news

ముఖ్యమంత్రి కుర్చీ కోసం పాదయాత్ర చేస్తున్న జగన్ మోహన్ రెడ్డి, పాదయత్ర స్టైల్ గురించి అందరికీ తెలిసిందే... పాదయాత్ర అంటే ఈయనగారికి ఎంత జోక్ గా ఉందో ఇక్కడే అర్ధమవుతుంది... ఒక రాజకీయ నాయకుడు పాదయత్ర చేస్తే, అది ఎంత పవిత్రంగా చేస్తారో, మనం మన రాజకీయాల్లో చూసాం... రాజశేఖర్ రెడ్డి, చంద్రబాబు ఎలా పాదయాత్ర చేసారు అన్నది, మనకు ఇంకా గుర్తు ఉంది... ఈ జగన్ మాత్రం, ఏంటో తెలియదు... వారినికి రెండు రోజులు కోర్ట్ కు వెళ్ళాలని సెలవు పెట్టి, ఫ్లైట్ ఎక్కి, హైదరాబాద్ లో దిగుతాడు... పోనీ కోర్ట్ కు వెళ్తాడా అంటే, ఇంటికి వెళ్లి, మసాజ్ లు, ఫేషియల్ లు చేపించుకుని, రెస్ట్ తీసుకుని, హాయగా రెండు రోజులు ఎంజాయ్ చేసి, మళ్ళీ పాదయాత్ర అంటాడు...

వారానికి ఒక రోజు, శుక్రవారం కోర్ట్ కి పోవాలి.. అందుకోసం గురువారం మధ్యాహ్నం నుంచే మనోడు జంప్ అవుతాడు... గట్టిగా నడిచేది 5 రోజులు... మళ్ళీ మధ్యలో పండుగలు అని, అదని, ఇదని, హాలిడే తీసుకుంటాడు... అయితే, ఇన్నాళ్ళు గురవారం మధ్యాహ్నం పాదయాత్ర ఆపేసి వెళ్ళిపోతున్నాడు అంటే, పాపం హైదరబాద్ చేరుకోవాలి అంటే ఇబ్బంది కదా, మళ్ళీ కోర్ట్ కి లేట్ అయితే జడ్జి గారు ఊరుకోరు కాబట్టి వెళ్తున్నాడు అనుకున్నాం... కాని ఈయనగారు ప్రస్తుతం బెజవాడ బోర్డర్ లో ఉన్నాడు... ఉండవల్లి దగ్గర ఉన్నాడు... ఇక్కడ నుంచి ఎవరికైనా హైదరాబాద్ వెళ్ళాలి అంటే ఎంత టైం పడుతుంది ? బస్సులో వెళ్ళే మనమే, నాలుగు గంటల్లో హైదరాబాద్ వెళ్తున్నాం...

ఈయనగారు, కార్లు వేసుకుని వెళ్తాడు... మళ్ళీ ప్రతిపక్ష నాయకుడు ట్యాగ్ ఒకటి ఉంటుంది కాబట్టి, ట్రాఫిక్ కు కూడా ఫ్రీ చేస్తారు... గట్టిగా కొడితే, మూడు గంటల్లో హైదరాబాద్ లో ఉంటాడు... అలాంటిది, ఒక్క రోజు ముందే ఇంటికి వెళ్ళటం ఏంటి ? అసలు ఇలాంటి పాదయత్ర ఎక్కడన్నా ఉంటుందా ? ఎంత దీక్షగా చేస్తారు, పాదయాత్ర అంటే ? చంద్రబాబు, రాజశేఖర్ రెడ్డి, ఎన్ని ఇబ్బందులు వచ్చినా, ఇంటికి కూడా వెళ్ళలేదు... ఎప్పుడన్నా ఎవరన్న చనిపోయినప్పుడు వెళ్ళినా, అక్కడకు వెళ్లి, వెనక్కు వచ్చేసేవారు.. ఈయన మాత్రం, రెండు రోజులు వెళ్లి లోటస్ పాండ్ లో డొల్లుతాడు... మసాజ్ లు, ఫేషియల్ లు చేపించుకుని, రెస్ట్ తీసుకుని, హాయగా రెండు రోజులు ఎంజాయ్ చేసి, మళ్ళీ పాదయాత్ర అంటాడు... వీళ్ళు ప్రజా నాయకులు...

విదేశీ పెట్టుబడులను ఆకర్షించి, ఆంధ్రప్రదేశ్ రాష్ట్రానికి భారీ ఎత్తున పరిశ్రమలను తీసుకొచ్చేందుకు ఇప్పటికే ముఖ్యమంత్రి చంద్రబాబు నాయుడు చర్యలు చేపట్టారు.. అందులో భాగంగా మొబైల్ రంగంలో గుర్తింపు పొందిన షియామీ సంస్థ, ఎలక్ట్రానిక్ వస్తువల విడిభాగాలు తయారీ పరిశ్రమ ఏర్పాటుకు ముందుకు వచ్చింది... పరిశ్రమ తిరుపతి పరిసర ప్రాంతాల్లో నెలకోల్పెందుకు అనువుగా సియం చొరవ తీసుకున్నారు... నిన్న ముఖ్యమంత్రి చంద్రబాబు తిరుపతిలో పర్యటించి, షియోమీ ప్రతినిధులతో సమావేశం అయ్యారు... ఈ సందర్భంగా రాష్ట్రంలో విడిభాగాల పరిశ్రమ స్థాపనకు ముందుకు రావాల్సిందిగా వారిని కోరారు. తిరుపతి ప్రాంతంలో అనుకూలతలు ఉన్నాయని, ప్రభుత్వం అన్ని విధాలుగా సహకరించేందుకు సిద్ధంగా ఉందని వివరించారు.

జిల్లాలో ఫాక్స్‌కాన్‌ కంపెనీ భాగస్వామ్యంతో మొబైల్ తయారీ చేస్తున్న నేపథ్యంలో విడిభాగాలు ఇక్కడే ఉత్పత్తి చేస్తే బాగుంటుందని అభిప్రాయపడ్డారు. ఇందుకు భూమితో పాటు అవసరమైతే నిర్మాణాలు చేసి ఇచ్చేందుకు సిద్ధంగా ఉన్నట్లు స్పష్టం చేశారు. ఇలా ఆయా సంస్థల ప్రతినిధులను ఒప్పించేందుకు ప్రయత్నించారు. తిరుపతిలో కొద్ది గంటలే గడిపినా.. ఏకంగా 38 కంపెనీలకు చెందిన ప్రతినిధులతో ఒకేసారి సమావేశమై రాష్ట్ర ప్రాధాన్యతలను వివరించారు. తిరుపతి పరిసర ప్రాంతాలను హార్డ్‌వేర్‌తోపాటు ఎలక్ట్రానిక్‌ పరికరాల ఉత్పత్తి కేంద్రంగా తీర్చిదిద్దాలని సీఎం ప్రయత్నాలు చేస్తున్నారు. అందులో భాగంగా ఇప్పటికే పలు పరిశ్రమలు ఇక్కడ నెలకొల్పారు. తాజాగా షియామీ చరవాణులకు విడిభాగాలను అందించే సరఫరాదారులు తమ సంస్థలను దేశంలోని వివిధ ప్రాంతాల్లో ఏర్పాటు చేయాలని నిర్ణయించారు. దీనికి అనుగుణంగా భారతదేశం వచ్చారు. ఈ అవకాశాన్ని అందిపుచ్చుకోవాలని సీఎం నిర్ణయించి... అందుకు అనుగుణంగా చర్యలు చేపట్టారు.

తిరుపతికి వచ్చిన 38 సంస్థలకు చెందిన మొబైల్ విడిభాగాల సరఫరాదారులతో నేరుగా సమావేశం కావాలని నిర్ణయించారు. అందుకు అనుగుణంగా బుధవారం ఉదయం తిరుపతికి వెళ్లారు. సుమారు గంటన్నరకుపైగా వారితో ప్రత్యేకంగా సమావేశమయ్యారు. ఈ సందర్భంగా సీఎం మీడియాతో మాట్లాడుతూ తాను చెప్పిన అంశాలతో సంతృప్తి చెందారని, పెట్టుబడులు పెట్టేందుకు సానుకూలంగా ఉన్నారని తెలిపారు. రాయలసీమ ప్రాంతానికి ఎక్కువ పరిశ్రమలు వస్తున్నాయని, ఇది మంచి పరిణామమని వెల్లడించారు. వెనుకబడిన ప్రాంతాల్లో పరిశ్రమల స్థాపనకు ప్రభుత్వం కృషి చేస్తోందని, దీనికి అనుగుణంగా చర్యలు చేపడుతున్నట్లు వివరించారు. మౌలిక వసతులు ఎక్కడ బాగుంటే అక్కడ పారిశ్రామికవేత్తలు పెట్టుబడులు పెడతారని అన్నారు. మొత్తంగా రాయలసీమ ప్రాంతంలో భారీగా పరిశ్రమలు వస్తున్నట్లు వెల్లడించారు.

మంగళగిరి సీవీ కన్వెనన్లో సీఆర్డీయే, సీఐఐ సంయుక్త ఆధ్వర్యంలో మూడురోజుల పాటు నిర్వహించే సంతోష నగరాల సదస్సులో ఆసక్తికర పరిణామం చోటు చేసుకుంది... ప్రపంచ దేశాల ప్రతినిధులు హాజరైన సంతోష నగరాల సదస్సులో భూటాన్లోని, జెలెఫర్ నగర మాజీ మేయర్ ఆకారాం కెప్లీ ప్రసంగంలో ముఖ్యమంత్రి చంద్రబాబునాయుడును ప్రధానమంత్రిగా సంభోదించారు...... స్మార్ట్ నగరాల నిర్మాణం పై తన అనుభవాలను వివరించిన కెప్లీ 'ప్రైమ్ మినిస్టర్' చంద్రబాబు నాయుడు ఓ విజన్ ఉన్న నాయకుడని అభివర్ణించారు. తనకు ఉన్న అపారమైన అనుభవంతోనే అమరావతి నిర్మాణానికి సదస్సు ఏర్పాటు చేశారన్నారు. ప్రధానమంత్రి చంద్రబాబునాయుడు అమరావతిని ప్రపంచ స్థాయి నగరంగా తీర్చిదిద్దగలరనే నమ్మకం తమకు ఉందన్నారు.

ఒకపక్క భారత ప్రధాని నరేంద్రమోదీ పై ప్రత్యేక హోదా, విభజన హక్కుల సాధన కోసం విభేదించి కారాలు, మిరియాలు నూరుతున్న ముఖ్యమంత్రి చంద్రబాబును ఏకంగా ప్రధానమంత్రిగా కెస్లీ పేర్కొనటం విశేషం.... దీంతో రాష్ట్ర బీజేపీ నాయకులు అయితే, ఇది కావాలనే చంద్రబాబు చేసిన కుట్ర అంటూ, యధావిధంగా విమర్శలు చేస్తున్నారు... చంద్రబాబు ఇలా కావాలనే వాళ్ళ చేత చెప్పించుకుంటున్నారు అని అంటున్నారు... మరో పక్క నవ్యాంధ్ర రాజధాని అమరావతికి తమవంతు సహకారాన్ని అందిస్తామని అభివృద్ధి నమూనాలో అనుభవాలను పంచుకుంటామని దేశ, విదేశీ ప్రతినిధులు వెల్లడించారు....

అమరావతి నిర్మాణంలో పరస్పర సహకారాన్ని అందించుకునేందుకు సంసిద్ధతను వ్యక్తంచేశారు, సింగపూర్ ప్రతినిధి... కంబోడియా మెడల్లిన్ నగర మాజీ మేయర్ అనిబల్ గవిరియా మాట్లాడుతూ వ్యవస్థాపరంగా నిర్మాణాత్మకమైన పాలనా విధానాలను అవలంబించడం ద్వారా స్మార్ట్ సిటీలు రూపాంతరం చెందుతాయన్నారు. సామాజిక అసమానతలను తొలగించడంతో పాటు ఆర్థికాభివృద్ధి సాధించి పర్యాటక కేంద్రాల అభివృద్ధితో సంతోష నగరాల మనుగడ సాధ్యమవుతుందని ఫిన్లాండ్ ఎంబసీ కమర్షియల్ కౌన్సెలర్ జుక్కా హోలప్ప అభిప్రాయపడ్డారు. భూటాన్లోని జెలెఫా టౌన్ మేయర్ తీకారాం కార్డే మాట్లా డుతూ తమ నగరంలో 15 మొక్కలు నాటితేనే భవన నిర్మాణానికి ఆక్యుపెన్సీ సర్టిఫికెట్ మంజూరవుతుందన్నారు. సీఆర్డీయే కమిషనర్ చెరుకూరి శ్రీధర్ మాట్లాడుతూ వచ్చే ఏడాది నాటికి రాజధాని మొదటి దశ నిర్మాణాలు పూర్తిచేయాలనే లక్ష్యంతో ప్రభుత్వం ఉందన్నారు.