news

ఆ జడ్జిది పలానా కులం... ఆ జడ్జిని చంద్రబాబు మ్యానేజ్ చేసాడు. ఈ జడ్జిని మరోరకంగా చేసారు. ఈ జడ్జి మాకు వ్యతిరేకంగా తీర్పులు ఇస్తున్నాడు, క-రో-నా వార్డులో పడేయాలి.. ఇలా వైసీపీలో పై స్థాయి ప్రజా ప్రతినిధుల నుంచి, కింద స్థాయి సోషల్ మీడియా బ్యాచ్ వరకు, అందరూ జడ్జిల పై చేసిన కామెంట్స్, చేసిన అరాచకం అంతా ఇంతా కాదు. చివరకు ముఖ్యమంత్రి హోదాలో జగన్ మోహన్ రెడ్డి కూడా, ఇలాగే జడ్జిల పై, కోర్టుల పై కామెంట్స్ చేసారు. ఈ వైసీపీ బ్యాచ్ చేసిన అరాచకం ఎక్కడి దాకా వెళ్ళింది అంటే, ఏకంగా హైకోర్టు, వీళ్ళ మీద కంప్లైంట్ ఇచ్చే దాకా వెళ్ళింది. చివరకు ఇది సిఐడి విచారణకు ఇవ్వగా, అక్కడ కూడా సరైన న్యాయం జరగకపోవటం, సిబిఐకి ఈ కేసు అప్పచెప్పారు. దీనికి కారణం, కోర్టుల పై చేస్తున్న ఈ కామెంట్స్ వెనుక పెద్ద పెద్ద వ్యక్తులు ఉన్నారని, అందుకే సిబిఐ విచారణకు ఆదేశాలు ఇస్తున్నామని చెప్పారు. ఆ తరువాత కూడా ఏ మాత్రం జంకు లేకుండా, తమ ప్రభుత్వం చట్ట వ్యతిరేక నిర్ణయాలు తీసుకుందేమో అని చూడకుండా, మమ్మల్ని కావాలని టార్గెట్ చేసారు అంటూ, హడావిడి చేసారు. అయితే ఇలా ఇన్నాళ్ళు వైసీపీ పార్టీని చూసిన ఏపి ప్రజలు, నిన్నటి నుంచి వైసీపీ నేతలు చేస్తున్న వ్యాఖ్యలు చూసి ఆశ్చర్య పోతున్నారు. నిన్న ఎన్నికల కమిషన్ ఇచ్చిన షెడ్యుల్ ని, హైకోర్టు సస్పెండ్ చేసిన సంగతి తెలిసిందే.

దీంతో నిన్నటి నుంచి వైసీపీ నేతలు, హైకోర్టు ఇచ్చిన తీర్పు పై, తమ విజయంగా, నిమ్మగడ్డకు తగిన శాస్తిగా చెప్పుకున్నారు. కొడాలి నాని అయితే, ఇది కుక్క కాటుకి చెప్పు దెబ్బ అంటూ, హైకోర్టు చెప్పు దెబ్బలు కొట్టింది అనే విధంగా మాట్లాడారు. అలా అనుకుంటే, ప్రభుత్వానికి ఇప్పటికే కోర్టు కొట్టిన చెప్పు దెబ్బల లిస్టు డబల్ సెంచరీకి దగ్గరలో ఉందని కొడాలి నాని మర్చిపోయారేమో. ఇక మరో నాయకుడు అయితే, న్యాయం తమ వైపే ఉందని హైకోర్టు తీర్పుని గౌరవిస్తున్నాం అని అన్నారు. ఇలా ఎవరికి తోచింది వాళ్ళు చెప్తూ, హైకోర్టుని ఆకాశానికి ఎత్తేసారు. వైసీపీలో ఈ మార్పు చూసిన ప్రజలు ఆవాక్కయ్యారు. ఇప్పటికైనా వైసీపీకి కోర్టుల పట్ల, జడ్జిల పై మంచి అభిప్రాయం వచ్చినందుకు సంతోషిస్తూ, ఇక ముందు కూడా ఇలాగే కొనసాగాలని, వ్యతిరేక తీర్పులు వచ్చినప్పుడు కూడా, ఎక్కడ తేడా ఉందో చూసుకుని సరి చేసుకోవాలని అన్నారు. ఈ సందర్భంగా నిన్న ఇంత పెద్ద విషయంలో ఎదురు దెబ్బ తగిలినా, హుందాగా వేరే బెంచ్ ముందు అపీల్ చేసుకున్నారు కానీ, న్యాయవ్యవస్థను ఎవరూ విమర్శలు చేయలేదనే విషయం గుర్తుంచుకోవాలని అన్నారు.

రాష్ట్రహైకోర్టు ఎన్నికల కమిషన్ ఇచ్చిన షెడ్యూల్ ని తిరస్కరించి, ప్రజారోగ్యమే ముఖ్యమని చెప్పడం జరిగిందని, దాన్ని తాము తప్పుపట్టడంలేదని, కానీ అదేదో అధికారపార్టీ సాధించిన పెద్ద విజయంగా వైసీపీనేతలు భావించడాన్నే తాము తప్పుపడు తున్నామని టీడీపీఎమ్మెల్సీ అశోక్ బాబు స్పష్టంచేశారు. సోమవారం సాయంత్రం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. గతంలో ప్రభుత్వం తీసుకున్న అనేక ప్రజావ్యతిరేక నిర్ణయాలను హైకోర్టు తప్పుపట్టడం జరిగిందన్న ఆయన, ఆనాడు తేలుకుట్టిన దొంగల్లా కిమ్మనకుండా ఉన్న వైసీపీనేతలు, ఇప్పుడేదో పెద్ధ ఘనకార్యం సాధించినట్లు మాట్లాడటం సిగ్గుచేటన్నారు. ప్రభుత్వ నిర్ణయాలను తప్పుపట్టిందన్న అక్కసుతో ,హైకోర్టు న్యాయమూర్తు లను కూడా దూషించారని, ముఖ్యమంత్రి అయితే ఏకంగా హైకోర్టు చీఫ్ జస్టిస్ నే తప్పుపడుతూ సుప్రీంకోర్టుకే లేఖరాశాడన్నారు. కోర్టుల నిర్ణయాలు పక్కనపెడితే, ప్రభుత్వం నిజంగా ఎన్నికలకు వెళ్లడానికి ఎందుకు భయపడుతోందో చెప్పాలన్నారు. కోవిడ్ అనేదే ఉంటే ముఖ్యమంత్రి నేడు నెల్లూరులో వేలాదిమందితో బహిరంగ సభ ఎలా నిర్వహించాడో చెప్పాలని టీడీపీ ఎమ్మెల్సీ డిమాండ్ చేశారు. ద్యందుకాణాలు తెరిచినప్పుడు, పాఠశాలలు ప్రారంభిం చినప్పుడు, ప్రభుత్వకార్యక్రమాల పేరుతో అధికారపార్టీవారు సభలు, సమావేశాలు, ఊరేగింపులు నిర్వహించినప్పుడు లేని కరోనా ఎన్నికల నిర్వహణకు వచ్చేసరికి పాలకులకు ఎందుకు గుర్తుకొస్తుందో చెప్పాలన్నారు. అన్నివ్యవస్థలు రాష్ట్రంలో యథావిథి గా పనిచేస్తున్నప్పుడు వైరస్ ప్రభావం ఎక్కడుందో చెప్పాలన్నారు. కరోనా వ్యాక్సిన్ పంపిణీ అనేదికూడా ఫ్రంట్ లైన్ వారియర్లకే ముందు ఇస్తామని కేంద్రం స్పష్టంచేసినందున, ఎన్నికల సిబ్బందికి ఉన్న అభ్యంతరమేమిటని అశోక్ బాబు ప్రశ్నించారు. స్థానిక ఎన్నికలు వాయిదావేయమని కోరిన ప్రభుత్వం, తిరుపతి ఉప ఎన్నికను వాయిదా వేయమని ఎందుకు కోరడం లేదన్నారు. గతంలో స్థానికఎన్నికల నోటిఫికేషన్ వెలువడినప్పుడు, రెండు నెలలవరకు రాష్ట్రంలో కరోనాఅనేది రాదని చీఫ్ సెక్రటరీతో ఎన్నికల సంఘానికి లేఖరాయించిన ప్రభుత్వం, మార్చిలోఎన్నికలు నిర్వహించవచ్చనే హామీని ఏమైనా ఇవ్వగలదా అన్నారు.

ఈ ప్రభుత్వానికి ఎన్నికల్లో గెలుస్తామనే ఆలోచన ఉంటే, ఎందుకు ఎన్నికలు వాయిదా వేయిస్తుందో చెప్పాలన్నారు. ఎన్నికల కమిషనర్ గా రమేశ్ కుమార్ ఉంటే తమ దౌర్జన్యాలు, బెదిరింపులు, రిగ్గింగులు, ప్రలోభాలు పెట్టడం సాగవని తెలిసే ప్రభుత్వం ఎన్నికల నిర్వహణకు వెళ్లడంలేదని అశోక్ బాబు స్పష్టంచేశారు. రమేశ్ కుమార్ ఎస్ఈసీగా లేకుంటే ఎన్నికల్లో ఇష్టమొచ్చినట్లు చేసుకోవచ్చన్నఆలోచన ప్రభుత్వానికిఉందని, అధికారపార్టీ నేతలు, మంత్రుల మాటల్లోనే అర్థమవుతోందన్నారు. పార్టీ గుర్తుపై స్థానికఎన్నికలు జరగనప్పుడు ప్రభుత్వానికి వచ్చిన ఇబ్బందిఏమిటన్నారు. వ్యాక్సిన్ పంపిణీ జరిగే సమయంలో నే తిరుపతిఉప ఎన్నిక జరిగితే, అప్పుడు ప్రభుత్వం ఆ ఎన్నిక నిర్వహించవద్దని కోర్టునుఆశ్రయించగలదా అని అశోక్ బాబు ప్రశ్నించారు. పంచాయతీ ఎన్నికల్లో అధికారపార్టీ జెండా ఎగరదన్న ఒకేఒక్క కారణంతోనే ప్రభుత్వం, హడావుడిగా ఇళ్లపట్టాలు, అమ్మ ఒడి పేరుతో ప్రజలను మభ్యపెట్టే కార్యక్రమాలను నిర్వహిస్తోంద న్నారు. ఎన్నికలకోడ్ పల్లెలకు వర్తించదని తెలిసినప్పుడు, పథకాల అమలుకు వచ్చిన ఇబ్బంది కూడా ఏమీ ఉండదన్నారు. ఎన్నికలకమిషనర్ రాజీనామా చేయాలంటున్న ప్రభుత్వం, మంత్రులు, గతంలో ప్రభుత్వానికి వ్యతిరేకంగా హైకోర్టు ఇచ్చిన అనేక తీర్పులపై ఎందరురాజీనామాలు చేశారో చెప్పాలన్నారు. ఈరోజు హైకోర్టు ఇచ్చిన తీర్పే అంతిమతీర్పు కాదనే నిర్ణయాన్ని ప్రభుత్వం గుర్తంచుకుంటే మంచిదన్నారు. హైకోర్టు నిర్ణయాన్ని సుప్రీంకోర్టు తప్పుపట్టి, ఎన్నికలు పెట్టాల్సిందే నని చెబితే అప్పుడు వైసీపీప్రభుత్వం ఏంచేస్తుందో చెప్పాలన్నారు. కోర్టు ఉత్తర్వుల ప్రకారం రాష్ట్రంలో ఎప్పుడుఎన్నికలు జరిగినాకూడా టీడీపీకి వచ్చిన ఇభ్బందేమీ లేదన్నారు.

ఆంధ్రప్రదేశ్ రాష్ట్ర ఎన్నికల కమీషనర్ నిమ్మగడ్డ రమేష్ కుమార్, ఈ రోజు గవర్నర్ ను కలవాలని నిర్ణయం తీసుకున్నారు. ఈ రోజు ఉదయం 11:30 గంటలకు గవర్నర్ ఆయనకు అపాయింట్మెంట్ ఇచ్చారు. గత నాలుగు రోజులు నుంచి జరుగుతున్న పరిణామాలు అన్నీ నిమ్మగడ్డ, గవర్నర్ కు వివరించనున్నారు. రాజ్యాంగబద్ధ పదవిలో ఉన్న తన పై ప్రభుత్వంలోని వివిధ వర్గాలు చేస్తున్న విమర్శలు, అలాగే ఎన్నికలకు సహకరించబోమని, ఉద్యోగులు, పోలీసులు చెప్పటం పై, ఆయన ఆగ్రహంగా ఉన్నతు తెలుస్తుంది. ఇన్నాళ్ళు సభలు, సమావేశాలు, ఈ పధకం, ఆ పధకం అంటూ ఉద్యోగులను కూడా భాగస్వామ్యులను చేసి, పెద్ద పెద్ద మీటింగ్ లు పెట్టారని, ఇప్పుడు ఎన్నికలు అనగానే తన పై దాడి చేస్తున్నారని, ఆ సభలకు సంబంధించిన ఫోటోలు గవర్నర్ కు ఇచ్చే అవకాసం ఉన్నట్టు తెలుస్తుంది. ఇక అదే విధంగా, ఏ పరిస్థితిలో ఎన్నికల షెడ్యుల్ ఇవ్వాల్సి వచ్చింది, తరువాత జరిగిన పరిణామాలు, సింగల్ బెంచ్ షెడ్యుల్ రద్దు చేయటం, మళ్ళీ ఈ రోజు డివిజన్ బెంచ్ కు అపీల్ చేయటం, ఇవన్నీ గవర్నర్ కు నిమ్మగడ్డ వివరించనున్నారు. అదే విధంగా ఎన్నికలు పెట్టే ముందు చేసిన కసరత్తు కూడా, నిమ్మగడ్డ వివరించే అవకాసం ఉంది. ముఖ్యంగా వివిధ రాష్ట్రాల్లో ఈ మధ్య కాలంలో జరిగిన ఎన్నికల గురించి, నిమ్మగడ్డ ప్రస్తావించే అవకాసం ఉంది.

ముఖ్యంగా బీహార్, కర్ణాటక, రాజస్తాన్, హర్యానా ఎన్నికలతో పాటుగా, కేరళలో జరగబోయే ఎన్నికలు గురించి, అలాగే మన పక్కన ఉన్న హైదరాబాద్ లో జరిగిన మునిసిపల్ ఎన్నికల గురించి, అక్కడ తీసుకున్న జాగ్రత్తలు, మనం ఏమి చేస్తున్నాం అనేవి వివరించే అవకాసం ఉంది. ఇక సుప్రీం కోర్టు కూడా ఈ మధ్య కాలంలో, ఎన్నికలకు అభ్యంతరం చెప్పలేదనే విషయం కూడా చెప్పే అవకాసం ఉందని తెలుస్తుంది. మొత్తంగా, పూర్తి ఆధారాలతో, ఆయన తన వాదనను గవర్నర్ వద్ద వివరించే అవకాసం ఉంది. మరో పక్క, ఈ రోజు జగన్ మోహన్ రెడ్డి కూడా గవర్నర్ ను కలుస్తారని తెలుస్తుంది. మొత్తంగా, ఈ రోజు రాజ్ భవన్ వేదికగా ఎలాంటి సంచలనాలు ఉంటాయో చూడాలి. ఇక, ఈ రోజు రాష్ట్ర ఎన్నికల కమిషన్ వేసిన పిటీషన్ ను డివిజన్ బెంచ్ విచారించనుంది. నిన్న సింగల్ బెంచ్ ఇచ్చిన తీర్పుని, రాష్ట్ర ఎన్నికల కమిషన్ నిన్నే డివిజన్ బెంచ్ లో ఛాలెంజ్ చేసింది. ఈ రోజు దీని పై విచారణ చేస్తామని డివిజన్ బెంచ్ అంగీకరించింది.