news

జగన్ మోహన్ రెడ్డి ఏకంగా సుప్రీం కోర్టు న్యాయమూర్తి పైనే ఫిర్యాదు చేయటం వెనుక, ప్రజాప్రతినిధులు కేసులు ఏడాదిలో తెల్చాయలని, ఆ సుప్రీం కోర్టు న్యాయవాది ఇచ్చిన ఆదేశాల వల్లే, ఇదంతా అంటూ ప్రచారం జరుగుతున్న వేళ, అసలు ఈ కేసు వేసిన పిటీషనర్, సీనియర్ అడ్వకేట్, అలాగే బీజేపీ సీనియర్ నేత అశ్విని ఉపాధ్యాయ, జగన్ రాసిన లేఖ పై స్పందించారు. ఒక విధంగా చెప్పాలంటే విరుచుకు పడ్డారు. జగన్ రాసిన లేఖ, ప్రెస్ కాన్ఫరెన్స్ పై, అశ్విని ఉపాధ్యాయ, చీఫ్ జస్టిస్ అఫ్ ఇండియాకు లేఖ రాసారు. తానూ 2016లో సుప్రీం కోర్టులో ఒక పిటీషన్ వేసాను అని, ప్రజాప్రతినిధుల పై ఉన్న కేసులు ఏడాదిలోగా విచారణ జరగాలని, అలాగే వాళ్ళు దోషులు అని తేలితే, ఎన్నికల్లో పోటీ చేయకుండా ఉండాలి అంటూ తాను వేసిన పిటీషన్ , జస్టిస్ ఎన్వీ రమణ బెంచ్ ముందుకు వచ్చిందని, ఆయన తగు ఆదేశాలు ఇచ్చారని తన లేఖలో తెలిపారు. దీని పై స్పెషల్ కోర్టులు పెట్టి, ఏడాదిలోగా విచారణ చేయాలని నిర్ణయం తీసుకున్నారని, అలాగే ఒక వేళ దోషులు అని తేలితే ఏమి చేయాలి అనే విషయం పై ఇంకా నిర్ణయం తీసుకులేదని, అలాగే 2017లో వేసిన మరో పిటీషన్ లో, ఒక రాజకీయ పార్టీ అధ్యక్షడు పై ఏదైనా కేసు ఉంటే, వారిని కూడా తప్పించాలని పిటీషన్ వేశానని, అది కూడా పెండింగ్ లో ఉంది అంటూ, చీఫ్ జస్టిస్ కు రాసిన లేఖలో అశ్విని ఉపాధ్యాయ తెలిపారు. ముఖ్యంగా బ్లాక్ మనీ, మనీ లాండరింగ్, బినామీ ఆస్తులు, అక్రమ ఆస్తులు ఉన్న రాజకీయ నాయకుల పై చర్యలు తీసుకోవాలని తన పోరాటం అని అన్నారు.

అయితే ఈ క్రమంలో తను సంపాదించిన వివరాలు, వివధ పబ్లిక్ డాకుమెంట్స్ ప్రకారం జగన్ మోహన్ రెడ్డి పై, మనీ లాండరింగ్, బినామీ ఆస్తులు, అక్రమ ఆస్తులు ఉన్న కేసులు ఆయన పై పెండింగ్ ఉన్నాయని తెలిపారు. ఏడీఆర్ రిపోర్ట్ ప్రకారం జగన్ మోహన్ రెడ్డితో పాటు, ఆయన పార్టీ నేతల పై కూడా అనేక క్రిమినల్, అవినీతి ఆరోపణలు ఉన్నాయని తెలిపారు. ఇవి కనుక కోర్టు లో ప్రూవ్ అయితే, ఒకేసారి అయితే 10 ఏళ్ళు, విడి విడిగా అయితే 30 ఏళ్ళు జైల్లో శిక్ష అనుభవించే కేసులు అని చీఫ్ జస్టిస్ కు తెలిపారు. జగన్ మోహన్ రెడ్డి రాసిన లేఖ, దాన్ని బయటకు విడుదల చేయటం చూస్తుంటే, సామాన్య ప్రజల్లో, న్యాయ వ్యవస్థ మీద నమ్మకం పోగెట్టే విధంగా ఉందని అన్నారు. పైన చెప్పిన కేసులు పెండింగ్ లో ఉండగా, ఇలా చేస్తున్నారు అంటే, న్యాయస్థానాల పై ఒత్తిడి తేవటానికి అని తన అభిప్రాయాన్ని తెలిపారు. ఇది బెంచ్ హంటింగ్ మాత్రమే కాదని, తన పై ఉన్న కేసులు విచారణ జరగకుండా చేసే కుట్ర అని అన్నారు. ఇదేదో చిన్న తప్పు కాదని, కావాలని కుట్ర పన్ని చేసిన విషయం అని, ఫుల్ బెంచ్ సమావేశం అయి, దీని పై తగు చర్యలు తీసుకోవాలని, భవిష్యత్తులో ఎవరైనా ఇలా చేయాలి అంటే, భయపడే విధంగా చేయాలని చీఫ్ జస్టిస్ కు రాసిన లేఖలో తెలిపారు.

ఎప్పుడో 2015 నాటి ఫోన్ ట్యాపింగ్ కేసు మళ్ళీ తెర మీదకు వచ్చింది. 2015లో తెలంగాణా ప్రభుత్వం, అప్పటి ఏపి ప్రతిపక్ష నేత జగన్ మోహన్ రెడ్డి కలిసి, ఆంధ్రప్రదేశ్ ప్రభుత్వం, అప్పటి ముఖ్యమంత్రి చంద్రబాబు నాయుడు ఫోన్ ట్యాపింగ్ చేసారు అంటూ కేసులు నమోదు అయిన విషయం తెలిసిందే. అప్పట్లో ఈ విషయం చాలా పెద్దది అయ్యింది కూడా. వివిధ మొబైల్ ఫోన్ ఆపరేటర్లకు కూడా నోటీసులు జారీ అయ్యాయి. అప్పట్లో ఫోన్ ట్యాపింగ్ చేసారనే ఆరోపణతో, ఆంధ్రప్రదేశ్ రాష్ట్రంలోని 13 జిల్లాల్లో తెలంగాణా ముఖ్యమంత్రి కేసీఆర్, అప్పటి ప్రతిపక్ష నేత జగన్ మోహన్ రెడ్డి పై, వివిధ ప్రాంతాల్లో కేసులు నమోదు అయ్యాయి. దీంతో అప్పటి ఆంధ్రప్రదేశ్ రాష్ట్ర ప్రభుత్వం, ఒక సిట్ ను నియమించింది. ఈ సిట్ కు చీఫ్ గా మహ్మద్‌ ఇక్బాల్‌ ని అప్పటి రాష్ట్ర ప్రభుత్వం నియమించింది. అయితే ఇప్పుడు అనూహ్యంగా ఈ కేసు తెర మీదకు తీసుకువచ్చిన ఇప్పటి ఆంధ్రప్రదేశ్ ప్రభుత్వం, ఆ సిట్ కు కొత్త చీఫ్ గా శాంతిభద్రతల విభాగం డీఐజీ రాజశేఖర్‌బాబును నియమిస్తూ ఉత్తర్వులు జారీ చేయటం కీలకంగా మారింది. దీనికి సంబందించిన ఉత్తర్వులను జీఏడీ ముఖ్య కార్యదర్శి ప్రావీ ప్రకాష్ విడుదల చేసారు. అయితే ఇప్పుడు ఈ సిట్ పై ఎందుకు కదలిక వచ్చింది ? అప్పట్లోనే మరుగున పడిన ఈ కేసును మళ్ళీ ప్రభుత్వం ఎందుకు తిరగదొడింది అనే చర్చ మొదలైంది.

అప్పట్లో ఓటుకు నోటు అంటూ, తెలంగాణా ప్రభుత్వం చంద్రబాబుని ఇరికించే ప్రయత్నం చేసింది. అయితే ఇది ఇలా నడుస్తూ ఉండగానే, తెలంగాణా ప్రభుత్వం ఏపి ముఖ్యమంత్రి ఫోన్ ట్యాపింగ్ చేసింది అంటూ, ఆంధ్రప్రదేశ్ ఇంటలిజెన్స్ కొన్ని ఆధారాలు ఇవ్వటంతో, కేసీఆర్, జగన్, తెలంగాణా హోం మంత్రిగా చేసిన నాయని, సాక్షి టీవీ, టీ న్యూస్ పై, ఆంధ్రప్రదేశ్ లోని 13 జిల్లాల్లో కేసులు నమోదు అయ్యాయి. మొత్తంగా ఆంధ్రప్రదేశ్ రాష్ట్రం మొత్తం మీద 88 కేసులు నమోదు అయ్యాయి. దీంతో అప్పటి ప్రభుత్వం సిట్ ఏర్పాటు చేసింది. మహ్మద్‌ ఇక్బాల్‌ ని ఈ సిట్ కు సారధ్యం వహించాల్సిందిగా ఉత్తర్వులు ఇచ్చారు. అయితే ఆయన తన 2018లో పదవికి రిటైర్మెంట్ ప్రకటించటంతో, అప్పటి నుంచి ఈ కేసు మరుగున పడి పోయింది. ఇందులో మరో కొస మెరుపు ఏమిటి అంటే, మహ్మద్‌ ఇక్బాల్‌ ఇప్పుడు వైసీపీలో చేరి, ఏకంగా ఎమ్మెల్సీ పదవి అనుభవిస్తున్నారు. అయితే అప్పటి నుంచి ఈ సిట్ గురించి పెద్దగా పట్టించుకోలేదు. ఇప్పుడు సిట్ కు రాష్ట్ర ప్రభుత్వం, కొత్తగా మరో అధికారికి బాధ్యతలు ఇవ్వటం పై సర్వత్రా ఆసక్తి నెలకొంది.

సోషల్ మీడియాలో వైసీపీ నడుపుతున్న సోషల్ మీడియా వింగ్ చేస్తున్న పనులకు ఎంతో మంది బాధితులు ఉన్నారు. ఇందులో మాజీ ముఖ్యమంత్రి చంద్రబాబు దగ్గర నుంచి, సామాన్య మహిళలు దాకా అందరూ బాధితులే. ఇంకా చెప్పాలి అంటే, ఈ దేశ న్యాయ వ్యవస్థ, అత్యున్నత స్థాయిలో ఉన్న న్యాయమూర్తులు కూడా బాధితులే. అంతలా విషం చిమ్ముతూ ఉంటుంది వైసీపీ సోషల్ మీడియా. అయితే ఇందులో వింత ఏమిటి అంటే, ఇలాంటి బురదగుంటను, సమర్ధిస్తూ వైసీపీ ఎంపీ విజయసాయి రెడ్డి లాంటి వాళ్ళు చేసే వ్యాఖ్యలు. ఇలా చేస్తుంటే వారిని దండించి, ఇది తప్పు, ఇలా చేయకూడదు అని చెప్పాలి కానీ, ఏకంగా మీడియాకు ఎక్కి, వాళ్ళను సమర్ధిస్తూ మాట్లాడటంతో, వాళ్ళు మరింత రెచ్చిపోతున్నారు. అయితే ఈ మధ్య కాలంలో న్యాయస్థానాలు, న్యాయ మూర్తుల పై ఇష్టం వచ్చినట్టు, ఈ బ్యాచ్ రేచ్చిపోతూ, సోషల్ మీడియాలో పోస్టింగ్ లు పెట్టిన విషయం తెలిసిందే. దీనికి విసుగు చెందిన హైకోర్టు రిజిస్టార్, ఏకంగా తానె హైకోర్టు తరుపున పిటీషన్ వేయాల్సిన పరిస్థితి. దీంతో ఈ విషయం పై స్పందించిన న్యాయస్థానం వంద మంది వరకు నోటీసులు ఇచ్చి, సిఐడి విచారణకు ఆదేశించింది. అయితే సిఐడి సరిగ్గా పని చేయకపోవటంతో, ఏకంగా సిబిఐ విచారణకు ఆదేశించింది. సిబిఐ విచారణకు ఆదేశించినా, హైకోర్టులో ఈ కేసు ఉన్నా, ఈ బ్యాచ్ మాత్రం ఏ మాత్రం భయ పడటం లేదు. ఈ నేపధంలోనే, ఈ మధ్య అమరావతి పై ఎలాంటి ఫేక్ చేస్తున్నారో చూస్తున్నాం. నిన్నటికి నిన్న హైకోర్టు మునిగిపోయింది అంటూ కట్టు కధలు అల్లారు.

అలాగే అమరావతి పోరాటం చేస్తున్న మహిళల పై అసభ్య పదజాలంతో దూషిస్తున్నారు. అలాగే మరోసారి సోషల్ మీడియాలో అమరావతిలో ఉద్యమం చేస్తున్న ఒక మహిళ పై, తుళ్ళూరు గ్రామానికి చెందిన వైసీపీ కార్యకర్త గద్దె రాకేష్ అసభ్య పదజాలంతో పోస్టింగ్ పెట్టాడు. మూడు వందల రోజుల ఉద్యమం సందర్భంగా, తెలుగుదేశం జాతీయ ప్రధాన కార్యదర్శి నారా లోకేష్ తుళ్ళూరు దీక్షా శిబిరాన్ని సందర్శించిన సమయంలో, ఒక మహిళా రైతు లోకేష్ తో తన బాధలు చెప్పుకున్నారు. తన భర్త చనిపోయి, మూడేళ్ళు అయ్యిందని, పగలు దీక్షా శిబిరంలో ఉద్యమం చేస్తూ, రాత్రి పూట మిషన్ కుట్టుకుని జీవనం సాగిస్తూ, కుటుంబాన్ని పోషిస్తున్నానని, ఆమె లోకేష్ ముందు గోడు చెప్పుకున్నారు. అయితే కొన్ని పత్రికల్లో వచ్చిన ఆ వార్త తీసుకుని, తుళ్ళూరు కు చెందిన వైసీపీ కార్యకర్త గద్దె రాకేష్ ఆ మహిళా రైతు పై అసభ్యకరంగా పోస్టింగ్ పెట్టారు. దీంతో విషయం తెలుసుకున్న అమరావతి మహిళలు, రైతులు రాకేష్ వద్దకు వెళ్లి దేహశుద్ధి చేసారు. అమరావతి మహిళల జోలికి వస్తే ఇక నుంచి చూస్తూ ఊరుకోం అని, ఎవరికైనా ఇలాగే బుద్ధి చెప్తాం అంటున్నారు. ఇక విషయం తెలుసుకున్న పోలీసులు, జరిగిన సంఘటన పై ఆరా తీస్తున్నారు.