news

ప్రతిపక్షంగా ఉన్న ఎవరైనా, అధికార పక్షం మీద పోరాటం చేస్తారు. అదీ కాక, ఇప్పటికి అయుదు నెలలు జగన్ అధికారంలోకి వచ్చి. ఈ అయుదు నెలల్లో, రాష్ట్రం సంక్షోభం వైపు వెళ్తుంది. 40 లక్షల మండి భవన నిర్మాణ కార్మికులకు, ఈ అయుదు నెలల్లో అసలు పని లేదు. రాష్ట్రానికి ఒక్క రూపాయి పెట్టుబడి రావటం లేదు. ఎక్కడ పనులు అక్కడ ఆగిపోయాయి. జీవనాడి అయిన పోలవరం పనులు, ఇప్పట్లో మొదలయ్యే అవకాశమే కనిపించటం లేదు. ఇక అమరావతి సంగతి ఎంత తక్కువ మాట్లాడితే అంత మంచిది. మరో పక్క పేదలు అన్నం తినటానికి పెట్టిన అన్న క్యాంటీన్ లు మూత పడ్డాయి. ప్రభుత్వం ప్రవేశ పెడుతున్న పధకాలు అన్నీ అరకొరగా లబ్దిదారులకు చేరుతున్నాయి. ఇన్ని జరుగుతున్నా, ఆంధ్రప్రదేశ్ రాష్ట్రంలో బీజేపీ మాత్రం, జగన్ మోహన్ రెడ్డిని వదిలేసి, చంద్రబాబు పై పడ్డారు. వారికి వారే ఊహించుకుని, లేని సమస్య సృష్టించి, చంద్రబాబు మా వద్దకు వస్తే అసలు ఒప్పుకోం అంటున్నారు.

అసలు చంద్రబాబు మీ దగ్గరకు ఎందుకు వస్తారు అంటే దానికి జవాబు లేదు. అసలు ఆంధ్రప్రదేశ్ లో బీజేపీ అనే పార్టీని ఎవరూ గుర్తించటం లేదు కూడా. అటు జగన్ మొహన్ రెడ్డి అయితే, ఏపి బీజేపీ నేతలను పూచిక పుల్ల తీసినట్టు, తీసి అవతల వేస్తున్నారు. ఇక టిడిపికి, ఎలాగూ అవసరం లేదు. రాష్ట్రానికి బీజేపీ చేసిన దుర్మార్గం పై, పోరాడిందే టిడిపి. మొన్న ఎన్నికల్లో, నోటాకి 1.28 శాతం ఓట్లు వస్తే, బీజేపీకి 0.84 శాతం ఓట్లు వచ్చాయి. ఇలాంటి బీజేపీ పార్టీ, 40 శాతం ఓట్లు వచ్చిన టిడిపి పార్టీకి చాలెంజ్ చేస్తూ, మిమ్మల్ని మేము చేర్చుకోం అంటూ బిల్డ్ అప్ ఇస్తున్నారు. అయితే, ఈ వ్యూహం వెనుక, ఉన్న కారణం ఇట్టే అర్ధం చేసుకోవచ్చు అని, విశ్లేషకులు అంటున్నారు. బీజేపీకి ఏపిలో అసలు సీన్ లేదనే విషయం ఆ పార్టీ అధ్యక్షుడు కన్నాని చూస్తేనే అర్ధం అవుతుందని అంటున్నారు. వైసీపీలోకి వెళ్ళే కన్నాను రాత్రికి రాత్రి ఆపి, బీజేపీ అధ్యక్షుడుని చేసారంటేనే వారి పరిస్థితి అర్ధం అవుతుందని అంటున్నారు.

అయితే, మొన్నటి ఎన్నికలల్లో టిడిపి దెబ్బ తిన్న తరువాత, టిడిపి నాయకులు అందరూ , తమ పార్టీలోకి వచ్చేస్తారని ఆశ పడ్డారు. అయితే కేసులు ఉన్న సుజనా, సియం రమేష్ లాంటి ఎంపీలు నలుగురు వెళ్లారు తప్పితే, తరువాత ఎవరూ వెళ్ళలేదు. దీంతో అయుదు నెలలు అయినా, ఇంకా ఎవరూ రాకపోవటంతో, బీజేపీ నేతలకు ఫ్రస్ట్రేషన్ పీక్స్ లోకి వెళ్ళింది. గతంలో దొంగలు అని విమర్శించిన సుజనాని చేర్చుకున్నా, ఎవరూ రాకపోవటంతో, ఇప్పుడు మళ్ళీ చంద్రబాబు పై విమర్శలు మొదలు పెట్టరు. బీజేపీ, టిడిపి, మళ్ళీ కలుస్తాయి అనే ప్రచారం వల్లే, ఎవరూ తమ పార్టీలో చేరటం లేదని ఏపి బీజేపీ నాయకులు భావన. అందుకే, అసలు చంద్రబాబుతో కలవం అని చెప్తూ, టిడిపి శ్రేణులకు సంకేతాలు ఇస్తున్నారు. అందుకే 0.84 శాతం ఓటు షేర్ ఉన్న పార్టీ, టిడిపి నేతలను తమ పార్టీలోకి తీసుకు రావాలనే వ్యుహ్యంలో, ఈ ప్రగల్భాలు పలుకుతున్నారు. ఇంత ఘోరంగా ఉన్న బీజేపీని, ఏపి ప్రజలు ఆదరిస్తారో లేదో, కాలమే సమాధానం చెప్తుంది.

రాష్ట్రంలో సంచలనం రేపిన ప్రముఖ నిర్మాణ సంస్థ మేఘా ఇంజినీరింగ్‌ ఇన్‌ఫ్రా కంపెనీ యాజమాన్యం ఆస్తుల పై ఆరు రోజులుగా ఐటీ అధికారుల సోదాలు జరిపిన సంగతి తెలిసిందే. ఆరు రోజుల పాటు, ఐటి దాడులు చెయ్యటం అంటే, ఇది ఒక సంచలనంగానే చెప్పచ్చారు. మేఘా కంపెనీ యాజమాన్యం మాత్రం ఇది ఐటీ అధికారులు ప్రతి ఏటా జరిపే ఖాతాల పరిశీలనలో భాగమేనని చెబుతున్నప్పటికీ, ఐటీ అధికారులు మాత్రం అందుకు భిన్నంగా ఆరు రోజులుగా మేఘా సంస్థ ప్రతినిధుల నివాసాలు, కార్యాలయాలు, బ్యాంకు ఖాతాలు, లాకర్‌లలో సోదాలు జరిపారు. ఎక్కడా స్టేట్ టీమ్స్ కి సమాచారం ఇవ్వకుండా, డైరెక్ట్ గా ఢిల్లీ నుంచి వచ్చిన టీమ్స్ ఈ సోదాలు జరిపాయి. సీఆర్పీఎఫ్ బలగాలు కూడా రంగంలోకి దిగి, బద్రత కల్పించాయి. అయితే మేఘా కృష్ణా రెడ్డి, రెండు తెలుగు రాష్ట్రాల ప్రభుత్వాలకు దగ్గర ఆయన కావటంతో, అన్ని జాగ్రత్తలు తీసుకున్నారు.

సోదాల్లో భాగంగా, బాలానగర్‌, ఐడీఏ బొల్లారం, మాదాపూర్‌ కావేరి హిల్స్‌లో మేఘా కంపెనీ ఛైర్మన్‌ పిచ్చిరెడ్డి, ఎండీ కృష్ణారెడ్డి, మరో డైరెక్టర్‌కు చెందిన ఖాతాలు, లాకర్‌లను ఐటీ అధికారులు సోదాలు చేపట్టినట్లు తెలిసింది. ఈ సమయంలో సంబంధితులనూ వెంట తీసుకుని వెళ్లి మరీ సోదాలు జరిపినట్లు సమాచారం. అన్ని ఖాతాలలో ఎంత మేరకు నగదు ఉంది ? లాకర్‌లలో ఎంత మొత్తంలో బంగారు నగలు, వజ్రాలు ఉన్నాయనే దానిపై వివరాలు సేకరించినట్లు సమాచారం. బాలానగర్‌ ఆంధ్రా బ్యాంకులోని లాకర్‌లో ఉంచిన నగలను ఐటీ అధికారులు స్వాధీనపరుచుకున్నట్లు తెలిసింది. వాటి విలువ దాదాపు రెండు కోట్ల రూపాయల వరకు ఉంటుందని ఐటీ వర్గాల ద్వారా తెలుస్తోంది. అయితే ఈ విషయాన్ని ఐటీ అధికారులు ఇప్పటి వరకు బయటకు చెప్పలేదు.

ఈ రోజు, ఐటి అధికారులు అఫిషియల్ ప్రెస్ నోట్ విడుదల చేసారు. ప్రెస్ నోట్ లో సంచలన విషయాలు ఉన్నాయి. 30 చోట్ల ఏక కాలంలో, హైదరబాద్, ఢిల్లీ , ముంబై లో దాడులు చేసామని, పెద్ద ఎత్తున నకిలీ బిల్లులు, సబ్ కాంట్రాక్టు లావాదేవీలు కనుక్కున్నామని చెప్పారు. లెక్కల్లో చాలా తేడాలు గమనించామని చెప్పారు. అంతే కాదు, హవాలా మార్గం ద్వారా, వందల కోట్లు గుర్తించి, వాటిని సీజ్ చేసామని చెప్పారు. ఇక 17.4 కోట్ల క్యాష్ కు సంబంధించి లెక్కలు లేకపోవటంతో, వాటిని కూడా సీజ్ చేసామని చెప్పారు. వీటి అన్నిటి పై, విచారణ జరుపుతున్నామని అన్నారు. అయితే, ఐటి ప్రెస్ నోట్ చూస్తే, వందల వేల కోట్లు హవాలా మార్గం ద్వారా వచ్చినట్టు అర్ధమవుతుంది. వీటి అన్నిటి పై విచారణ జరిపితే, పెద్ద తలకాయలు బయట పడటం ఖాయం..

వైఎస్ రాజశేఖర్ రెడ్డి ముఖ్యమంత్రి అయిన దగ్గర నుంచి, ఆంధ్రజ్యోతి రాధాకృష్ణ, ఈనాడు రామోజీ రావు మీద ఒంటి కాలు మీద వెళ్ళే వారు. తన పాలనకు వ్యతిరేకంగా కధనాలు వస్తే చాలు, వారిని ద్రోహులుగా చిత్రీకరించే వారు. కాని వైఎస్ఆర్ ఒక లైన్ దాటి వెళ్ళే వారు కాదు. విమర్శలు వస్తే, కొంచెం వెనక్కు తగ్గి, తెగే దాకా లాగే వారు కాదు. కాని ఆయన తనయుడు జగన్ మోహన్ రెడ్డి మాత్రం, దానికి పూర్తి భిన్నం. తనకు ఎవరైనా వ్యతిరేకంగా మాట్లాడితే చాలు, అటు సోషల్ మీడియాలో ఉన్న సామాన్యులు దగ్గర నుంచి, ప్రతిపక్షంలో ఉన్న ఎమ్మెల్యేల దగ్గర నుంచి, ఇటు పత్రికులు, టీవీ ఛానెల్స్ దాకా, అందరి సంగతి చూడటం మొదలు పెట్టరు. విమర్శ అనే మాట కూడా తట్టుకోలేక పోతున్నారు. ఇందులో భాగంగానే, గ్రామ సచివాలయ పేపెర్ లీక్ తో పాటుగా, రివెర్స్ టెండరింగ్ లో జరుగుతున్న స్కాం గురించి బయట పెట్టిన ఆంధ్రజ్యోతి కధనాలకు, వివరణ ఇచ్చే ప్రయత్నం చెయ్యకుండా, వాటి పై కక్ష తీర్చుకునే పనిలో ఉన్నారు.

ఇప్పటికే ఏబీఎన్, టీవీ5 బ్యాన్ చేసారు. ఇంకా ఈనాడు జోలికి వెళ్ళలేదు. అయితే ఇప్పుడు పేపర్ లను కూడా టార్గెట్ చేసారు. 24 గంటల్లో ప్రభుత్వానికి మచ్చ తెచ్చే వ్యతిరేక కధనాల పై కేసులు పెట్టమని చెప్పారు. ఇప్పుడు ఆంధ్రజ్యోతికి ఇచ్చిన పరిహారం విషయంలో కూడా, కఠినంగా వెళ్తున్నారు. 1986లో ఆంధ్రజ్యోతి భూమి జాతీయ రహదారి విస్తారణలో పోవటంతో, దానికి పరిహారంగా వైజాగ్ లో భూమి ఇచ్చారు. అయితే ఈ భూమి విషయంలో నిర్ణయం తీసుకున్న జగన్, ఆ భూమి వెనక్కు తీసుకుంది. దీని పై వీకెండ్ కామెంట్ లో ఆర్కే, జగన్ కు సవాల్ విసిరారు. "ఇదంతా అక్రమమనీ, మొదటిసారిగా ‘ఆంధ్రజ్యోతి’కి మాత్రమే అప్పనంగా భూమిని కేటాయించారనీ మంత్రి పేర్ని నానితోపాటు జగన్‌ మీడియా ప్రచారం చేయడాన్ని న్యాయస్థానంలో తేల్చుకుంటాం. ‘ఆంధ్రజ్యోతి’కి కేటాయించిన భూమి అక్రమమని ప్రభుత్వం నిజంగా భావిస్తుంటే ఒక పని చేద్దాం. మేం ఆ భూమిని ప్రభుత్వానికి ఇచ్చేస్తాం. అంతేకాకుండా ప్రభుత్వానికి చెల్లించిన 50 లక్షలను కూడా వదులుకుంటాం."

"జగన్మోహన్‌రెడ్డి 45 వేల కోట్ల రూపాయల మేర ప్రజాధనాన్ని దోచుకున్నారనీ, తీవ్ర ఆర్థిక నేరాలకు పాల్పడ్డారనీ సీబీఐ నిర్ధారించినందున.. ఆయన కూడా సదరు మొత్తాన్ని ప్రభుత్వ ఖజానాకు జమ చేస్తారా? ఇందుకు సిద్ధమేనా? అవినీతి కేసులలో విచారణ ఎదుర్కొంటున్న వ్యక్తి, ఆయన అనుచరులు ఇతరులకు బురద పూయాలనుకోవడం హాస్యాస్పదంగా ఉండదా!? " అంటూ ఆర్కే జగన్ కు సవాల్ విసిరారు. మరి జగన్ ఆ ఛాలెంజ్ ఒప్పుకుని, తన డేర్ చూపించగలరా ? చూద్దాం. ఇదే సందర్భంలో జగన్ తనకు రాయబారం పంపటం పై కూడా ఆర్కే చెప్పుకొచ్చారు. రాజశేఖర్‌రెడ్డి ముఖ్యమంత్రిగా ఉన్నప్పుడు, తమను బలపరిస్తే జూబ్లీహిల్స్‌ చెక్‌పోస్టు వద్ద ఉన్న విలువైన భూమిని ‘ఆంధ్రజ్యోతి’కి కేటాయిస్తామని అప్పట్లో ఇదే జగన్మోహన్‌రెడ్డిని, వైఎస్ఆర్ నా వద్దకు రాయబారం పంపారని, కాని షరతులకు లోబడి భూమి తీసుకోవడానికి అప్పుడు నేను అంగీకరించలేదని, జగన్ ఆ విషయం గుర్తుంచుకోవాలని ఆర్కే అన్నారు. మరి ఈ విషయం తప్పు అయితే, జగన్, ఆర్కే పై కేసు పెట్టాలి, ఎలాగూ కొత్త జీవో వచ్చింది కదా. చూద్దాం.