news

వైసీపీప్రభుత్వం అమరావతికి వ్యతిరేకంగా మరోకుట్ర పన్నిందని, జగన్మోహన్ రెడ్డి అధికారంలోకి వచ్చినప్పటినుంచీ రాజధానికి వ్యతిరేకంగా ఎన్నోరకాల కుట్రలు పన్నారని, ఇంకెన్నో రకాల అభాండాలు వేశారని, మరెన్నో రకాలుగా దుష్ప్రచారాలు చేశారని టీడీపీ అధికారప్రతినిధి కొమ్మారెడ్డి పట్టాభిరామ్ తెలిపారు. బుధవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ప్రకాశం బ్యారేజీ నుంచి వరదను సకాలంలో కిందకు వదలకుండా కావాలనే నీటిని అమరావతి మునిగేలా నిల్వచేశారు. అయినాకూడా జగన్ ప్రభుత్వం కుట్రపూరితంగా ప్రకాశం బ్యారేజీ నుంచి సకాలంలో నీటిని దిగువకు వదలకుండా, బ్యారేజీ గేట్లు పూర్తిగా తెరవకుండా కుట్రలు చేసిందన్నారు. రాష్ట్రప్రభుత్వానికి చెందిన వాటర్ రిసోర్స్ డిపార్ట్ మెంట్ వెబ్ సైట్ ను పరిశీలిస్తే, రాష్ట్రంలోని అన్ని రిజర్వాయర్లలోని నీటినిల్వలు, పైనుంచి వస్తున్న ప్రవాహం, దిగువకు వదులుతున్న నీటి ప్రవాహం వివరాలు ఉంటాయన్నారు. ఆ వెబ్ సైట్ ను పరిశీలిస్తే, 13-10-2020న సాయంత్రం 4గంటలకు, ప్రకాశం బ్యారేజీకి చేరుతున్న వరద 2లక్షల79వేల490 క్యూసెక్కులైతే, దిగువకు వదిలే నీరు, లక్షా 98వేల450 క్యూసెక్కులుగా ఉందని పట్టాభి పేర్కొన్నారు. అదేవిధంగా 14-10-2020న ఉదయం 8 గంటలకు ప్రకాశం బ్యారేజీకి వస్తున్న వరద ప్రవాహం 13వ తేదీ మాదిరే 2లక్షల79వేల 490క్యూసెక్కులుగానే ఉందని, బ్యారేజీనుంచి దిగువకు వదిలే నీటిపరిమాణం మాత్రం అమాంతం 5లక్షల64వేల06క్యూసెక్కులకు పెరిగిందన్నారు.

13వతేదీ సాయంత్రం లక్షా98వేల450క్యూసెక్కులుగా ఉన్న వరద, కేవలం 12 గంటలవ్యవధిలోనే 5లక్షల64వేలకు పెరిగిందన్నారు. ప్రకాశం బ్యారేజీలోకి వస్తున్న వరదప్రవాహాం 13వతేదీన ఎలాఉందో, 14 వ తేదీ ఉదయానికి కూడా అలానేఉంటే, వస్తున్ననీటిని దిగువకు వదలకుండా కావాలనే ప్రకాశం బ్యారేజీ గేట్లనుమూసి, ఎగువప్రాంతాల్లో నిల్వచేశారని పట్టాభిపేర్కొన్నారు. వస్తున్న నీటి పరిమాణంలో మార్పులేనప్పుడు, రాత్రికి రాత్రే 5లక్షలక్యూసెక్కులకు నీరు ఎలాపెరిగిందో జగన్మోహన్ రెడ్డి సమాధానం చెప్పాలన్నారు. నీటిని ప్రకాశం బ్యారేజీ ఎగువప్రాంతంలో నిల్వచేయబట్టే, రాత్రికి రాత్రి వరదనీటి ఉధృతి పెరిగిందని, ఏదో రకంగా అమరావతి ప్రాంతాన్ని ముంపునకు గురిచేయాలన్న కుట్రతోనే ప్రభుత్వం నీటిని తొక్కిపట్టిందన్నారు. కేవలం 12 గంటల వ్యవధిలోనే లక్షా98వేల క్యూసెక్కులుగా ఉన్న నీరు 5లక్షల64వేలక్యూసెక్కులకు ఎలా పెరిగిందో ప్రభుత్వం చెప్పాలన్నారు. కేవలం రాజధాని అమరావతిని ముంచడంకోసమే జగన్ ప్రభుత్వం ప్రకాశంబ్యారేజీ నుంచి నీటిని దిగువకు వదలలేదన్నారు. ఈ విధంగా అమరావతికి వ్యతిరేకంగా జగన్ ప్రభుత్వం పన్నినకుట్ర ప్రజలముందు బహిర్గతమైందన్నారు. అత్యంత కర్కశంగా, దారుణంగా ఒక్కసారిగా నీటిని కిందకు వదలబట్టే విజయవాడలోని కృష్ణలంక వంటి ప్రాంతాలు నీటమునిగాయన్నారు. 5లక్షల క్యూసెక్కుల నీటిని ఒక్కసారిగా వదలబట్టే, విజయవాడలోని లోతట్టు ప్రాంతాలు జలమయమయ్యాయన్నారు. అయితే ఈ ఆధారాల పై ఇప్పటి వరకు ప్రభుత్వం, ఎలాంటి కౌంటర్ ఇవ్వలేదు.

జగన్ మోహన్ రెడ్డి సుప్రీం కోర్టు న్యాయముర్టులలో ఒకరైన జస్టిస్ ఎన్వీ రమణ పై ఆరోపణలు చేస్తూ, ప్రధాన న్యాయమూర్తి, జస్టిస్ బాబ్డే కు రాసిన లేఖ పై ఢిల్లీ బార్ అసోసియేషన్, అత్యంత ఖటినమైన, తీవ్రమైన పదజాలంతో ఖండించింది. జగన్ ఇటువంటి దుశ్చర్యలు మానుకోవాలని చెప్పింది. స్వతంత్ర న్యాయ వ్యవస్థ పై ఆయన బురద చల్లే ప్రయత్నం చేసారని, ఇటువంటి చర్యలు వల్ల న్యాయ వ్యవస్థకు ఎటువంటి మచ్చ రాదు కనీ, ఈ చర్యల వల్ల న్యాయ వ్యవస్థ పై జగన్ చేస్తున్న చర్యల పై మాత్రం చర్యలు తీసుకోవాలని కోరింది. ఈ రోజు ఢిల్లీ బార్ అసోసియేషన్ జరిపిన సమావేశంలో, ఒక తీర్మానాన్ని కూడా ఆరోపించారు. ఆ తీర్మానంలో అత్యంతకఠినమైన వ్యాఖ్యలు జగన్ పై వాడారు. ఏదైతే న్యాయ వ్యవస్థ పై నికృస్టంగా జగన్ మోహన్ రెడ్డి వ్యవహరించారని, ఇలాంటి పనులు ఆయన మానుకోవాల్సి ఉందని, అతని చర్యల పై అందరు ఖండించాలని చెప్పారు. అలాగే జస్టిస్ ఎన్వీ రమణ ట్రాక్ రికార్డు గురించి అందరికీ తెలుసు అని, ఆయన ఢిల్లీ హైకోర్టు చీఫ్ జస్టిస్ గా కూడా చేసారని, ఆయన నిబద్ధత ఏమిటో మాకు తెలుసని అన్నారు. అత్యుత్తమ న్యాయమూర్తులు కలిగిన వ్యక్తిగా జస్టిస్ ఎన్వీ రమణకు పేరు ఉందని అన్నారు.

ఆయన పై ఆరోపణను ముక్తకంఠంతో మేము ఖండిస్తున్నామని ఈ లేఖలో రాసారు. అంతే కాకుండా, జగన చర్యలు, స్వచ్చంద న్యాయ వ్యవస్థ పై దాడి జరపటమే అని మేము భావిస్తున్నామని తెలిపారు. ఇలాంటి న్యాయ వ్యవస్థను బెదిరించటానికి, జగన్ చేస్తున్న పనులను మేము ఖండిస్తున్నామని, న్యాయమూర్తుల పై జగన్ చేసిన ఆరోపణలలో ఎలాంటి హేతు బద్ధత లేదని, ఈ లేఖలో తెలిపారు. జగన్ మోహన్ రెడ్డి అక్టోబర్ 6 న లేఖ రాసిన తరువాత, జగన్ మోహన్ రెడ్డి ప్రభుత్వానికి చెందిన ప్రతినిధి అజయ్ కల్లం రెడ్డి, మీడియా సమావేశం పెట్టి చెప్పటం, ఆ లేఖ ప్రతులను మీడియాకు విడుదల చేయటం, వీటి అన్నిటి పై , ఢిల్లీ బార్ అసోసియేషన్ ఖండించింది. ఈ లేఖ కోర్టు ధిక్కరణ కిందకు వస్తుందని, కాబట్టి జగన్ పై చర్యలు తీసుకోవాలని ఢిల్లీ బార్ అసోసియేషన్ భావించింది. ఈ తీర్మానాన్ని ఏకగ్రీవంగా ఆమోదం తెలుపుతున్నామని, మొత్తం వ్యవహారం పై చర్యలు తీసుకోవాలని తమ తీర్మానంలో తెలిపారు.

స్టేట్ సెక్యూరిటీ కమిషన్ లో, ప్రతిపక్ష నేత పేరు ఉండాలి అంటూ గతంలో సుప్రీం కోర్టు ఇచ్చిన ఆదేశాలను, ఆంధ్రప్రదేశ్ ప్రభుత్వం అమలు చేయటం లేదు అంటూ, 2019లో హైకోర్టులో ఒక పిటీషన్ దాఖలు అయ్యింది. ఈ పిటీషన్ పై గతంలో ఒకసారి విచారణ జరిగి, వాయిదా పడింది. మళ్ళీ ఈ రోజు విచారణ జరిగింది. ఈ విచారణ సందర్భంగా హైకోర్టు, కీలక ఆదేశాలు జారీ చేసింది. స్టేట్ సెక్యూరిటీ కమిషన్ లో ప్రతిపక్ష నేత పేరు ఉండాలి అని చెప్పి, గతంలో సుప్రీం కోర్ట్ ఇచ్చిన ఆదేశాలను , రాష్ట్ర హైకోర్టు ఈ సందర్భంగా గుర్తు చేసింది. సెక్యూరిటీ కమిషన్ లో, ప్రస్తుతం ప్రతిపక్ష నేతగా ఉన్న చంద్రబాబు పేరు లేకపోవటం పై అభ్యంతరం వ్యక్తం చేయటమే కాకుండా, ఆయన పేరు నమోదు చేసి, నెల రోజుల్లో జీవో ఇవ్వాలి అని చెప్పి, రాష్ట్ర హైకోర్టు ఆదేశించింది. ప్రతిపక్ష నేత పేరుని రాష్ట్ర సెక్యూరిటీ కమిషన్ లో చేర్చాలి అని కూడా రాష్ట్ర హైకోర్టు ఆదేశించింది. ఇలా చేర్చకపోవటం అనేది సుప్రీం కోర్టు తీర్పుకి ఆదేశాలకు, పూర్తిగా విరుద్ధం అని కూడా రాష్ట్ర ప్రభుత్వాని పై హైకోర్టు వ్యాఖ్యలు చేసింది. తదుపరి విచారణను నాలుగు వారాలకు వాయిదా వేస్తూ, ఈ లోపు ప్రతిపక్ష నేత పేరును, స్టేట్ సెక్యూరిటీ కమిషన్ లో చేరుస్తూ, జీవో జారీ చేయాలని, రాష్ట్ర హైకోర్టు ఆదేశాలు జారీ చేసింది.

దీనికి సంబంధించి, నాలుగు వారాల్లో, ఈ జీవోని రాష్ట్ర హైకోర్టుకు అందించాలని కూడా రాష్ట్ర హైకోర్టు, రాష్ట్ర ప్రభుత్వాన్ని ఆదేశించింది. డిసెంబర్ 26, 2019న, ప్రభుత్వం స్టేట్ సెక్యూరిటీ కమిషన్ ని నామినేట్ చేస్తూ జీవో విడుదల చేసింది. ఈ జీవోలో హోం మంత్రి, చీఫ్ సెక్రటరీ, హోం సెక్రెటరి, హెడ్ అఫ్ పోలీస్ ఫోర్సు (ఎక్ష్ ఆఫిషియో సెక్యూరిటీ), మరో ముగ్గురుని నియమిసు ఆదేశాలు జారీ చేసింది. అయితే ఆనవాయతీ ప్రకారం, అలాగే సుప్రీం కోర్టు తీర్పు ప్రకారం కూడా, రాష్ట్ర ప్రతిపక్ష నేత, ఈ రాష్ట్ర సెక్యూరిటీ కమిషన్ లో ఒక మెంబర్ గా ఉండాలి. అయితే ఈ జీవో సుప్రీం కోర్టు ఇచ్చిన ఆదేశాల ప్రకారం లేకుండా, రాష్ట్ర ప్రతిపక్ష నేత అయిన చంద్రబాబు పేరు అందులో లేకపోవటంతో, హైకోర్టులో ఈ విషయం పై పిటీషన్ దాఖలు అయ్యింది. రాష్ట్ర ప్రభుత్వం సుప్రీం కోర్టు ఆదేశాలను పాటించలేదని, అందుకు అనుగుణంగా ఆదేశాలు ఇవ్వాలని పిటీషన్ లో కోరటంతో, దీనికి సంబంధించి ఈ రోజు ఆదేశాలు ఇచ్చిన హైకోర్టు, సుప్రీం కోర్టు ఆదేశాల ప్రకారం, రాష్ట్ర ప్రతిపక్ష నేతను స్టేట్ సెక్యూరిటీ కమిషన్ లో చేర్చి, జీవో జారీ చేయాలనీ ఆదేశాలు జరీ చేసింది.