news

ఆంధ్రప్రదేశ్ రాష్ట్ర ఎన్నికల కమిషనర్ తొలగింపు వ్యవహారంపై ఏపీ హైకోర్టు శుక్ర వారం సంచలన తీర్పును ఇచ్చిన సంగతి తెలిసిందే. రాష్ట్ర ఎన్నికల కమిషనర్‌గా డాక్టర్ నిమ్మగడ్డ రమేష్ కుమార్‌ను తిరిగి నియమించాలని కీలక ఆదేశాలు జారీ చేసింది. ఎన్నికల కమిషనర్ విషయంలో నిబంధనలను మారుస్తూ ప్రభుత్వం తీసుకున వచ్చిన ఆరి నెన్స్ ను కొట్టివేసింది. కమిషనర్‌ను తొలిగిస్తూ ప్రభుత్వం జారీ చేసిన జీవోలన్నింటిని రద్దు చేసింది. ఆర్టికల్ 213 ప్రకారం ప్ర స్తుత పరిస్థితుల్లో ఆర్డినెన్స్ ఇచ్చే అధికారం రాష్ట్ర ప్రభుత్వానికి లేదని స్పష్టం చేసింది. ఈ క్షణం నుంచి రమేష్ కుమార్ ఎన్నికల కమీషనర్‌గా కొనసాగుతారని హైకోర్టు ప్రధాన న్యాయమూర్తి జస్టిస్ జితేంద్రకుమార్ మహేశ్వరి నేతృత్వంలోని ధర్మాసనం ఆదేశాలు జారీ చేసింది.

నిమ్మగడ్డ తొలి గింపు పై మొత్తం 13పిటిషన్లు దాఖలయ్యాయి. వీటన్నింటినిపై విచారించిన తరువాత ఇటీవల తీర్పును రిజర్వులో ఉంచినట్లు ప్రకటించింది. నిన్న తీర్పును వెలువరించింది. హైకోర్టు నిమ్మగడ్డకు ఇచ్చిన తీర్పుపై సుప్రీం కోర్టుకు అప్పిలకు వెళ్ళాలని ఆంధ్రప్రదేశ్ ప్రభుత్వం యోచిస్తున్నట్లు సమాచారం. తీర్పు పూర్తిపాఠం కాపీలు రాగానే హైకోర్టులో పిల్ దాఖలు చేయనున్నట్లు ప్రభుత్వం వర్గాలు తెలిపాయి. హైకోర్టులో అనేక కీలకంశాలపై ప్రభుత్వానికి వ్యతిరేకంగా తీర్పులు వస్తున్న క్రమంలో సీనియర్ న్యాయవాదులతో చర్చలు జరిపింది. ఈసీ వ్యవహరంలో అన్ని అంశాలను పునరాలోచన చేసి సుప్రీం కోర్టుకు నివేదించే దిశగా ప్రభుత్వం అడుగులు వేస్తోంది.

ఆంధ్రప్రదేశ్ ఎన్నికల కమిషనర్ గా మళ్లీ పదవిలోకి వచ్చానని డాక్టర్ నిమ్మగడ్డ రమేష్ కుమార్ తెలిపారు. ఏపీ హైకోర్ట్ తీర్పును అనుసరించి తాను బాధ్యతల్లోకి వచ్చినటేనని స్పష్టం చేసారు. ఎస్ఈసీ వ్యవహరంలో హైకోర్టు తీర్పుపై సుప్రీం కోర్టు కు వెళ్తామని వైఎస్ఆర్ కాంగ్రెస్ పార్టీ నేత అంబటి రాంబాబు స్పష్టం చేసారు. తీర్పు పై న్యాయ నిపుణులతో చర్చిస్తున్నట్లు వివరించారు. అయితే, ప్రభుత్వం సుప్రీం కోర్ట్ కు వెళ్తుందని తెలుసుకోవటంతో, ఈ కేసులో న్యాయవాదిగా ఉన్న నర్రా శ్రీనివాసరావు, సుప్రీం కోర్టులో కేవియట్ పిటిషన్ దాఖలు చేసారు. రాష్ట్ర ప్రభుత్వం ఈ కేసులో స్టే కోసం పిటీషన్ దాఖలు చేస్తే, తమ వాదన విన్న తరువాతే, ఏ నిర్ణయం అయినా తీసుకోవాలి అంటూ, పిటీషన్ దాఖలు చేసారు.

ఈ రోజు రాష్ట్ర ఎన్నికల కమీషనర్ నిమ్మగడ్డ రమేష్ కుమార్ తొలగింపు వ్యవహారం పై, ఈ రోజు హైకోర్ట్ తీర్పు ఇచ్చిన విషయం తెలిసిందే. స్టేట్ ఎలక్షన్ కమిషన్ నియామకం విషయంలో, సంస్కరణలు పేరుతో, నిబంధనలు మారుస్తూ తీసుకోవచ్చిన ఆర్డినెన్స్ ను హైకోర్ట్ కొట్టేసింది. ఈ ఒర్దినన్స్ తెచ్చి, రమేష్ కుమార్ ని తొలగిస్తూ జీవో ఇచ్చి, కనకరాజ్ ను నియమిస్తూ మరో జీవో తీసుకొచ్చిన విషయం తెలిసిందే. ఇవి కూడా కోర్ట్ రద్దు చేసింది. దీంతో రమేష్ కుమార్ మళ్ళీ రాష్ట్ర ఎన్నికల కమీషనర్ గా నియామకం అయ్యారు. ఆర్టికల్ 213 ప్రకారం, ఆర్డినెన్స్ ఇచ్చే అధికారం, ప్రభుత్వానికి లేదని, కోర్ట్ స్పష్టం చేసింది. అయితే ప్రభుత్వం తీసుకున్న ఈ నిర్ణయం పై, కోర్టులో ఎదురు దెబ్బ తగలటం పై, సర్వత్రా విమర్శలు వస్తున్నాయి. ప్రభుత్వానికి అవగాహన లేక, ఇలా జరుగుతుంది అని, 151 కాదని, 175 సీట్లు వచ్చినా, చట్టాలను గౌరవిస్తూ, ముందుకు వెళ్ళాలని, నాకు బలం ఉంది, నా ఇష్టం అంటే, మన దేశ ప్రజాస్వామ్యంలో కుదరదు అని, చట్టాల ప్రకారం అందరూ నడుచుకోవాల్సిందే అంటూ, వ్యాఖ్యలు వినిపిస్తున్నాయి. అయితే ఈ విషయంలో, జగన్ కు సొంత పార్టీ నుంచే షాక్ తగిలింది.

వైసీపీ పార్టీ ఎంపీ రఘురామకృష్ణం రాజు, హైకోర్ట్ ఇచ్చిన తీర్పుని స్వాగతించారు. రమేష్ కుమార్ ని, మళ్ళీ పదవిలో తీసుకుంటూ, జగన్ ప్రభుత్వం తీసుకొచ్చిన ఆర్డినెన్సును హైకోర్టు రద్దు చెయ్యటం పై, రఘురామ కృష్ణ రాజు, స్వాగతించారు. హైకోర్ట్ ఇలా చేస్తుంది అని, నాకు ముందుగానే తెలుసు అని, రఘురామ కృష్ణ రాజు అన్నారు. ఈ తీర్పు నాకు అయితే, ఎలాంటి ఆశ్చర్యం కలగించలేదని, ఇలాగే వస్తుంది అని నాకు ముందే తెలుసు అని, రఘురామ కృష్ణం రాజు అన్నారు. గతంలోనే ఇలాంటి విషయాల పై తీర్పులు ఉన్నాయని అన్నారు. రాజ్యాంగ పదవులకు, పదవీ కాలం తగ్గించేలా ఆర్డినెన్స్ లో చెల్లవు అని గతంలోనే కోర్టులు చెప్పాయని అన్నారు. ఎన్నికల సంస్కరణలు మంచిదే అయినా, ఇలాంటి నిర్ణయాలు తీసుకోవటం దురదృష్టం అని అన్నారు. నిర్ణయాలు తెసుకునే ముందు, అందరితో సంప్రదించి, తీసుకుంటే మంచిది అని అన్నారు. సొంత పార్టీ నేతలు, ఇష్టం వచ్చినట్టు, హైకోర్ట్ పై మాటలు చెప్పటం దారుణం అని అన్నారు. ఇలాంటి వారిని శిక్షిస్తే తప్పు లేదని అన్నారు.

సాక్షి పత్రికలో తన ఇంటర్వ్యూ పై వచ్చిన కధనం పైన, బీజేపీ జాతీయ నేత, రాం మాధవ్ ఘాటుగా స్పందించారు. తన పేరు మీద సాక్షిలో వచ్చిన కధనాన్ని ఆయన ఖండించారు. తన మాటలకు సాక్షి పత్రిక వక్రీకరించి రాసింది అని అన్నారు. దీని పై స్వయంగా తానే లేఖ రాసి, రాం మాధవ్ మీడియాకు విడుదల చేసారు. జగన్ దృఢసంకల్పంతో పని చేస్తున్నారు అంటూ, తన పై రాసిన కధనం పై ఆయన ఈ స్పష్టత ఇచ్చారు. సాక్షి కధనంలో తన వ్యాఖ్యలను సరిగ్గా ప్రతిబింబిన్చాలేదాని, రాం మాధవ్ అన్నారు. మోడి ప్రభుత్వం, ఏడాది పాలన పై సాక్షి తనను సంప్రదించింది అని, 40 నిమిషాల దాకా సాగిన ఈ ఇంటర్వ్యూ లో, చివరి భాగంలో, సాక్షి ప్రతినిధులు, ఏపిలో ప్రభుత్వం పని తీరు పై తనను ప్రశ్నలు అడిగారని, ఆ లేఖలో స్పష్టం చేసారు రాం మాధవ్. మూడు రాజధానులు నుంచి, నిన్నటి తిరుమల విషయం వరకు, అనేక విషయాలు వివాదాస్పదం అయ్యాయని, ప్రభుత్వం జాగ్రత్తగా ఉండాలని తాను చెప్పానని, రాం మాధవ్ చెప్పారు.

టిటిడి భూములు విషయంలో, వెనక్కు తగ్గిన విషయాన్నీ స్వాగతిస్తూనే, మొదట అమ్మేయాలని తీసుకున్న నిర్ణయాన్ని తాను తప్పుబట్టానని అన్నారు. ముఖ్యమంత్రికి తెలిసి అన్ని నిర్ణయాలు జరుగుతాయని అనుకోవటం లేదని, కాని అన్ని విషయాలు ఆయన తెలుసుకుని జాగ్రత్తగా ఉండాలని చెప్పానని రాం మాధవ్ అన్నారు. రాష్ట్రానికి అన్ని రకాలుగా సహాయం చెయ్యటానికి, కేంద్రం ఎప్పుడూ సిద్ధంగా ఉంటుందని, గతంలో చంద్రబాబు ప్రభుత్వానికి ఎలా సహకారం అందించామో, ఇప్పుడు కూడా అలాగే సహకారం అందిస్తున్నాం అని చెప్పానని ఆ లేఖలో తెలిపారు. ఏపిలో బీజేపీ ప్రతిపక్షంలో ఉందని, నిర్మాణాత్మక ప్రతిపక్షంగా, మేము వ్యవహరిస్తామని చెప్పానని, గుర్తు చేసారు. ఆ మాత్రాన, మేము రాష్ట్రాభివృద్ధికి వ్యతిరేకం కాదని, అర్ధం చేసుకోవాలని అన్నారు. నేను చెప్పింది ఇది అయితే సాక్షి వేరేది రాసింది అని, వాళ్ళు మొత్తం 40 నిమిషాల ఇంటర్వ్యూ ప్రసారం చేస్తే, మొత్తం అర్ధం అవుతుందని అన్నారు.