news

వైఎస్ జగన్ మోహన్ ప్రభుత్వానికి, కోర్టుల్లో మొట్టికాయలు పడుతూనే ఉన్నాయి. పీపీఏల విషయంలో మొదలైన హైకోర్ట్ మొట్టికాయలు, ఇప్పటికీ కొనసాగుతూనే ఉన్నాయి. వైసీపీ ప్రభుత్వ స్పీడ్ కి, కోర్ట్ బ్రేకులు వేస్తూ ఉండటంతో, జగన్ కు ఇబ్బందిగా మారింది. ఇప్పటికే శాసనమండలి తన మాట వినటం లేదని, ఆయన శాసనమండలిని రద్దు చేసిన సంగతి తెలిసిందే. అయితే కోర్ట్ ల విషయంలో, ప్రభుత్వాలకు ఎలాంటి అధికారాలు లేకపోవటంతో, కోర్ట్ జోలికి పోలేదు అంటూ తెలుగుదేశం పార్టీ నాయకులూ సెటైర్లు వేస్తున్నారు. అయితే, ఇప్పుడు విషయానికి వస్తే, వైసీపీ ప్రభుత్వం రాష్ట్రం మొత్తం బ్రాండింగ్ కార్యక్రమం పెట్టిన సంగతి తెలిసిందే. ఎక్కడ చూసినా, ఎటు చూసినా వైసీపీ రంగులే కనిపించాలి అంటూ, పెద్దలు హుకుం జారీ చెయ్యటంతో, మొత్తం అదే బాట పట్టారు. పంచాయతీ ఆఫీస్లు, ప్రభుత్వం భవనాలు, వాటర్ ట్యాంకులు, ఆకులు, అలమలు, గేదల, గొర్రెల కొమ్ములు, ఇలా ఒకటి కాదు, రెండుకాదు, ఏది కనిపిస్తే అది, వైసీపీ రంగులతో నింపేశారు.

ఈ ఫోటోలు అన్నీ సోషల్ మీడియాలో వచ్చిన సంగతి తెలిసిందే. అయితే ఈ తతంగం అంతా చూస్తున్న కొంత మందికి విరక్తి చెంది, కోర్ట్ కు వెళ్లారు. ఎక్కడైనా పంచాయతీ ఆఫీస్ అనేది, అన్ని పార్టీల ప్రజలు, అన్ని వర్గాల ప్రజలు వెళ్ళేదిలా ఉండాలని, ఇప్పుడు పంచాయతీ ఆఫీస్లకు వెళ్ళాలి అంటే, ఏదో పార్టీ ఆఫీస్ కు వెళ్లినట్టు ఉందని అంటున్నారు. దీంతో వారికి విరక్తి చెంది, వారు కోర్ట్ కు వెళ్లారు. ప్రజా ఆస్తులకు ఒక పార్టీ రంగులు వెయ్యటం తప్పు అని, కోర్ట్ ఈ విషయంలో, సరైన విధంగా, ప్రభుత్వానికి ఉత్తర్వులు ఇవ్వాలి అంటూ, గుంటూరుకు చెందిన కొంత మంది హైకోర్ట్ లో కేసు వేసారు. ఈ విషయం పై, ఈ రోజు హైకోర్ట్ లో వాదనలు జరిగాయి. ఈ సందర్భంగా హైకోర్ట్ కీలక ఆదేశాలు ఇచ్చింది.

పంచాయతీ కార్యాలయాలపై వైకాపా రంగులను తొలగించాలని ఏపీ ప్రభుత్వాన్ని హైకోర్టు ఆదేశించింది. పంచాయతీ ఎన్నికలు వస్తున్నందున పార్టీ రంగులు కార్యాలయాలపై తొలగించాలని ప్రభుత్వాన్ని కోర్టు ఆదేశించింది. పంచాయతీ కార్యాలయాలు ప్రభుత్వానివని, వాటికి పార్టీ రంగులు ఉండకూడదని ధర్మాసనం తేల్చి చెప్పింది. కార్యాలయాలకు రంగుల తొలగింపు వ్యవహారంలో రాష్ట్ర ఎన్నికల సంఘం బాధ్యత తీసుకోవాలని సూచించింది. దీనిపై కౌంటర్ దాఖలు చేయాలని ఎన్నికల సంఘాన్ని కోర్టు ఆదేశించింది. తదుపరి విచారణ ఫిబ్రవరి 5 కు వాయిదా పడింది. అయితే ఇప్పటికి రంగులు వెయ్యటానికి, 1400 కోట్లు అయ్యింది అంటూ తెలుగుదేశం పార్టీ ఆరోపిస్తున్న సంగతి తెలిసిందే. అంటే, ఇప్పుడు ఈ 1400 కోట్లు, మళ్ళీ రంగులు మార్చటానికి, ఎన్ని వేల కోట్లు అవుతాయి. ఇలాంటి వృధా ఖర్చులు పెట్టే బదులు, ప్రజలకు ఉపయోగపడే వాటి పై, ఖర్చు పెట్టాలని ప్రజలు కోరుకుంటున్నారు.

జగన్ మోహన్ రెడ్డి, మూడు ముక్కల రాజధాని నిర్ణయం తీసుకున్న సమయంలో, ఈ ప్రక్రియ అంతా, చాలా ఈజీగా వెళ్ళిపోతుంది అని అందరూ అనుకున్నారు. జగన్ ఈ నిర్ణయం తీసుకున్న తరువాత, అమరావతి రైతులు ఎంత ఆందోళన చేసినా, 30 మంది చనిపోయినా, జగన్ మాత్రం అదరలేదు బెదరలేదు. క్యాబినెట్ నిర్ణయం, అసెంబ్లీ నిర్ణయం తీసుకోవటంతో, ఇక మూడు ముక్కల రాజధాని తధ్యం అని అందరూ అనుకున్నారు. ఇక అమరావతి రైతులు రోడ్డున పడినట్టే అని అందరూ అనుకున్నారు. శాసనమండలిలో టిడిపికి మెజారిటీ ఉన్నా, ఇక్కడ బిల్లు రిజెక్ట్ చేసినా, మళ్ళీ అసెంబ్లీ ఆమోదిస్తే, ఇక మండలి గురించి పట్టించుకోనవసరం లేదని అనుకున్నారు. అయితే, ఇదే సమయంలో, చంద్రబాబు తన 40 ఏళ్ళ అనుభవాన్ని చూపించారు. ఏ 40 ఏళ్ళ అనుభవం అంటూ, వైసీపీ ఎగతాళి చేసిందో, దాంతోనే చంద్రబాబు కొట్టారు. మండలి సమావేశాల మొదటి రోజు, బయటకు తెచ్చిన రూల్ 71 దెబ్బకు, గిలగిలా కొట్టుకున్న వైసీపీ, ఇక దీంట్లో నుంచి బయటకు రాలేక, ఏకంగా మండలినే రద్దు చేస్తూ నిర్ణయం తీసుకున్నారు.

ఇంకో ఏడాది ఎలాగోలా తట్టుకుంటే, జగన్ కే మండలిలో మెజారిటీ వచ్చేస్తుంది. ఏడాది కూడా సహనంగా ఉండలేక, చంద్రబాబు వేసిన పాచికలో జగన్ చిక్కుకుని, ఏకంగా మండలినే రద్దు చేస్తున్నట్టు ప్రకటించారు. ఇప్పుడు జగన్, వైఖరి ఏమిటో, ప్రజలు చూస్తున్నారు. తెలుగుదేశం పార్టీ ఆరోపిస్తున్న తుగ్లక్ అనే ఆరోపణ నిజం చేస్తూ, వైసీపీ ప్రభుత్వం కూడా ఇలాంటి నిర్ణయాలే తీసుకుంది. అయితే ఇప్పుడు చంద్రబాబు వేసిన పాచికకు జగన్ చిక్కారు. ఇది ఇక్కడితో అయిపో లేదు. ఇప్పుడు కేంద్రంలో ఉన్న బీజేపీ వైఖరి కూడా బయట పడాల్సిన పరిస్థితి వచ్చింది. ఇన్నాళ్ళు, వైసీపీ, బీజేపీ మధ్య వైరం ఉంది అంటూ, నమ్మించే ప్రయత్నం చేస్తున్నా, ఆచరణలో మాత్రం, కేంద్రం ఎక్కడా జగన్ ని కట్టడి చెయ్యటం లేదు.

చివరకు ఒక రాజధానిని మూడు ముక్కలు చేస్తాం, 29 వేల మంది రైతుల త్యాగం వృధా చేస్తాం అంటున్నా, కేంద్రం స్పందించలేదు. అయితే, రాష్ట్రంలో బీజేపీ మాత్రం, మాటలు కోటలు దాటిస్తుంది. అయితే ఇప్పుడు ఈ దాగుడు మూతలకు చెక్ పెడుతూ, చంద్రబాబు వేసిన పాచికతో, ఇప్పుడు కేంద్రంలో ఉన్న బీజేపీ వైఖరి కూడా తెలిసిపోతుంది. ఒక వేళ, కేంద్రం కనుక మండలి రద్దు నిర్ణయం వెంటనే, అంటే, రేపు ఫిబ్రవరి నుంచి మొదలు అయ్యే పార్లమెంట్ సమావేశంలో ఇది పెడితే, జగన్ కు, బీజేపీకి ఉన్న సంబంధం బయట పడుతుంది. లేదు, ఇప్పటికే ఉన్న రెండు రాష్ట్రాల శాసనమండలి రద్దు తీర్మానాల లాగా, ఏపి తీర్మానం కూడా పెండింగ్ లో పెట్టి, ఏడాది, రెండేళ్ళ తరువాత రద్దు పార్లమెంట్ లో పెడితే, అప్పుడు బీజేపీకి, జగన్ కు ఎలాంటి సంబంధాలు లేవు అని ప్రజలకు అర్ధం అవుతుంది. ఇప్పుడు కేంద్రంలో ఉన్న బీజేపీ అన్ని విషయాలు లాగా తప్పించుకునే పరిస్థితి లేదు. ఇప్పుడు వాళ్ళ వైఖరితో, బీజేపీ ఎటు వైపు అనేది ఏపి ప్రజలకు అర్ధమై పోతుంది.

అమరావతిలో ఒక పక్క మండలి రాద్దు అంశం పై, అసెంబ్లీలో చర్చ జరిగి, ఏమి జరుగుతుందో అని ఆసక్తి ఉన్న వేళ, విజయవాడలో కర్ణాటక రైతులని అరెస్ట్ చెయ్యటం సంచలనంగా మారింది. అమరావతిలో రాజధాని రైతులు చేస్తున్న ఉద్యమం 40వ రోజుకు చేరుకుంది. అయినా ఎక్కడా ప్రభుత్వం కనీసం వీరిని పరిగణలోకి కూడా తీసుకోలేదు. కనీసం వారి సమస్య ఏమిటి అనేది కూడా పట్టించుకోలేదు. అయినా అమరావతి రైతులు, శాంతియుతంగా, ఎక్కడా లైన్ దాటకుండా, వారు 40 రోజులుగా ఉద్యమం చేస్తున్నారు. ఈ నేపధ్యంలోనే, అమరావతి రైతులకు రాష్ట్రంలోని అన్ని ప్రాంతాల నుంచి మంచి మద్దతు లభిస్తుంది. అయితే, ఈ రోజు అమరావతి రైతులకు అనూహ్య మద్దతు వచ్చింది. తుళ్లూరులో రాజధాని రైతులు చేస్తున్న నిరసనకు, కర్నాటక నుంచి వచ్చిన రైతులు, మద్దతు ప్రకటించారు. అయితే, ఇది ఇక్కడితో అయిపోలేదు. వారు అమరావతికి వస్తూ ఉండగా, వారిని పోలీసులు అడ్డుకోవటం, సంచలనంగా మారింది. మడ్డు ఇస్తే కూడా అడ్డుకుని, అరెస్ట్ చెయ్యటం ఏమిటో ఎవరికీ అర్ధం కాలేదు.

అది కూడా, వేరే రాష్ట్ర రైతులని, మన రాష్ట్రంలో అరెస్ట్ చెయ్యటం, సంచలనంగా మారింది. అయితే కర్ణాటక రైతుల అరెస్ట్ ను తెలుసుకున్న తెలుగుదేశం పార్టీ అధినేత చంద్రబాబు సీరియస్ అయ్యారు. కృష్ణలంక పోలీస్ స్టేషన్ కు కర్ణాటక రైతులను తరలించడంపై ఆగ్రహం వ్యక్తం చేసారు. వాళ్ళు ఏమి తప్పు చేసారని అరెస్ట్ చేసారని, చంద్రబాబు అడిగారు. వారిని వెంటనే విడుదల చేసి, వారిని అమరావతి రైతుల దగ్గరకు వెళ్ళకుండా చెయ్యాలని కోరారు. వారిని కనుక విడుదల చెయ్యకపోతే నేనే కృష్ణలంక పోలీస్ స్టేషన్ కు వస్తాను అంటూ చంద్రబాబు హెచ్చరించారు. దీంతో, పోలీసులు మళ్ళీ చంద్రబాబు వస్తే, ఎలా ఉంటుందో అని, పోలీసులు వెంటనే వారిని విడుదల చేసారు. వారికి అండగా అక్కడ స్థానికి విజయవాడ టిడిపి నేతలు ఉన్నారు.

చంద్రబాబు మాట్లాడుతూ, "కర్ణాటక నుంచి వచ్చిన రైతులపై పోలీసుల దౌర్జన్యం హేయం. రాజధాని రైతులకు మద్దతుగా కర్ణాటక రైతులు వస్తే తప్పా..? సాటి రైతులు కష్టంలో ఉన్నారని కర్ణాటక రైతులు వచ్చారు. తోటి రైతులకు సంఘీభావం చెప్పడమే వాళ్ల నేరమా..? ఒక రైతుకు, మరో రైతు మద్దతివ్వడంలో తప్పేంటి..? తక్షణమే కర్ణాటక రైతులను వదిలేయాలి. లేకుంటే నేనే కృష్ణలంక పోలీస్ స్టేషన్ కు వస్తాను. ఏవిధంగా విడుదల చేయరో చూస్తాను " అంటూ చంద్రబాబు ధ్వజమెత్తారు. అయితే కర్ణాటక రైతులు, వారికి ఎదురైన పరిస్థితి చూసి అవాక్కయ్యారు. మేము ఏమి చేసాం అని మమ్మల్ని అరెస్ట్ చేసారు, ఒక సాటి రైతుకు, మరో రైతు, ఈ దేశంలో మద్దతు తెలపటం కూడా తప్పా అంటూ, కర్ణాటక రైతులు వాపోయారు.