news

రాజధాని అమరావతి ప్రాంతంలో, తాడికొండ నియోజకవర్గం నుంచి ఎమ్మెల్యేగా గెలిచిన ఉండవల్లి శ్రీదేవి పై సొంత పార్టీ నేత ఆరోపణలు చేస్తూ, ఒక సేల్ఫీ వీడియో విడుదల చేయటం సంచలంగా మారింది. గత మూడు నాలుగు రోజులుగా, ఇదే అంశం పై సోషల్ మీడియాలో కధనాలు వస్తున్నా, అవి ఎలాంటి వార్తలో అని ఎవరూ నమ్మలేదు. అయితే ఈ రోజు వైసీపీ నేత మేకల రవి, తన ఆవేదన చెప్తూ, సేల్ఫీ వీడియో విడుదల చేసారు. తన వద్ద ఎమ్మెల్యే, రూ.1.40 కోట్లు తీసుకున్నారని, 40 లక్షలు మాత్రమే తిరిగి ఇచ్చారని, మిగతా 80 లక్షలు అడుగుంటే, డీసీఎంఎస్ డైరెక్టర్ పదవి తీసుకున్నావ్ కదా, దానికి సరిపోయింది అంటూ ఎమ్మెల్యే బెదిరిస్తున్నారని, డబ్బులు అడుగుంటే, పోలీసులుకు చెప్పి అరెస్ట్ చేపిస్తాను అంటూ, బెదిరిస్తున్నారని, ఈ విషయం పై జగన్ మోహన్ రెడ్డి గారు కలుగు చేసుకుని తనకు న్యాయం చెయ్యాలి అంటూ, మేకల రవి తన అవేదన వ్యకం చేసారు. అయితే ఈ సేల్ఫీ వీడియో ఇప్పుడు సోషల్ మీడియాతో పాటు, మీడియాలో కూడా ప్రముఖంగా ప్రచారం అవుతుంది. అయితే దీని పై ఇప్పటి వరకు ఎమ్మెల్యే శ్రీదేవి గారు స్పందించ లేదు.

ఆయన పేరు అశ్వినీకుమార్‌ ఉపాధ్యాయ. బీజేపీ అధికార ప్రతినిధి అయినా, ఆయన ఎక్కువగా కోర్టుల్లోనే కనిపిస్తూ ఉంటారు. ఆయనకు పీఐఎల్ మ్యాన్ అని కూడా పేరు ఉంది. రాజకీయాలు కంటే, ఆయన ఎక్కువ కోర్తుల్లోనే గుడుపుతూ ఉంటారు. అయితే ఆయన గత వారం రోజులుగా, దేశ వ్యాప్తంగా వార్తల్లో నిలిచారు. దీని కారణం ఆయన సుప్రీం కోర్టులో వేసిన పిటీషన్. గతంలో సుప్రీం కోర్టు ఇచ్చిన తీర్పు ప్రకారం, ఆరోపణలు ఎదుర్కుంటూ, కేసులు ఉన్న ప్రజా ప్రతినిధుల కేసులు, ఏడాది లోపు విచారణ పూర్తవ్వాలి, అలాగే శిక్ష పడిన వారు ఎన్నికల్లో పోటీకి అనర్హులు. అయితే, ఈ తీర్పు ఇప్పుడు అమలు కావటం లేదు అంటూ, అశ్వినీకుమార్‌ ఉపాధ్యాయ సుప్రీం కోర్టుని ఆశ్రయించారు. ఈ కేసు పై, తమకు సహాయకారిగా ఉండాలి అంటూ, అశ్వినీకుమార్‌ ఉపాధ్యాయని అమికస్‌ క్యూరీగా సుప్రీం కోర్టు నియమించింది. సుప్రీం కోర్టు కోరినట్టు, ఆరోపణలు ఎదుర్కుంటున్న నేతల జాబితీ మొత్తం, సుప్రీం కోర్టు ముందు పెట్టారు. ఇక ఇది సుప్రీం కోర్టులో అంశం, కేంద్రం ఇచ్చే సమాధానం బట్టి, దీని పై సుప్రీం కోర్టు తమ ఆదేశాలు ఇస్తుంది.

అయితే అశ్వినీకుమార్‌ ఉపాధ్యాయ, వివిధ నాయకులు ఎదుర్కుంటున్న కేసులు వివరాలు ప్రస్తావిస్తూ, మీడియాతో మాట్లాడారు. ఈ సందర్భంగా జగన్ మోహన్ రెడ్డి కేసుప్రస్తావిస్తూ, గతంలో ముఖ్యమంత్రులుగా చేసిన లాలూ, జయలలిత, కేసులు తేలి శిక్ష పడతనానికి 20 ఏళ్ళకు పైగా పట్టిందని, ప్రస్తుతం కేసులు నడుస్తున్న జగన్ మోహన్ రెడ్డికి, అంత కాలం కాకుండా, వీలు అయినంత త్వరగా విచారణ జరిగి, ఏదో ఒకటి తేలాలని అన్నారు. అందరితో పాటుగా, జగన్ మోహన్ రెడ్డి పై ఉన్న కేసులు కూడా ఏడాది లోపు తేల్చేయాలని, తమ పోరాటం ఇదే అని అన్నారు. వివిధ హైకోర్టుల్లో, ప్రజా ప్రతినిధుల పై ఉన్న కేసుల వివరాలు కోర్టుకు సమర్పించాలని, ఇదే క్రమంలో సిబిఐ, ఈడీ కూడా సుప్రీం కోర్టు ఇవ్వాలని అన్నారు. ఇక ఆంధ్రప్రదేశ్ లో అవినీతి బాగా పెరిగిపోయిందనే సమాచారం ఉందని, ఏపి ఎమ్మెల్యేలో 55 శాతం మంది నేరచరితులని సర్వే చెప్పిందని, స్యాండ్, ల్యాండ్, లిక్కర్, తదితర వాటిల్లో అనేక స్కాంలు జరుగుతున్నాయనే సమాచారం ఉందని అన్నారు.

ఆంధ్రప్రదేశ్ రాష్ట్రంలో రాజకీయం రూపు మారుతుంది. గతంలో అభివృద్ధి, సంక్షేమం, లాంటి వాటి మీదే ఎన్నికలు జరిగేవి. 2019లో బీహార్ నుంచి దిగుమతి చేసుకున్న వ్యక్తి వల్ల , ఆంధ్రప్రదేశ్ సమాజం ఎప్పుడు లేనంతగా, కులాల వారీగా చీలిపోయింది. ఒక కులం అంటే మరొక కులానికి ద్వేషం పుట్టించేలా రాజకీయం చేసి, సక్సెస్ అయ్యారు. అయితే ఇప్పుడు కులం పక్కన పెట్టి, మతం వైపు ప్రజలను మళ్లించే ప్రయత్నాలు మొదలయ్యాయా అనే అనుమానం కలుగుతుంది. ఏది ఏమైనా ఇవ్వన్నీ చూస్తున్న అభివృద్ధిని కాంక్షించే వారికి, రాష్ట్రం పట్ల ప్రేమ ఉన్న వారికి మాత్రం, విచారం కలిగించే అంశాలు. ఆంధ్రప్రదేశ్ రాష్ట్రంలో గత 16 నెలలుగా, హిందూ మతాన్ని టార్గెట్ చేస్తూ, కొన్ని పనులు జరిగాయి అని, దీనికి వెనుక ప్రభుత్వ పెద్దలు ఉన్నారు అనేది బీజేపీ, జనసేన ఆరోపణ. మత మార్పిడులు ఎక్కువ అయ్యాయని, దేవాదాయ శాఖ నిధులు మళ్ళిస్తున్నారని, దేవాదాయ భూములు అమ్ముతున్నారని, కావాలని గుళ్లని టార్గెట్ చేస్తున్నారని, ఇలా అనేక ఆరోపణలు వస్తూ వచ్చాయి. అలాగే పాస్టర్లకు జీతాలు ఇవ్వటం పై కూడా బీజేపీ అభ్యంతరం చెప్పింది. ఇవన్నీ జరుగుతూ ఉండగానే, అంతర్వేది రధం దగ్ధం కావటం రాష్ట్ర వ్యాప్తంగా సంచలనం అయ్యింది. 62 ఏళ్ళ నాటి రధం దగ్ధం కావటంతో, సహజంగానే హిందువుల మనోభావాలు దెబ్బ తింటాయి.

అలాగే గతంలో నెల్లూరులోని బిట్రగుంటలో జరిగిన రధం దగ్ధం కూడా. అయతే ప్రభుత్వం, ఈ ఘటనలు వెనకాల ఎవరు ఉన్నది ? ఎవరు చేసింది తేల్చలేకపోయింది. పోలీసుల పైన ఈ విషయంలో విమర్శలు వస్తున్నాయి. సరిగ్గా ఇలాంటి సమయంలోనే బీజేపీ ఎంటర్ అయ్యింది. అంతర్వేది ఘటన పై గొడవ గొడవ చేసింది. గతంలో ఎప్పుడూ చూడని విధంగా, వీహెచ్పీ, ఆర్ఎస్ఎస్ అంటూ కొంత మంది కుర్రకారు వచ్చి ఆందోళన చేసారు. ప్రభుత్వాన్ని టార్గెట్ చేసారు. సరిగ్గా ఇక్కడే ప్రభుత్వానికి మంచి అవకాసం దక్కినట్టు అయ్యింది. విచారణలో ఎలాంటి పురోగతి లేకపోవటం, పోలీసులు ఏమి తేల్చలేదు అనే విమర్శలు వస్తున్న టైంలో, ఈ కేసుని సిబిఐకి అప్పగిస్తూ నిర్ణయం తీసుకుంది. దీంతో ఇప్పుడు ప్రభుత్వం పట్టుకోలేకపోయింది అనే విమర్శ రాదు. బీజేపీ గట్టిగా అడగటానికి ఉండదు. బాల్ ఇప్పుడు సిబిఐ కోర్టులో ఉంది. ఏదైనా సిబిఐ తేల్చాలి. ఒక్క దెబ్బతో, బాల్ బీజేపీ కోర్టులోకి నెట్టిన జగన్, ఈ విషయంలో బీజేపీ మరోసారి విమర్శలు చెయ్యకుండా చెక్ పెట్టారు. మరి బీజేపీ నేతలు, కేంద్రంతో మాట్లాడి, ఈ అంశం పై సిబిఐ విచారణకు అంగీకరించేలా చేసి, విచారణ వేగవంతం అయ్యేలా చేసి, అసలు నిజం బయట పెట్టేలా కేంద్రం పై ఒత్తిడి తెస్తారో లేదో.