news

ఇప్పటికే రెండు తెలుగు రాష్ట్రాల మధ్య కృష్ణా నదీ జలాల వినియోగం, కొత్త ప్రాజెక్టుల విషయంలో, అగ్గి రేగిన సంగతి తెలిసిందే ఇప్పుడు తాజాగా మరో ప్రతిష్టంభన నెలకొంది. తెలుగు రాష్ట్రాల మధ్య ఆర్టీసీ బస్సులు తిరగడంపై చర్చలు గత నెల రోజులుగా ముందుకు సాగడం లేదు. నిన్నమొన్నటి వరకు కిలో మీటర్ల ప్రాతిపదికన బస్సులు నడుపుదామంటూ పట్టుబట్టిన తెలంగాణ అధికారులు..తాజాగా రూట్ల ప్రాతిపదికన బస్సులు నడుపుదాంటూ పట్టుబట్టడంతో మంగళవారం నాటి చర్చలు అసంపూర్తిగా ముగిశాయి. వివాదం పరిష్కారం అయ్యే వరకు రోజుకు 70వేల కిలో మీటర్ల మేర 250 సర్వీసులు రెండు వైపుల నుంచి తాత్కాలికంగా నడుపుదా మంటూ ఏపీ అధికారులు చేసిన ప్రతిపాదనకు సైతం తెలంగాణ అధికారులు ముందుకు రాలేదని తెలిసింది. గత 2 నెలలుగా తెలుగు రాష్ట్రాల మధ్య ఆర్టీసీ బస్సులు తిప్పేందుకు ఏపీఎస్ ఆర్టీసీ అధికారు లు పలు ప్రయత్నాలు చేస్తున్నారు. చర్చలు ఎంతకూ కొలిక్కి రాకపోవడంతో రాష్ట్రరవాణాశాఖ ముఖ్య కార్యదర్శి, ఆర్టీసీ ఎండీ ఎంటీ కృష్ణబాబు - టీఎస్ రవాణాశాఖ ముఖ్య కార్యదర్శి, ఆర్టీసీ ఇన్చార్జి ఎండీ సునీల్ శర్మతో మంగళవారం హైదరాబాద్ లో సమావేశమయ్యారు.

రెండు రాష్ట్రాల మధ్య ఆర్టీసీ సర్వీసుల పునరుద్దరణపై సుదీర్ఘంగా చర్చించారు. తెలంగాణ అధికారుల కోరిక మేరకు కిలో మీటర్లు తగ్గించుకునేందుకు ఏపీ అధికారులు ముందుకొ చ్చారు. 2.62లక్షల కిలో మీటర్ల నుంచి లక్షా 50 వేల కిలో మీటర్లకు తగ్గేందుకు అంగీకరించారు. తొలి రోజుల్లో ఏపీ బస్సులు తెలంగాణ భూభాగంలో 3.48 లక్షల కిలో మీటర్లు రోజువారీ రాకపోకలు సాగించేవి. అప్పట్లో అక్కడి అధికారుల ప్రతిపాదనల మేరకు 2.62 లక్షలకుకిలో మీటర్లు పరిమితం చేసి రోజుకు 800 సర్వీసులను ఏపీఎస్ ఆర్టీసీ నిర్వహిస్తోంది. ఇదే క్రమంలో తెలంగాణ రాష్ట్ర రోడ్డు రవాణా సంస్థ లక్షన్నర కిలో మీటర్ల మేర ఏపీలో 300 బస్సు సర్వీసులు నడుపుతోంది. గత రెండు నెలలుగా ఆర్టీసీ సర్వీసుల పునరుద్దరణకు ఏపీ అధికారులు పలు ప్రతిపాదనలు చేసినప్పటికీ కిలో మీటర్లు తగ్గిస్తే తప్ప అంగీకరించేది లేదంటూ తెలంగాణ అధికారులు పట్టుబట్టారు. తాము తగ్గడం కంటే టీఎస్ ఆధికారులు పెంచుకోవాలని ఏపీ అధికారులు చేసిన సూచనకు అక్కడి అధికా రులు ససేమిరా అన్నారు. ఈ క్రమంలోనే ఇరు రాష్ట్రా లరవాణాశాఖ ముఖ్య కార్యదర్శుల భేటీలో 2.62 లక్ష ల కిలోమీటర్ల నుంచి లక్షన్నర కిలో మీటర్లకు పరిమితం అయ్యేందుకు ఏపీ అధికారులు ముందు కొచ్చారు. ఓవైపు ఏపీ అధికారులు మెట్టుదిగి కిలో మీటర్లు తగ్గించుకుంటే..మరో వైపు టీఎస్ అధికారులు రూట్ల ప్రతిపాదన తెరపైకి తీసుకొచ్చారు.

ఆంధ్రప్రదేశ్ రాష్ట్ర ప్రభుత్వానికి ఈ రోజు హైకోర్టులో మరో ఎదురు దెబ్బ తగిలింది. అమరావతిలో ఇన్సైడర్ ట్రేడింగ్ జరిగిందంటూ వైసిపీ ప్రభుత్వం, ముందుగా కొంత మంది మంత్రులతో కలిసి ఒక కమిటీ వేసింది. ఆ కమిటీలో బుగ్గన రాజేంద్రనాథ్ రెడ్డి, పెద్దిరెడ్డి రామచంద్రారెడ్డి, అనిల్ కుమార్ యాదవ్, కురసాల కన్నబాబు, గౌతమ్ రెడ్డి, అలాగే స్పెషల్ ఆహ్వానితుడుగా విజయసాయి రెడ్డి ఉన్నారు. వెళ్ళందరూ కలిసి తెలుగుదేశం పార్టీ నేతలు అమరావతిలో ఇన్సైడర్ ట్రేడింగ్ చేసారని తేల్చారు. దీంతో ప్రభుత్వం ఒక సిట్ వేసింది. అలాగే ఆ సిట్ కు కొన్ని అధికారాలు కూడా ఇచ్చింది. అయితే ఏ విధమైన ప్రాధమిక ఆధారాలు లేకుండా, ఏమి బయటకు చెప్పకుండా, కేవలం రాజకీయ దురుద్దేశంతోనే, ప్రతిపాక్షలను టార్గెట్ చెయ్యటానికే ఈ సిట్ వేసారని, ప్రాధమిక ఆధారాలు లేకుండా, గత ప్రభుత్వం చేసిన నిర్ణయాల పై సమీక్షలు చెయ్యటం కోసం ఎంక్వయిరీలు వెయ్యటం గతంలో లేవని, ఏదైనా తప్పిదాలు ఉంటే, ఆధారాలు చూపించి ముందుకు వెళ్ళాలని తెలుగుదేశం తన వాదన వినిపించింది.

అయితే దీని పై ప్రభుత్వం మొండిగా ముందుకు వెళ్తూ ఉండటంతో, తమను ఇబ్బంది పెట్టటానికి ప్రభుత్వం వ్యూహ రచన చేసిందని గ్రహించి, సిట్ ఏర్పాటు పై హైకోర్టులో పిటీషన్ దాఖలు చేసారు. ఏ విధమైన ప్రాధమిక ఆధారాలు లేకుండా, కేవలం ప్రతిపక్షాలను టార్గెట్ చెయ్యటానికి, గత ప్రభుత్వ నిర్ణయాల పై సమీక్ష చేస్తున్నారని, ఇది సరి కాదని హైకోర్టులో వాదించారు. ఇరు పక్షాల వాదనలు విన్న కోర్టు, దీని పై మధ్యంతర ఉత్తర్వులు ఇస్తూ, సిట్ విచారణ పై స్టే విధించింది. ఇది కేవలం ప్రతిపక్షాలను టార్గెట్ చెయ్యటానికి దురుద్దేశంతో చేసిన పని అంటూ, తెలుగుదేశం నేతలు వర్ల రామయ్య, ఆలపాటి రాజేంద్రప్రసాద్‌ వేసిన పిటీషన్ పై హైకోర్ట్ స్టే ఇస్తూ, తదుపరి ఆదేశాల వరకు స్టాయ్ విధించింది. దీని పై మాజీ మంత్రి ఆలపాటి రాజేంద్రప్రసాద్ స్పందిస్తూ, ఎలాంటి వివాదం లేకున్నా, ఏ ఆధారాలు లేకుండా, తమ పై ఆరోపణలు చేసి, అల్లరి చెయ్యటానికే సీట్ వేసారని, ఏదైనా చేస్తాం అని ప్రభుత్వం బెదిరిస్తుందని, న్యాయ స్థానం తమ వాదనతో ఏకీభావించి, ప్రభుత్వ దురుద్దేశ చర్యను అడ్డుకుందని అన్నారు.

ఇంద్రకీలాద్రికి చెందిన వెండి రథంలోని మూడు సింహాలు మాయం అయ్యాయన్న సమాచారం భక్తుల మనోభావాలను దెబ్బతీస్తోంది. ఈ నెల 5వ తేదీన తూర్పు గోదావరి జిల్లా అంతర్వేది ఆలయ రధం అగ్నికి ఆహుతి అయిన సంఘటన నేపధ్యంలో రాష్ట్రంలోని వివిధ ఆలయాలకు చెందిన రధాలు, ఇతర ఊరేగింపునకు వినియోగించే పల్లకిలు, వాహనాలు తదితరాలను భద్రపరుచుకోవాలని పోలీసులు సూచించారు. వాటికి జీయో ట్యాగింగ్ చేయాలని వాటి పరిరక్షణ దేవస్థానాల నిర్వహకులు, అధికారులు బాధ్యత వహించాలని పోలీసులు స్పష్టం చేస్తున్నారు. అంతర్వేది, అంతకముందుగత 15 నెలలుగా వివిధ దేవాలయాలలో చోటు చేసుకుంటున్న అవాంఛనీయ సంఘటనలపై రాష్ట్ర వ్యాప్తంగా రగడ నడుస్తోంది. రాజకీయ ప్రకంపనలు చోటుచేసుకున్నాయి. ఇలాంటి పరిస్తితిలో దుర్గగుడి వెండి రధంలోని రెండు సింహాలు మాయమయ్యాయన్న సమాచారం సంచలనం కలిగిస్తోంది. మహమండపం సమీపంలో వెండి రధాన్ని పార్కింగ్ చేసి ఉంచారు. ఊరేగింపులప్పుడు ఈ రధాన్ని బయటకు తీస్తారు. దసరా ఉత్సావలలో ప్రతి రోజు సాయంత్రం జరిగే నగరోత్సవం, చైత్రమాసం బ్రహ్మోత్సవాలు, ఉగాది సందర్భంగా, భవానీ దీక్షలలో కలశ పూజోత్సవం సందర్భంగా రధంలో అమ్మవారి ఉత్సవ మూర్తులను ఊరేగిస్తారు.

వెండి రధానికి బీమా సౌకర్యం ఉందని తగు జాగ్రత్తలు తీసుకున్నామని రెండు రోజుల క్రితమే దుర్గగుడి ఈవో సురేష్ బాబు వివరణ ఇచ్చారు. తాజాగా సింహాలు మాయమయ్యాయన్ని మీడియాలో విపరీత ప్రచారం జరుగుతోంది. అయితే ఈవో సురేష్ బాబు సింహాలు మాయమయ్యాయన్న విషయాన్ని స్పష్టం చేయడం లేదు. వెండి సింహాలు రధంలో ఉండే అవకాశం లేదని, వాటిని వాహనాలు భద్రపరిచే చోట లేదా వెండి సామానులు ఉంచే గదిలో, లాకర్లో ఉంచే అవకాశం ఉందని వివరణ ఇచ్చారు. వెండి సింహాల విషయమై రికార్డుల్ని క్షుణ్ణంగా పరిశీలించాల్సి ఉందని, లాకరన్ను చూసిన తరువాత కానీ ఇందులో వాస్తవం ఎంతనేది చెప్పలేమని చెబుతన్నారు. నిజంగా సింహాలు మాయమైనట్లయితే సెక్యూరిటీ సిబ్బందే పూర్తి బాధ్యత వహించాల్సి ఉంటుందన్నారు. ఇంద్రకీలాద్రిపై దుర్గామల్లేశ్వర దేవస్థానం వెండి రథంలోని వెండి సింహాలు మూడు మాయమయ్యాయన్న సమాచారం కలకలం రేపుతోంది.

కొండపై ఇరవై మంది హోంగార్డులు, 150మంది ప్రైవేటు సెక్యూరిటీ సిబ్బంది విధులు నిర్వహిస్తుంటారు. ఇంత పటిష్టమైన భద్రత ఉన్నప్పటికీ వెండి సింహాలు ఎలా మాయం అయ్యాయన్నది మిస్టరీగా మారింది. ప్రతి ఏడాది ఉగాది రోజు మాత్రమే రథంపై అమ్మవారిని ఊరేగిస్తారని ఆలయ అధికారులు చెబుతున్నారు. ఈ ఏడాది కరోనా కారణంగా ఉగాది ఉత్సవాలు నిర్వహించలేదు. 2019లో చివరి సారిగా ఊరేగింపు జరిగింది. అనంతరం వీటిని లాకర్ లో భద్రపరచాల్సి ఉంటుంది. వెండి సింహాలు భద్రంగా ఉన్నాయా.. లేదా అన్న విషయం తేలాలంటే రికార్డులు, లాకర్‌ను పరిశీలిస్తే కానీ చెప్పలేమని అధికారులు అంటున్నారు. తాజా ఘటన పాలకులు, అధికారులను ఇరకాటంలో పడేసింది. వెండి సింహాలు మాయమైన మాట నిజమైతే పెద్ద దుమారమే రేగుతుందనడంలో సందేహం లేదు.