయిజర్ పదవులా..? ఇక సాక్షులకు ఇంకెన్ని ఇస్తారో..? ప్రజాస్వామ్యంలో చెక్స్ అండ్ బౌన్సెస్ ఉంటాయి. 3వ్యవస్థలు పట్టుకొమ్మలు ప్రజాస్వామ్యానికి. లెజిస్లేచర్, జ్యుడిషియరీ, అడ్మినిస్ట్రేషన్..మీడియా ఫోర్త్ ఎస్టేట్. అలాంటి మీడియాను చంపేస్తున్నారు. ఈ ఉన్మాద ప్రభుత్వాన్ని ఏం చేయాలో అదే చేస్తాం. తదుపరి కార్యాచరణ ఆదివారం టిడిఎల్ పిలో నిర్ణయిస్తాం’’ అని చంద్రబాబు నాయుడు పేర్కొన్నారు."

ఈ రోజు శుక్రవారం కావటంతో, జగన్ మోహన్ రెడ్డి అక్రమాస్తుల కేసుల పై హైదరాబాద్ లో ఉన్న నాంపల్లి సిబిఐ కోర్ట్ లో, విచారణ జరిగింది. అయితే, ఈ రోజు కూడా జగన్ మోహన్ రెడ్డి, తను హాజరు కాకుండా, అధికారిక కార్యక్రమాలు ఉన్నాయని చెప్పి, అబ్సెంట్ పిటీషన్ ధాఖలు చేసారు. దీంతో, జగన్ మోహన్ రెడ్డికి, ఈ ఒక్క వారానికి, సిబిఐ కోర్ట్ మినహాయింపు వచ్చింది. మరో పక్క, ఏ2గా ఉన్న విజయసాయి రెడ్డితో పాటుగా, మిగతా వారు కూడా ఈ విచారణకు హాజరు అయ్యారు. అయితే, ఈ రోజు, కోర్ట్ ఒక కీలక తీర్పు ఇచ్చింది. గత నెల 10న, జగన్ మోహన్ రెడ్డి, సిబిఐ కోర్ట్ కు హాజరయిన సందర్భంలో, ఈడీ కేసుల్లో తనకు వ్యక్తిగత మినహాయింపు ఇవ్వాలని, తన బదులుగా, జగతీ పబ్లికేషన్స్ ప్రతినిధి వస్తారని, చెప్పారు. అయితే ఈ పిటీషన్ పై ఈడీ తన వాదనలు వినిపిస్తూ, జగన్ మోహన్ రెడ్డికి మినహాయింపు ఇవ్వకూడదు అంటూ వాదనలు వినిపించింది. ఇరు పక్షాల వాదనలు విన్న కోర్ట్, తీర్పుని, ఈ రోజు అంటే, జనవరి 24కు వాయిదా వేసింది.

ఈ తరుణంలో, ఈ రోజు కోర్ట్ ఏమి తీర్పు ఇస్తుందా అని అందరూ ఆసక్తిగా ఎదురు చూసారు. జగన్ మోహన్ రెడ్డి , ఈడీ కేసుల్లో తనకు వ్యక్తిగత మినహాయింపు ఇవ్వాలి అని వేసిన పిటీషన్ పై, ఈ రోజు కోర్ట్ స్పందిస్తూ, ఆ పిటీషన్ కొట్టేసింది. ప్రతి శుక్రవారం ఈడీ కేసుల్లో విచారణకు హాజరు కావాల్సిందే అని చెప్పింది. దీంతో వైసీపీ శ్రేణులు డీలా పడ్డాయి. అయితే ఇది జగన్ మోహన్ రెడ్డికి పెద్ద ఎదురు దెబ్బగానే చెప్పచ్చు. ఇప్పటి వరకు, ప్రతి శుక్రవారం, సిబిఐ కేసులు మీదే జగన్ విచారణకు వెళ్తున్నారు. అయితే దీని పై కూడా కోర్ట్ మొన్న ఆగ్రహం వ్యక్తం చేస్తూ, ఇలా అయితే, కేసులు ఎప్పటికి పూర్తవుతాయి, మీరు రావల్సిందే అని చెప్పటంతో, జగన్ మోహన్ రెడ్డి, గత నెల 10న కోర్ట్ కు హాజరు అయ్యారు.

ఇప్పుడు, ప్రతి శుక్రవారం, ఈడీ కేసుల్లో కూడా జగన్, కోర్ట్ కు వెళ్ళాల్సి ఉంటుంది. ఇప్పటికే సిబిఐ కేసుల్లో విచారణ ఎదుర్కుంటున్న జగన్, ఇప్పుడు ఈడీ కేసుల్లో కూడా కోర్ట్ కు వెళ్ళాలి. దీంతో, ఇది పెద్ద ఇబ్బందికర పరిణామంగా మారింది. ఈ రోజు కోర్ట్ తీర్పు ఇవ్వటంతో, వచ్చే వాయిదాకి జగన్ రావాల్సి ఉంటుందని చెప్తున్నారు. అయితే జగన్ లాయర్లు, వచ్చే వారినికి కూడా అబసేంట్ పిటీషన్ వెయ్యటానికి చూస్తున్నారని తెలుస్తుంది. అయితే, ఒక ముఖ్యమంత్రి హోదాలో ఉంటూ, ఇలా సిబిఐ కేసుల్లో, ఈడీ కేసుల్లో కోర్ట్ కు వెళ్ళటం, జగన్ ఇమేజ్ కు, అలాగే ఆంధ్రప్రదేశ్ రాష్ట్ర ఇమేజ్ కు కూడా మచ్చ అనే చెప్పాలి. మరో పక్క, రాజకీయంగా కూడా వైసీపీకి ఈ పరిణామం, పంటి కింద రాయలా కొనసాగుతూనే ఉంది.

తన సొంత అజెండా అమలుకాలేదన్న దుగ్ధతో, ప్రజాస్వామ్య విలువలకు తిలోద కాలివ్వడమేకాకుండా, తన చర్యలను సమర్థించుకునేక్రమంలో నైతికవిలువలని, ప్రజాస్వామ్యమని జగన్మోహన్‌రెడ్డి పెద్దపెద్దమాటలు మాట్లాడటం విచిత్రంగా ఉందని టీడీపీసీనియర్‌నేత, మాజీమంత్రి దేవినేని ఉమామహేశ్వరరావు మండిపడ్డారు. శుక్రవా రం ఆయన మంగళగిరిలోని పార్టీ కేంద్రకార్యాలయంలో విలేకరులతో మాట్లాడుతూ, అసెంబ్లీ సాక్షిగా జగన్‌చేసిన అసత్యప్రసంగాన్ని తప్పుపట్టారు. ప్రజలమాటను పెద్దల సభ పట్టించుకోలేదంటున్న జగన్మోహన్‌రెడ్డి, రాజధానిని తరలిస్తానని మేనిఫెస్టోలో చెప్పడంగానీ, నవరత్నాల్లో హామీఇవ్వడంగానీ చేయలేదన్నారు. అలాంటప్పుడు ఆ అంశం ఆయన వ్యక్తిగతం అవుతుందిగానీ, ప్రజాభిప్రాయం ఎలా అవుతుందన్నారు. విజయసాయిరెడ్డి, వై.వీ.సుబ్బారెడ్డి, సజ్జలరామకృష్ణారెడ్డిల నాయకత్వంలో మండలిలో మంత్రులు ప్రవర్తించిన తీరు జగన్‌కు కనిపించలేదా అని దేవినేని ప్రశ్నించారు. మైనారిటీ నేత, ఛైర్మన్‌ను ఉద్దేశించి దుర్భాషలాడటం, ఆయన తల్లిదండ్రులను, మతాన్ని దూషించడం జగన్‌ చెవికి ఎక్కకకపోవడం విచారకరమన్నారు. బుగ్గనరాజేంద్రనాథ్‌రెడ్డి స్వయంగా ఛైర్మన్‌పోడియం వద్దకెళ్లి అనరానిమాటలంటే, దానిగురించి జగన్‌ నోటి నుంచి ఒక్కమాటకూడా రాలేదన్నారు.

మండలి ప్రసారాలను ఎందుకు ఆపేశారో.. ఫోన్లు పనిచేయకుండా జామర్లు ఎందుకువాడారో చెప్పాలన్నారు. తన పంతం నెగ్గలేద న్న అక్కసుతో, రూ.30కోట్లు ఖర్చు పెట్టినా ఉపయోగంలేకుండాపోయిందని విజయసా యిని, బొత్సను జగన్‌ తిట్టినట్టు వార్తలు కూడా వచ్చాయన్నారు. సంతలో పశువులని కొన్నట్లు, తన అవినీతి సంపదను ఎమ్మెల్సీ కొనుగోలుకు వెదజల్లాడన్నారు. గతంలో ఎవరైనా తనపార్టీలోకి రావాలంటే రాజీనామాలు చేసిరావాలంటూ శ్రీరంగనీతులు చెప్పిన జగన్‌, ఇప్పుడెలాంటి పనులు చేస్తున్నాడని దేవినేని నిలదీశారు. దేవుడిస్క్రిప్ట్‌ ప్రకారమే టీడీపీకి 23స్థానాలు వచ్చాయన్న ముఖ్యమంత్రి, ఆ 23మందిని ఎదుర్కోలేక దేవుడిస్క్రిప్ట్‌కి వ్యతిరేకంగా పాలన చేస్తున్నాడన్నారు. శాసనమండలి రద్దు తనచేతుల్లో లేదని తెలిసీ కూడా ఆదిశగా అడుగులువేస్తున్నాడన్నా రు.శుక్రవారం కోర్టుకు హాజరవ్వడం కోసమే అసెంబ్లీకి సెలవు ప్రకటించాడన్నారు. మైనారిటీ నాయకుడు శాసనమండలి స్పీకర్‌గా కూర్చోవడాన్ని జగన్‌ జీర్ణించుకోలేకపో తున్నాడని, అందుకోసమే దానిరద్దుకి యత్నిస్తున్నాడన్నారు. 40ఏళ్ల అనుభవాన్ని ఎగతాళిచేస్తున్న మంత్రులందరికీ, రూల్‌-71తో దిమ్మదిరిగేలా చేయడం చంద్రబాబుకే సాధ్యమైందన్నారు. కొడాలినాని బూతులుమాట్లాడినప్పుడు ఖండించిఉంటే, ద్వారంపూడి నోరెత్తేవాడు కాదని, ఆయన్ని చూసి తణుకుఎమ్మెల్యే హద్దులుమీరాడన్నారు. మంత్రులు , ఎమ్మెల్యేలతో దాడి చేయించడం, బూతులు తిట్టించడం ద్వారా, జగన్‌లోని పైశాచిక ఆనందం తృప్తి పడుతోందని ఉమా దుయ్యబట్టారు.

మండలిస్పీకర్‌ వ్యాఖ్యలను అసెంబ్లీ లో చూపించడంతోనే జగన్‌ తెలివిఏపాటిదో అర్థమైందన్నారు. 25మంది రైతులు, రైతుకూలీలు చనిపోయినప్పుడు స్పందించని జగన్‌మనసు, మండలిలో బిల్లు ఆమోదం పొందకపోవడంతో చలించిందని దేవినేని ఎద్దేవాచేశారు. విజయసాయి, వై.వీ.సుబ్బా రెడ్డి, సజ్జలసాయంతో సోమవారంనాటికి ఎంతమందిని వీలైతే, అంతమంది టీడీపీ ఎమ్మెల్సీలను ప్రలోభపెట్టే పనిలో జగన్‌ ఉన్నాడన్నారు. శాసనమండలి నిర్వహణకు రూ.60కోట్లు ఖర్చవుతాయంటున్న ముఖ్యమంత్రి, తనపార్టీ కార్యకర్తలకు వాలంటీర్ల ముసుగులో నెలకు రూ.200కోట్లు ఎందుకు ఖర్చుచేస్తున్నాడో సమాధానం చెప్పాలని ఉమా డిమాండ్‌చేశారు. వైసీపీకార్యకర్తలకే ఏటా రూ.2,400కోట్ల ప్రజాధనాన్ని జగన్‌ అప్పనంగా దోచిపెడుతున్నాడని, దాతలు నిర్మించిన భవనాలకు పార్టీ రంగులేయడానికి రూ.1200కోట్లు ఖర్చుచేశారన్నారు. ముఖ్యమంత్రి కోర్టుకు వెళ్లడానికి ప్రతివారం రూ.60లక్షలు ఖర్చవుతుందని, ఏడాదికి రూ.30కోట్లు అక్రమాస్తులకేసుల్లో కోర్టుకు వెళ్లడానికే అవుతున్న విషయం జగన్‌కు తెలియదా అని ఉమా నిలదీశారు. సజ్జల సహా, అనేకమంది సాక్షివేగుల్ని ప్రభుత్వకార్యాలయాల్లో నియమించి ఏటా రూ.1000 కోట్లు దోచిపెడుతున్నారన్నారు. తన ఇంటి కిటికీలు మార్చడానికి రూ.80లక్షలు, రోడ్లు వేయడానికి, రంగులకు రూ.40కోట్ల ప్రజాధనాన్ని వాడుకున్నారన్నారు. జగన్మోహ న్‌రెడ్డి తలకిందులుగా తపస్సుచేసినా మండలిని రద్దుచేయలేడని ఉమా తేల్చిచెప్పారు. సెలెక్ట్‌ కమిటీ ప్రజాభిప్రాయం సేకరించాక, నివేదికను అసెంబ్లీకి అందచేస్తుందన్నారు. ఒకవేళ సీబీఐ, ఈడీకేసుల్లో శిక్షపడి జైలుకువెళితే, తనను బయటకు తీసుకురావడానికే ముందస్తుగా ప్రజలసొమ్ముతో జగన్‌, ఢిల్లీ న్యాయవాది ముకుల్‌రోహత్గీని నియమించు కున్నాడన్నారు. విజయసాయి బెయిల్‌ను రద్దుచేయమని కోర్టుని ఆశ్రయిస్తామని దేవినేని స్పష్టంచేశారు. జగన్‌ మండలిరద్దు వంటి తెలివితక్కువ నిర్ణయాలు తీసుకుంటే కోర్టులను ఆశ్రయించైనా సరే, ఆయన్ని అడ్డుకుంటామన్నారు.