news

జగన్ మోహన్ రెడ్డి కొత్త పార్టీ అయిన, యువజన శ్రామిక రైతు కాంగ్రెస్ పార్టీ ప్రారంభించిన దగ్గర నుంచి, ఆ పార్టీ వ్యవహారాలు అన్నీ, విజయసాయి రెడ్డి పర్యవేక్షిస్తూ వచ్చారు. పార్టీ నిర్మాణం, సభ్యత్వాలు, ప్రత్యర్ధుల పై ఏ రోజు ఎవరు ప్రెస్ మీట్లు పెట్టి దాడి చెయ్యాలి, సోషల్ మీడియా, పార్టీ కార్యాలయ వ్యవహారాలు, ఇలా ఒకటేమిటి, అన్నీ విజయసాయి రెడ్డి కనుసన్నల్లో జరిగేవి. రాజ్యసభ సభ్యుడిగా, ఢిల్లీలో వైసీపీ తరుపున మొత్తం ఆయనే. ఇక తాడేపల్లిలోని పార్టీ కార్యాలయానికి ఎప్పుడు వచ్చినా, అధికార ప్రతినిధులతో మీటింగ్ లు, సీనియర్ నేతలతో మీటింగ్లు చూస్తూ, పార్టీ మొత్తాన్ని తానే నడుపుతూ వస్తున్నారు. పది రోజుల క్రితం కూడా, తాడేపల్లిలో, అధికార ప్రతినిధులను పిలిపించుకుని మాట్లాడారు. ఇక తాజాగా పార్టీ లైన్ దాటారు అంటూ, నరసాపురం ఎంపీ రఘురామకృష్ణ రాజుకి పార్టీ జనరల్ సెక్రటరీ హోదాలో షోకాజ్ నోటీస్ కూడా ఇచ్చారు. అయితే పార్టీలో ఇంత కీలక బాధ్యతలు చూస్తున్న విజయసాయి రెడ్డికి, నిన్న జగన్ షాక్ ఇచ్చారు.

విజయసాయి రెడ్డిని కేలవం ఉత్తరాంధ్రకి పరిమితం చేసారు, విశాఖ, విజయనగరం, శ్రీకాకుళం బాధ్యతలు మాత్రమే ఇచ్చి, ఆయనను ఆ మూలకు మాత్రమే పరిమితం చేసారు. చివరకు తన సొంత జిల్లా అయిన, నెల్లూరు జిల్లాకు కూడా ఆయనకు బాధ్యత ఇవ్వలేదు. ఇక తాడేపల్లి ఆఫీస్ బాధ్యతలతో పాట, కర్నాల్,అనంతపురం, కడప, నెల్లూరు, ప్రకాశం బాధ్యతలు కూడా సజ్జల రామకృష్ణా రెడ్డికి ఇవ్వటం, సంచలనంగా మారింది. ఇక కీలకమైన కృష్ణా, గుంటూరు, చిత్తూరు, తూర్పు గోదావరి, పశ్చిమ గోదావరి జిల్లాల బాధ్యత వైవీ సుబ్బారెడ్డికి ఇచ్చారు. సజ్జలకి తాడేపల్లి పార్టీ ఆఫీస్ తో పాటు, 6 జిల్లాల బాధ్యత ఇస్తే, వైవీకి 5 జిల్లాల బాధ్యత ఇచ్చారు. విజయసాయి రెడ్డికి కేవలం ఉత్తరాంధ్రలోని మూడు జిల్లాలు మాత్రమే ఇవ్వటం, ఆశ్చర్యాన్ని కలిగించింది. సజ్జలకు, విజయసాయి రెడ్డి మధ్య గ్యాప్ వచ్చిందని, జగన్ సజ్జల వైపు మొగ్గు చూపారని, వస్తున్న ప్రచారం తరువాత, సజ్జలకు ఎక్కువ బాధ్యతలు ఇచ్చి, విజయసాయి రెడ్డికి కట్ చెయ్యటంతో, వైసిపీ శ్రేణుల్లో కూడా చర్చ మొదలైంది.

ఇక రఘురామకృష్ణ రాజు ఇష్యూ ఇంత పెద్దది కావటానికి కారణం, కూడా విజయసాయి రెడ్డి వల్లే అని, పార్టీ హైకమాండ్ నమ్ముతుంది. రఘురామరాజు కూడా, విజయసాయిని టార్గెట్ చేసారు. ఇప్పుడు విజయసాయి రెడ్డి పవర్స్ కట్ అయ్యాయి, మరి రఘురామరాజు గారు ఇప్పటికైనా చల్ల బడతారో లేదో. అయితే విజయసాయి రెడ్డి గత నెలలో, ప్రెస్ మీట్ పెట్టి, జగన్ కు నా పై పూర్తి నమ్మకం ఉందని, నేను కూడా జగన్ ను చనిపోయే దాకా వదలను అని, పార్టీ పూర్తి బాధ్యతలు, సోషల్ మీడియా నేనే చూసుకుంటున్నా అని చెప్పిన సంగతి తెలిసిందే. అయితే విజయసాయి రెడ్డి వర్గం మాత్రం, విజయసాయి పై పని భారం తగ్గించెందుకునే, ఆయన్ను రాజధాని అవుతున్న విశాఖకు పరిమితం చేసారని చెప్తున్నారు.

డిప్యూటీ సియం, రెవిన్యూ మంత్రి పిల్లి సుభాష్ చంద్రబోస్, ఈ రోజు తన ఎమ్మెల్సీ పదవికి రాజీనామా చేసారు. ఆయన రాజ్యసభకు ఎన్నిక కావటంతో, తన ఎమ్మెల్సీ పదవికి రాజీనామా చేసారు. మంత్రి పదవికి కూడా రాజీనామా చేసే అవకాసం ఉంది. ఎమ్మెల్సీ పదవికి రాజీనామా చేసిన తరువాత, పిలి సుభాష్ చంద్రబోస్, మీడియాతో మాట్లాడుతూ పలు ఆసక్తికర వ్యాఖ్యలు చేసారు. తనకు పార్లమెంట్ లో అడుగు పెట్టటం, చిరకాల కోరిక అని, అది ఇప్పుడు తీరిందని అన్నారు. ఈ ఏడాది కాలంలో తన పని తనకు సంతృప్తిని కలిగించిందని అన్నారు. రాజ్యసభలోకి అడుగు పెడుతున్న సందర్భంగా, సంతోషంగా ఉందని, రాష్ట్రానికి రావాల్సిన నిధులు విషయంలో, అందరితో కలిసి పోరాడతామని అన్నారు. ప్రజల కోసం, కష్టపడి పని చేస్తాం అని అన్నారు. ఇక్కడ వరకు బాగానే ఉన్నా, సరిగ్గా ఇక్కడే బోస్ చేసిన వ్యాఖ్యలు, చర్చనీయంసం అయ్యాయి. జగన్ మోహన్ రెడ్డి ఎలక్షన్ ఎజెండానే, ప్రత్యేక హోదా అనే విషయం అందరికీ తెలిసిందే.

అయితే ఎన్నికలు అయి, తానూ సియం అవ్వగానే, ప్రత్యేక హోదా గురించి మాట్లాడలేదు. ఢిల్లీలో ప్రెస్ మీట్ పెట్టి, చేసేది ఏమి లేదు, ప్లీజ్ సార్ ప్లీజ్ అని అడుగుతూనే ఉండాలి అని, జగన్ అన్నారు. దీంతో ఇక హోదా ఆశాలు పోయాయి. మొన్న రాజ్యసభ సీటు కూడా బీజేపీ అడిగిన వారికి ఇచ్చారు కానీ, ప్రత్యేక హోదా డిమాండ్ చెయ్యలేదు. అయితే ఇప్పుడు సుభాష్ చంద్రబోస్ ని, విలేఖరులు, రాజ్యసభలో ప్రత్యేక హోదా పై, ఎలా పోరాటం చేస్తారు అని అడగగా, ప్రత్యేక హోదా వస్తుంది అనే నమ్మకం తనకు లేదు అంటూ, సంచలన వ్యాఖ్యలు చేసారు. డిప్యూటీ సియం హోదాలో ఉంటూ ఇలాంటి వ్యాఖ్యలు చెయ్యటం ఆశ్చర్యానికి గురి చేస్తుంది. అంతే కాదు, హోదా బదులు ఏదో ఇస్తాం అంటున్నారని, దాని గురించి చర్చలు జరుగుతున్నాయని అన్నారు. ఇప్పటికే సుదీర్ఘ పోరాటం మేము చేసాం అని, కాని కేంద్ర ప్రభుత్వం, హోదా ఇవ్వం అంటూ, కచ్చితమైన నిర్ణయం తీసుకున్నారని, వాళ్ళేదో సెకండ్ ఆప్షన్ ఇస్తాం అంటున్నారు అంటూ బోస్ చేసిన వ్యాఖ్యలు సంచలనంగా మారాయి...

తెలుగుదేశం పార్టీ సీనియర్ నేత, మాజీ మంత్రి, ఎమ్మెల్యే అచ్చెన్నాయుడుని, 20 రోజుల క్రితం, ఈఎస్ఐ స్కాం పేరుతొ ప్రభుత్వం, అరెస్ట్ చేసిన సంగతి తెలిసిందే. ఆయనకు పైల్స్ ఆపరేషన్ అయిన మరుసటి రోజే, అరెస్ట్ చేసి, దాదాపుగా 15 గంటలు, 600 కిమీ తిప్పి ఆయన్ను విజయవాడ తీసుకొచ్చారు. అయితే, ఆపరేషన్ అయ్యి 24 గంటలు మాత్రమే కావటంతో, అచ్చెన్నాయుడు గారికి తీవ్ర రక్త శ్రావం అయ్యి, ఆయనకు మరోసారి ఆపరేషన్ చెయ్యాల్సి వచ్చింది. ఇదంతా గుంటూరు గవర్నమెంట్ హాస్పిటల్ లో, ప్రభుత్వం ఆధ్వర్యంలో, పోలీస్ రేమాండ్ లోనే జరిగింది. ఆయనకు ఆరోగ్యం బాగోకపోవటం, రెండు సార్లు ఆపరేషన్ చెయ్యటంతో, కోర్టు కూడా, ఆయన్ను హాస్పిటల్ లో పెట్టి తగ్గేదాకా ట్రీట్మెంట్ ఇవ్వాలని ఆదేశాలు ఇచ్చింది. అయితే నాలుగు రోజుల క్రితం, అర్ధరాత్రి పూట అచ్చెన్నాయుడుని డిశ్చార్జ్ చెయ్యటానికి, హాస్పిటల్ వర్గాలు ప్రయత్నించటం, వెంటనే ఏసీబీ అధికారులు అరెస్ట్ చెయ్యటానికి రెడీ కావటంతో, టిడిపి ప్రతిఘటించింది. ఆయన ఆరోగ్యం కుదుట పడలేదు, రెండో సారి ఆపరేషన్ చేసారు, నొప్పితో ఇబ్బంది పడుతున్నారు అని నిరసన తెలపగా, వెనక్కు తగ్గారు. అయితే ఈ రోజు హుటాహుటిన, అచ్చెన్నాయుడుని డిశ్చార్జ్ చేసి, విజయవాడ సబ్ జైలు కు తరలించారు.

ఆయన కనీసం నడవలేని స్థితిలో ఉన్నారు. వీల్ చైర్ పై అంబులెన్స్ దాకా తీసుకుని వచ్చారు. ఇదంతా కేవలం ఒక గంటలో జరిగిపోయింది. అయితే ఈ పరిణామం జరిగిన గంట ముందు, అచ్చెన్నాయుడు పై వేసిన బెయిల్ పిటిషన్‍ మీద వాదనలు జరిగాయి. ఈ రోజు బెయిల్ పిటీషన్ పై, వాదనలు ముగిసాయి. అచ్చెన్నాయుడు తరుపున, సీనియర్ సుప్రీం కోర్టు న్యాయవాది వాదనలు వినిపించారు. వాదనలు ముగియటంతో, రేపు కాని, ఎల్లుండి కాని, బెయిల్ పై తీర్పు రానుంది. ఈ విషయం తెలిసిన గంట సేపటికే, అచ్చెన్నాయుడుని డిశ్చార్జ్ చేస్తూ హాస్పిటల్ వర్గాలు నిర్ణయం తీసుకోవటం, పోలీసులు సబ్ జైలుకు తరలించటం జరిగిపోయాయి. ఇవి రెండు యాద్రుచికంగా జరిగాయో, లేదో కాని, తెలుగుదేశం ప్రభుత్వం, దీని వెనుక జగన్ ఉన్నారని, విచారణ అయిపొయింది కాబట్టి, ఆయనకు ఎలాగూ బెయిల్ వస్తుంది కాబట్టి, ఒక్క రోజు అయినా అచ్చన్నను జైలులో పెట్టటానికి, జగన్ ఈ విధంగా చేసారని, టిడిపి ఆరోపిస్తుంది.