news

తిరుమల తిరుపతి దేవస్థానం తరుచూ వివాదాల్లోకి వెళ్తుంది. రెండు నెలల క్రితం తిరుమల తిరుపతి దేవస్థానం ఆస్తులు అమ్మకానికి పెట్టటం పెను వివాదం అయ్యింది. భక్తులు ఇచ్చిన ఆస్తులు కొన్ని అమ్మకానికి పెట్టారని వార్తలు రావటంతో, పెద్ద ఎత్తున వివాదం జరిగింది. అయితే వివాదం దేశ స్థాయిలో జరగటంతో, తిరుమల తిరుపతి దేవస్థానం వెనక్కు తగ్గింది. అయితే ఇప్పుడైనా ఇలాంటి వివాదాలు జోలికి పోకుండా ఉంటారు అనుకుంటే, ఈ రోజు మరో వార్త ఉదయం నుంచి ప్రచారం జరుగుతుంది. ఇది దేశ స్థాయిలో కూడా చర్చకు దారి తీసింది. శ్రీవారికి ఉన్న డబ్బులు, బ్యాంకులలో కాకుండా, రాష్ట్ర ప్రభుత్వ సెక్యూరిటీ బాండ్స్ లో పెట్టాలని నిర్ణయం తీసుకోవటంతో, మరోసారి తిరుమల తిరుపతి దేవస్థానం పై విమర్శలు వచ్చాయి. భక్తులు తీవ్ర ఆగ్రహం వ్యక్తం చేసారు. పార్టీలకు అతీతంగా అందరూ ఈ విషయాన్ని ఖండించారు. ప్రభుత్వం ఈ చర్య వెనక్కు తీసుకోక పొతే పెద్ద ఉద్యమం చేస్తామని తిరుపతిలో కూడా నిరసన చేయటం జరిగింది. ఈ విషయం పై ఉదయం నుంచి అలజడి రేగింది. హిందూ మతానికి ఒక ఆధ్యాత్మిక రాజధానిగా తిరుమల ఉన్న నేపధ్యంలో, ఇక్కడ ఏ చిన్న నిర్ణయం తీసుకున్నా, భక్తులు స్పందిస్తూ ఉంటారు. అయితే కొత్త ప్రభుత్వం వచ్చిన తరువాత తిరుమల తిరుపతి దేవస్థానం తీసుకునే నిర్ణయాలు అన్నీ వివాదస్పదం అవుతున్నాయి.

ఈ రోజు భక్తులు కానుకులుగా ఇచ్చే డబ్బులు, ప్రభుత్వం వద్ద డబ్బులు లేవు కాబట్టి, అక్కడ సెక్యూరిటీల్లో డిపాజిట్ చేసే నిర్ణయం తీసుకోవటం, బ్యాంకులు కంటే, ప్రభుత్వం ఎక్కువ వడ్డీ ఇస్తుంది అంటూ సమర్ధించుకోవటం పై, ఉదయం నుంచి విమర్శలు వచ్చయి. దీని పై కోర్టులో కేసు వేయటంతో పాటుగా,అ ప్రజా ఉద్యమానికి కూడా సిద్ధం అయ్యారు. రేపటి నుంచి పెద్ద ఎత్తున ఉద్యమం చేయాలని నిర్ణయం తీసుకున్నారు. అయితే ప్రజా ఆగ్రహం గుర్తించిన ప్రభుత్వం, తిరుమల తిరుపతి దేవస్థానం చేత పత్రికా ప్రకటన విడుదల చేపించింది. తాము ఈ నిర్ణయం అమలు పరచటం లేదని, ఎప్పటిలాగే ఇక నుంచి కూడా డిపాజిట్లు అన్నీ బ్యాంకుల్లోనే చేస్తామని ఆ ప్రకటనలో తెలిపారు. బండ్ల రూపంలో, ప్రభుత్వ సెక్యూరిటీల్లో డిపాజిట్ చేయాలనే నిర్ణయాన్ని వెనక్కు తీసుకున్నారు. దీంతో రేపు చేపట్టే నిరసన కార్యక్రమాలు వాయిదా పడే అవకాసం ఉంది. మొత్తానికి భక్తుల ఆగ్రహంతో మరోసారి టిటిడి తన నిర్ణయాన్ని వెనక్కు తీసుకుంది.

గత తెలుగుదేశం ప్రభుత్వ హయంలో, ఆంధ్రప్రదేశ్ రాష్ట్రానికి వచ్చిన ఒక భారీ పెట్టుబడిలో రిలయన్స్ జియో ఒకటి. అప్పట్లో చంద్రబాబు గారు విశాఖలో సాఫ్ట్వేర్ , ఫైన్ టెక్ హబ్ గా, గోదావరి జిల్లాలు ఆక్వా హబ్ గా, కృష్ణా, గుంటూరు జిల్లాల్లో పరిపాలన, హాస్పిటల్స్, స్కూల్స్ హబ్ గా, అలాగే ప్రకాశంలో అతి పెద్ద పేపర్ మిల్, నెల్లూరులో విండ్ మిల్స్ తయారు చేసే గామేషా, కర్నూల్ సోలార్ హబ్ గా, అనంతపురం, కడపలో ఆటోమొబైల్ హబ్ గా, అలాగే చిత్తూరుని ఎలక్ట్రానిక్ హబ్ గా చేస్తూ, ప్రణాళికలు రచించి సక్సస్ అయ్యారు. ఇందులో భాగంగానే చిత్తూరు జిల్లా ఎలక్ట్రానిక్స్ హబ్ లో, రిలయన్స్ జియో కంపెనీ పెట్టుబడి పెట్టే విధంగా చంద్రబాబు గారు ఒప్పందం కుదుర్చుకున్నారు. రిలయన్స్ జియో భూమి పూజ కూడా చేసుకుడ్ని. దాదాపుగా 15 వేల కోట్ల పెట్టుబడ్తితో, 20 వేల మందికి వరకు ఉపాధీ ఇచ్చే భారీ ప్రాజెక్ట్ ఇది. ఇక్కడ జియో ఫోనులు, సెట్ అప్ బాక్స్ లు తాయారు చేయటానికి ఒప్పందం కుదుర్చుకున్నారు. దీంతో తిరుపతి ఎయిర్ పోర్ట్ కి దగ్గరలో ఉన్న వికృతమాల దగ్గర, సుమారుగా 150 ఎకరాలు ఇవ్వాలని అప్పటి ప్రభుత్వం నిర్ణయించుకుని, 136 ఎకరాలు ఇస్తూ చివరకు ఆదేశాలు జారీ చేసింది. ఈ సంస్థను ఇక్కడకు తీసుకుని రావటానికి గత ప్రభుత్వ ముఖ్యమంత్రి చంద్రబాబు, అప్పటి మంత్రి నారా లోకేష్ ఎంతో శ్రమించారు. అయితే 2019 ఎన్నికల్లో ప్రభుత్వం మారటంతో, మొత్తం మారిపోయింది.

తిరుపతిలో కంపెనీ పెట్టటానికి రిలయన్స్ ముందుకు రాలేదు. దీంతో ఒకానొక సమయంలో కంపెనీ వెనక్కు వేల్లిపోయిందనే వార్తలు వచ్చాయి. అయితే ప్రభుత్వం మాత్రం, మేము ఇంకా చర్చలు జరుపుతున్నామని, కంపెనీ వెనక్కు వెళ్లలేదని ప్రకటన చేసింది. అయితే ఇప్పుడు తాజాగా మరో రిలయన్స్ జియో పరిశ్రమ ఏర్పాటుకు తాము వేరే భూమి కేటాయిస్తామని ప్రభుత్వం ప్రతిపాదన పెట్టింది. ఇటీవలే ఏపీఐఐసి రిలయన్స్ కు లేఖ రాసింది. పుత్తూరులో ఉన్న ఎలక్ట్రికల్ క్లస్టర్ లో భూమి ఇస్తామని, అక్కడ భూమిలో ఎలాంటి న్యాయ పరమైన చిక్కులు లేవని, ఎలాంటి ఇబ్బంది ఉన్నా మేము చూసుకుంటాం అంటూ ప్రతిపాదన పెట్టినా, రిలయన్స్ నుంచి మాత్రం ఎలాంటి సమాధానం లేదని తెలుస్తుంది. అయితే మరో పక్క రిలయన్స్ మాత్రం,గతంలో మేము 136 ఎకరాల భూమి కేటాయించిన సమయంలో 4 కోట్లు చెల్లించామని, ఆ డబ్బు తిరిగి తమకు ఇవ్వాల్సిందిగా కోరినట్టు వార్తలు వస్తున్నాయి. దీంతో రిలయన్స్ జియోకు ఆంధ్రప్రదేశ్ లో పెట్టుబడి పెట్టే ఉద్దేశం లేనట్టే ఉంది. మరి పరిశ్రమల శాఖ చేస్తున్న ప్రయత్నాలు ఫలిస్తాయో లేదో చూడాలి.

ఆంధ్రప్రదేశ్ మంత్రులు, అధికార పార్టీ ఎమ్మెల్యేలు, తమ దూకుడు మాటలతో, ప్రతి సారి వివాదాస్పదం అవుతున్నారు. ఒక మంత్రి గారు అయితే ఏకంగా బూతులుతోనే మొదలు పెట్టి, బూతులతో ముగిస్తారు. మొదట్లో ఆశ్చర్య పోయిన ప్రజలు, రాను రాను ఆయన మాటలకు అలవాటు పడి పోయారు. ఇంతేలే అనుకుని సరిపెట్టుకుంటున్నారు. అయితే ఇలా వివాదాస్పదంగా మాట్లాడే వారు రోజు రోజుకీ అధికార పార్టీలో పెరిగిపోతున్నారు. ఆశ్చర్యం ఏమిటి అంటే, మంచివారు అనుకునే వారు కూడా ఇదే బాట పడుతున్నారు. పది రోజుల క్రితం ఆంధ్రప్రదేశ్ డిప్యూటీ సియం, మంత్రి ధర్మాన కృష్ణ దాస్, టీషర్టులు వేసుకునే వారు రైతులా అంటూ, ఒక బూతు మాట మాట్లాడారు. ఏదో పొరపాటున మాట్లాడను అని చెప్పకుండా, ఏమి పర్వాలేదు ఉన్నది ఉన్నట్టు మీడియాలో రాసుకోండి అంటూ ప్రకటించారు. దీని పై పెద్ద దుమారమే రేగింది. అయినా మంత్రి మాత్రం క్షమాపణ చెప్పలేదు. ఎంతో హుందా గల వ్యక్తిగా పేరున్న ధర్మాన కృష్ణ దాస్ ఇలా మాట్లాడటం పై, అందరూ ఆశ్చర్యం వ్యక్తం చేసారు. అయితే ఇప్పుడు మంత్రిగారు మళ్ళీ వివాదాస్పద వ్యాఖ్యలు చేసి, చిక్కుల్లో చిక్కుకున్నారు. ఈ సారి ఉపాధి హామీ కూలీలను టార్గెట్ చేస్తూ మాట్లాడిన మాటలు, దుమారాన్ని రేపుతున్నాయి. ఉపాధి హామీ కూలీ సంఘాలు మంత్రి మాట్లదిన మాటలను తీవ్రంగా ఖండిస్తున్నాయి.

ధర్మాన కృష్ణదాస్ నిన్న శ్రీకాకుళంలో జెడ్పీ సమావేశంలో పాల్గున్నారు. ఈ సందర్భంగా ఉపాధి హామీ కూలీలను ఉద్దేశించి, వారు ఎదో రెండు గంటలు కాలక్షేపం చేసి వెళ్ళిపోతున్నారు, అయినా కూలి డబ్బులు వస్తున్నాయి, వ్యవసాయ పనులు చేసి డబ్బులు సంపాదించాలి అంటే ఎక్కువ సేపు పని చేయాలి, అందుకే వ్యవసాయ పనులకు వెళ్ళకుండా ఉపాధి హామీ పనులకు వెళ్లి, రెండు గంటలు కాలక్షేపం చేసి డబ్బులు తెచ్చుకుంటున్నారని, వ్యవసాయ పనులు ఉండే సమయంలో, ఉపాధి హామీ పనులు నియంత్రించే విధనం చూడాలి అంటూ ధర్మాన చేసిన వ్యాఖ్యలు వివాదస్పదం అయ్యాయి. ఈ వ్యాఖ్యల పై ఆంధ్రప్రదేశ్ ఉపాధి హామీ కార్మికుల సంక్షేమ సంఘం స్పందిస్తూ, మంత్రి వ్యాఖ్యలు ఖండించి, ఆయన్ను మంత్రి పదవి నుంచి తప్పించాలని డిమాండ్ చేసింది. మేము కాయ కష్టాన్ని నమ్ముకుని, ఒళ్ళు వంచి, రేయి పగలు, వర్షం, ఎండ లెక్క చేయకుండా, కాయకష్టం చేసుకునే పని చేసుకునే వాళ్ళం అని, అంతే కానీ పని తప్పించుకుని కాలక్షేపం చేసుకుని డబ్బులు సంపాదించే రకాలు కాదని తమ లేఖలో తెలిపారు. ఇప్పుడిప్పుడే పనులు ఉంటున్నాయని, మొన్నటి దాక తినటానికి కూడా లేదని, ప్రభుత్వం అదుకోక పోగా, ఇప్పుడు పనులు తగ్గిస్తాం అంటూ మా పై ఇష్టం వచ్చినట్టు మాట్లాడటం దారుణం అని అన్నారు.