news

అక్రమాస్తుల కేసులో వైఎస్ జగన్ మోహన్ రెడ్డి పై 11 సిబిఐ కేసులు, 5 ఈడీ కేసులు ఉన్న సంగతి తెలిసిందే. ఈ కేసుల విచారణ కోసం, జగన్ మోహన్ రెడ్డి ఏ1 గా, విజయసాయి రెడ్డి ఏ2గా, మిగతా వారు , ప్రతి వారం నాంపల్లి సిబిఐ కోర్ట్ కు హాజరావుతున్నారు. ప్రతి శుక్రవారం వీరు సిబిఐ కోర్ట్ కు హాజరుకావాల్సి ఉంది. అయితే, జగన్ మోహన్ రెడ్డి, ప్రభుత్వంలోకి వచ్చిన తరువాత, ఆయనకు ప్రతి శుక్రవారం వీలు కాకపోవటంతో, ఇప్పటి వరకు ఒక్క శుక్రవారం కూడా ఆయన సిబిఐ కోర్ట్ కు హాజరుకాలేదు. గత నాలుగు నెలలుగా ఒక్కసారి కూడా కోర్ట్ కు వెళ్ళకుండా, ప్రతి వారం మినహాయింపు అడుగుతూ వస్తున్నారు. అయితే, ప్రతి వారం ఇలా మినహాయింపు ఇవ్వాలి అంటే, కోర్ట్ ఏమంటుందో అని, ప్రతి శుక్రవారం కోర్ట్ కు రావటం కుదరదని, తన బదులు, ప్రతి వారం సిబిఐ కోర్ట్ కు, తన తరపున లాయర్ వస్తారాని, కావలసినప్పుడు తాను వ్యక్తిగతంగా హాజరు అవుతానాని, సిబిఐ కోర్ట్ ని కోరారు.

తాను ఇప్పుడు సియం అయ్యాను అని, అదీ కాక మా రాష్ట్ర ఆర్ధిక పరిస్థితి బాగోలేదని, ప్రతి శుక్రవారం తాను హైదరాబాద్ రావాలి అంటే, తనతో పాటుగా బద్రతా సిబ్బంది వస్తారని, ఇది ఆర్ధికంగా బారం అని, అందుకే మినహాయింపు ఇవ్వాలని కోరారు. అయితే జగన్ పిటీషన్ పై, సిబిఐ, చాలా ఘాటుగా, అతి పెద్ద పిటీషన్ దాఖలు చేసింది. చట్టం ముందు, సియం అయినా, సామాన్యుడు అయినా ఒకటే అని కోర్ట్ కి చెప్పింది. అలాగే, జగన్ మోహన్ రెడ్డి ఎంపీగా ఉన్నప్పుడే, సాక్షులను ప్రభావితం చేసారని, ఇప్పుడు ఆయన సియం అని, సాక్ష్యులని ప్రభావితం చేసే అవకాసం ఉందని చెప్పింది. అలాగే, ఇది వరకే, జగన్ మినహియింపు కోరారని, అప్పుడు హైకోర్ట్, ఆ పిటీషన్ కొట్టేసిందని, గుర్తు చేసింది.

అయితే ఇప్పుడు సియం అని అందుకే మినహియింపు ఇవ్వాలని, రాష్ట్ర ఆర్ధిక పరిస్థితి గురించి చెప్పటం, సమంజసం కాదని, హైదరాబాద్ కి, విజయవాడకి పెద్ద దూరం లేదని, ఆయన రావటానికి ఎలాంటి ఇబ్బందులు ఉండవని, ఆయన పనులు మిగతా రోజుల్లో చేసుకోవచ్చని, ఆ పిటీషన్ లో చెప్పింది. ఇలా చాలా ఘాటుగా, ఆ పిటీషన్ లో, సిబిఐ పేర్కొంది. అయితే ఈ పిటీషన్ రేపు, విచారణకు రానుంది. సిబిఐ తరుపున లాయర్లు గట్టిగా వాదనలు వినిపించనున్నారు. జగన్ తరుపు లాయర్లు మాత్రం, సియం అని చెప్పటం తప్ప, పెద్దగా వాదించటానికి ఏమి ఉండే అవకాసం లేదు. ఈ నేపధ్యంలో రేపటి విచారణ పై, ఉత్కంఠ నెలకొంది. జగన్ కు వ్యతిరేకంగా తీర్పు వస్తే, సియం హోదాలో ఉంటూ, వారం వారం కోర్ట్ కు వెళ్తున్నారు అనే ఆరోపణలు ఎదుర్కోవాల్సి వస్తుందని, వైసిపీ కార్యకర్తలు భయపడుతున్నారు.

ఆంధ్రప్రదేశ్ రాష్ట్రంలో, ప్రభుత్వ పెద్దలు తమకు నచ్చని ఛానెల్స్ ను బ్యాన్ చేసిన సంగతి తెలిసిందే. దాదపుగా నెల రోజులుకు పైగా, మన రాష్ట్రంలోని సిటి కేబుల్ తో పాటు, ప్రభుత్వానికి చెందిన ఏపి ఫైబర్ నెట్ లో, ఏబీఎన్ ఛానెల్ తో పాటుగా, టీవీ5 ఛానెల్ ప్రసారాలు కూడా ఆగిపోయాయి. అయితే దీని పై ప్రభుత్వం డైరెక్ట్ ఎలాంటి స్టేట్మెంట్ ఇవ్వలేదు. పలానా కారణంతో ఆపమని ఆదేశాలు ఇచ్చామని చెప్పలేదు. ఈ అనధికార బ్యాన్ పై, ఏబీఎన్, టీవీ5 ట్రిబ్యునల్ కు వెళ్ళాయి. టెలికాం వివాదాలు పరిష్కరించే అప్పిలేట్ ట్రిబ్యునల్(టీడీశాట్) వద్ద, ప్రభుత్వ చర్యలను తప్పుబడుతూ, ఈ రెండు ఛానెల్స్ ఫిర్యాదు చేసాయి. అయితే ఈ విచారణ కొనసాగుతూనే ఉంది. గతంలో జరిగిన విచారణలో టీడీశాట్‌ బాగా సీరియస్ అయిన విషయం తెలిసిందే. వెంటనే ఛానెల్స్ విడుదల చెయ్యాలని, అలా చెయ్యకపోతే, రోజుకు రెండు లక్షల ఫైన్ కట్టాల్సి ఉంటుందని, ప్రభుత్వాన్ని హెచ్చరించాయి.

అయితే, ఈ రోజు మరోసారి ఈ కేసు టీడీశాట్‌ లో విచారణకు వచ్చింది. టీడీశాట్‌ గతంలో ఇచ్చిన ఉత్తర్వులను అమలు చేయకపోవడంతో, ఏపీ ఫైబర్‌ నెట్‌ కోర్టు ధిక్కారణకు పాల్పడిందని టీడీశాట్‌ నిర్ధారిణకు వచ్చింది. అయితే ప్రభుత్వం మాత్రం బలే వింత వాదనతో ముందుకు వచ్చింది. ఈ రెండు ఛానెల్స్ మేము కావాలని ఆపలేడని, సాంకేతిక కారణంగానే ఛానల్‌ ప్రసారాలు నిలిచిపోయాయని ఏపీ ఫైబర్‌ నెట్‌ వివరణ ఇచ్చింది. ఈనెల 22 లోపు ప్రసారాలు పునరుద్ధరిస్తామని టీడీశాట్‌‌కు, ఏపి ఫైబర్ నెట్ తెలిపింది. అయితే, ఏబిఎన్ ఛానెల్ విషయంలో, గతంలో ఇచ్చిన ఉత్తర్వులను అమలు చేయకపోవడంతో, ఏపీ ఫైబర్‌ నెట్‌కు జరిమానా విధింపును 22న నిర్ణయిస్తామని టీడీశాట్‌ పేర్కొంటూ, తదుపరి విచారణను అక్టోబర్ 22వ తేదీకి వాయిదా వేసింది.

ఇక మరో పక్క, టీవీ5 విషయంలో, ఇప్పటికే ప్రభుత్వం పై ఫైన్ ఉన్న సంగతి తెలిసిందే. గతంలో విధించిన జరిమానా కొనసాగిస్తూ నేటికి రూ.32 లక్షలు జమ చేయాల్సిందిగా టీడీశాట్‌, ఏపీ ఫైబర్‌ నెట్‌ కు చెప్పింది. అయితే ఈ జరిమానా పై, ఏపి ఫైబర్ నెట్ వివరణ ఇచ్చింది. ఇప్పటికే సంవత్సరానికి రూ.150 కోట్లు నష్టాల్లో ఉన్నామని ఏపీ ఫైబర్ నెట్ ట్రిబ్యునల్‌కు తెలిపింది. జరిమానా చెల్లింపులో కొంత ఇబ్బందులు ఉన్నాయంటూ తప్పించుకునేందుకు చేసిన యత్నాన్ని ట్రిబ్యునల్ తోసిపుచ్చింది. ఇక మరో పక్క, ఫైబర్‌ నెట్‌ చెబుతున్నట్టుగా సాంకేతిక సమస్య నిజమా కాదా అని..తేల్చడానికి టీడీశాట్‌ కమిటీని నియమించింది. ఈనెల 22 తర్వాత కూడా చానళ్ల పునరుద్ధరణ జరగకపోతే.. ఏపీ ఫైబర్‌ నెట్‌లో తనిఖీ చేయాలని కమిటీకి టీడీశాట్‌ చైర్మన్‌ ఆదేశించారు.

ప్రభుత్వానికి మచ్చ తెచ్చే కధనాలు రాస్తే, 24 గంటల్లో కోర్ట్ కు వెళ్ళండి, అంటూ మీడియాని, సోషల్ మీడియాని అణగదొక్కే ప్రయత్నం చేస్తుంది జగన్ ప్రభుత్వం. అంటే దీని ప్రకారం, ప్రభుత్వానికి భజన చేసే కధనాలే కాని, ప్రభుత్వం చేస్తున్న ప్రజా వ్యతిరేక చర్యలు పై, ఎలాంటి కధనాలు రాయటానికి వీలు లేదు. అలా రాస్తే కేసులు పెట్టేస్తారు. అది ప్రింట్ మీడియా అయినా, ఎలక్ట్రానిక్ మీడియా అయినా, సోషల్ మీడియా అయినా. ఇది అమలు లోకి వస్తే, ప్రభుత్వం ఎలాంటి తప్పులు చేస్తున్నా చూస్తూ కుర్చువాలి. ఎందుకంటె, ఏ ప్రభుత్వం మేము తప్పు చేస్తున్నాం అని ఒప్పుకోదు. మీడియా వేసిన ప్రతి వ్యతిరేక కధనం పై కోర్ట్ కు వెళ్తుంది. ఇలాంటి జీవోనే నిన్న ఆంధ్రప్రదేశ్ క్యాబినెట్ సమావేశంలో ఒకే చేసారు. పత్రికలు, టీవీ చానళ్లు, సోషల్‌ మీడియాలో ప్రభుత్వ పరువుకి భంగం కలిగించే కద్భాలు రాస్తే, వాటి పై 24 గంటల్లోగా న్యాయపరమైన చర్యలు తీసుకోవాలి అంట.

సంబధిత శాఖల అధికారులు, 24 గంటల్లో కేసు పెట్టాలని, పబ్లిక్‌ ప్రాసిక్యూటర్‌ ద్వారా సంబంధిత కోర్టులో కేసులు వేయాలని సూచించారు. అయితే ఇదే జీవో 2007 ఫిబ్రవరి 20న అప్పట్లో రాజశేఖర్ రెడ్డి తీసుకొచ్చారు. అయితే ఇది జాతీయ స్థాయిలో తీవ్ర విమర్శలకు దారి తీసింది. దీంతో అప్పటి వైఎస్ఆర్ ప్రభుత్వం, ఈ విమర్శలకు వెనక్కు తగ్గింది. ఆ జీవో రద్దు చేస్తునట్టు అసెంబ్లీలో కూడా చెప్పారు. అయితే అప్పట్లో రద్దు చేసాం అని చెప్పిన జీవోని, ఇప్పుడు జగన్ మోహన్ రెడ్డి మళ్ళీ తేవటం చర్చనీయంసం అయ్యింది. తప్పుడు వార్తలు అయితే ఒక పధ్ధతి. నిరాధార, పరువుకు భంగం కలిగించే వార్తలు పై కూడా కేసులు పెట్టాలని జగన్ ప్రభుత్వం నిర్ణయం తీసుకోవటం మాత్రం, అందిరకీ షాక్ కలిగించే అంశం.

అయితే మొన్నటి దాక, సాక్షి వేసిన కధనాలు అన్నీ ఇన్నీ కావు. మొన్నటి శేఖర్ రెడ్డి కధనాలే ఉదాహరణ. శేఖర్ రెడ్డి చంద్రబాబు బినామీ అని ఊదరగొట్టి, ఇప్పుడు టిటిడి ఇచ్చారు అంటే, ఎలాంటి విషం సాక్షి చిమ్మిందో అందరికీ తెలుసు. అయితే ఇప్పుడు జగన్ ప్రభుత్వం మాత్రం, ఇలాంటి జీవో ఇచ్చింది. అయితే, ఈ జీవో పై జాతీయ స్థాయిలో జర్నలిస్ట్ లు నుంచి విమర్శలు వస్తున్నాయి. "Andhra Pradesh CM @ysjagan trying to ‘muzzle’ media? " అంటూ టైమ్స్ నౌ ట్వీట్ చేసింది. "CM @ysjagan ’s attempt to ‘gag’ the media reminds me of the Emergency situation of 1975" అంటూ R. RAJAGOPALAN అనే సీనియర్ జర్నలిస్ట్ అన్నారు. "If this information of alleged media gag and punishing those who don't put out "reports favourable to govt" then it's a big setback to the reputation of @AndhraPradeshCM Stiffling media voice not in favour of a healthy democracy @ysjagan Garu" అంటూ మరో సీనియర్ జర్నలిస్ట్ ట్వీట్ చేసారు.